Aba Levi 22
22
Nizya bupaghuliwa ubwa vyakwiyipa
1U Mwene akamubuzya u Mozesi akati, 2“Umulamule u Aloni na bana bache ukuti bavipimaye pakuba vipaghuliwa ivyakwiyipa vivyo aba Izilayeli, bakumpaghulila umwakuti batakalisamulaye itabwa lyane izelu. Ane ne Mwene.”
3Nanti uwaluko lwache yumo uwa nkulilo zyosi izya muntazi, aba muntu munyazu nukupalamila ku vyakwiyipa ivipaghuliwa, vivyo aba Izilayeli bakuvipaghulila kwa Mwene, umuntu yula epusiwanjepo pamaso papane. Ane ne Mwene.
4Nanti uwaluko yumo ulwa Aloni ali na mambombo, pamo nanti akufumya amafila, atangalya ivyakwiyipa ivipaghuliwa mupaka abanje tasi muntu muswepu. Akuba muntu munyazu nanti akupalamasya ichintu chicho chapalamasannya nu muvimba, pamo umuntu yuyo akufumya ubwanavuli, 5pamo nanti akuchipalamasya ichintu ichakwavula, chicho chingamupela pakuba muntu munyazu, manyi bungaba bunyazu boni. 6Umuputi wesi yuyo akupalamasya ichintu chinichi akuba munyazu mupaka pachamabwila. Atakalyanje ivyakwiyipa ivipaghuliwa mupaka oghe tasi umubili ghosi. 7Po pachamabwila akuba muntu muswepu. Pisinda pache angalya ivyakwiyipa ivipaghuliwa, pakuti ichi cho chakulya chache. 8Atakalyanje ichinyamana ichifwe chene, pamo ichakulika, lumo anginyazya mwene. Ane ne Mwene.
9Polelo abaputi bosi baghakonkaye amalamulo ghane, lumo bangananga nukufwa, pachifukwa ichakuti batakughasungilila amalamulo ghane. Ane ne Mwene nkubapela pakuba mwe bantu abazelu.
10“Umuntu yuyo ate uwa munyumba iya buputi atakalyanje ivyakwiyipa ivipaghuliwa, manyi muyeni wache, manyi wambombo wache. 11Loli nanti umuputi amughula umuzya ni ndalama, pamo nanti umuzya apapiliwe munyumba yache, umuzya yula angalyako ichakulya icha muputi.” 12Nanti umwana umulindu uwa muputi asendwa nu muntu bulo yuyo ate wa munyumba iya buputi, atakalyeko ivyakwiyipa ivipaghuliwa vila. 13Loli nanti umwana umulindu uwa muputi aba mufwilwe pamo nanti asokite sona ate nu mwana nukunyokela kwa wise ngati pakabalilo aka bulindu bwache angalyako ichakulya icha wise. Loli umuntu bulo yuyo ate wa munyumba iya buputi atangalyako.
14Nanti umuntu yuyo ate wa munyumba iya buputi alya ivyakwiyipa ivipaghuliwa umwakusita kumanya, amulipile umuputi yula, sona onjelezyepo ichigaba choka pavigaba fayivi ukuyana nu mutengo wache. 15Abaputi batakavinyazyanje ivyakwiyipa ivipaghuliwa, vivyo aba Izilayeli bakuvibika kwa Mwene, 16pakubitikizya abantu babo bate bamunyumba iya buputi pakulya ivyakwiyipa ivipaghuliwa nukubapela pakuba ninongwa, yiyo bangafundiwa nayo. Ane ne Mwene, nkuvipela pakuba vyakwiyipa ivipaghuliwa.
17U Mwene akamubuzya u Mozesi akati, 18“Umulamule u Aloni na bana bache poka naba Izilayeli bosi uti, ‘Nanti umuntu yumo pakasi papinyu manyi mu Izilayeli manyi muyeni yuyo akwikala muchisu icha Izilayeli iza ni chabupi ukuti chibanje chakwiyipa ichakocha kwa Mwene manyi akukwanilisya ichilapo pamo ichakwiyipa icha bwighane 19abike inkambaku insita ichilema nachimochimo pamo ing'ozi pamo usabwe umwakuti chipokeleliwe.’ 20#Ukk. 17.1Mutakabikaye ichinyamana chicho chili ni chilema, pakuti u Mwene atakwiza pakuchipokela. 21Nanti umuntu yumo akubika ichakwiyipa ichabupoka kwa Mwene, umwakuti akwanilisye ichilapo pamo ichakwiyipa icha bwighane, ukufuma ku ng'ombe pamo ku ng'ozi yiyo yite ni chilema nachimochimo ukuti chipokeleliwe. 22Mutakabikaye kwa Mwene ichinyamana ichifwamaso pamo ichilemazu pamo ichakufumya amafila pamo icha chibule pamo icha mpele. Ivinyamana vinivi vitakabikiwanje ukuti chibanje chakwiyipa ichakocha pachighemo icha Mwene. 23Mungabika inkambaku pamo ing'ozi yiyo ichinama choka chitali pamo chipimpa ukuti chibanje chakwiyipa icha bwighane, loli chitangapokeleliwa ukuti chibanje ichakukwanilisya ichilapo. 24Mutakabikaye kwa Mwene ichinyamana chicho amatulu ghache ghavulaziwe, pamo ghafwantaniziwe, pamo ghazepuliwe pamo ghadumuliwe. Mutakachibombaye chinichi muchisu chinyu. 25Mutakavibikaye ivinyamana vyosi ivya bunubu vivyo mwapokela ku muyeni pakuba chakulya icha Chala winyu. Pakuti ivinyamana vinivi vitangapokeleliwa pachifukwa ichakuti vilemaye, sona vili ni chilema.”
26U Mwene akamubuzya u Mozesi akati, 27“Nanti ingwata pamo umwana uwa ng'ozi pamo umwana uwa mbuzi apapiwa abanje nu nyina amasiku seveni. Loli ukwandila pisiku ilya eyiti apokeleliwanje ukuti chibanje chakwiyipa ichakocha kwa Mwene. 28Mutakabolelaye poka ing'ombe ni ngwata yache pamo ing'ozi nu mwana wache pamo imbuzi nu mwana wache pisiku lyoka ukuti chibanje chakwiyipa.”
29Bo mukubika ichakwiyipa ichakumupalizikizya u Mwene, mukonkaye ululaghilo lwache umwakuti chipokeleliwanje nu Mwene. 30Muchilye isiku linilyo, chitakasyalepo nachimochimo mupaka pandabindabi. Ane ne Mwene.
31“Mughakonkaye amalamulo ghane nukughivwila. Ane ne Mwene. 32Mutakalisamulaye itabwa lyane izelu. Aba Izilayeli bosi bitikaye ukuti Ane ne Muzelu. Ane ne Mwene nkubapela pakuba mwe bazelu, 33sona ne nkabefya mu Ijiputi umwakuti imbanje ne Chala winyu. Ane ne Mwene.”
Currently Selected:
Aba Levi 22: LMB2024
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.
Aba Levi 22
22
Nizya bupaghuliwa ubwa vyakwiyipa
1U Mwene akamubuzya u Mozesi akati, 2“Umulamule u Aloni na bana bache ukuti bavipimaye pakuba vipaghuliwa ivyakwiyipa vivyo aba Izilayeli, bakumpaghulila umwakuti batakalisamulaye itabwa lyane izelu. Ane ne Mwene.”
3Nanti uwaluko lwache yumo uwa nkulilo zyosi izya muntazi, aba muntu munyazu nukupalamila ku vyakwiyipa ivipaghuliwa, vivyo aba Izilayeli bakuvipaghulila kwa Mwene, umuntu yula epusiwanjepo pamaso papane. Ane ne Mwene.
4Nanti uwaluko yumo ulwa Aloni ali na mambombo, pamo nanti akufumya amafila, atangalya ivyakwiyipa ivipaghuliwa mupaka abanje tasi muntu muswepu. Akuba muntu munyazu nanti akupalamasya ichintu chicho chapalamasannya nu muvimba, pamo umuntu yuyo akufumya ubwanavuli, 5pamo nanti akuchipalamasya ichintu ichakwavula, chicho chingamupela pakuba muntu munyazu, manyi bungaba bunyazu boni. 6Umuputi wesi yuyo akupalamasya ichintu chinichi akuba munyazu mupaka pachamabwila. Atakalyanje ivyakwiyipa ivipaghuliwa mupaka oghe tasi umubili ghosi. 7Po pachamabwila akuba muntu muswepu. Pisinda pache angalya ivyakwiyipa ivipaghuliwa, pakuti ichi cho chakulya chache. 8Atakalyanje ichinyamana ichifwe chene, pamo ichakulika, lumo anginyazya mwene. Ane ne Mwene.
9Polelo abaputi bosi baghakonkaye amalamulo ghane, lumo bangananga nukufwa, pachifukwa ichakuti batakughasungilila amalamulo ghane. Ane ne Mwene nkubapela pakuba mwe bantu abazelu.
10“Umuntu yuyo ate uwa munyumba iya buputi atakalyanje ivyakwiyipa ivipaghuliwa, manyi muyeni wache, manyi wambombo wache. 11Loli nanti umuputi amughula umuzya ni ndalama, pamo nanti umuzya apapiliwe munyumba yache, umuzya yula angalyako ichakulya icha muputi.” 12Nanti umwana umulindu uwa muputi asendwa nu muntu bulo yuyo ate wa munyumba iya buputi, atakalyeko ivyakwiyipa ivipaghuliwa vila. 13Loli nanti umwana umulindu uwa muputi aba mufwilwe pamo nanti asokite sona ate nu mwana nukunyokela kwa wise ngati pakabalilo aka bulindu bwache angalyako ichakulya icha wise. Loli umuntu bulo yuyo ate wa munyumba iya buputi atangalyako.
14Nanti umuntu yuyo ate wa munyumba iya buputi alya ivyakwiyipa ivipaghuliwa umwakusita kumanya, amulipile umuputi yula, sona onjelezyepo ichigaba choka pavigaba fayivi ukuyana nu mutengo wache. 15Abaputi batakavinyazyanje ivyakwiyipa ivipaghuliwa, vivyo aba Izilayeli bakuvibika kwa Mwene, 16pakubitikizya abantu babo bate bamunyumba iya buputi pakulya ivyakwiyipa ivipaghuliwa nukubapela pakuba ninongwa, yiyo bangafundiwa nayo. Ane ne Mwene, nkuvipela pakuba vyakwiyipa ivipaghuliwa.
17U Mwene akamubuzya u Mozesi akati, 18“Umulamule u Aloni na bana bache poka naba Izilayeli bosi uti, ‘Nanti umuntu yumo pakasi papinyu manyi mu Izilayeli manyi muyeni yuyo akwikala muchisu icha Izilayeli iza ni chabupi ukuti chibanje chakwiyipa ichakocha kwa Mwene manyi akukwanilisya ichilapo pamo ichakwiyipa icha bwighane 19abike inkambaku insita ichilema nachimochimo pamo ing'ozi pamo usabwe umwakuti chipokeleliwe.’ 20#Ukk. 17.1Mutakabikaye ichinyamana chicho chili ni chilema, pakuti u Mwene atakwiza pakuchipokela. 21Nanti umuntu yumo akubika ichakwiyipa ichabupoka kwa Mwene, umwakuti akwanilisye ichilapo pamo ichakwiyipa icha bwighane, ukufuma ku ng'ombe pamo ku ng'ozi yiyo yite ni chilema nachimochimo ukuti chipokeleliwe. 22Mutakabikaye kwa Mwene ichinyamana ichifwamaso pamo ichilemazu pamo ichakufumya amafila pamo icha chibule pamo icha mpele. Ivinyamana vinivi vitakabikiwanje ukuti chibanje chakwiyipa ichakocha pachighemo icha Mwene. 23Mungabika inkambaku pamo ing'ozi yiyo ichinama choka chitali pamo chipimpa ukuti chibanje chakwiyipa icha bwighane, loli chitangapokeleliwa ukuti chibanje ichakukwanilisya ichilapo. 24Mutakabikaye kwa Mwene ichinyamana chicho amatulu ghache ghavulaziwe, pamo ghafwantaniziwe, pamo ghazepuliwe pamo ghadumuliwe. Mutakachibombaye chinichi muchisu chinyu. 25Mutakavibikaye ivinyamana vyosi ivya bunubu vivyo mwapokela ku muyeni pakuba chakulya icha Chala winyu. Pakuti ivinyamana vinivi vitangapokeleliwa pachifukwa ichakuti vilemaye, sona vili ni chilema.”
26U Mwene akamubuzya u Mozesi akati, 27“Nanti ingwata pamo umwana uwa ng'ozi pamo umwana uwa mbuzi apapiwa abanje nu nyina amasiku seveni. Loli ukwandila pisiku ilya eyiti apokeleliwanje ukuti chibanje chakwiyipa ichakocha kwa Mwene. 28Mutakabolelaye poka ing'ombe ni ngwata yache pamo ing'ozi nu mwana wache pamo imbuzi nu mwana wache pisiku lyoka ukuti chibanje chakwiyipa.”
29Bo mukubika ichakwiyipa ichakumupalizikizya u Mwene, mukonkaye ululaghilo lwache umwakuti chipokeleliwanje nu Mwene. 30Muchilye isiku linilyo, chitakasyalepo nachimochimo mupaka pandabindabi. Ane ne Mwene.
31“Mughakonkaye amalamulo ghane nukughivwila. Ane ne Mwene. 32Mutakalisamulaye itabwa lyane izelu. Aba Izilayeli bosi bitikaye ukuti Ane ne Muzelu. Ane ne Mwene nkubapela pakuba mwe bazelu, 33sona ne nkabefya mu Ijiputi umwakuti imbanje ne Chala winyu. Ane ne Mwene.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.