Malaki 4

Ukwiza ukwa isiku ilya Mwene

1U Mwene Uwamaka Ghosi akuti, “Naloli isiku likwiza, po likwiza pakocha ngati muvuno, abantu bosi babo bakwituvya na babomba mbibi bakwiza pakupya ngati lyelelo. Pisiku lilalila umoto ghukwiza pakulyocha,” chitalipo nachimochimo chicho chikwiza pakulekiwapo igululuzi pamo akasamba. 2Loli amwe mwe mukunchindika ane, izuba ilya bugholosu likwiza pakubafumila nukubapozya ukwa kulama kwache. Mukwiza pakunyelanyela umwakuhoboka ngati tungwata tuto batwabula muchibagha. 3“Po Mukwiza pakubakanyankila pasi ababomba mbibi, sona bakwiza pakuba litoyi ilya kunyayo zyinyu pisiku lilyo nkwiza pakubomba zinizi,” U Mwene Uwamaka Ghosi anena. 4“Mulukumbukaye ululaghilo ulwa mubombi wane u Mozesi, indaghilo na malamulo ghagho nkamupa pighamba ilya Sinayi ukuti ababuzye aba Izilayeli bosi.” 5#Mat. 11.14; Mlko. 9.11-13; Luk. 1.17; Yoh. 1.21 Bo isiku ikulu nkani ilya koghofya ilya Mwene litakwanite nkwiza pakubatumila umulaghuzi u Eliya. 6Akwiza pakubasayannya abawise na bana babo, lumo ningiza nukuchighuna ichisu.

Currently Selected:

Malaki 4: LMB2024

Highlight

Copy