Aba Levi 23
23
Amasiku agha lusekelo ulwa chiputo
1U Mwene akamubuzya u Mozesi akati, 2“Ubabuzye aba Izilayeli uti, ‘Agha gho masiku agha lusekelo, amasaliwa nu Mwene, ghagho mughafumusyanje pakuba masiku amapaghuliwa agha chiputo.’ ”
3 #
Ukf. 20.8-10, 23.12, 31.15, 34.21, 35.2; Ukk. 5.12-14 Mungabomba imbombo zyinyu mumasiku sikisi, loli isiku ilyaseveni lyo Lisiku Ilyakutuzya, isiku ilipaghuliwa ilya chiputo. Mutakabombaye nayimoyimo imbombo, pakuti ili lyo Lisiku Ilyakutuzya ilya Mwene.
Nizya Lusekelo ulwa Pasa
(Ukb. 28.16-25)
4“Agha gho masiku agha lusekelo amasaliwa nu Mwene, ghagho mubaghiye pakughafumusya pakabalilo kache akasaliwa: 5Mumwezi uwakwanda, pisiku ilya 14 ilya mwezi uwakwanda pachamabwila lyo lisiku ilya Pasa uwa Mwene. 6Pisiku ilya 15 ilya mwezi ghulaghula, lo lusekelo ulwa Mwene ulwa ichibama chicho chite ni chilungo. Mumasiku seveni mulyanje ichibama chicho chite ni chilungo. 7Pisiku ilyakwanda mubanje nulukomano ulupaghuliwa ulwa chiputo, sona mutakabombaye imbombo zyinyu izya isiku ni siku. 8Loli mumasiku seveni mubikaye ichakwiyipa ichakocha kwa Mwene. Po pisiku ilyaseveni mubanje nulukomano ulupaghuliwa ulwa chiputo, sona mutakabombaye imbombo izya isiku ni siku.”
9U Mwene akamubuzya u Mozesi akati, 10“Ubabuzye aba Izilayeli uti, ‘Bo mukwinjila muchisu chicho nkubapa, sona mukwinula ivyakulya vyinyu, mumwizile umuputi ni nkose iyakwanda iya nyinulo yinyu.’ ” 11Umuputi yula ayizyunguzye mumwanya inkose yila pamaso pa Mwene, umwakuti yipokeleliwe. Umuputi yula ayizyunguzye mumwanya inkose yila, bo lyachila Isiku Ilyakutuzya. 12Pisiku lilyo mukuyizyunguzya mumwanya inkose yila, mubikaye umwana uwa ng'ozi uwa mwaka ghoka, umusita chilema nachimochimo ukuti chibanje chakwiyipa ichakocha. 13Poka ni chakwiyipa icha busu, mubikaye ivigaba vibili ivya makilogalamu muvigaba 10 ubwakongannya na mafuta agha misyunguti ukuti chibanje chakwiyipa ichakocha ichakulya kwa Mwene. Umunusi uwa chakwiyipa chinichi ghukumuhobosya. Mubikaye sona poka ni chakwiyipa icha vinyo ichakukwana ilita lyoka. 14Mutakalyanje nachimochimo ichibama manyi chakocha manyi chibisi manyi chakupiya mupaka pisiku lilyo mukubikila ichakwiyipa chinichi kwa Chala winyu. Ululaghilo ulu lubanje ulwa bwila na bwila mupaka inkulilo zyosi izya muntazi.
Ulusekelo ulwa Nyinulo
(Ukb. 28.26-31)
15 #
Ukf. 23.16, 34.22; Ukk. 16.9-12 Bo lyachila Isiku Ilyakutuzya, pisiku ilinji lilyo mukabikila ichakwiyipa ichakuzyunguzya mumwanya, mubelenge abasabata seveni. 16Mubelenge amasiku 50 ukwandila Pisiku Ilyakutuzya, po mubikaye ichakwiyipa icha busu ubupya kwa Mwene. 17Inyumba yosi yize ni vibama vibili ukuti chibanje chakwiyipa ichakwanda ichakuzyunguzya mumwanya kwa Mwene. Ichibama chosi chibanje cha busu ubutinye nkani ubwakukwana amakilogalamu mabili, sona mubikemo ichilungo. 18Poka ni vibama vila, mubikaye utwana utwadubi seveni utwa mwaka ghoka, sona utusita chilema nachimochimo, ni nkambaku inyana yoka, sona na badubi babili abasita chilema nachimochimo ukuti chibanje chakwiyipa ichakocha kwa Mwene, poka ni chakwiyipa icha busu, ni cha vinyo. Umunusi uwa chakwiyipa chinichi ghukumuhobosya u Mwene. 19Mubikaye sona usabwe weka ukuti abanje chakwiyipa ichakupepesezya imbibi, sona na nutwana utwadubi tubili utwa mwaka ghoka ukuti tubanje chakwiyipa icha bupoka. 20Umuputi azyunguzye mumwanya abadubi babili bala, poka ni vibama ivya vyakwinula ivyakwanda ukuti chibanje chakwiyipa ichakuzyunguzya mumwanya kwa Mwene. Ichi cho chakwiyipa ichipaghuliwa icha Mwene ukuti vibanje vya baputi. 21Pisiku linilyo mutakabombaye imbombo izya isiku ni siku, loli mubanje nulukomano ulupaghuliwa ulwa chiputo. Ululaghilo ulu lubanje lwa bwila na bwila mupaka inkulilo zyinyu zyosi izya muntazi.
22 #
Lev. 19.9-10; Ukk. 24.19-22 “Bo mukwinula mumaghunda ghinyu, mutakinulaye mupaka mumpaka izya mumaghunda ghinyu, sona mutakasalalaye. Vinivi mubalekele abantu abapina na bayeni. U Mwene we Chala winyu.”
Nizya lusekelo ulwa mwaka umupya
(Ukb. 29.1-6)
23U Mwene akamubuzya u Mozesi akati, 24“Ubabuzye aba Izilayeli uti, ‘Pisiku ilyakwanda ilya mwezi uwaseveni libanje lisiku ilyakutuzya, isiku ilipaghuliwa ilya chiputo, sona bo mukulizya amapati. 25Mutakabombaye imbombo zyinyu izya isiku ni siku, loli mubikaye ichakwiyipa ichakocha kwa Mwene.’ ”
Nizya Isiku ilyakupepesezya imbibi
(Ukb. 29.7-11)
26U Mwene akamubuzya u Mozesi akati, 27“Pisiku ilya 10 ilya mwezi uwaseveni lyo lisiku ilyakupepesezya imbibi. Mubanje nulukomano ulupaghuliwa ulwa chiputo. Mutuzyanje pakulya, sona mubikaye ichakwiyipa ichakocha kwa Mwene.” 28Pisiku linili mutakabombaye nayimoyimo imbombo, pakuti ili lyo lisiku ilyakupepesezya imbibi zyinyu pamaso pa Mwene u Chala winyu. 29Nanti umuntu yumo atakutuzya pakulya pisiku linili, epusiwanjepo pakasi pabantu bache. 30Umuntu wesi yuyo akubomba imbombo pisiku linili, ane ne mwenecho nkwiza pakumughogha pakasi pabantu bache. 31Ululaghilo ulu lubanje lwa bwila na bwila mupaka inkulilo zyosi izya muntazi. 32Isiku linili mulipimaye pakuba Isiku ikulu Ilyakutuzya, sona mutuzyanje pakulya. Ukwandila pachamabwila icha isiku ilya nayini ilya mwezi mupaka pachamabwila ichinji mulisungililaye Isiku Ilyakutuzya.
Nizya Lusekelo ulwa Visakasa
(Ukb. 29.12-40)
33U Mwene akamubuzya u Mozesi akati, 34“Ubabuzye aba Izilayeli uti, ‘Pisiku ilya 15 ilya mwezi uwaseveni mubanje nu Lusekelo ulwa Mwene ulwa Visakasa amasiku seveni. 35Pisiku ilyakwanda mubanje nulukomano ulupaghuliwa ulwa chiputo, sona mutakabombaye imbombo zyinyu izya isiku ni siku. 36Mumasiku seveni ghanagha mubikaye ivyakwiyipa ivyakocha kwa Mwene. Pisiku ilya eyiti mubanje nulukomano ulupaghuliwa ulwa chiputo nukubika ichakwiyipa ichakocha kwa Mwene. Ulu lo lukomano ulwakwighalila ichiputo, sona mutabombaye imbombo zyinyu izya isiku ni siku.’
37“Agha gho masiku agha lusekelo, amasaliwa nu Mwene, ghagho mughafumusyanje pakuba mapaghuliwa agha chiputo, aghakubikila kwa Mwene ichakwiyipa ichakocha ni chakwiyipa icha busu ni chakwiyipa icha vinyo, chosi pisiku ilyache ni lyache. 38Mubikaye ivyakwiyipa vinivi pamwanya pa vyakwiyipa vivyo vikubikiwa kwa Mwene Pisiku Ilyakutuzya, poka ni vyabupi vyinyu, ni vyakwiyipa ivyakukwanilisya ichilapo, sona ni vyakwiyipa ivya bwighane, vivyo mukubika kwa Mwene.
39“Pisiku ilya 15 ilya mwezi uwaseveni, bo mwinula ivyakulya mumaghunda ghinyu, mubanje nu lusekelo ulwa Mwene amasiku seveni. Isiku ilyakwanda libanje Lyakutuzya ilipaghuliwa, sona isiku ilya eyiti lyope libanje lyakutuzya ilipaghuliwa. 40Pisiku ilyakwanda musende ivikomwa ivyiza nkani ni samba izya mabale sona na mafyomi nukusekela pamaso pa Mwene, u Chala winyu amasiku seveni. 41Umwaka nu mwaka amasiku seveni, mubanje nu lusekelo ulwa chikumbusyo icha Mwene. Ululaghilo ulu lubanje ulwa bwila na bwila mupaka inkulilo zyinyu zyosi izya muntazi. 42Aba Izilayeli bosi bikalaye muvisakasa amasiku seveni, 43umwakuti abaluko lwinyu bamanye ukuti u Mwene akabikazya aba Izilayeli muvisakasa, bo akubefya muchisu icha Ijiputi. Ane ne Mwene u Chala winyu.”
44Umu momumo u Mozesi akababuzizya aba Izilayeli nizya lusekelo ulupaghuliwa ulwa Mwene.
Currently Selected:
Aba Levi 23: LMB2024
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.
Aba Levi 23
23
Amasiku agha lusekelo ulwa chiputo
1U Mwene akamubuzya u Mozesi akati, 2“Ubabuzye aba Izilayeli uti, ‘Agha gho masiku agha lusekelo, amasaliwa nu Mwene, ghagho mughafumusyanje pakuba masiku amapaghuliwa agha chiputo.’ ”
3 #
Ukf. 20.8-10, 23.12, 31.15, 34.21, 35.2; Ukk. 5.12-14 Mungabomba imbombo zyinyu mumasiku sikisi, loli isiku ilyaseveni lyo Lisiku Ilyakutuzya, isiku ilipaghuliwa ilya chiputo. Mutakabombaye nayimoyimo imbombo, pakuti ili lyo Lisiku Ilyakutuzya ilya Mwene.
Nizya Lusekelo ulwa Pasa
(Ukb. 28.16-25)
4“Agha gho masiku agha lusekelo amasaliwa nu Mwene, ghagho mubaghiye pakughafumusya pakabalilo kache akasaliwa: 5Mumwezi uwakwanda, pisiku ilya 14 ilya mwezi uwakwanda pachamabwila lyo lisiku ilya Pasa uwa Mwene. 6Pisiku ilya 15 ilya mwezi ghulaghula, lo lusekelo ulwa Mwene ulwa ichibama chicho chite ni chilungo. Mumasiku seveni mulyanje ichibama chicho chite ni chilungo. 7Pisiku ilyakwanda mubanje nulukomano ulupaghuliwa ulwa chiputo, sona mutakabombaye imbombo zyinyu izya isiku ni siku. 8Loli mumasiku seveni mubikaye ichakwiyipa ichakocha kwa Mwene. Po pisiku ilyaseveni mubanje nulukomano ulupaghuliwa ulwa chiputo, sona mutakabombaye imbombo izya isiku ni siku.”
9U Mwene akamubuzya u Mozesi akati, 10“Ubabuzye aba Izilayeli uti, ‘Bo mukwinjila muchisu chicho nkubapa, sona mukwinula ivyakulya vyinyu, mumwizile umuputi ni nkose iyakwanda iya nyinulo yinyu.’ ” 11Umuputi yula ayizyunguzye mumwanya inkose yila pamaso pa Mwene, umwakuti yipokeleliwe. Umuputi yula ayizyunguzye mumwanya inkose yila, bo lyachila Isiku Ilyakutuzya. 12Pisiku lilyo mukuyizyunguzya mumwanya inkose yila, mubikaye umwana uwa ng'ozi uwa mwaka ghoka, umusita chilema nachimochimo ukuti chibanje chakwiyipa ichakocha. 13Poka ni chakwiyipa icha busu, mubikaye ivigaba vibili ivya makilogalamu muvigaba 10 ubwakongannya na mafuta agha misyunguti ukuti chibanje chakwiyipa ichakocha ichakulya kwa Mwene. Umunusi uwa chakwiyipa chinichi ghukumuhobosya. Mubikaye sona poka ni chakwiyipa icha vinyo ichakukwana ilita lyoka. 14Mutakalyanje nachimochimo ichibama manyi chakocha manyi chibisi manyi chakupiya mupaka pisiku lilyo mukubikila ichakwiyipa chinichi kwa Chala winyu. Ululaghilo ulu lubanje ulwa bwila na bwila mupaka inkulilo zyosi izya muntazi.
Ulusekelo ulwa Nyinulo
(Ukb. 28.26-31)
15 #
Ukf. 23.16, 34.22; Ukk. 16.9-12 Bo lyachila Isiku Ilyakutuzya, pisiku ilinji lilyo mukabikila ichakwiyipa ichakuzyunguzya mumwanya, mubelenge abasabata seveni. 16Mubelenge amasiku 50 ukwandila Pisiku Ilyakutuzya, po mubikaye ichakwiyipa icha busu ubupya kwa Mwene. 17Inyumba yosi yize ni vibama vibili ukuti chibanje chakwiyipa ichakwanda ichakuzyunguzya mumwanya kwa Mwene. Ichibama chosi chibanje cha busu ubutinye nkani ubwakukwana amakilogalamu mabili, sona mubikemo ichilungo. 18Poka ni vibama vila, mubikaye utwana utwadubi seveni utwa mwaka ghoka, sona utusita chilema nachimochimo, ni nkambaku inyana yoka, sona na badubi babili abasita chilema nachimochimo ukuti chibanje chakwiyipa ichakocha kwa Mwene, poka ni chakwiyipa icha busu, ni cha vinyo. Umunusi uwa chakwiyipa chinichi ghukumuhobosya u Mwene. 19Mubikaye sona usabwe weka ukuti abanje chakwiyipa ichakupepesezya imbibi, sona na nutwana utwadubi tubili utwa mwaka ghoka ukuti tubanje chakwiyipa icha bupoka. 20Umuputi azyunguzye mumwanya abadubi babili bala, poka ni vibama ivya vyakwinula ivyakwanda ukuti chibanje chakwiyipa ichakuzyunguzya mumwanya kwa Mwene. Ichi cho chakwiyipa ichipaghuliwa icha Mwene ukuti vibanje vya baputi. 21Pisiku linilyo mutakabombaye imbombo izya isiku ni siku, loli mubanje nulukomano ulupaghuliwa ulwa chiputo. Ululaghilo ulu lubanje lwa bwila na bwila mupaka inkulilo zyinyu zyosi izya muntazi.
22 #
Lev. 19.9-10; Ukk. 24.19-22 “Bo mukwinula mumaghunda ghinyu, mutakinulaye mupaka mumpaka izya mumaghunda ghinyu, sona mutakasalalaye. Vinivi mubalekele abantu abapina na bayeni. U Mwene we Chala winyu.”
Nizya lusekelo ulwa mwaka umupya
(Ukb. 29.1-6)
23U Mwene akamubuzya u Mozesi akati, 24“Ubabuzye aba Izilayeli uti, ‘Pisiku ilyakwanda ilya mwezi uwaseveni libanje lisiku ilyakutuzya, isiku ilipaghuliwa ilya chiputo, sona bo mukulizya amapati. 25Mutakabombaye imbombo zyinyu izya isiku ni siku, loli mubikaye ichakwiyipa ichakocha kwa Mwene.’ ”
Nizya Isiku ilyakupepesezya imbibi
(Ukb. 29.7-11)
26U Mwene akamubuzya u Mozesi akati, 27“Pisiku ilya 10 ilya mwezi uwaseveni lyo lisiku ilyakupepesezya imbibi. Mubanje nulukomano ulupaghuliwa ulwa chiputo. Mutuzyanje pakulya, sona mubikaye ichakwiyipa ichakocha kwa Mwene.” 28Pisiku linili mutakabombaye nayimoyimo imbombo, pakuti ili lyo lisiku ilyakupepesezya imbibi zyinyu pamaso pa Mwene u Chala winyu. 29Nanti umuntu yumo atakutuzya pakulya pisiku linili, epusiwanjepo pakasi pabantu bache. 30Umuntu wesi yuyo akubomba imbombo pisiku linili, ane ne mwenecho nkwiza pakumughogha pakasi pabantu bache. 31Ululaghilo ulu lubanje lwa bwila na bwila mupaka inkulilo zyosi izya muntazi. 32Isiku linili mulipimaye pakuba Isiku ikulu Ilyakutuzya, sona mutuzyanje pakulya. Ukwandila pachamabwila icha isiku ilya nayini ilya mwezi mupaka pachamabwila ichinji mulisungililaye Isiku Ilyakutuzya.
Nizya Lusekelo ulwa Visakasa
(Ukb. 29.12-40)
33U Mwene akamubuzya u Mozesi akati, 34“Ubabuzye aba Izilayeli uti, ‘Pisiku ilya 15 ilya mwezi uwaseveni mubanje nu Lusekelo ulwa Mwene ulwa Visakasa amasiku seveni. 35Pisiku ilyakwanda mubanje nulukomano ulupaghuliwa ulwa chiputo, sona mutakabombaye imbombo zyinyu izya isiku ni siku. 36Mumasiku seveni ghanagha mubikaye ivyakwiyipa ivyakocha kwa Mwene. Pisiku ilya eyiti mubanje nulukomano ulupaghuliwa ulwa chiputo nukubika ichakwiyipa ichakocha kwa Mwene. Ulu lo lukomano ulwakwighalila ichiputo, sona mutabombaye imbombo zyinyu izya isiku ni siku.’
37“Agha gho masiku agha lusekelo, amasaliwa nu Mwene, ghagho mughafumusyanje pakuba mapaghuliwa agha chiputo, aghakubikila kwa Mwene ichakwiyipa ichakocha ni chakwiyipa icha busu ni chakwiyipa icha vinyo, chosi pisiku ilyache ni lyache. 38Mubikaye ivyakwiyipa vinivi pamwanya pa vyakwiyipa vivyo vikubikiwa kwa Mwene Pisiku Ilyakutuzya, poka ni vyabupi vyinyu, ni vyakwiyipa ivyakukwanilisya ichilapo, sona ni vyakwiyipa ivya bwighane, vivyo mukubika kwa Mwene.
39“Pisiku ilya 15 ilya mwezi uwaseveni, bo mwinula ivyakulya mumaghunda ghinyu, mubanje nu lusekelo ulwa Mwene amasiku seveni. Isiku ilyakwanda libanje Lyakutuzya ilipaghuliwa, sona isiku ilya eyiti lyope libanje lyakutuzya ilipaghuliwa. 40Pisiku ilyakwanda musende ivikomwa ivyiza nkani ni samba izya mabale sona na mafyomi nukusekela pamaso pa Mwene, u Chala winyu amasiku seveni. 41Umwaka nu mwaka amasiku seveni, mubanje nu lusekelo ulwa chikumbusyo icha Mwene. Ululaghilo ulu lubanje ulwa bwila na bwila mupaka inkulilo zyinyu zyosi izya muntazi. 42Aba Izilayeli bosi bikalaye muvisakasa amasiku seveni, 43umwakuti abaluko lwinyu bamanye ukuti u Mwene akabikazya aba Izilayeli muvisakasa, bo akubefya muchisu icha Ijiputi. Ane ne Mwene u Chala winyu.”
44Umu momumo u Mozesi akababuzizya aba Izilayeli nizya lusekelo ulupaghuliwa ulwa Mwene.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.