Zekaliya 11
11
Ukuwa ukwa bayinvyi
1Wee Lebanoni, ighula imilyango yako,
umwakuti umoto ghughalungulizye
amakwi ghako agha mwale.
2Wee likwi ilya payini, lilagha
pakuti ikwi ilya mwale lyawa,
amakwi amachindamu ghananganika.
Mwee makwi agha mupandapanda
agha mu Bashani, lilagha,
umusitu umukulu nkani wadumuliwa!
3Teghelezya ukulila ukwa badimi,
apakudimilapo pananganika!
Teghelezya ukubuluma ukwa nkalamu.
Umusitu uwa mulusoko ulwa Yolodani wananganika!
Abadimi babili
4U Mwene u Chala wane akuti, “Dimagha ing'ozi zizyo zyabikiwa ukuti zighoghiwe. 5Abantu abakughula bakuzibola, loli bate ninongwa nayimo. Abantu babo bakuzighulizya bakuti, ‘U Mwene apaliwanje, ilelo naba ne mukabi!’ Abadimi babo bate ni chisa ni ng'ozi zyabo. 6Pakuti ntakwiza pakuba ni chisa na bantu aba muchisu chilachila. Nkwiza pakumubika umuntu wesi munyobe izya mupalamani wache nu mwene wache. Bakwiza pakuchiyivya ichisu, sona ntakwiza pakubapoka munyobe zyabo.” U Mwene anena.
7Po nkazidima zizyo zyabikiwa pakuboliwa, nkaninkani izyakuyivyiwa. Po nkasenda indisa zibili, yoka nkayita ukuti we Chisa, iyinji yila nkayita ukuti Bupoka, po nkazidima ing'ozi zila. 8Pamwezi ghoka, nkabaghogha abadimi batatu. Nkapotwa pakujimba nabo, sona bope batakandondagha. 9Po nkati, “Ntakwiza pakuba sona ne mudimi winyu. Zileke zizyo zikufwa zifwanje, zizyo zikuzimila zizimilaye sona zizyo zikulyana zilyanaye.”
10Po nkasenda indisa yane yiyo nkayita ukuti Chisa nukuyipyola, nukulunangannya ulufingo lulo nkafingana ninko zyosi. 11Po ulufingo lula lukamala pisiku lilalila, abantu abakughulizya ing'ozi bakanyenelezyanga, bakamanya ukuti we Mwene akunena.
12Nkababuzya nkati, “Nanti mukuchennya ukuti chiza bulo mundipile, loli nanti mutakulonda, banga nazyo.” Po bakandipila isalabazya izya siliva 30.
13U Mwene akambuzya ukuti, “Zisumbile muchakusungilamo ubukabi.” Po nkasenda isalabazya izya siliva 30 izyakukwana umutengo ghugho bakampimila nukuzisumbila mu chakusungilamo ubukabi mu Nyumba iya Mwene.
14Po nkapyola indisa yane iyabubili, yiyo yikwitiziwa ukuti Bupoka, pakumazya ubukamu pakasi pa Yuda nu Izilayeli.
15Po u Mwene akambuzya akati, “Senda sona ichibombelo icha mudimi umupunganu. 16Pakuti nkukubika pakuba we mudimi uwa chisu, yuyo atakwiza pakuzisungilila ing'ozi izyakusobela, pamo pakutulonda utwana, pamo pakuzipozya zizyo zivulaye, pamo pakuzilyesya zizyo zitabinite, loli akwiza pakulya inyama iya ng'ozi inyine, sona nukuzepulannya inyayo zyabo.
17Chighune nkani kwa mudimi uwa mwalwemwalwe,
yuyo akuzitoloka ing'ozi!
Leka inyobe yache yidumuliwanje,
sona lyope ilyiso lyache ilya ndilo lidoboliwanje!
Leka inyobe yache yilemalaye nukulemala,
ilyiso lyache ilya ndilo lifwilaye zila!”
Currently Selected:
Zekaliya 11: LMB2024
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.
Zekaliya 11
11
Ukuwa ukwa bayinvyi
1Wee Lebanoni, ighula imilyango yako,
umwakuti umoto ghughalungulizye
amakwi ghako agha mwale.
2Wee likwi ilya payini, lilagha
pakuti ikwi ilya mwale lyawa,
amakwi amachindamu ghananganika.
Mwee makwi agha mupandapanda
agha mu Bashani, lilagha,
umusitu umukulu nkani wadumuliwa!
3Teghelezya ukulila ukwa badimi,
apakudimilapo pananganika!
Teghelezya ukubuluma ukwa nkalamu.
Umusitu uwa mulusoko ulwa Yolodani wananganika!
Abadimi babili
4U Mwene u Chala wane akuti, “Dimagha ing'ozi zizyo zyabikiwa ukuti zighoghiwe. 5Abantu abakughula bakuzibola, loli bate ninongwa nayimo. Abantu babo bakuzighulizya bakuti, ‘U Mwene apaliwanje, ilelo naba ne mukabi!’ Abadimi babo bate ni chisa ni ng'ozi zyabo. 6Pakuti ntakwiza pakuba ni chisa na bantu aba muchisu chilachila. Nkwiza pakumubika umuntu wesi munyobe izya mupalamani wache nu mwene wache. Bakwiza pakuchiyivya ichisu, sona ntakwiza pakubapoka munyobe zyabo.” U Mwene anena.
7Po nkazidima zizyo zyabikiwa pakuboliwa, nkaninkani izyakuyivyiwa. Po nkasenda indisa zibili, yoka nkayita ukuti we Chisa, iyinji yila nkayita ukuti Bupoka, po nkazidima ing'ozi zila. 8Pamwezi ghoka, nkabaghogha abadimi batatu. Nkapotwa pakujimba nabo, sona bope batakandondagha. 9Po nkati, “Ntakwiza pakuba sona ne mudimi winyu. Zileke zizyo zikufwa zifwanje, zizyo zikuzimila zizimilaye sona zizyo zikulyana zilyanaye.”
10Po nkasenda indisa yane yiyo nkayita ukuti Chisa nukuyipyola, nukulunangannya ulufingo lulo nkafingana ninko zyosi. 11Po ulufingo lula lukamala pisiku lilalila, abantu abakughulizya ing'ozi bakanyenelezyanga, bakamanya ukuti we Mwene akunena.
12Nkababuzya nkati, “Nanti mukuchennya ukuti chiza bulo mundipile, loli nanti mutakulonda, banga nazyo.” Po bakandipila isalabazya izya siliva 30.
13U Mwene akambuzya ukuti, “Zisumbile muchakusungilamo ubukabi.” Po nkasenda isalabazya izya siliva 30 izyakukwana umutengo ghugho bakampimila nukuzisumbila mu chakusungilamo ubukabi mu Nyumba iya Mwene.
14Po nkapyola indisa yane iyabubili, yiyo yikwitiziwa ukuti Bupoka, pakumazya ubukamu pakasi pa Yuda nu Izilayeli.
15Po u Mwene akambuzya akati, “Senda sona ichibombelo icha mudimi umupunganu. 16Pakuti nkukubika pakuba we mudimi uwa chisu, yuyo atakwiza pakuzisungilila ing'ozi izyakusobela, pamo pakutulonda utwana, pamo pakuzipozya zizyo zivulaye, pamo pakuzilyesya zizyo zitabinite, loli akwiza pakulya inyama iya ng'ozi inyine, sona nukuzepulannya inyayo zyabo.
17Chighune nkani kwa mudimi uwa mwalwemwalwe,
yuyo akuzitoloka ing'ozi!
Leka inyobe yache yidumuliwanje,
sona lyope ilyiso lyache ilya ndilo lidoboliwanje!
Leka inyobe yache yilemalaye nukulemala,
ilyiso lyache ilya ndilo lifwilaye zila!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.