Rɔmënyüü 12
12
'MƲFAGOGOA 'KLÜLÜ 'CICIA' NYƆƆ
12.1–15.13
‑Na nyufaa Nyɔsʋaa ‑nyɩnyɩkʋ
1 'Na ‑wlajü 'amɩ, Nyɔsʋaa nayatɛrɩa ‑gʋ 'n bibie 'amɩ, 'ba ‑nyɩ 'ɔɔn 'ana nyüfë ‑beere 'lɩbägbɔsadɛɛ ɛnyɩa' ‑fre pa ‑bɛ ɛ 'naa' Nyɔsʋaa ‑gʋ. 'A 'tasɩrɩa nyɔsʋabibiekʋ. 2'Anyɩ dɔrɔ ‑taa 'plälä kʋa' ‑pɩa nʋnʋgbi 'wʋ, ‑maa 'ba 'cɛrɛ Nyɔsʋa ‑wälɩ 'ɔmä 'amɩ 'cici 'ɔmä 'amɩ bobowli dëdrä ‑nyɩ, 'amä 'tasɩrɩ wiili Nyɔsʋa 'bataa' jre: wiili 'naa', i 'mɩmrɛa' 'klɩ, nyra wiili 'naa' 'mʋfasa.
'Wʋcieciekʋ
3Nyɔsʋaa ‑gbinanakʋlʋ ɔ ‑nyɩa' 'mɩ nɩ, 'ua 'nyrɩklɩa ‑gʋ, 'n ‑gbala 'amɩ 'doorodoo: 'ana bobowli 'nyɩ 'jrara 'amɩ ‑gböösa 'inyɩ ‑sie 'wli, ‑maa 'ba jre 'ana kʋfa. ‑Moloo ma bälɩ ɔ 'jä 'ɔa nyɔsʋaplɛtorokʋlʋ Nyɔsʋa ‑nyɩa' 'ɔɔn 'kä 'ɔ nö 'ia 'sa. 4'Be fugbalä a 'klaaa' 'ä bä 'döö ‑maa 'äa ‑gbaa dii ‑sümlö, 'ia 'fɩɔ 'nyɩ 'jrʋpa 'döö ‑a kä. 5'Asɩ a ‑sümlö ‑maa a bä nyɔɔ 'doo 'Kriisë 'lɩ, ‑bɛ ‑moloo bä ‑molooa 'pɛ. 6Anya kä 'srɛa 'kaɩn 'kaɩn, ɛ Nyɔsʋa ‑nyɩa' amɩ 'ɔa ‑gbinanakʋ 'lɩ. Ima 'daa nyɔsʋaamlɩpalanyɔɔa 'saa ‑nëmä wii 'pa nɩ, 'pa 'iin 'sɩrɩ nyɔsʋaplɛtorokʋ 'daaa'. 7Ima 'daa nyüü ‑nëmä ‑gbaji nɩ, ji nyüü ‑gba. Ima 'daa 'kpɩa ‑nëmä 'kpɩa nɩ, 'kpɩa. 8Ima 'daa nyüü ‑nëmä 'klülɩpa nɩ, 'pa nyüü 'klü 'lɩ. Ima 'daa käkädii ‑nëmä ‑nyɩ nɩ, a bɩa ‑na plɛ 'wlalɩkä ‑a ‑nʋ 'imɩ. Ima 'daa 'kama ‑nëmä 'kama nɩ, 'kama 'cɩcasa. Ima 'daa nyatɛplɛ ‑nëmä kä nɩ, kä 'ɛmɩ dɔrʋsa.
‑Wawakʋ
9'Ana ‑wawlakʋ 'nyɩ bä ‑glaaklɩ. 'Ba jrara ‑balʋ 'nyüa 'mlɩ, 'kä 'a nö i 'naa' ‑a 'doo. 10'Ba nʋ 'ana plɛa 'fɩɔ 'ba ‑wawla ‑beere ‑wlajü. 'Amɔ ‑kätɩ 'ba ‑täträlɩ. 11'Ba kli, 'anyɩ ‑fɛ; 'ba kä 'klü 'ana bobowlia 'mlɩ ‑bɛ 'ba ‑fɛ 'Pläkänyɔɔa 'jrʋpa. 12A dɔrʋ 'bla 'amɩ 'a jre dɛɛlɛ 'naa' Nyɔsʋa tɛrɛa' 'amɩ ‑sraakäpɩa ‑gʋ. 'Ba kpʋkplɔmlɩ ‑sʋɩa 'mlɩ, 'anyɩ ‑sɩa nyɔsʋabibiekʋa ‑gʋ. 13'Ba ji Nyɔsʋaa 'nyünanyüü ‑gba. 'Ba 'kʋɛɛlɩ 'mʋfasa nyüülü jöa' 'ana ‑nyɛɛ.
14'Ba 'pa nyüülü nöa' 'amɩ ‑gbi ‑gba 'nɩ, 'anyɩ busu 'üün ‑maa 'ba 'pa 'üün 'nɩ#12.14 Matiö 5.44; Lukë 6.28.. 15'Ba nyra nyüülü dɔrʋ 'blaaa' nʋ dɔrʋ; nyüülü 'wuöa' 'ba nyra 'üün 'wu. 16'Ba 'nönröwli. 'Anyɩ bɔtɔ ‑tɔklʋ, ‑maa abɩa 'ana bobowli bɩara dɛɛlɛ 'ünyɩ 'daraa' dɛɛ a 'pɛlɩ. 'Anyɩ bobo ‑maa 'a jre wii#12.16 Tapönänë 3.7; Esaii 5.21.. 17'Anyɩ nʋ ‑balʋ 'anyɩ 'sa ‑balʋa 'kpa. 'Ba 'bata wiili nyüüa 'fɩɔ 'daaa' i 'naa' 'ia nʋnʋkʋ. 18Ima 'wʋ 'iin 'klɩ nɩ, 'ba nyra nyüüa 'fɩɔ 'nönröwli. 19'Na ‑wawanyüü 'amɩ, 'ana 'mʋgbɛ 'nyɩ ‑fu ana 'wlia tou, 'ba 'cɛrɛ Nyɔsʋaa 'crɛ ‑wälɩ ɛ ji. 'I ‑jɩjra: 'Pläkänyɔɔ nɩnɩa: «'Mɔɔ ‑fuuö 'ana 'wli 'lɩa tou. 'Nyaa 'ua 'kpa 'saa.» 20‑Maa, ‑gbëka ma 'bla ‑na 'nyüamlɩjraranyɔɔ nɩ, ‑nyɩ 'ɔɔn jijri; 'mamlatʋ ma 'bla 'ɔmɩ nɩ, ‑nyɩ 'ɔɔn ɔ 'mla. ‑Ama nʋ 'saa nɩ, 'i ‑beere 'sɩrɩ ‑paaplaa' kaprajruu ‑gba ‑bɛ ‑tʋa' 'ɔa 'wli#12.20 Tapönänë 25.21-22.. 21'Anyɩ 'cɛrɛ ‑balʋ ‑wälɩ 'unyɩ ‑sie 'amɩ 'lɩ ‑maa 'ba nʋ 'cɩcagbi 'ba du ‑balʋ.
Currently Selected:
Rɔmënyüü 12: Bakwé
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.
Rɔmënyüü 12
12
'MƲFAGOGOA 'KLÜLÜ 'CICIA' NYƆƆ
12.1–15.13
‑Na nyufaa Nyɔsʋaa ‑nyɩnyɩkʋ
1 'Na ‑wlajü 'amɩ, Nyɔsʋaa nayatɛrɩa ‑gʋ 'n bibie 'amɩ, 'ba ‑nyɩ 'ɔɔn 'ana nyüfë ‑beere 'lɩbägbɔsadɛɛ ɛnyɩa' ‑fre pa ‑bɛ ɛ 'naa' Nyɔsʋaa ‑gʋ. 'A 'tasɩrɩa nyɔsʋabibiekʋ. 2'Anyɩ dɔrɔ ‑taa 'plälä kʋa' ‑pɩa nʋnʋgbi 'wʋ, ‑maa 'ba 'cɛrɛ Nyɔsʋa ‑wälɩ 'ɔmä 'amɩ 'cici 'ɔmä 'amɩ bobowli dëdrä ‑nyɩ, 'amä 'tasɩrɩ wiili Nyɔsʋa 'bataa' jre: wiili 'naa', i 'mɩmrɛa' 'klɩ, nyra wiili 'naa' 'mʋfasa.
'Wʋcieciekʋ
3Nyɔsʋaa ‑gbinanakʋlʋ ɔ ‑nyɩa' 'mɩ nɩ, 'ua 'nyrɩklɩa ‑gʋ, 'n ‑gbala 'amɩ 'doorodoo: 'ana bobowli 'nyɩ 'jrara 'amɩ ‑gböösa 'inyɩ ‑sie 'wli, ‑maa 'ba jre 'ana kʋfa. ‑Moloo ma bälɩ ɔ 'jä 'ɔa nyɔsʋaplɛtorokʋlʋ Nyɔsʋa ‑nyɩa' 'ɔɔn 'kä 'ɔ nö 'ia 'sa. 4'Be fugbalä a 'klaaa' 'ä bä 'döö ‑maa 'äa ‑gbaa dii ‑sümlö, 'ia 'fɩɔ 'nyɩ 'jrʋpa 'döö ‑a kä. 5'Asɩ a ‑sümlö ‑maa a bä nyɔɔ 'doo 'Kriisë 'lɩ, ‑bɛ ‑moloo bä ‑molooa 'pɛ. 6Anya kä 'srɛa 'kaɩn 'kaɩn, ɛ Nyɔsʋa ‑nyɩa' amɩ 'ɔa ‑gbinanakʋ 'lɩ. Ima 'daa nyɔsʋaamlɩpalanyɔɔa 'saa ‑nëmä wii 'pa nɩ, 'pa 'iin 'sɩrɩ nyɔsʋaplɛtorokʋ 'daaa'. 7Ima 'daa nyüü ‑nëmä ‑gbaji nɩ, ji nyüü ‑gba. Ima 'daa 'kpɩa ‑nëmä 'kpɩa nɩ, 'kpɩa. 8Ima 'daa nyüü ‑nëmä 'klülɩpa nɩ, 'pa nyüü 'klü 'lɩ. Ima 'daa käkädii ‑nëmä ‑nyɩ nɩ, a bɩa ‑na plɛ 'wlalɩkä ‑a ‑nʋ 'imɩ. Ima 'daa 'kama ‑nëmä 'kama nɩ, 'kama 'cɩcasa. Ima 'daa nyatɛplɛ ‑nëmä kä nɩ, kä 'ɛmɩ dɔrʋsa.
‑Wawakʋ
9'Ana ‑wawlakʋ 'nyɩ bä ‑glaaklɩ. 'Ba jrara ‑balʋ 'nyüa 'mlɩ, 'kä 'a nö i 'naa' ‑a 'doo. 10'Ba nʋ 'ana plɛa 'fɩɔ 'ba ‑wawla ‑beere ‑wlajü. 'Amɔ ‑kätɩ 'ba ‑täträlɩ. 11'Ba kli, 'anyɩ ‑fɛ; 'ba kä 'klü 'ana bobowlia 'mlɩ ‑bɛ 'ba ‑fɛ 'Pläkänyɔɔa 'jrʋpa. 12A dɔrʋ 'bla 'amɩ 'a jre dɛɛlɛ 'naa' Nyɔsʋa tɛrɛa' 'amɩ ‑sraakäpɩa ‑gʋ. 'Ba kpʋkplɔmlɩ ‑sʋɩa 'mlɩ, 'anyɩ ‑sɩa nyɔsʋabibiekʋa ‑gʋ. 13'Ba ji Nyɔsʋaa 'nyünanyüü ‑gba. 'Ba 'kʋɛɛlɩ 'mʋfasa nyüülü jöa' 'ana ‑nyɛɛ.
14'Ba 'pa nyüülü nöa' 'amɩ ‑gbi ‑gba 'nɩ, 'anyɩ busu 'üün ‑maa 'ba 'pa 'üün 'nɩ#12.14 Matiö 5.44; Lukë 6.28.. 15'Ba nyra nyüülü dɔrʋ 'blaaa' nʋ dɔrʋ; nyüülü 'wuöa' 'ba nyra 'üün 'wu. 16'Ba 'nönröwli. 'Anyɩ bɔtɔ ‑tɔklʋ, ‑maa abɩa 'ana bobowli bɩara dɛɛlɛ 'ünyɩ 'daraa' dɛɛ a 'pɛlɩ. 'Anyɩ bobo ‑maa 'a jre wii#12.16 Tapönänë 3.7; Esaii 5.21.. 17'Anyɩ nʋ ‑balʋ 'anyɩ 'sa ‑balʋa 'kpa. 'Ba 'bata wiili nyüüa 'fɩɔ 'daaa' i 'naa' 'ia nʋnʋkʋ. 18Ima 'wʋ 'iin 'klɩ nɩ, 'ba nyra nyüüa 'fɩɔ 'nönröwli. 19'Na ‑wawanyüü 'amɩ, 'ana 'mʋgbɛ 'nyɩ ‑fu ana 'wlia tou, 'ba 'cɛrɛ Nyɔsʋaa 'crɛ ‑wälɩ ɛ ji. 'I ‑jɩjra: 'Pläkänyɔɔ nɩnɩa: «'Mɔɔ ‑fuuö 'ana 'wli 'lɩa tou. 'Nyaa 'ua 'kpa 'saa.» 20‑Maa, ‑gbëka ma 'bla ‑na 'nyüamlɩjraranyɔɔ nɩ, ‑nyɩ 'ɔɔn jijri; 'mamlatʋ ma 'bla 'ɔmɩ nɩ, ‑nyɩ 'ɔɔn ɔ 'mla. ‑Ama nʋ 'saa nɩ, 'i ‑beere 'sɩrɩ ‑paaplaa' kaprajruu ‑gba ‑bɛ ‑tʋa' 'ɔa 'wli#12.20 Tapönänë 25.21-22.. 21'Anyɩ 'cɛrɛ ‑balʋ ‑wälɩ 'unyɩ ‑sie 'amɩ 'lɩ ‑maa 'ba nʋ 'cɩcagbi 'ba du ‑balʋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.