Popular Bible Verses from Jenɛɛsë 49

Share

'Kama sɩsɩɛ ‑nëmä 'lɩ Judaa dɛrɩ ‑a tʋŋlɔ. 'Kɩɩa sɩsɩɛ ‑nëmä 'ɔa beia ‑tɔrʋpɩɔ ‑a sɔ, 'kä 'ɛa käkänyɔɔ nya ji. 'Ɔɔ 'plä ‑nëma 'lɩträärä.

«Josɛɛfë bä tʋtʋ tuua tɔpɔtuu, tɔpɔtuulu kʋa' 'niea sɔrɔfaa ‑gba, 'ua katë ‑sööö diia 'fɩɔ 'wʋ. 'Ü fefe 'ɔɔn plɛklɩ, 'kä 'ü be be 'ɔɔn prugbatu, prugbatuupanyüü, ja 'ɔɔn tou.

‑Maa 'ɔ 'kpla 'ɔa ‑pruuu ka ka ka, 'ɔa klʋgbë 'tɩtra, Jakɔɔbëa Nyɔsʋaa 'klüa ‑gʋ; Israɛɛlëa ‑gbanyɛrɛnyɔɔa bä, 'ɔnya bä 'äa 'kpökö. ‑Na tʋa Nyɔsʋa nya ‑mɩ ‑gba jia, abɩa Ɛlë Sadaii 'pa ‑mɩ 'nɩ, 'papanɩlɩ sɔa' 'cɛlɩ, 'papanɩlɩ sɔa' ‑fli, nyra 'papanɩlɩ sɔa' mlaa nyëtëa 'mlɩ nyra 'ŋlʋʋa ‑gua 'mlɩ.

«Judaa, ‑mɔ ‑na ‑wlajü nëmä 'lɩbrɛrɛ; ‑na 'klü nya ‑na 'wlitotronyüüa 'klü 'wʋsia, ‑na tʋa nyɩbejü nya ‑na 'klʋɩ kotifli 'palaa. Judaa, ‑mɔ bä 'sruku plö, 'na 'jʋ, ‑nya 'kokoli sɔ! 'Ɔ ‑gbrikä, 'ɔ 'pi ‑beere sruku, ‑beere sruku 'ŋlʋʋa nu, nyɔɔ 'plɛɛ 'mrɛɛ ɔ ‑gä 'uun 'klɩ le?

«Rubɛɛn, ‑mɔ bä 'na ‑kätɩjʋ, ‑mɔ bä 'na nyɩbɛdɛɛa 'klüa 'käkolofa. ‑Na 'bʋalakʋ nyra ‑na 'klü ‑siwʋ. ‑Beere 'puplunɩ, ‑ka ‑nëmä ‑kätɩjʋ ‑a bä; ‑jraa ‑na tʋa ‑pɔkɩ ‑gälɩ nya 'pi 'lɩ, ‑nya pla 'na ‑pɔkɩ ‑fre 'lɩ, ‑pia' 'lɩ.