Rɔmënyüü 11
11
Israɛɛlë Nyɔsʋa 'balɩ ‑maa 'ü 'sunyakliwli
1'Bete 'n 'bete ɔ: Nyɔsʋa 'wʋ 'ɔa ‑glügbö dɛrɩ 'ia ‑gʋ? 'Klaaklä! 'Na 'mʋgbɛ Israɛɛlënyɔɔ 'n bä; Abraamëa ‑gbööli 'n sɔ, Bɛnjamɛɛa#11.1 Filipënyüü 3.5. ‑glügbö 'klɩ. 2Nyɔsʋaa 'jülü 'ɔnya käa' 'lɩba, 'ɔnyɩ 'üün dɛrɩ ‑a sɔ. ‑Ale wiili nyɔsʋaawii 'paa' Eliia ‑gʋ 'anyɩ 'iin 'wli ‑a 'nu, 'sɩrɩ 'ɔ bibiea' Nyɔsʋa Israɛɛlëa ‑gʋ ‑bɛ 'ɔ 'daaa' ‑maa: 3«*'Pläkänyɔɔ, 'ü 'bla ‑na mlɩpalanyüü, 'ünya ‑gblooo ‑na *‑gbɔsatöwlü. 'Na 'doolɔ tɩɔa' 'lɩ nɩ, 'ü 'bata 'ümä 'mɩ 'bla!» 4‑Asɩ Nyɔsʋa ‑gbala 'ɔɔn le? 'Ɔ nɩnɩa: «'N bere nyüüa ‑diipʋ ‑dii ‑uunsɔɔ ‑glʋɩpʋ (7 000) 'klɩ 'na ‑gʋ. 'Ü ‑kaapɩɔ *Baalëa 'klʋɩ 'koti ‑fli 'pala#11.4 1 'Kɩɩ 19.18..» 5'Asɩ 'i bä bɩa 'saarɩ. Nyɔsʋaa ‑gbinanakʋ 'lɩ 'ɔ bere nyüü ‑mölöö 'klɩ. 6‑Bɛ ima 'daa ‑gbinanakʋ 'lɩ 'ɔ ‑srörö nɩ, ‑mää nyɔɔa nʋnʋdiia ‑gʋ ‑a; ima 'daa ɩ 'iin nɩ, ‑gbinanakʋ ‑kanyɩ ‑gbinanakʋ ‑a bä. ‑Bɛ ima 'daa nyɔɔa nʋnʋdiia ‑gʋ nɩ, ‑mää ‑gbinanakʋ ‑kanyɩ 'saabä; ima bä ɩ 'iin nɩ, nyɔɔa nʋnʋdii ‑kanyɩ nyɔɔa nʋnʋdii ‑a bä#11.6 ‑Bɛ ima 'daa nyɔɔa nʋnʋdiia ‑gʋ nɩ, ‑mää ‑gbinanakʋ ‑kanyɩ 'saabä; ima bä ɩ 'iin nɩ, nyɔɔa nʋnʋdii ‑kanyɩ nyɔɔa nʋnʋdii ‑a bä: ‑Taa ‑waklüülü 'nyɩ grɛɛkë kätɩpɔɔkɩ ‑mɩdooa 'mlɩ ‑a bä.. 7‑Asɩ anya ‑gba le? Dɛɛlɛ Israɛɛlë 'bataa' 'ünyɩ 'ɛɛn 'jä ‑a 'jä, ‑maa ‑mülü Nyɔsʋa 'baa' 'lɩ nɩ, 'ü 'jä dɛɛlɛ 'ü 'bataa'. ‑Mülü nɩ, Nyɔsʋa nya bälä 'üa plɛ kälɩ, 8'sɩrɩ 'i ‑jɩjraa',
«Nyɔsʋa bɔtɔ 'üa bobowli,
‑a ‑tɔɔ 'saarɩ ‑gälɩ, 'üa 'nyü ‑kanyɩ 'jä dɛɛ ‑a,
'üa 'nyakli ‑kanyɩ 'nu dɛɛ 'wli ‑a # 11.8
Deteronɔɔmë 29.3; Esaii 6.10..»
9 Daviidë nya 'daa:
«Abɩa 'üa jijria 'töwlö bä ‑gbasi 'üa ‑gʋ, ä bä ‑tata 'üa ‑gʋ,
ä bä 'üa 'käkpadɛɛ, i bä 'üa 'pɔnɩkʋ # 11.9
'Lɩbrɛrɛpɔɔkʋ 69.23
..
10 Abɩa 'üa 'nyüa 'mlɩ bä 'jöjrüükpü 'ü ‑pɩ 'käjä,
'kä 'ü ‑gbreeekä 'plɔʋplɔʋ # 11.10
'Lɩbrɛrɛpɔɔkʋ 69.24
.!»
Wiili Nyɔsʋa boboa' Israɛɛlëa ‑gʋ
11‑Jäsɩ 'n 'betea' nɩ: ‑gbɔ juifënyüü ‑gbɔ 'ünya blö? 'Klaaklä! 'Üa ‑balʋa ‑gʋ 'lɩmlɩwʋwʋkʋ 'tɔ nyüülü 'nyɩa' juifë bä 'üa 'pɛlɩ, 'ümä wasä ‑tʋ. 12‑Bɛ 'üa böblökʋ ma ‑nyɩ 'plä 'bɩɔ nɩ, ima ‑nyɩ bɩa nyüülü 'nyɩa' juifë bä 'bɩɔ nɩ, dɛɛlɛ Nyɔsʋa 'mäa' Israɛɛlë ‑nyɩ üma 'blöö 'ɔa 'pɛlɩ dɛrɩ nɩ, 'ɛnya 'bʋaa ‑gböösa. 13'Amɔ nyüülü 'nyɩa' juifë bä, 'amɔ 'n ‑gbala: 'be 'mɔɔ bä nyüülü 'nyɩa' juifë bäa Apotrë, 'ii känyrɩ 'na 'jrʋpa kä 'mɩ dɔrʋ 'wʋ. 14'N nö 'imɩ 'imä 'na ‑glügbö wasä plɛklɩ ‑tʋ 'kä 'doorodoolü bäa' 'üa ‑tɔrʋpɩɔ 'mä 'lɩmlɩwʋ. 15'Üa dɛrɩsɔsrɔkʋ ma ja 'wlinönrökʋ 'pläa 'mlɩ nɩ, 'üa dɛrɩböblöökʋ nya ‑beere 'sɩrɩ nyɔɔ 'sɔa' 'kuaabre ‑bɛ 'ɔ jia' 'plä 'wʋ!
Nyüülü 'nyɩa' juifë bäa 'nyaklukʋɛkʋɛkʋ
16‑Bɛ 'flɔɔpɛlɛ ‑kätɩ 'ü ‑nyɩa' Nyɔsʋa ma 'nyɩ ‑fre ‑a pa nɩ, 'iibä diili 'ü nʋa' ‑bɛ 'ü pia' 'uun nɩ, 'inyɩ ‑fre ‑a pa#11.16 Nɔɔbrë 15.19-21.. ‑Bɛ tigblii ma 'nyɩ ‑fre ‑a pa nɩ, katëa 'mʋgbɛ 'nyɩ bɩa ‑fre ‑a pa. 17'Ii känyrɩ katë ‑mülü ma 'bölö nɩ, ‑bɛ ‑mɔ oliivëtuu ‑gaa' 'klʋɛɛ 'lee, 'üa ‑pi 'lɩ 'ü 'ma ‑mɩ 'kä, ‑bɛ ‑jää oliivëtuua tigbliia 'nɩ. 18'Ii känyrɩ ‑nyɩ nʋ katëlë ‑nyɩ 'ba ‑na nyufa nyɔɔwʋ. ‑Ama nëmä ‑na nyufa nyɔɔwʋba nɩ, ‑nyɩ ‑trɔ 'sɩrɩ ‑toŋloa' tigblii ‑wälɩ, ‑maa tigblii 'ii nö ‑mɩ. 19‑Ama ‑gölö ‑nya 'daa: «'Na 'lɩgbakämakʋa ‑gʋ 'ü 'böbö katëlë.» 20'I 'na; 'ünyɩ toro Nyɔsʋa plɛ ‑a, 'a 'ia ‑gʋ 'ü 'bölɩ 'ümɩ. ‑Bɛ ‑mɔlɔ nɩ, nyɔsʋaplɛtorokʋa ‑gʋ ‑sɔɔrɔwʋ. 'Ii känyrɩ ‑nyɩ bɔtɔ ‑tɔklʋ! ‑Maa abɩa ŋalɛ 'bla ‑mɩ, 21'be Nyɔsʋa ma 'nyɩ ‑kätɩa nü katë 'klɩ ‑a bere nɩ, jresaa 'ɔ ‑nëmä bɩa ‑mɩ 'klɩ ‑a bere. 22‑Jää Nyɔsʋaa ‑gbinanakʋ nyra 'ɔa 'nyüamlɩflɔɔrɔkʋ: 'ɔ ‑flɔɔɔrɔ ü blöa' 'nyüa 'mlɩ, 'kä 'ɔ ‑nyɛɛ ‑mɩ 'ɔa ‑gbinanakʋ ‑ama ‑ka bä 'ɔa ‑gbinanakʋ 'lɩ. Ima 'nyɩ 'iin bä ‑a bä 'ɔnya bɩa ‑mɩ 'lɩböa. 23'Üa 'mʋgbɛ, üma 'cici nɩ, 'ɔnya 'lɩ 'üün 'kämaa, 'be Nyɔsʋa 'mrɛɛ ɔ 'ma bɩa 'lɩ 'üün ‑gbakä. 24‑Mɔlɔ nɩ, 'klʋɛɛa oliivëtuua ‑gba 'ü 'ba ‑mɩ, 'uu ma kä ‑mɩ, 'ünya 'ma ‑mɩ 'cɩca oliivëtuua ‑gbakä u kä kata ‑nyɩa' bä. 'Cɩca oliivëtuua 'mʋgbɛa kataa 'lɩgbamamakʋ 'nyɩ 'lɩ ‑a kla.
Israɛɛlëa 'fɩɔa 'lɩmlɩwʋwʋkʋ
25 'Na ‑wlajü 'amɩ, 'n 'bata 'ba jre wiili ‑sisiea' 'a ‑pɩ bobo ‑maa 'amɔ jre wii: 'iibä Israɛɛlëa 'pɛ 'dee 'bʋala plɛ 'kä nyüülü Nyɔsʋa 'bataa' ünyɩa' juifë bä 'üa 'fɩɔ nya 'ɔa ‑nyɛɛ pa. 26'A 'ia 'taɩn 'lɩ Israɛɛlëa 'fɩɔ 'mä 'lɩmlɩwʋ 'sɩrɩ 'i ‑jɩjraa':
'Lɩmlɩbanyɔɔ nya *Siɔɔn 'cerea,
'kä 'ɔnya Jakɔɔbëa plɛ 'cici 'ɔa ‑balʋgbia ‑gʋ.
27 'Ii nëmä 'na kuö bä 'nyraa 'üün kɔsɔ,
'taɩn 'lɩ 'mäa' 'lɩ 'üa ‑balʋ 'ba # 11.26-27
Esaii 59.20-21; 27.9..
28Dɛɛlɛ bäa' 'Mʋfagogo nɩ, juifë jajra 'nyüamlɩ 'ana ‑gʋ, ‑maa dɛɛlɛ bäa' Nyɔsʋa 'balɩ 'üün mlɩ nɩ, 'üa tʋɩɩa ‑gʋ Nyɔsʋa ‑waa 'üün. 29'Be Nyɔsʋa ma ‑nyɩ dɛɛ 'ɔ ‑kanyɩ ji 'ɛa 'klʋɛɛ ‑a, ‑bɛ ɔma we nyüü 'ɔnyɩ sɔ 'üün dɛrɩ ‑a. 30'Ana 'mʋgbɛ nɩ, 'anyɩ kä 'lɩ Nyɔsʋa ‑a ‑träärä, ‑maa 'köklesaplɩɩ ɔ nɩ, Nyɔsʋa 'ünyɩa' nyɔɔwʋba nɩ, 'ia ‑gʋ Nyɔsʋa nya 'jä 'ana nyatɛrɩ. 31'Asɩ 'saarɩ 'üa 'mʋgbɛ 'nyɩ bɩa 'lɩ Nyɔsʋa ‑träärä. 'I nëmä 'iin nʋ 'sɩrɩ Nyɔsʋa 'jäa' 'ana nyatɛrɩ nɩ, 'kä 'ɔnya bɩa 'üa nyatɛrɩ 'jä. 32Nyüüa 'fɩɔ 'nyɩ ‑träärälɩ wii ‑a, Nyɔsʋa ‑tʋ 'ümɩ 'iin ‑gälɩ 'ɔmä 'üa 'fɩɔa nyatɛrɩ 'jä.
Nyɔsʋa kä 'bʋalakʋ
33Nyɔsʋaa ‑gbinanakʋ 'bʋa! 'Ɔa 'lɩgaglakʋ nyra 'ɔa wiijejrekʋ 'bʋa! Nyɔɔ 'plɛɛ jre wiili Nyɔsʋa 'daaa' 'ɔmäa' nʋ le? Nyɔɔ 'plɛɛ 'mrɛɛ 'ɔ 'nu 'ɔa ‑gätʋtʋkʋ 'wli le? Nyɔɔ 'plɛɛ 'mrɛɛ 'ɔ 'nu wiili 'ɔ 'bataa' 'wli le#11.33 Esaii 55.8; 'Lɩbrɛrɛpɔɔkʋ 139.6,17-18.!
34 Nyɔɔ 'plɛɛ jre 'Pläkänyɔɔa bobowii le?
Nyɔɔ 'plɛɛ bä 'ɔa ‑tɔɔ 'lɩpanyɔɔ le # 11.34
Esaii 40.13
.?
35 'Aiɛ nyɔɔ 'plɛɛ ‑kätɩ ‑nyɩ 'ɔɔn dɛɛ,
‑bɛ 'ümä 'daa 'ɛɛ 'ɔ 'saamlɩ le # 11.35
Jɔɔbë 41.3
.?
36'Be 'ɔɔ diia 'fɩɔ sɔ kälɩ, 'ɔɔ 'ii ‑srörö kälɩ, 'ɔɔ kä 'imɩ. 'Ɔ kä 'bʋalakʋ 'plɔʋplɔʋ! 'Asɩ i bä!
Currently Selected:
Rɔmënyüü 11: Bakwé
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.
Rɔmënyüü 11
11
Israɛɛlë Nyɔsʋa 'balɩ ‑maa 'ü 'sunyakliwli
1'Bete 'n 'bete ɔ: Nyɔsʋa 'wʋ 'ɔa ‑glügbö dɛrɩ 'ia ‑gʋ? 'Klaaklä! 'Na 'mʋgbɛ Israɛɛlënyɔɔ 'n bä; Abraamëa ‑gbööli 'n sɔ, Bɛnjamɛɛa#11.1 Filipënyüü 3.5. ‑glügbö 'klɩ. 2Nyɔsʋaa 'jülü 'ɔnya käa' 'lɩba, 'ɔnyɩ 'üün dɛrɩ ‑a sɔ. ‑Ale wiili nyɔsʋaawii 'paa' Eliia ‑gʋ 'anyɩ 'iin 'wli ‑a 'nu, 'sɩrɩ 'ɔ bibiea' Nyɔsʋa Israɛɛlëa ‑gʋ ‑bɛ 'ɔ 'daaa' ‑maa: 3«*'Pläkänyɔɔ, 'ü 'bla ‑na mlɩpalanyüü, 'ünya ‑gblooo ‑na *‑gbɔsatöwlü. 'Na 'doolɔ tɩɔa' 'lɩ nɩ, 'ü 'bata 'ümä 'mɩ 'bla!» 4‑Asɩ Nyɔsʋa ‑gbala 'ɔɔn le? 'Ɔ nɩnɩa: «'N bere nyüüa ‑diipʋ ‑dii ‑uunsɔɔ ‑glʋɩpʋ (7 000) 'klɩ 'na ‑gʋ. 'Ü ‑kaapɩɔ *Baalëa 'klʋɩ 'koti ‑fli 'pala#11.4 1 'Kɩɩ 19.18..» 5'Asɩ 'i bä bɩa 'saarɩ. Nyɔsʋaa ‑gbinanakʋ 'lɩ 'ɔ bere nyüü ‑mölöö 'klɩ. 6‑Bɛ ima 'daa ‑gbinanakʋ 'lɩ 'ɔ ‑srörö nɩ, ‑mää nyɔɔa nʋnʋdiia ‑gʋ ‑a; ima 'daa ɩ 'iin nɩ, ‑gbinanakʋ ‑kanyɩ ‑gbinanakʋ ‑a bä. ‑Bɛ ima 'daa nyɔɔa nʋnʋdiia ‑gʋ nɩ, ‑mää ‑gbinanakʋ ‑kanyɩ 'saabä; ima bä ɩ 'iin nɩ, nyɔɔa nʋnʋdii ‑kanyɩ nyɔɔa nʋnʋdii ‑a bä#11.6 ‑Bɛ ima 'daa nyɔɔa nʋnʋdiia ‑gʋ nɩ, ‑mää ‑gbinanakʋ ‑kanyɩ 'saabä; ima bä ɩ 'iin nɩ, nyɔɔa nʋnʋdii ‑kanyɩ nyɔɔa nʋnʋdii ‑a bä: ‑Taa ‑waklüülü 'nyɩ grɛɛkë kätɩpɔɔkɩ ‑mɩdooa 'mlɩ ‑a bä.. 7‑Asɩ anya ‑gba le? Dɛɛlɛ Israɛɛlë 'bataa' 'ünyɩ 'ɛɛn 'jä ‑a 'jä, ‑maa ‑mülü Nyɔsʋa 'baa' 'lɩ nɩ, 'ü 'jä dɛɛlɛ 'ü 'bataa'. ‑Mülü nɩ, Nyɔsʋa nya bälä 'üa plɛ kälɩ, 8'sɩrɩ 'i ‑jɩjraa',
«Nyɔsʋa bɔtɔ 'üa bobowli,
‑a ‑tɔɔ 'saarɩ ‑gälɩ, 'üa 'nyü ‑kanyɩ 'jä dɛɛ ‑a,
'üa 'nyakli ‑kanyɩ 'nu dɛɛ 'wli ‑a # 11.8
Deteronɔɔmë 29.3; Esaii 6.10..»
9 Daviidë nya 'daa:
«Abɩa 'üa jijria 'töwlö bä ‑gbasi 'üa ‑gʋ, ä bä ‑tata 'üa ‑gʋ,
ä bä 'üa 'käkpadɛɛ, i bä 'üa 'pɔnɩkʋ # 11.9
'Lɩbrɛrɛpɔɔkʋ 69.23
..
10 Abɩa 'üa 'nyüa 'mlɩ bä 'jöjrüükpü 'ü ‑pɩ 'käjä,
'kä 'ü ‑gbreeekä 'plɔʋplɔʋ # 11.10
'Lɩbrɛrɛpɔɔkʋ 69.24
.!»
Wiili Nyɔsʋa boboa' Israɛɛlëa ‑gʋ
11‑Jäsɩ 'n 'betea' nɩ: ‑gbɔ juifënyüü ‑gbɔ 'ünya blö? 'Klaaklä! 'Üa ‑balʋa ‑gʋ 'lɩmlɩwʋwʋkʋ 'tɔ nyüülü 'nyɩa' juifë bä 'üa 'pɛlɩ, 'ümä wasä ‑tʋ. 12‑Bɛ 'üa böblökʋ ma ‑nyɩ 'plä 'bɩɔ nɩ, ima ‑nyɩ bɩa nyüülü 'nyɩa' juifë bä 'bɩɔ nɩ, dɛɛlɛ Nyɔsʋa 'mäa' Israɛɛlë ‑nyɩ üma 'blöö 'ɔa 'pɛlɩ dɛrɩ nɩ, 'ɛnya 'bʋaa ‑gböösa. 13'Amɔ nyüülü 'nyɩa' juifë bä, 'amɔ 'n ‑gbala: 'be 'mɔɔ bä nyüülü 'nyɩa' juifë bäa Apotrë, 'ii känyrɩ 'na 'jrʋpa kä 'mɩ dɔrʋ 'wʋ. 14'N nö 'imɩ 'imä 'na ‑glügbö wasä plɛklɩ ‑tʋ 'kä 'doorodoolü bäa' 'üa ‑tɔrʋpɩɔ 'mä 'lɩmlɩwʋ. 15'Üa dɛrɩsɔsrɔkʋ ma ja 'wlinönrökʋ 'pläa 'mlɩ nɩ, 'üa dɛrɩböblöökʋ nya ‑beere 'sɩrɩ nyɔɔ 'sɔa' 'kuaabre ‑bɛ 'ɔ jia' 'plä 'wʋ!
Nyüülü 'nyɩa' juifë bäa 'nyaklukʋɛkʋɛkʋ
16‑Bɛ 'flɔɔpɛlɛ ‑kätɩ 'ü ‑nyɩa' Nyɔsʋa ma 'nyɩ ‑fre ‑a pa nɩ, 'iibä diili 'ü nʋa' ‑bɛ 'ü pia' 'uun nɩ, 'inyɩ ‑fre ‑a pa#11.16 Nɔɔbrë 15.19-21.. ‑Bɛ tigblii ma 'nyɩ ‑fre ‑a pa nɩ, katëa 'mʋgbɛ 'nyɩ bɩa ‑fre ‑a pa. 17'Ii känyrɩ katë ‑mülü ma 'bölö nɩ, ‑bɛ ‑mɔ oliivëtuu ‑gaa' 'klʋɛɛ 'lee, 'üa ‑pi 'lɩ 'ü 'ma ‑mɩ 'kä, ‑bɛ ‑jää oliivëtuua tigbliia 'nɩ. 18'Ii känyrɩ ‑nyɩ nʋ katëlë ‑nyɩ 'ba ‑na nyufa nyɔɔwʋ. ‑Ama nëmä ‑na nyufa nyɔɔwʋba nɩ, ‑nyɩ ‑trɔ 'sɩrɩ ‑toŋloa' tigblii ‑wälɩ, ‑maa tigblii 'ii nö ‑mɩ. 19‑Ama ‑gölö ‑nya 'daa: «'Na 'lɩgbakämakʋa ‑gʋ 'ü 'böbö katëlë.» 20'I 'na; 'ünyɩ toro Nyɔsʋa plɛ ‑a, 'a 'ia ‑gʋ 'ü 'bölɩ 'ümɩ. ‑Bɛ ‑mɔlɔ nɩ, nyɔsʋaplɛtorokʋa ‑gʋ ‑sɔɔrɔwʋ. 'Ii känyrɩ ‑nyɩ bɔtɔ ‑tɔklʋ! ‑Maa abɩa ŋalɛ 'bla ‑mɩ, 21'be Nyɔsʋa ma 'nyɩ ‑kätɩa nü katë 'klɩ ‑a bere nɩ, jresaa 'ɔ ‑nëmä bɩa ‑mɩ 'klɩ ‑a bere. 22‑Jää Nyɔsʋaa ‑gbinanakʋ nyra 'ɔa 'nyüamlɩflɔɔrɔkʋ: 'ɔ ‑flɔɔɔrɔ ü blöa' 'nyüa 'mlɩ, 'kä 'ɔ ‑nyɛɛ ‑mɩ 'ɔa ‑gbinanakʋ ‑ama ‑ka bä 'ɔa ‑gbinanakʋ 'lɩ. Ima 'nyɩ 'iin bä ‑a bä 'ɔnya bɩa ‑mɩ 'lɩböa. 23'Üa 'mʋgbɛ, üma 'cici nɩ, 'ɔnya 'lɩ 'üün 'kämaa, 'be Nyɔsʋa 'mrɛɛ ɔ 'ma bɩa 'lɩ 'üün ‑gbakä. 24‑Mɔlɔ nɩ, 'klʋɛɛa oliivëtuua ‑gba 'ü 'ba ‑mɩ, 'uu ma kä ‑mɩ, 'ünya 'ma ‑mɩ 'cɩca oliivëtuua ‑gbakä u kä kata ‑nyɩa' bä. 'Cɩca oliivëtuua 'mʋgbɛa kataa 'lɩgbamamakʋ 'nyɩ 'lɩ ‑a kla.
Israɛɛlëa 'fɩɔa 'lɩmlɩwʋwʋkʋ
25 'Na ‑wlajü 'amɩ, 'n 'bata 'ba jre wiili ‑sisiea' 'a ‑pɩ bobo ‑maa 'amɔ jre wii: 'iibä Israɛɛlëa 'pɛ 'dee 'bʋala plɛ 'kä nyüülü Nyɔsʋa 'bataa' ünyɩa' juifë bä 'üa 'fɩɔ nya 'ɔa ‑nyɛɛ pa. 26'A 'ia 'taɩn 'lɩ Israɛɛlëa 'fɩɔ 'mä 'lɩmlɩwʋ 'sɩrɩ 'i ‑jɩjraa':
'Lɩmlɩbanyɔɔ nya *Siɔɔn 'cerea,
'kä 'ɔnya Jakɔɔbëa plɛ 'cici 'ɔa ‑balʋgbia ‑gʋ.
27 'Ii nëmä 'na kuö bä 'nyraa 'üün kɔsɔ,
'taɩn 'lɩ 'mäa' 'lɩ 'üa ‑balʋ 'ba # 11.26-27
Esaii 59.20-21; 27.9..
28Dɛɛlɛ bäa' 'Mʋfagogo nɩ, juifë jajra 'nyüamlɩ 'ana ‑gʋ, ‑maa dɛɛlɛ bäa' Nyɔsʋa 'balɩ 'üün mlɩ nɩ, 'üa tʋɩɩa ‑gʋ Nyɔsʋa ‑waa 'üün. 29'Be Nyɔsʋa ma ‑nyɩ dɛɛ 'ɔ ‑kanyɩ ji 'ɛa 'klʋɛɛ ‑a, ‑bɛ ɔma we nyüü 'ɔnyɩ sɔ 'üün dɛrɩ ‑a. 30'Ana 'mʋgbɛ nɩ, 'anyɩ kä 'lɩ Nyɔsʋa ‑a ‑träärä, ‑maa 'köklesaplɩɩ ɔ nɩ, Nyɔsʋa 'ünyɩa' nyɔɔwʋba nɩ, 'ia ‑gʋ Nyɔsʋa nya 'jä 'ana nyatɛrɩ. 31'Asɩ 'saarɩ 'üa 'mʋgbɛ 'nyɩ bɩa 'lɩ Nyɔsʋa ‑träärä. 'I nëmä 'iin nʋ 'sɩrɩ Nyɔsʋa 'jäa' 'ana nyatɛrɩ nɩ, 'kä 'ɔnya bɩa 'üa nyatɛrɩ 'jä. 32Nyüüa 'fɩɔ 'nyɩ ‑träärälɩ wii ‑a, Nyɔsʋa ‑tʋ 'ümɩ 'iin ‑gälɩ 'ɔmä 'üa 'fɩɔa nyatɛrɩ 'jä.
Nyɔsʋa kä 'bʋalakʋ
33Nyɔsʋaa ‑gbinanakʋ 'bʋa! 'Ɔa 'lɩgaglakʋ nyra 'ɔa wiijejrekʋ 'bʋa! Nyɔɔ 'plɛɛ jre wiili Nyɔsʋa 'daaa' 'ɔmäa' nʋ le? Nyɔɔ 'plɛɛ 'mrɛɛ 'ɔ 'nu 'ɔa ‑gätʋtʋkʋ 'wli le? Nyɔɔ 'plɛɛ 'mrɛɛ 'ɔ 'nu wiili 'ɔ 'bataa' 'wli le#11.33 Esaii 55.8; 'Lɩbrɛrɛpɔɔkʋ 139.6,17-18.!
34 Nyɔɔ 'plɛɛ jre 'Pläkänyɔɔa bobowii le?
Nyɔɔ 'plɛɛ bä 'ɔa ‑tɔɔ 'lɩpanyɔɔ le # 11.34
Esaii 40.13
.?
35 'Aiɛ nyɔɔ 'plɛɛ ‑kätɩ ‑nyɩ 'ɔɔn dɛɛ,
‑bɛ 'ümä 'daa 'ɛɛ 'ɔ 'saamlɩ le # 11.35
Jɔɔbë 41.3
.?
36'Be 'ɔɔ diia 'fɩɔ sɔ kälɩ, 'ɔɔ 'ii ‑srörö kälɩ, 'ɔɔ kä 'imɩ. 'Ɔ kä 'bʋalakʋ 'plɔʋplɔʋ! 'Asɩ i bä!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.