Jenɛɛsë 49
49
Jakɔɔbë 'paa' 'ɔa 'jü 'nɩ
1Jakɔɔbë nya we 'ɔa nyɩbejü, 'ɔnya ‑gbala: «'Ba ‑jijrö 'mɩ ‑gba 'mä 'amɩ ‑gbala wiili nëmäa' 'amɩ ‑gälɩ jrä jrüüa 'mlɩ.
2«Jakɔɔbëa nyɩbejü 'ba traraklɩ, 'kä 'a ponyakli!
'Ba po 'ana tʋ Israɛɛlë 'nyakli!
3«Rubɛɛn, ‑mɔ bä 'na ‑kätɩjʋ,
‑mɔ bä 'na nyɩbɛdɛɛa 'klüa 'käkolofa.
‑Na 'bʋalakʋ nyra ‑na 'klü ‑siwʋ.
4‑Beere 'puplunɩ, ‑ka ‑nëmä ‑kätɩjʋ ‑a bä;
‑jraa ‑na tʋa ‑pɔkɩ ‑gälɩ nya 'pi 'lɩ,
‑nya pla 'na ‑pɔkɩ ‑fre 'lɩ, ‑pia' 'lɩ.
5«Simeɔɔn nyra Levii bä ‑wlajü.
'Üma ‑ma 'üa ‑järë, tou 'ü nëmä fu#49.5 'I 'mrɛɛ 'i bä bɩa: 'Ü 'palɩ ‑tu 'ümä 'klüsagbi nʋ..
6‑Bakää 'na ‑gälɩa ‑susu 'nyɩ 'üa 'kpɛɛ 'lɩ mi!
‑Bakää 'na bobowli nyra 'üün 'nyɩ 'üa ‑jria 'lɩ 'kpala!
'Be 'üa 'crɛa 'mlɩ 'ü 'bla nyüü,
'bibriöa 'mlɩ, 'ü 'böbö bruua bei dɛrɩa tri.
7Abɩa 'üa 'crɛ busu; 'be 'ɛ bä 'klülɩ!
'Üa 'mʋgbʋgbʋɛ ‑siewli!
'Nyaa 'üün ‑gbasraraa Jakɔɔbëa ‑tɔrʋpɩɔ;
'nyaa 'üün Israɛɛlëa 'mlɩ 'kägbagblaa!
8«Judaa, ‑mɔ ‑na ‑wlajü nëmä 'lɩbrɛrɛ;
‑na 'klü nya ‑na 'wlitotronyüüa 'klü 'wʋsia,
‑na tʋa nyɩbejü nya ‑na 'klʋɩ kotifli 'palaa.
9Judaa, ‑mɔ bä 'sruku plö,
'na 'jʋ, ‑nya 'kokoli sɔ!
'Ɔ ‑gbrikä, 'ɔ 'pi ‑beere sruku,
‑beere sruku 'ŋlʋʋa nu, nyɔɔ 'plɛɛ 'mrɛɛ ɔ ‑gä 'uun 'klɩ le?
10'Kama sɩsɩɛ ‑nëmä 'lɩ Judaa dɛrɩ ‑a tʋŋlɔ.
'Kɩɩa sɩsɩɛ ‑nëmä 'ɔa beia ‑tɔrʋpɩɔ ‑a sɔ,
'kä 'ɛa käkänyɔɔ nya ji#49.10 'ɛa käkänyɔɔ nya ji: 'I 'mrɛɛ 'i bä bɩa: Silo nya 'mä ji 'aiɛ 'ɔnya 'mä Silo 'tɔ. ‑Kätɩ Kuöa 'mlɩ nɩ, Silobä Israɛɛlëa ‑gbogbo 'dööa 'nyrɩ, Efraimëa ‑gälɩa 'pɛ ‑gälɩ 'ä bä. Tɛ ‑Gätʋnyüü 18.31 nyra 1 Samiɛɛlë 1.24. .
'Ɔɔ 'plä ‑nëma 'lɩträärä.
11'Ɔ kpasa 'ɔa ‑sʋbre viinyëtuu ‑gba,
'cɩca viinyëtuu ‑gba 'ɔ kpasra 'ɔa ‑sʋbrejʋ.
‑Duvɛɛn a 'mlɩ 'ɔ pɔtrɔ 'ɔa 'koti,
rɛsɛɛn a 'nɩa 'mlɩ 'ɔ pɔtɔ 'ɔa ‑gälɩpakotu.
12'Ɔa 'nyü ‑flɔɔɔ 'ünya ‑si ‑duvɛɛn 'wʋ,
'ɔa ‑glaa 'pɔlɔkʋ ‑si bruunyɩtɩnɩ 'wʋ#49.12 duvɛɛn nyra nyɩtɩnɩ ma bä 'üa 'taasɩrɩa bɩɔ Judaa ‑tʋtʋ ‑gälɩ..
13«'Niea 'kɔtʋ mlɩ Sebulɔɔn 'mä kʋ,
'mɩɩa 'nyüglöfa 'wʋ 'ɔ nëmä bä.
'Ɔa ‑tʋtʋa ‑panʋ bä Sidɔɔn a 'blɩa 'pɛlɩ.
14«Isakarëlɔ nɩ, 'ɔɔ bä ‑sʋbrelɛ ‑sɔɔrɔa' 'wʋ,
‑glɔ 'sɔɔa ‑tɔrʋpɩɔ 'ɔ 'pie.
15'Ɔ 'jäa' 'sɩrɩ ‑plɩɩlɩ 'ɔ 'pala ‑fʋflʋ 'naa',
'sɩrɩ 'i bäa' 'mʋfa 'blɩ nɩ,
'ɔnya ‑ŋäkä 'ɔmä ‑gblɛlɛ ‑gbötö.
'Asɩ 'ɔ 'nyie 'ɔmä ‑geei 'jrʋpa ‑fɛ.
16«Daanë nëmä 'ɔa nyüüa ‑gä ‑tʋ,
‑beere Israɛɛlëa ‑glügbü ‑mölöö.
17Trɔɔ Daanë nëmä bä 'nyʋfɔ mlɩ;
'mëmlɛ 'ɔ nëmä bä ‑fɩɩnyʋfɔ mlɩ.
'Umä ‑sʋa bɔʋ dɛrɩ mlu,
‑sʋa 'tierenyɔɔ 'mä cɛlɩ ‑gö 'ɔmä blö.
18Yawe ‑o, mɔ 'n toroplɛ ‑mä 'mɩ 'lɩmlɩba!
19«Gaadëlɔ nɩ, tafunyüü nëmä 'ɔɔn tou ja,
‑maa 'ü ‑nëmä 'ɔɔn ‑gbapa, 'kä 'ɔnya 'üün prɛ.
20«Asɛɛrë, 'klaa 'mʋfa jijri,
'ɔ nëmä 'kɩɩa 'mʋfa jijri ‑nyɩ.
21«Nafëtalii, ‑beere 'klʋgbɛlɛ 'ü 'cɛrɛa' ‑wälɩ,
'ɔ ‑guuö 'mʋfa 'jü.
22«Josɛɛfë bä tʋtʋ tuua tɔpɔtuu,
tɔpɔtuulu kʋa' 'niea sɔrɔfaa ‑gba,
'ua katë ‑sööö diia 'fɩɔ 'wʋ#49.22 'I 'mrɛɛ 'i bä bɩa: Josɛɛfë bä 'klʋɛɛa ‑sʋbreŋlʋʋ, 'klʋɛɛa ‑sʋbre kʋa' 'niea sɔrɔfaa ‑gba, 'ɔ bä 'klʋɛɛa ‑sʋbrejʋlɔ 'jraa' 'dʋgbaa 'wlugba. .
23'Ü fefe 'ɔɔn plɛklɩ, 'kä 'ü be be 'ɔɔn prugbatu,
prugbatuupanyüü, ja 'ɔɔn tou.
24‑Maa 'ɔ 'kpla 'ɔa ‑pruuu ka ka ka,
'ɔa klʋgbë 'tɩtra,
Jakɔɔbëa Nyɔsʋaa 'klüa ‑gʋ;
Israɛɛlëa ‑gbanyɛrɛnyɔɔa bä, 'ɔnya bä 'äa 'kpökö.
25‑Na tʋa Nyɔsʋa nya ‑mɩ ‑gba jia,
abɩa Ɛlë Sadaii 'pa ‑mɩ 'nɩ,
'papanɩlɩ sɔa' 'cɛlɩ,
'papanɩlɩ sɔa' ‑fli,
nyra 'papanɩlɩ sɔa' mlaa nyëtëa 'mlɩ nyra 'ŋlʋʋa ‑gua 'mlɩ.
26‑Na tʋa 'papanɩ ‑siwʋ,
'inya ‑si 'na tʋɩɩa 'papanɩ 'wʋ,
‑A ‑tɔɔ ‑kätɩ 'taɩnlɩa 'dëgbë 'lɩ.
'Inya Josɛɛfëa 'wli ‑gälɩ bäa,
'ɔɔlɔ berea' 'klɩ 'ɔa ‑wlajüa ‑tɔrʋpɩɔ#49.26 'I 'mrɛɛ 'i bä bɩa: ‑Na tʋɩɩa 'papanɩ ‑si ‑kätɩ 'dʋgbëa 'papanɩ 'wʋ, ibäa' 'dʋgbëlɩa 'mʋfa jijri. 'Inya Josɛɛfëa 'wli ‑gälɩ bäa, 'ɔɔlɔ berea' 'klɩ 'ɔa ‑wlajüa ‑tɔrʋpɩɔ!.
27«Bɛnjamɛɛ ‑beere 'klʋɛɛa kaklafɛ, 'blaaa' diia 'fɩɔ,
‑suwla 'ɔ jö 'ɔa dɛɛlɛ 'ɔ 'blaa',
‑gbiajrʋ 'lɩ 'ɔ ‑päää diili 'ɔ 'jäa'.»
28'A Israɛɛlëa ‑glügbü ‑pʋ ‑bɛ 'sɔɔ kʋ ‑pɩ. ‑Jää wiili 'üa tʋ ‑gbala käa' 'üün, 'ɔnya 'pa 'üün 'nɩ, ‑moloo ‑bɛ 'ɔa 'papanɩ.
Jakɔɔbëa jäjäkʋ
29'Pɩrɩgälɩ 'ɔnya ‑gbala 'üün 'sɔɔwʋ: «'Nyaa 'na tʋɩɩa ‑nyɛɛ mia. 'Ba ‑träärä 'mɩ 'na tʋɩɩa ‑gba, 'täkälä bäa' Itinyɔɔlɔ 'ü 'daraa' Eflɔɔn 'ɔa ‑putu 'lɩ nɩ, 'äa 'mlɩ. 30'Täkälä bäa' Makpelaa ‑tʋtʋ ‑gälɩ Mamirebätäa 'klɔɔtrʋ Kanaan a 'blɩ ‑gälɩ, 'äa 'mlɩ 'ba ‑träärä 'mɩ. 'A ‑putulu Abraamë ‑srooro käa' Itinyɔɔ Eflɔɔn kälɩ, 'ɔmä 'uun 'ɔa dasu 'lɩ nrörö. 31'A ‑plɩɩ 'ü ‑träärä Abraamë nyra 'ɔa 'ŋlʋʋ Sara, 'ii 'ü ‑träärä bɩa Isaakë nyra 'ɔa 'ŋlʋʋ Rebeka. 'A ‑plɩɩ 'n ‑träärä Lea. 32‑Putulu nyra 'täkä 'dasulu nɩ, Itinyɔɔa 'jü 'ü ‑sroro 'uun kälɩ.» 33Jakɔɔbë bɩaa' 'ɔa 'jü ‑gbalakʋ nɩ, 'ɔnya 'jrara 'ɔa bei ‑bɛrɛ ‑gälɩ, 'ɔnya ‑gblɔɔ ‑fʋflʋ 'kä, 'ɔnya jä.
Currently Selected:
Jenɛɛsë 49: Bakwé
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.
