Matiö 1

JESUA 'JRƲPAA 'KÄKOLOFA

1.1–4.11

Sɔ Abraamë ‑gälɩ ‑a ‑tɔɔ Jesu 'Kriisë ‑gälɩ

Lukë 3.23-38

1‑Jää Jesu 'Kriisëa tʋɩɩa tʋɩɩa wii; 'ɔɔlɔ bäa' Daviidë nyra Abraamëa ‑glügbö 'klɩa 'jʋ:

2Abraamë bä Isaakëa tʋ. Isaakë bä Jakɔɔbëa tʋ. Jakɔɔbë bä Judaa nyra 'ɔa ‑wlajüa tʋ.

3Judaa bä Pɛrɛsë nyra Sɛraa tʋ; 'üa 'yio 'ü 'dara Tamarë. Pɛrɛsë bä Ɛsërɔmëa tʋ; Ɛsërɔmë bä Aramëa tʋ.

4Aramë bä Aminadabëa tʋ. Aminadabë bä Nasɔɔn a tʋ. Nasɔɔn bä Samɔɔa tʋ.

5Samɔɔ bä Boasëa tʋ. 'Ɔa 'yio 'ü 'dara Raabë. Boasë bä Obɛɛdëa tʋ; 'ɔa 'yio 'ü 'dara Rutë. Obɛɛdë nya ‑gu Jɛsee.

6Jɛsee bä 'kɩɩ Daviidëa tʋ. 'Kɩɩ Daviidë bä 'kɩɩ Salomɔɔa tʋ; 'ɔ nyra Uriia 'ŋlʋʋ ‑gu 'ɔɔn.

7Salomɔɔ bä Roboamëa tʋ. Roboamë bä Abijaa tʋ. Abija bä Asaa#1.7 Asaa tʋ: Grɛɛkë kätɩpɔɔkɩ ‑mɩdooa 'mlɩ 'i ‑jɩjra: Asafëa tʋ. tʋ.

8Asa bä Josafatëa tʋ. Josafatë bä Joramëa tʋ. Joramë bä Osiasëa tʋ.

9Osiasë bä Jotamëa tʋ. Jotamë bä Akasëa tʋ. Akasë bä Esekiasëa tʋ.

10Esekiasë bä Manasɛa tʋ. Manasɛ bä Amɔa tʋ. Amɔ bä Josiasëa tʋ.

11'Taɩn 'lɩ 'ü fa käa' Josiasë nyra 'ɔa ‑wlajü Babilɔɔnëbätä, 'a ‑nyɛɛ 'ɔ ‑glooro Jekoniasë nyra 'ɔa ‑wlajü.

12'Ü sɔa' Babilɔɔnëbätä nɩ, Jekoniasë nya ‑gu Salatɩɛlë. Salatɩɛlë nya bä Sorobabɛlëa tʋ.

13Sorobabɛlë bä Abiudëa tʋ. Abiudë bä Eliakimëa tʋ. Eliakimë bä Asorëa tʋ.

14Asorë bä Sadokëa tʋ. Sadokë bä Akimëa tʋ. Akimë bä Eliudëa tʋ.

15Eliudë bä Eleasaarëa tʋ. Eleasaarë bä Matanëa tʋ. Matanë bä Jakɔɔbëa tʋ.

16Jakɔɔbë bä Josɛɛfëa tʋ. Josɛɛfë bä Mariia dʋɔ; 'a Mariilɔ ‑gu Jesu, ɔ 'ü 'daraa' 'Kriisë.

17Sɔ Abraamë ‑gälɩ ‑a ‑tɔɔ Daviidë ‑gälɩ, 'ü ‑goglo 'lɩ 'wʋ ‑pʋ 'wʋ mlɔɔ 'wʋ. Sɔ Daviidë ‑gälɩ ‑a 'tɔ 'taɩn 'lɩ kä mlɩ 'ü fa Israɛɛlënyüü Babilɔɔnëa 'bre nɩ, 'ü ‑goglo 'lɩ 'wʋ ‑pʋ 'wʋ mlɔɔ 'wʋ. Sɔ 'ia 'taɩn 'lɩ ‑a ‑tɔɔ 'Kriisë ‑gälɩ nɩ, 'ü ‑goglo 'lɩ 'wʋ ‑pʋ 'wʋ mlɔɔ 'wʋ.

'Sɩrɩ Jesu 'Kriisë ‑glooroa'

Lukë 2.1-7; Misee 5.1-2; Esaii 7.14; 9.5

18‑Jäsɩ Jesu 'Kriisë ‑glooroa'. Josɛɛfë ma ‑wlɛɛɛ Marii, Jesua 'yio; ‑maa 'ü ‑kaaŋlʋ nyüköli pa Nyɔsʋaa 'Nyüna ‑Susua 'klü nʋ 'iin 'ɔnya bä nʋgbla 'lɩ. 19'Ɔa dʋɔ Josɛɛfëlɔ nɩ, 'ɔ bä 'klɩgänyɔɔ. ‑Bɛ 'ɔnyɩ 'bataa' 'ɔmäa' 'ɔɔn ‑fälɩ be nyüüa 'klɩ nɩ, 'ɔ 'bata 'ɔmä ‑sisie 'ümä ‑gbasɔsrɔ. 20'Ɔ ‑ka bobo 'iin ‑bɛ 'Pläkänyɔɔa 'aanjë 'tɔrɔ 'ɔɔn 'klɩ sanyü 'lɩ, 'ɔnya ‑gbala 'ɔɔn: «Josɛɛfë, Daviidëa 'jʋ, ŋalɛ 'nyɩ 'bla ‑mɩ ‑mä Marii kä, 'Nyüna ‑Susua 'klü nʋ 'iin 'ɔnya bä nʋgbla 'lɩ. 21Nyɩbɛjʋ 'ɔmä ‑gu, 'ba ‑nyɩ 'ɔɔn Jesu#1.21 Jesu: Ebröönyrɩ bäsaa; 'ia ‑gbaa bä: «'Lɩmlɩbanyɔɔ». 'nyrɩ, 'be 'ɔɔ nëmä 'ɔa nyüü 'üa ‑balʋ mlɩ 'ba.» 22'Asɩ 'ia 'fɩɔ nʋ ‑sisidɛɛ 'kä wiili 'Pläkänyɔɔa mlɩpalanyɔɔ 'sa käa' 'lɩ 'mä nrörö. ‑Jäsɩ 'ɔ ‑gba käa':

23 Ponyakli! 'Ŋlëkayria ‑kaaŋlʋa' nyɩbɛrʋ jre nya nʋgbla 'lɩ bäa 'kä 'ɔnya nyɩbɛjʋ ‑gu,

'kä 'ünya 'ɔɔn Emanuɛɛlë 'dara # 1.23 Esaii 7.14. .

'Ia ‑gbaa bä: «Nyɔsʋa bä ana ‑tɔrʋpɩɔ».

24Josɛɛfë tɛa' 'kä nɩ, wiili 'Pläkänyɔɔa 'aanjë 'daaa' ɔ nʋa' nɩ, 'ii 'ɔ nʋ, 'ɔnya fa 'ɔa 'ŋlʋʋ. 25‑Maa 'ɔ nyra 'ɔɔn 'nyɩ jejre ‑a jejre 'ɔnya ‑gu nyɩbɛjʋlɔ. 'Ɔnya ‑nyɩ 'ɔɔn Jesu 'nyrɩlɩ.

Currently Selected:

Matiö 1: Bakwé

Highlight

Copy