Luke 20
20
1ယက်တာဂါရပ် ကိုယ်တော်ယေရှုနာ ဗိမာန်တော်ထဲယာ လူထုပရိသတ်အင် မင်္ဂလာသတင်း ကောင်းယင် ဟောဆနပ်တုန်းကရပ် ဂျူးပရောဟိတ်အကြီးအကဲရက်၊ ကျမ်းတတ်ဆရာရက်အိမ် ဂျူးလူမျိူးအကြီးအကဲရက် ထုပ်ဗာ(ဖ်)ကို 2ကိုယ်တော်ငင် "ဗိမာန်တော်အတာဟုန်းငါ အတတ်ကဒေလေ တရားဟော်ကနာ အဆီအခွင့်အာဏာအိမ် လုပ်ဟေကယား။ အယူက(လ်) အခွင့်အာဏာအီဟေ ကယား" ငါးဂို့ ကတာလင်ကဟေ။ 3အိမ်မကရပ် ကိုယ်တော်နာ "နနိန်ရက်ငင် ငါမေးခွန်းဆူးဝါကတာကာ" နနိန်ရက်ဖြေယင်း။ 4ယောဟန် အိန်းမြုပ်မင်္ဂလာအီဟေကနာ အယူကအခွင့် အာဏာအိမ်ယား။ ဘုရားရှင်ကအခွင့်အာဏာအိမ်လဲ။ လူးဟူးဟူးဝါကအခွင့်အာဏာအိမ်လဲ"ငါ့ကို ကတာလင်ကဟေ။ 5အိမ်မလူးရက်နာ အချင်းချင်းဆွေးနွေးဂို့ "အကယ်၍ ဘုရားရှင်ကအခွင့်အာဏာ ငါးဂို့ ငါရက်ဖြေနဲ့ အမှာနာ ငါ့ရက်အင် 'မှဒေငှားနဲ့ နနိန်ရက်အဇာရိက ယောဟန်ငင် အယုံကြည်ကယာ' ငါ့ကို ပြန်ကိုကတန်ကား။ 6လူးဟူဟူဝါက အခွင့်အာဏာငါ့ကိုဖြေနက်ကယေ့ လူထုပရိသတ်ရက်နာ ယောဟန်ယင် အရိယာသူတော်စင်ငါ့ကို ယုံကြည်တုန်းကအတွက် အမာရက်နာ ငါရက်အင် တာလုံအိမ် ကဓူ(ဖ်)လင်ကား"ငါ့ကို ငါ့လင်ကဟေ။ 7မှကြောင့် အမာရက်စာ ယောဟန်အိန်းမြုပ်မင်္ဂလာအီကဇိစ် ကအတွက် အခွင့်အာဏာအယူထနဲ့လူဟေက ငါဟေကအကြောင့်ငင် ငြင်းဆိုတုန်းလင်ကဟေ။ 8မှအခါ ကိုယ်တော်နာ "မှဒေလေငါနဲ့က(လ်) ငါမဒေလေလုပ်ကအတွက် အခွင့်အာဏာအယူထနဲ့ လှုဟေငါ့ဟေကားယေ့ နနိန်ရက်အင် ဖြေယန်ကအရိပါ(လ်)"ငါ့ကို ငါ့လင်ကဟေ။ 9ကျီးကအိမ် ကိုယ်တော်ယေရှုနာ လူထုပရိသတ်ရက်အင် ပုံဥပမာဆူဝါအိမ် ငှားဆနပ်ကနာ "လူးဟူးဝါးနာ စပျစ်ခင်းတစ်ခင်းငင် စုပ်လင်ကဟေ။ မှနောက်အာ အခင်းငင် အငှားအဟြန်ကို အချိန် အကြာကြီး ခရီးပြုလင်ကဟေ။ 10စပျစ်ဆီးဖော်ဗာ(ဖ်)ကအချိန်ငါ အမှာနာ အငှားဆာဟူးဝါဖြောက်ကို အမှာဂါလှုသင့်လှုထိုက်ဟေကား ဝေစုယင် လာကဇိစ်ဖြောက်လင်ကဟေ။ အခင်းငင်စောင်တုန်းက အငှားဆာရက်အ(လ်) အိမ်မာအငှားဆာယင် ပေါက်ကို လက်ဗလာဖြောက်လင်ကဟေ။ 11အိမ်မအခါ အခင်းပိုင်ရှင်နာ အယိုးကားအငှားဆာဟူးဝါ ဖြောက်လင်ဂါဟေ။ ဆိုရာတွင် အခင်းအငှားရက်အ(လ်) အငှားဆာရက်အင် ပေါက်ကို ဒဏ်ရာရက်အိမ် အစမ်းဇာရောက်မနိလုပ်ကို လက်ဗလာအိမ် ဖြောက် လင်ကဟေ။ 12ခြံအဗြိန်းမာနာ တတိယ အငှားဆာဟူးဝါ ထပ်ကိုဖြောက်နက်ကရပ်အ(လ်) ခြံအငှား ရက်နာ မာလားအငှားဆာရက်အင်ဒေလေ ပေါက်ဂို ပြန့်ဖြောက်နက်လင်ပီးဂဟေ။ 13မှအခါ ခြံအဗြိန်းမာနာ "ငါအဆာမီလုပ်ပေါ်ကယား။ ငါကအချစ်ဆုံးအဆာ ဖြောက်ပိုကား။ ခြံအငှားရက်နာ ငါကအဆာပိုနဲ့က(လ်) ရိုသေလေးစားကဟုန်း" အပါနာဂါအပါနာ ရွတ်ဆိုဂို့ အမှာဂါအဆာ ဖြောက်နက်ကဟေ။ 14ညီးငါ့ဒင့်ယေ့ ခြံအငှားဆာရက်နာ ခြံပိုင်ရှင်ကအဆာပိုဟေကအခါ "မှလူးနာ တစ်ချိန်ချိန်ငါ အမွေလှုကလူးဖြစ်ဟေ။ အမာလှုဂါအမွေနာ ငါ့ရက်ကဥစ္စဖြစ်ဂါဇီစ် အမင် ကတိုတ်နက်က ဟေမက်" ငါးဂို့ အချင်းချင်းဆွေးနွေးတိုင်းပင်ကို 15အမာရက်နာ ခြံအဗြိန်းမှာဂါအဆာ အပြင်ငင် ကိန်(လ်)ဂို့ ကတိုက်ဓူ(ဖ်)လင်ကဟေ။ မှဒဲ့ဖြစ်နဲ့ ခြံပိုင်ရှင်နာ အမှာရက်အင် အဇာလိစ်အန်ကငါ့ကိုထင် ဟေယား။" 16ခြံအဗြိန်းမှာနာ အမာကိုယ်တိုင်ဗန်(ဖ်)ဂို့ ခြံအငှားရက်အင် ကတိုတ်လင်ဂါ။ ကျီးနဲ့က(လ်) ခြံငင်ယေ့ အယိုကာဟူးဝါဇိစ် အက်လင်ကား" ငါးဂို ငှားဆနပ်လင်ကဟေ။ တတ်ပိုကလူးရက်အ(လ်) "မဒေလေကကိစ္စနာ လုံးဝအဖြစ်ပိုဇိစ်ယေ့" ငါးဂို့ ငှားလင်ဂယေ့ 17ကိုယ်တော်နာ အမှာရက်အင် စူးစိုက်ယူကို "တိုက်အင် ပြုကလူးရက် မလောက်ပီကားတာလုံနာ အရေးကြီးဆုံးထောင့်ချူပ်တာလုံ ဖြစ်ဗန်(ဖ်)ကဟေ"ငါ့ကို ကျမ်းစာယာရေးပီကနာ အဇာဆိုလိုကယား။ 18အိမ်မတာလုံဖုန်းငါ ကတိန်ဟေ ကလူးရက်နာ အပိုင်းပိုင်းတူကိုပျက်စီလင်ပိုကား။ ဟူးဝါးပါဆာထဲနဲ့ အိမ်မတာလုံ ကတိန်(လ်)နဲ့ကအ(လ်) အမှာနာ အအူးဆာဖြစ်လင်ဂါ" ငါးဂို့ ငှားလင်ကဟေ။ 19ဂျူးပုရောဟိတ်အကြီးအကဲရက်အိမ် ကျမ်းတက်ဆရာရက်နာ ကိုယ်တော်စာ အမှာရက်အင် ရည်ညွန့်ကို မှပုံဥပမာယင် ငါ့ဆနပ်ကအကြောင်း ချေးကို အိမ်မအချိန်ယာဒင့် ကိုယ်တော်ငင် ချက်ချင်းရိန်လင်ကယေ့ အမာရက်စာ လူထုပရိသတ်အင် အစက်ကိုတုန်းလင်ကဟေ။ 20မှအကြောင့် အမာရက်စာ ကိုယ်တော်ယင် စောင်ယူကို တူးရက်အာ အပြစ်ဆုံးကို ကိုယ်တော် ယင် ဘုရင်ခံလက်ထဲယာ ရိန်ကိုအက်ကဇိစ် သူတော်ကောင်းယောင်ဆောင်ဟေက သူလျှိုရက်အင် ဖြောက်လင်ကဟေ။ 21အိမ်မသူလျိုရက်နာ ကိုယ်တော်ယင်"ဆရာ၊ဆရာနာ မှန်မှန်ကန်ကန်ဟောဆနပ် ကို ဟူးဝင်ယေ့ မျက်နှာသာအအီထမ်း ဘုရားရှင်ကသာသနာတော်ယင် သမ္မာတရားအိမ်အညီး ငါ့ဆနပ်ဟေ မှန်ကန်မနီး ငါ့ဆနပ်ဟေကား ငါရက်ချေးနက်ဟေ။ 22မှအကြောင့် ရောမဧကရာဇ်အင် အခွန်ဆက်သဟေကနာ တရားတော်အိမ်ညီးဟေလဲ မဒေအရိနဲ့ အညီလဲငါဟေက ငါ့ရက်အင် ငါ့ဆနပ်အန်"ငါ့ကို့ လျှောက်တင်လင်ကဟေ။ 23ကိုယ်တော်နာ အမှာရက်ကပရိယာယ်ငင် ချေးတော်မူဂို့။ 24အမှာရက်အင် "ဒေနာရီတင်္ဂါးတစ်ပြားယင် ဆနပ်အန်။ အိမ်မနား အယူကားအရုပ် အိမ် အယူကအမိန်းယောဟေယား" ငါးဂို့ ကတာလင်ဟေ။ အမှာရက်အ(လ်) "ရောမဧကရာဇ်က အမိန်းအိမ်အရုပ်ဟုန်း" ငါးဂို့ ပြန်းဖြေလင်ကဟေ။ 25အိမ်မှအခါ ကိုယ်တော်နာ "ဆီဇာအိမ် သက်ဆိုင်ဂါ အရာငင် ဆီဇာဇိစ် အီယင့်ဂီ။ ဘုရားရှင်အိမ်သက်ဆိုင်ဂါး အရာရက်အင်ယေ့ ဘုရားရှင်ဇိစ်ပြန်းအီယင်း" ငါးဂို့ မိန့်တော်မူလင်ကဟေ။ 26အိမ်မားလူးရက်နာ လူပရိသတ်ရက်ကရှေ့ယာ ကိုယ်တော်ငင် အကင်မင် ဆုံးကို အပိုကအပြင် ကိုယ်တော်ကဖြေဟေကား တဗျင်းအံ့ဩငြိမ်သက်ဂို တိတ်ဆိတ် လင်ကဟေ။ 27အဆက်ပြန်ကိုဆိမ်းဟေကား အယုံကြည်ကအငါကား ဇဒ္ဒုကဲငါ့ကိုအော်ဟေကား လူးအချို့စာ ကိုယ်တော်ကမား ချည်းကပ်ကို 28"ဆရာ၊ မောရှေပညတ်ကျမ်းငါ အအိတာငါဟေကားလူးဟူးဝါနာ အဆာဆာအိအထွန်းကားထမ်း ဆိန်းကလင်နဲ့ ကျန်ငါ့ဒက်ကမုဆိုးမယင် ဆိန်းလင်ကလူးကအနည်းဆီ ဖြစ်ဟေကလူး လက်ထပ်ပိုဟေ။ အမှာရက်က အဆာဦးယင် ဆိန်းကလင်ကအဟူဗြာဂါး အဆာငါးဂို သတ်မှတ်ပိုဟေ'ငါကို ရေးသားပီဟေ။ 29မဒေလေငါ့နဲ့ နည်းဆီဖုံနား ခုနှစ်ယောက်က အပါးပြာဇိုးနာ အိမ်ထောင်ဟြန်ကို အဆာဆာအိအလှုထမ်း ဆိန်းကလင်ဟေ။ 30ဒုတိယပြာဇိုးနာ ကျန်ငါ့ဒက်က မုဆိုးမအင် လက်ထပ်ကယေ့ အဆာ၊ဆာအိ အလှုထမ်း ဆိန်းလင်ပီးကဟေ။ 31တတိယအနည်းဆီယေ့ မှအတိုင်းဖြစ်ကို နည်းဆီဖုံနားခုနှစ်ယောက်နာ အိမ်မဆိုးမအိမ် အိမ်ထောင်ဟြက်ကိုကျီးကရပ် ဆိန်းလင်ကဟေ။ 32နောက်ဆုံးငါ မှတဆာလောင်င(လ်) ဆိန်းလင်ကဟေ။ 33မဒေငါ့နဲ့ မှတာဆာ လောင်နာ နည်းဆီဖုံနားခုနှစ်ယောက်စလုံးအိမ် လက်ထပ်ဒက်ကအတွက် ဘုရားရှင်နာ ဆိန်းကလင်ကား လူးရက်အင် အဆက်ပြန်ကိုဆိမ်းဇိစ်ဟေကအခါ မှတာဆာလောင်နာ အယူဂါး အအိတာဖြစ်ဟေယား" ငါးဂို့ ကတာလင်ဂဟေ။ 34အိမ်မအခါ ကိုယ်တော်နာ "မှကမ္ဘာငါဟေကား လူတိုင်းနာ ထိမ်းမြား လက်ထပ်ဟေကရက် ငါဟေ။ 35ညီးင့ဒင့်ယေ့ အနာဂတ်ကာလယာ အဆက်ပြန်ကိုဆိမ်းဟေက လှုကအတွက် ထိုက်တန်ကလူးရက်ကအတွက် လက်ထပ်ထိမ်းမြားဟေကား အငါကဒေလေ ဆိန်းကယေ့ ငန်ကအရိနန်း။ 36အမှာရက်နာ ဆိန်းဟေက ကင်းလွတ်ကို ဟမန်းဒေဝါရက်အ(လ်) ဖြစ်လင်ကား။ အမာရက်နာ ပြန်ကိုဆိန်းဟေကလူကအတွက်ကြောင့်ယေ ဘုရားရှင်ကအဆာဆာအိရက်အ(လ်) ဖြစ်လင်ကား။ 37ဆိန်းကျီးတုန်းနန်းကလူးရက် ပြန်ကိုဆိမ်းဟေကအကြောင့်ယင် ဗန်ဟူးတုန်းကခြုံပုတ် အကြောင်းငါ မောရှေနာ "ဘုရားရှင်နာ အာဗြဟံ၊ ဣဇက်၊ ယာကုပ်ရက်က ဘုရားဖြစ်ဟေ" ငါ့ကို ရှင်းလင်းထင်ရှားစွာ ဖော်ဆနပ်ပီဟေ။ 38ဘုရားရှင်နာ ဆိန်းဟေကလူးရက်က ဘုရားရှင်အရိထမ်း အဆက်ငါဟေကား လူးရက်ကား ဘုရားမေဖြစ်ဟေ။ ဆိုလိုကနာ လူတိုင်းနာ ဘုရားရှင်ဂါးအလိုတော် အတိုင်းမယ် အဆက်ဆိမ်းတုန်းဟေ" ငါးဂို မိန့်တော်မူလင်ကဟေ။ 39ထိုအခါ ကျမ်းတတ်ဆရားအချို့နာ "ဆရာကအဖြေနာ သင့်တော်ကောင်းမွန်ဟေ" ငါးဂို့ လျှောက်တင်လင်ကဟေ။ 40အိမ်မအချိန်ငါ ဘင်းစဂို အဆီလူးဟူးဝါယေ့ ကိုယ်တော်ယင် အိမ်ဒေလေ ထောင်ချောက်ဆင်ဟေက မေးခွန်းရက် အကတာဗင်(ဖ်)လင်နန်း။ 41ကျီးကအိမ် ကိုယ်တော်နာ လူးရက်အင် "ကယ်တင်ရှင်မေရှိယနာ ဘုရင်ဒါဝိဒ်ကအဆာဖြစ်ဟေ ငါးဂို့ အဇာကြောင်း ငှားတုန်ဟေကယား" 42ဆာလံကျမ်းထဲယာ ဒါဝိဒ်ဘုရင်ကိုယ်တိုင်နာ "ဘုရားရှင်နာ ငါကအရှင်ယင် 43"နင်ဂါရန်သူရက်အင် ငါကအတာအမုန်အာ ခြေတင်ခုံတလည် ငါအဟြတ်ပီကအထိ ငါကပုတ်ဆလက်ဖက်အာ တုန်းငင်" ငါးဂို့ ငါ့ပီဒက်ဟေ"ငါ့ကို ငှားလင်ကဟေ။ 44မဒေငါ့နဲ့ ဒါဝိဒ်နာ ကယ်တင်ရှင်မေရှိယယင် "ငါကအရှင်'ငါ့ဟေငါနဲ့က(လ်) ကယ်တင်ရှင်မေရှိယနာ ဒါဝိဒ်ကအဆာ အဆာမိဖြစ်အန်လှုကယား" ငါးဂို့ ငါ့လင်ကဟေ။ 45ကိုယ်တော်စာ လူထုပရိသတ်ရက် အတေးတုန်းဇမ် တပည့်တော်ရက်အင် 46"ကျမ်းတတ် ဆရာရက်အင် အထူးသတိပီးဂို ရှောင်းငင်း။ အမာရက်နာ လင်းငါပြုကရပ် ဝတ်ရုံရှည်ရက်အင် တူဂို့ ဇီးတာဟုန်းငါက လူးရက်က အလေးထားနူတ်ဆက်ဟေကစိုးဟေ။ ဓမ္မာရုံရက်အ(လ်)ယေ့ ရှေ့ဆုံးဂါး နေရာလာကို အခမ်းအနားယေ့ မှီးဟေကားစားပွဲဝိုင်းငါ လင်တုန်းဟေ။ 47မုဆိုးမရက်က ကိန်းငင် အတင်းအဓမ္မသိမ်းလာဂို့ ဆုစိန်ဂါးအခါယေ့ ဟန်ဆောင်ဂို့ အကြိရ်ဆုံးဆုစိန်ဟေ။ ဘုရားရှင်နာ အိမ်မလူးယင် ပြင်းပြင်းထန်ထန် အပြစ်အီယန်ကဖြစ်ဟေ"ငါ့ကို မိန့်တော်မူလင်ကဟေ။
Currently Selected:
Luke 20: ttpv-rv
Highlight
Share
Copy
Want to have your highlights saved across all your devices? Sign up or sign in
This translation of the Thet Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
