Jenɛɛsë 44
44
Josɛɛfë tɛa' 'lɩ 'ɔa ‑wlajü
1'I ‑sia' nɩ, Josɛɛfë nya ‑gbala 'ɔa ‑gböögälɩglaranyüüa 'cifi: «'Sie 'üa ‑bɛjʋ ‑bleee 'klɩ. ‑Nyɩ 'üün diili kä 'fɩɔ 'ü 'mrɛɛa' 'ümäa' ‑gbötö. 'Kä ‑paaa' ‑moloa mölii 'ɔa ‑bɛjɛa 'mlɩ, 2'kä ‑paaa 'na 'seblaa ‑köwö nyra blaaadɩɔa ‑bleeea mölii 'ɔa ‑bɛjɛa 'mlɩ.» 'Ɔnya nʋ wiili kä 'fɩɔ Josɛɛfë ‑gbala 'ɔɔn.
3‑Srɩ paa' nɩ, 'ünya 'cɛrɛ nyüülü nyra 'üa ‑sɩbru ‑wälɩ 'ünya mi. 4'Ü tʋŋlɔa' 'lɩ bätä dɛrɩ jie nɩ, Josɛɛfë nya ‑gbala 'ɔa ‑gböölia 'jrʋpafɛnyüüa 'cifilɔ ‑maa: «Dɔwʋ! Prɛ 'üün dɛrɩ! ‑Ama jrä 'üün ‑gälɩ nɩ, ‑jäsɩ ‑nëmäa' 'üün 'bete: ‹Dɛplɛɛ kä ‑gʋ 'cɩcagbili 'n nʋa' 'amɩ ‑gba, ‑bɛ 'a nö 'mɩ bʋbɔgbi ‑gba le? 5Dɛplɛɛ kä ‑gʋ 'a fa ‑köwölä kä 'mlɩ 'na 'kamanyɔɔ 'mlaraa', ‑bɛ 'ɔ nöa' ‑bɛ 'ɔ ‑siea' ‑gälɩ le? Wiili 'a nʋ 'ia bʋbɔdɛɛ 'nyɩ bä ‑a bä.› » 6Nyɔɔlɔ nya jrä 'üün ‑gälɩ, 'ɔnya ‑gbala 'üün 'ia wiilia 'fɩɔ. 7'Ünya ‑gbala 'ɔɔn ‑maa: «'Büa! 'Ia 'samaa wii ‑kanyɩ 'ɔa 'jrʋpafɛnyüüa bobowlia 'mlɩ ‑a bö. Dɛplɛɛ kä ‑gʋ 'na 'pläkänyɔɔ 'paa 'ia 'sama wiili le? 8Möliili a 'järäa' ana ‑bɛjʋa 'mlɩ nɩ, a sɔa Kanaan a 'blɩ ‑gälɩ anya ja 'iin 'la! Dɛplɛɛ kä ‑gʋ a ‑ka 'mä ‑na 'kamanyɔɔa ‑gböölia 'sebla 'aiɛ 'ɔa ‑sika ‑jie le? 9Tɩtrɛ ana ‑pöötia 'mlɩ 'kä; ‑na 'jrʋpafɛnyɔɔlɔ kä ‑pöötia 'mlɩ ‑nëmäa' 'iin 'järä nɩ, 'ɔ bä jäjänyɔɔ 'kä ana 'mʋgbɛ bä ‑na 'pläkänyɔɔa ‑goou!» 10Nyɔɔlɔ ‑nëma: «'I kä 'mɩ 'tʋ. ‑Maa nyɔɔlɔ 'nëmäa' ‑köwölä kälɩ 'kplara nɩ, 'ɔɔ nëmä 'na ‑geei bä; 'kä 'nyaa ‑mülü 'nyɩa' 'ään fa ‑wälɩ 'cɛrɛ.» 11'Ünya 'sosowʋ 'ünya 'cecie 'üa ‑bɛjʋ ‑tʋtʋ 'wʋ, ‑moloo ‑bɛ 'ɔa ‑bɛjɛ; 'ünya ‑jejie 'uun 'klɩ. 12Nyɔɔlɔ nɩ, 'bala kpaköa nɔ ‑gälɩ ‑a jrä blaaadɩɔ ‑gälɩ 'asɩ 'ɔ nʋ 'ɔnya tɩtrɛ 'üa ‑bɛjʋa 'mlɩ 'kä; 'ɔnya 'järä ‑köwölä Bɛnjamɛɛa ‑bɛjɛa 'mlɩ. 13'Ünya 'ŋaŋla 'üa 'koti. 'Ünya ‑tätä 'üa ‑pööti 'üa ‑sɩbru ‑gälɩ, 'ünya 'blöö 'sɔɔwʋ bätäläa 'mlɩ dɛrɩ.
Judaa 'baa' Bɛnjamɛɛ a 'wliagbi
14Judaa nyra 'ɔa ‑wlajü 'tɔa' Josɛɛfëa ‑gbööli nɩ, 'ü jrä ‑plɩɩ 'ɔɔn. 'Ünya 'pala 'ɔa 'klʋɩ kotifli. 15Josɛɛfë nya ‑gbala 'üün ‑maa: «Wii 'plɛɛ bäsaa 'a nʋ le? 'Anyɩ 'iin jre ‑a jre 'sɩrɩ 'n bäa' nyɔɔlɔ jrea' ‑gälɩsiesiekʋ?» 16Judaa nya 'pawii, 'ɔ ‑nëma: «Wii 'plɛɛ a kä ‑plɩɩ amä 'pläkänyɔɔ 'lɩsara le? ‑Asɩ anya ‑gälɩ 'sasra le? Nyɔsʋa 'a ana ‑balʋ ‑fälɩ be. ‑Jää amɔ, nyra nyɔɔlɔ kä kälɩ 'ü 'järäa' ‑köwölä, anyaa' 'na 'pläkänyɔɔa ‑goou bä ‑oo.» 17'Iibäa' Josɛɛfë: «'Klaaklä! 'Ia wii ‑kanyɩ 'na bobowlia 'mlɩ ‑a bä! Nyɔɔlɔ kä kälɩ 'ü 'kplaraa' ‑köwölä, 'ɔɔ nëmä 'na ‑geei bä. 'Amɔlɔ nɩ, abɩa 'ana plɛgälɩ flɛrɛ, 'ba 'blöö 'ana tʋa ‑nyɛɛ dɛrɩ.»
18Judaa nya jijrö 'ɔɔn ‑gba, 'ɔ ‑nëma: «'Na 'pläkänyɔɔ, 'be ‑beere Faraɔɔn, 'n bibie ‑mɩ, ‑na 'jrʋpafɛnyɔɔ 'bata 'ɔmä ‑mɩ wii ‑gba 'pala. ‑Bakää ‑nyɩ ‑na 'jrʋpafɛnyɔɔ 'crɛ ‑gba ‑träärä. 19‑Beete kä ‑na 'jrʋpafɛnyüü, ‑maa: Ana tʋ ‑ka bä 'plä 'wʋ, ‑bɛ ama kä ‑wlajʋ ‑moloo? 20Anya ‑gbala kä ‑mɩ, ‑maa: ‹Ana tʋ bä 'plä 'wʋ›, ‑maa 'ɔa 'klɩbɩa; anya 'daa a kä bɩa ‑wlajʋ jɔ. 'Ɔ bä ana tʋa ‑gɔlɛnyɩtɩ. 'Ɔa 'yioa ‑gu 'üa 'sɔɔ, 'doo 'a jä, 'ɔa 'doo tɩɔlɩ ‑bɛ 'ɔa tʋ ‑wa 'ɔɔn ‑gböösa. 21‑Nya ‑gbala kä amɩ, ‑na 'jrʋpafɛnyüü, ‑maa: ‹'Ba ja 'mɩ 'ɔɔn 'mä 'ɔɔn 'jä.› 22Anya ‑gbala kä 'na 'pläkänyɔɔ: ‹'Jʋlɔ 'nyɩ 'mrɛɛ ‑a 'mrɛɛ 'ɔmä 'ɔa tʋ ‑gba sɔ. Ɔma sɔ 'ɔa ‑gba, 'ɔa tʋ nya jäa!› 23‑Nya ‑gbala amɩ ‑na 'jrʋpafɛnyüü ‑maa: ‹'A nyra 'ana ‑wlajʋ ma 'nyɩ ji ‑a ji, 'a ‑ka ‑nëmä 'na 'klʋɩ ‑a 'jä.›
24«A mia' ‑bɛ a 'tɔa' 'na tʋa ‑nyɛɛ, ɔ bäa' ‑na 'jrʋpafɛnyɔɔ, anya 'sa 'ɔɔn ‑gogolä 'na 'pläkänyɔɔ ‑nyɩa' amɩ. 25Ana tʋ nya ‑gbala amɩ, 'ɔ ‑nëma: ‹'Ba mi 'sɔɔwʋ 'amä ana jijri ‑su.› 26Anya ‑gbala 'ɔɔn: ‹Anyɩ 'mrɛɛ ‑a 'mrɛɛ amä 'lɩdɛrɩ 'blöö. ‑Maa ana ‑wlajʋ jɔ ma bä ana ‑gba anya 'lɩ dɛrɩ 'blööa; 'be ana ‑wlajʋ jɔ ma 'nyɩ ana ‑tɔrʋpɩɔ ‑a bä nyɔɔlɔ ‑nëmä amɩ 'klɩ ‑a tɛ.› 27'Na tʋ, ‑na 'jrʋpafɛnyɔɔ, nya ‑gbala amɩ: ‹'A jre 'iin 'sɩrɩ 'na 'ŋlʋʋ ‑gua 'mɩ nyɩbɛjü 'sɔɔ 'sɔɔ 'wʋ. 28'Doo nya 'mɔlɔ 'mɩ kälɩ, ‑beeredɛ klaklamlaa ‑gagla 'ɔɔn. 'Be 'n ‑kaapɩɔ 'ɔɔn 'jä ‑a 'tɔ 'saarɩ! 29'Ama 'balɩ ‑taa nɔ, ‑bɛ bʋbɔdɛɛ ma jrä 'ɔɔn ‑gälɩ nɩ, 'na plɛ nya fia ‑bɛ 'anya 'na 'pɔlɔ 'wli 'kuaabre 'cere!›
30«Ana tʋa plɛ 'pi 'jʋlɔ ‑gälɩ, 'ia ‑gʋ 'jʋlɔ ma 'nyɩ ana ‑gba ‑a bä ‑bɛ amä 'tɔ 'na tʋa 'klʋɩ nɩ, 31ɔma 'jä 'sɩrɩ 'jʋlɔ 'nyɩa' ana ‑tɔrʋpɩɔ bä nɩ, amɔ nëmä 'ɔɔn 'kuaa 'cere. 32'Pɩlɩgälɩ nɩ, 'mɔɔ, ‑na 'jrʋpafɛnyɔɔ, 'mɔɔ kä 'ɔa ‑gbʋʋ 'na tʋa 'klʋɩ, 'be 'mɔɔ ‑gbala kä 'ɔɔn ‑maa: Ama 'nyɩ 'ɔɔn ja ‑a ja, 'mɔɔ kä 'ia ‑balʋ 'plɔʋplɔʋ! 33'Ia ‑gʋ, 'n bibie ‑mɩ, 'nyie 'mä tɩɔ ‑beere 'na 'pläkänyɔɔa ‑geei 'jʋlɔa ‑pi 'lɩ. 'Cɛrɛ 'jʋlɔ ‑wälɩ 'ɔ nyra 'ɔa ‑wlajü 'mä mi! 34'Jʋlɔ ma 'nyɩ 'na ‑gba ‑a bä ‑asɩ 'n 'mrɛɛ 'mä 'na tʋa ‑nyɛɛ dɛrɩblöö le? 'Nyɩ ‑pɩ 'na tʋ ‑sʋɛ 'lɩ jrärä!»
Currently Selected:
Jenɛɛsë 44: Bakwé
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.
Jenɛɛsë 44
44
Josɛɛfë tɛa' 'lɩ 'ɔa ‑wlajü
1'I ‑sia' nɩ, Josɛɛfë nya ‑gbala 'ɔa ‑gböögälɩglaranyüüa 'cifi: «'Sie 'üa ‑bɛjʋ ‑bleee 'klɩ. ‑Nyɩ 'üün diili kä 'fɩɔ 'ü 'mrɛɛa' 'ümäa' ‑gbötö. 'Kä ‑paaa' ‑moloa mölii 'ɔa ‑bɛjɛa 'mlɩ, 2'kä ‑paaa 'na 'seblaa ‑köwö nyra blaaadɩɔa ‑bleeea mölii 'ɔa ‑bɛjɛa 'mlɩ.» 'Ɔnya nʋ wiili kä 'fɩɔ Josɛɛfë ‑gbala 'ɔɔn.
3‑Srɩ paa' nɩ, 'ünya 'cɛrɛ nyüülü nyra 'üa ‑sɩbru ‑wälɩ 'ünya mi. 4'Ü tʋŋlɔa' 'lɩ bätä dɛrɩ jie nɩ, Josɛɛfë nya ‑gbala 'ɔa ‑gböölia 'jrʋpafɛnyüüa 'cifilɔ ‑maa: «Dɔwʋ! Prɛ 'üün dɛrɩ! ‑Ama jrä 'üün ‑gälɩ nɩ, ‑jäsɩ ‑nëmäa' 'üün 'bete: ‹Dɛplɛɛ kä ‑gʋ 'cɩcagbili 'n nʋa' 'amɩ ‑gba, ‑bɛ 'a nö 'mɩ bʋbɔgbi ‑gba le? 5Dɛplɛɛ kä ‑gʋ 'a fa ‑köwölä kä 'mlɩ 'na 'kamanyɔɔ 'mlaraa', ‑bɛ 'ɔ nöa' ‑bɛ 'ɔ ‑siea' ‑gälɩ le? Wiili 'a nʋ 'ia bʋbɔdɛɛ 'nyɩ bä ‑a bä.› » 6Nyɔɔlɔ nya jrä 'üün ‑gälɩ, 'ɔnya ‑gbala 'üün 'ia wiilia 'fɩɔ. 7'Ünya ‑gbala 'ɔɔn ‑maa: «'Büa! 'Ia 'samaa wii ‑kanyɩ 'ɔa 'jrʋpafɛnyüüa bobowlia 'mlɩ ‑a bö. Dɛplɛɛ kä ‑gʋ 'na 'pläkänyɔɔ 'paa 'ia 'sama wiili le? 8Möliili a 'järäa' ana ‑bɛjʋa 'mlɩ nɩ, a sɔa Kanaan a 'blɩ ‑gälɩ anya ja 'iin 'la! Dɛplɛɛ kä ‑gʋ a ‑ka 'mä ‑na 'kamanyɔɔa ‑gböölia 'sebla 'aiɛ 'ɔa ‑sika ‑jie le? 9Tɩtrɛ ana ‑pöötia 'mlɩ 'kä; ‑na 'jrʋpafɛnyɔɔlɔ kä ‑pöötia 'mlɩ ‑nëmäa' 'iin 'järä nɩ, 'ɔ bä jäjänyɔɔ 'kä ana 'mʋgbɛ bä ‑na 'pläkänyɔɔa ‑goou!» 10Nyɔɔlɔ ‑nëma: «'I kä 'mɩ 'tʋ. ‑Maa nyɔɔlɔ 'nëmäa' ‑köwölä kälɩ 'kplara nɩ, 'ɔɔ nëmä 'na ‑geei bä; 'kä 'nyaa ‑mülü 'nyɩa' 'ään fa ‑wälɩ 'cɛrɛ.» 11'Ünya 'sosowʋ 'ünya 'cecie 'üa ‑bɛjʋ ‑tʋtʋ 'wʋ, ‑moloo ‑bɛ 'ɔa ‑bɛjɛ; 'ünya ‑jejie 'uun 'klɩ. 12Nyɔɔlɔ nɩ, 'bala kpaköa nɔ ‑gälɩ ‑a jrä blaaadɩɔ ‑gälɩ 'asɩ 'ɔ nʋ 'ɔnya tɩtrɛ 'üa ‑bɛjʋa 'mlɩ 'kä; 'ɔnya 'järä ‑köwölä Bɛnjamɛɛa ‑bɛjɛa 'mlɩ. 13'Ünya 'ŋaŋla 'üa 'koti. 'Ünya ‑tätä 'üa ‑pööti 'üa ‑sɩbru ‑gälɩ, 'ünya 'blöö 'sɔɔwʋ bätäläa 'mlɩ dɛrɩ.
Judaa 'baa' Bɛnjamɛɛ a 'wliagbi
14Judaa nyra 'ɔa ‑wlajü 'tɔa' Josɛɛfëa ‑gbööli nɩ, 'ü jrä ‑plɩɩ 'ɔɔn. 'Ünya 'pala 'ɔa 'klʋɩ kotifli. 15Josɛɛfë nya ‑gbala 'üün ‑maa: «Wii 'plɛɛ bäsaa 'a nʋ le? 'Anyɩ 'iin jre ‑a jre 'sɩrɩ 'n bäa' nyɔɔlɔ jrea' ‑gälɩsiesiekʋ?» 16Judaa nya 'pawii, 'ɔ ‑nëma: «Wii 'plɛɛ a kä ‑plɩɩ amä 'pläkänyɔɔ 'lɩsara le? ‑Asɩ anya ‑gälɩ 'sasra le? Nyɔsʋa 'a ana ‑balʋ ‑fälɩ be. ‑Jää amɔ, nyra nyɔɔlɔ kä kälɩ 'ü 'järäa' ‑köwölä, anyaa' 'na 'pläkänyɔɔa ‑goou bä ‑oo.» 17'Iibäa' Josɛɛfë: «'Klaaklä! 'Ia wii ‑kanyɩ 'na bobowlia 'mlɩ ‑a bä! Nyɔɔlɔ kä kälɩ 'ü 'kplaraa' ‑köwölä, 'ɔɔ nëmä 'na ‑geei bä. 'Amɔlɔ nɩ, abɩa 'ana plɛgälɩ flɛrɛ, 'ba 'blöö 'ana tʋa ‑nyɛɛ dɛrɩ.»
18Judaa nya jijrö 'ɔɔn ‑gba, 'ɔ ‑nëma: «'Na 'pläkänyɔɔ, 'be ‑beere Faraɔɔn, 'n bibie ‑mɩ, ‑na 'jrʋpafɛnyɔɔ 'bata 'ɔmä ‑mɩ wii ‑gba 'pala. ‑Bakää ‑nyɩ ‑na 'jrʋpafɛnyɔɔ 'crɛ ‑gba ‑träärä. 19‑Beete kä ‑na 'jrʋpafɛnyüü, ‑maa: Ana tʋ ‑ka bä 'plä 'wʋ, ‑bɛ ama kä ‑wlajʋ ‑moloo? 20Anya ‑gbala kä ‑mɩ, ‑maa: ‹Ana tʋ bä 'plä 'wʋ›, ‑maa 'ɔa 'klɩbɩa; anya 'daa a kä bɩa ‑wlajʋ jɔ. 'Ɔ bä ana tʋa ‑gɔlɛnyɩtɩ. 'Ɔa 'yioa ‑gu 'üa 'sɔɔ, 'doo 'a jä, 'ɔa 'doo tɩɔlɩ ‑bɛ 'ɔa tʋ ‑wa 'ɔɔn ‑gböösa. 21‑Nya ‑gbala kä amɩ, ‑na 'jrʋpafɛnyüü, ‑maa: ‹'Ba ja 'mɩ 'ɔɔn 'mä 'ɔɔn 'jä.› 22Anya ‑gbala kä 'na 'pläkänyɔɔ: ‹'Jʋlɔ 'nyɩ 'mrɛɛ ‑a 'mrɛɛ 'ɔmä 'ɔa tʋ ‑gba sɔ. Ɔma sɔ 'ɔa ‑gba, 'ɔa tʋ nya jäa!› 23‑Nya ‑gbala amɩ ‑na 'jrʋpafɛnyüü ‑maa: ‹'A nyra 'ana ‑wlajʋ ma 'nyɩ ji ‑a ji, 'a ‑ka ‑nëmä 'na 'klʋɩ ‑a 'jä.›
24«A mia' ‑bɛ a 'tɔa' 'na tʋa ‑nyɛɛ, ɔ bäa' ‑na 'jrʋpafɛnyɔɔ, anya 'sa 'ɔɔn ‑gogolä 'na 'pläkänyɔɔ ‑nyɩa' amɩ. 25Ana tʋ nya ‑gbala amɩ, 'ɔ ‑nëma: ‹'Ba mi 'sɔɔwʋ 'amä ana jijri ‑su.› 26Anya ‑gbala 'ɔɔn: ‹Anyɩ 'mrɛɛ ‑a 'mrɛɛ amä 'lɩdɛrɩ 'blöö. ‑Maa ana ‑wlajʋ jɔ ma bä ana ‑gba anya 'lɩ dɛrɩ 'blööa; 'be ana ‑wlajʋ jɔ ma 'nyɩ ana ‑tɔrʋpɩɔ ‑a bä nyɔɔlɔ ‑nëmä amɩ 'klɩ ‑a tɛ.› 27'Na tʋ, ‑na 'jrʋpafɛnyɔɔ, nya ‑gbala amɩ: ‹'A jre 'iin 'sɩrɩ 'na 'ŋlʋʋ ‑gua 'mɩ nyɩbɛjü 'sɔɔ 'sɔɔ 'wʋ. 28'Doo nya 'mɔlɔ 'mɩ kälɩ, ‑beeredɛ klaklamlaa ‑gagla 'ɔɔn. 'Be 'n ‑kaapɩɔ 'ɔɔn 'jä ‑a 'tɔ 'saarɩ! 29'Ama 'balɩ ‑taa nɔ, ‑bɛ bʋbɔdɛɛ ma jrä 'ɔɔn ‑gälɩ nɩ, 'na plɛ nya fia ‑bɛ 'anya 'na 'pɔlɔ 'wli 'kuaabre 'cere!›
30«Ana tʋa plɛ 'pi 'jʋlɔ ‑gälɩ, 'ia ‑gʋ 'jʋlɔ ma 'nyɩ ana ‑gba ‑a bä ‑bɛ amä 'tɔ 'na tʋa 'klʋɩ nɩ, 31ɔma 'jä 'sɩrɩ 'jʋlɔ 'nyɩa' ana ‑tɔrʋpɩɔ bä nɩ, amɔ nëmä 'ɔɔn 'kuaa 'cere. 32'Pɩlɩgälɩ nɩ, 'mɔɔ, ‑na 'jrʋpafɛnyɔɔ, 'mɔɔ kä 'ɔa ‑gbʋʋ 'na tʋa 'klʋɩ, 'be 'mɔɔ ‑gbala kä 'ɔɔn ‑maa: Ama 'nyɩ 'ɔɔn ja ‑a ja, 'mɔɔ kä 'ia ‑balʋ 'plɔʋplɔʋ! 33'Ia ‑gʋ, 'n bibie ‑mɩ, 'nyie 'mä tɩɔ ‑beere 'na 'pläkänyɔɔa ‑geei 'jʋlɔa ‑pi 'lɩ. 'Cɛrɛ 'jʋlɔ ‑wälɩ 'ɔ nyra 'ɔa ‑wlajü 'mä mi! 34'Jʋlɔ ma 'nyɩ 'na ‑gba ‑a bä ‑asɩ 'n 'mrɛɛ 'mä 'na tʋa ‑nyɛɛ dɛrɩblöö le? 'Nyɩ ‑pɩ 'na tʋ ‑sʋɛ 'lɩ jrärä!»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.