Ukufuma Ukwanda
Ukwanda
Itabwa ilyakuti Ukufuma likusanusya ukuti ukwepamo sona likunena nizya vintu ivyakulondiwa mwipangwi ilya ba Izilayeli vivyo vikuneniwa mwibuku ili, pakabalilo kako bakafuma muchisu icha Ijiputi, kuko bakaba bazya. Ibuku linili lili nivigaba folo ivyakulondiwa nkani: (1) Ukwabuliwa ukwa ba Hebeli kubuzya. (2) Ubulendo bwabo ubwa kwighamba ilya Sinayi. (3) Ulufingo ulwa Chala lulo akafingana na bantu bache pighamba ilya Sinayi, lulo lukabapa inyiho izyakulanjizya akikalile akiza mukaya na bantu abanji, sona ni ndaghilo izyaviputo. (4) Ukuzenga nukuyannya akiza ubuzilo ubwakwiputilamo ubwa ba Izilayeli, sona ni ndaghilo zizyo zikulingannya nizya baputi nukumuchindika u Chala.
Ukonjelezya pa zyosi zinizi, ibuku ili likulingannya nizya vintu vivyo u Chala akabomba, bo akubapa ubwabuke abantu bache babo bakaba bazya nukubapela pakuba luko ulwa lusubilo ulwa ivya muntazi.
Mwibuku ili umuntu yuyo akuneniwa nkani we Mozesi, yuyo u Chala akamusala ukuti abalongolele abantu bache ukufuma nabo muchisu icha Ijiputi. Ichigaba ichikulu nkani mwibuku ili lo lubatiko ulwa Malamulo Teni mu chaputala 20.1-17
Ivyamukasi
Aba Izilayeli basatuliwa muchisu icha Ijiputi 1.1—15.21
a. Abazya mu Ijiputi 1.1-22
b. Ukupapiwa ukwa Mozesi nubwana bwache 2.1—4.31
c. U Mozesi nu Aloni bakudalinkana nu mwene uwamu Ijiputi 5.1—11.10
d. Ulusekelo ulwa Pasa nukwepamo mu Ijiputi 12.1—15.21
Ukufuma ku Nyanja Inchesamu mupaka kwighamba ilya Sinayi 15.22—18.27
Indaghilo nu lufingo 19.1—24.18
Ichisakasa Ichizelu ni ndaghilo izya chiputo 25.1—40.38
Currently Selected:
Ukufuma Ukwanda: LMB2024
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.