Aba Loma 12

Ubumi ubwa kumubombela u Chala

1Polelo bakamu bane, pachifukwa icha chisa icha Chala ichikulu nkani kukwitu, nkubalaba ukuti mwiyipe mwebene ukuti chibanje chakwiyipa icha bumi kwa Chala, ichakupaghuliliwa pambombo yache, sona ni chakumuhobosya nkani. Kuko ko kwiputa kwinyu ukwa buzimu. 2Mutakeghelelaye inkalo izya bantu aba muchisu ichapasi, loli mumwitikizye u Chala ukuti andule ubumi bwinyu pakubapa inyinong'ono impya. Po mungiza mumanye ubwighane ubwa Chala, mukwiza pakumanya chicho chiza, ni chakumuhobosya nkani, sona ni chakufikapo.

3Pachifukwa icha chisa chicho u Chala ampiye ukwendela muchisa chache, nkunena namwe mwebosi ukuti, mutakipimaye mwebene pakuba bapamwanya nkani ukuchila namumo mubeleye. Loli mubanje bakwiyisya amoyo ghinyu ukuyana ni chipimilo icha lwitiko lwinyu, lulo u Chala abapiye. 4#1 Kol. 12.12Tuli ni vigaba ivyinji bulo mumubili ghoka, sona ivigaba vyosi ivi vili ni mbombo iyakulekanalekana. 5Umwakuyana bulo, napapo twe binji, twe mubili ghoka mwa Kilisitu, sona tumamatiziwe poka uyu na uyu ngati vyo vigaba ivya mubili ghoka ivyakulekanalekana. 6#1 Kol. 12.4-11Po tubaghiye pakubombezya ivyabupi ivyakulekanalekana vivyo u Chala akatupa ukuyana ni chisa chache. Nanti ichabupi chitu chakuti tunene amazyu agha Chala, tubaghiye pakubomba nu lwitiko lulo tuli nalo. 7Nanti ichabupi chitu chakuti tubabombele abanji, tubaghiye pakubabombela. Nanti ichabupi chitu chakuti tumanyisye, tubaghiye pakumanyisya. 8Nanti ichabupi chitu chakuti tubakazye abanji, tubaghiye pakubomba bunubu. Umuntu wesi yuyo akugabana na banji vivyo ali navyo, abombaye umwakusita ubumama. Umuntu yuyo akulongozya, alongozyanje nu moyo ghosi. Umuntu yuyo akubapelela ichisa abantu abanji, abombaye umwakuhoboka.

9Ulughano lutakabanje lwa buzimbuli. Muchibengaye chicho chibibi, loli muchilemelele chicho chiza. 10Mughananaye nu moyo ghosi ngati mwe bakamu. Muchindinkanaye. 11Bo mukubomba, mubikayepo umoyo ghosi, sona mutakabanje bakata. Mumubombelaye u Mwene umwakwiyipa nu moyo winyu ghosi. 12Muhobokaye nkani pachifukwa icha lusubilo lwinyu, mubanje bafisalyoyo muntamyo nukwiputa akabalilo kosi. 13Vivyo muli navyo mugabanaye na bakilisitu abamwinyu babo bakusobelwa. Mubapokelaye abayeni munyumba zyinyu.

14 # Mat. 5.44; Luk. 6.28 Mumulabe u Chala ukuti abasaye babo bakubavwima. Naloli mumulabe ukuti abasaye, umwakuti atakabaghune, awe. 15Hobokagha poka na babo bahobokite, lilagha poka na babo bakulila. 16#Ivy. 3.7Mwivwanaye akiza mwebosi. Mutakituvyanje, loli mwangalaye poka na bantu bulo.#12.16 poka na bantu bulo: Pamo mwitike pakubomba imbombo izya luko losi. Mutakipimaye mwebene ukuti mwe bamahala nkani ukuchila bosi.

17Utakatanizyanje ububibi pabubibi. Yezya pakubomba ivintu vivyo vyiza pamaso pabantu bosi. 18Nanti chingabombiwa, mubanje mumutende na bantu bosi. 19#Ukk. 32.35Bamanyani bane, mutakatanizyanje ububibi, loli mumulekele u Chala ukuti atanizye. Pakuti Amasimbo ghakuti, “U Mwene akuti, ‘Ukutanizya ko kwane. Nkwiza pakutanizya.’ ” 20#Ivy. 25.21-22Loli ukuyana na Masimbo aghakuti, “Nanti umulwani wako ali nizala, umupanje ichakulya, nanti ali ni nyota, umupanje amizi aghakung'wela. Pakubomba bunubu kokuti ukumukozya isoni.” 21Mutakitikizye ukuti ububibi bubapote, loli mubupote ububibi pakubomba inyiza.

Currently Selected:

Aba Loma 12: LMB2024

Highlight

Copy