Jenɛɛsë 31
31
Jakɔɔbë nyra 'ɔa ‑gbööö sɔa' Labaan ‑gba
1Jakɔɔbë 'nua' 'wlili Labaan a nyɩbɛjü 'saarɩ 'wli; ibäa' ‑maa: «Jakɔɔbë 'a ana tʋa diia 'fɩɔ fa; ana tʋa käkädii, 'ii bä 'ɔa bɩɔ!» 2Jakɔɔbë 'jäa' Labaan a 'nyüa 'mlɩ nɩ, 'ɔ jre 'saa 'sɩrɩ 'ü ma bäa' ‑mää 'sɩ 'ü ‑kanyɩ bä. 3Yawe nya ‑gbala 'ɔɔn: «'Blöö ‑na 'bre dɛrɩ, ‑na tʋɩɩa ‑nyɛɛ, mi ‑na napio 'klɩ, 'nyaa ‑mɩ dɛrɩ bäa.» 4Jakɔɔbë nya we Rasɛɛlë nya Lea ü jrä 'ɔɔn 'klʋɩ mlaa 'pɛlɩ. 5'Ɔnya ‑gbala 'üün ‑maa: «'Sɩrɩ 'i ma bäa' 'nyraa 'ana tʋ kɔsɔa ‑tɔrʋpɩɔ nɩ, ‑mää 'sɩ 'i ‑kanyɩ bä. ‑Maa 'na tʋa Nyɔsʋa bä 'mɩ dɛrɩ. 6'Ana 'mʋgbɛ jre 'iin 'sɩrɩ 'n nʋa' 'na 'klüa 'fɩɔ ‑bɛ 'n ‑fɛa' 'ana tʋa 'jrʋpa. 7'Ana tʋ nya 'sara 'mɩ ‑gbagblɛ. 'Ɔ 'cici 'wʋ ‑pʋ 'wʋ 'na 'pɛpɛɛkʋ; ‑maa Nyɔsʋa 'nyɩ 'ɔɔn 'nyie ‑a 'nyie 'ɔmä 'mɩ ‑gbigba nʋ. 8Ɔ ma 'daa: ‹Mlaalë käa' 'kpafë ‑gba, 'üü nëmä ‑na 'pɛpɛɛdii bä nɩ›, mlaa 'fɩɔ ma mi ‑gu, 'üa 'jüa ‑gba bä 'kpafë 'kpafë; ‑bɛ 'ɔma 'daa: ‹'Ü 'cɩtrɛa' 'üü bä ‑na 'pɛpɛɛdii nɩ›, mlaa 'fɩɔ ma mi ‑gu 'üa 'jüa 'fɩɔ 'cɩtrɛ. 9'Asɩ Nyɔsʋa nʋ 'ɔnya 'balɩ 'ana tʋa mlaa 'ɔnya ‑nyɩ 'mɩ 'üün. 10'Taɩnlɩ kä mlɩ mlaa 'jajraa' ‑gälɩ nɩ, 'n dɔrɔa' 'nyü 'wʋ nɩ, Nyɔsʋa nya srara 'mɩ wluaɩɩ kä ‑gba bäbäa' ‑teri, 'kpafë 'kpafë, 'ü käa' tie; ‑bɛ 'ü 'jraa 'ŋlëgëa nü ‑gälɩ. 11Nyɔsʋaa 'aanjë nya we sanyülüa 'mlɩ: ‹Jakɔɔbë!› 'Nëma: ‹‑Yaa, ‑jää 'mɔɔ ‑o.› 12'Ɔ ‑nëma: ‹Tɛlɩ! Dɔrɔ ‑na 'nyü 'wʋ. Wluuaɩɩlü kä ‑gba bäbäa' ‑teri, 'kpafë 'kpafë, 'ü käa' tie; 'üü 'jraa 'ŋlëgëa nü ‑gälɩ; 'be 'n 'jä wiili kä 'fɩɔ Labaan nöa' ‑mɩ ‑gba. 13'Mɔɔ bä Bɛtɛlëa Nyɔsʋa#31.13 Bɛtɛlëa Nyɔsʋa: 'Ii bä Nyɔsʋaa Nyɔsʋanyuku., ‑plɩɩlɩ ‑gblɔɔa' plɛpatäkä 'kpɩ 'wʋ kä, ‑bɛ ‑nyɩa' 'mɩ ‑na mlɩa wii. 'Ii känyrɩ, dɔwʋ, 'cie ‑taa 'pläläa 'mlɩ, mi ‑na napio 'klɩ.› »
14Rasɛɛlë nyra Lea ‑nëma: «A ‑ka kälä ‑plɩɩ ana tʋa nyüköli dɛɛ, a ‑ka kälä 'lɩ ‑jaaa? 15'Be nyɔtugbanyüüa 'sa 'ɔ 'kplaa amɩ! 'Ɔ 'pa amɩ 'peru 'ɔnya ji 'ia möliia 'fɩɔ! 16Ana 'wlilia mölii nyra ana 'jüa mölii; Nyɔsʋa nya 'ba 'iin ana tʋ kälɩ. 'Ii känyrɩ, nʋ wiili kä 'fɩɔ Nyɔsʋa ‑gbalaa' ‑mɩ!»
17Jakɔɔbë nya dɔwʋ, 'ɔnya dɔrɔ 'ɔa 'ŋlëgë nyra 'ɔa 'jü 'wʋ 'ɔnya ‑tʋ 'üün samooɩɩ ‑gälɩ. 18'Ɔ fa 'ɔa mlaa nyra käkädiili kä 'fɩɔ 'ɔ 'järäa' Padan Aramëa 'bre; 'ünya mi 'ɔa tʋ Isaakëa ‑nyɛɛ, Kanaan a 'bre. 19Labaanlɔ mia' 'ɔa ‑bablëëa ‑püplii 'kpla nɩ, Rasɛɛlë nya 'jie 'ɔa tʋa ‑wäsɩa.
20Jakɔɔbë nya 'pa Aramënyɔɔ Labaan mlüü 'lɩ; 'ɔnyɩ 'ɔɔn cɛrɛ ‑a cɛrɛ 'ɔnya mi. 21'Ɔ nyra 'ɔa käkädiia 'fɩɔ nya fɔ 'ünya 'pɩ 'nie; 'ɔnya 'jrara Galaadëa 'dëgbëa 'pɛlɩ.
Labaan prɛa' Jakɔɔbë dɛrɩ
22Jrüü tää ‑sia' nɩ, 'ünya ‑gbala Labaan 'sɩrɩ Jakɔɔbë fɔa'. 23Labaan nyra 'ɔa ‑wlajü nya prɛ 'ɔɔn dɛrɩ jrüü ‑uunsɔɔ. 'Ünya jrä 'ɔɔn Galaadëa 'dëgbë 'lɩ. 24‑Maa Nyɔsʋa 'tɔrɔ Aramënyɔɔ Labaan 'klɩ sanyü 'lɩ 'ɔnya ‑gbala 'ɔɔn: «'Maɩ ‑mɩ! ‑Tre wiili kä 'fɩɔ ‑nëmäa' Jakɔɔbëa ‑gʋ 'pa.»
25Labaan nya jrä Jakɔɔbë ‑gälɩ. Jakɔɔbë 'pala 'ɔa ‑tete 'dʋgbë 'lɩ. Labaan nyra 'ɔa ‑wlajüa 'mʋgbɛ nya 'pala bɩa 'üa ‑tetu Galaadëa 'dëgbë 'lɩ. 26Labaan ‑nëma: «Jakɔɔbë, dɛplɛɛ kä ‑gʋ ‑nö 'saa le? Dɛplɛɛ kä ‑gʋ ‑saara 'mɩ yrʋ ‑bɛ fa 'ŋlëkayerü ‑beere tou 'wʋa ‑jienyüü le? 27Dɛplɛɛ kä ‑gʋ ‑saara 'mɩ yrʋ ‑bɛ ‑sisie fɔ le? 'Nyaa ɩ ‑mɩ 'klɩbrerea 'la; 'dʋ, plüü nyra ‑kamuu nya ɩ wii mlɩ 'babla 'la, 'kä 'nya ɩ ‑mɩ ‑wälɩ 'cɛrɛ 'kä nya ɩ mi! 28‑Nyɩ 'nɩmɩ 'mɩ ‑wälɩ ‑a 'cɛrɛ 'mä 'na 'jü nyra 'na 'ŋlëkayerü ‑gbere! I nʋa', ‑nyɩ 'lɩ ‑a ‑gla! 29'N 'mrɛɛ ɩ ‑a nʋ ‑mɩ bʋbɔgbi ‑gba! ‑Maa ‑gbiara ‑na tʋɩɩa Nyɔsʋa ‑gbala 'mɩ, 'ɔ ‑nëma: ‹'Maɩ ‑mɩ! ‑Tre wiili kä 'fɩɔ ‑nëmäa' Jakɔɔbëa ‑gʋ 'pa.› 30'Nyaa 'nu ɔ, ‑na tʋɩɩa 'tʋ 'blaa ‑mɩ, 'ia ‑gʋ ‑nya mi; ‑maa dɛplɛɛ kä ‑gʋ ‑jiie 'na ‑wäsɩa le?»
31'Iibäa' Jakɔɔbë nɩ: «Ŋalɛ 'blaa 'mɩ; 'na plɛklɩ ‑nya 'mɩ ‑na 'ŋlëkayörü kälɩ 'baa. 32‑Maa Nyɔɔlɔ ‑nëmäa' ‑na ‑wäsɩaɩɩ kälɩ 'järä ɔ jä! ‑Na ‑wlajüa 'klɩ, tɩtrɛ 'na diia 'mlɩ 'kä, ‑na käkädɛɛ ma bälɩ 'balɩ 'ɛmɩ!» ‑Maa Jakɔɔbë 'nyɩ 'iin jre ‑a jre 'sɩrɩ Rasɛɛlë 'jierea' 'iin 'ɔa tʋ dɛrɩ.
33Labaan nya pa Jakɔɔbëa ‑tete ‑wälɩ, 'ɔnya pa Lea ‑nyɛɛ, 'ɔnya pa 'jrʋpafɛŋlëgëa ‑nyɛɛ, 'batabata 'ɔnyɩ 'lɩ dɛɛ ‑a 'järä. 'Ɔ 'ciea' Leaa ‑nyɛɛ 'ɔnya 'pa Rasɛɛlëa ‑tete ‑wälɩ. 34Rasɛɛlë 'ɔɔ fa ‑wäsɩalü 'ɔnya pla 'üün samooa ‑gälɩa 'wʋkʋdɛɛ ‑wälɩ, 'ɔnya kʋ 'lɩ ‑gälɩ. Labaan nya tɩtrɛ ‑tetua 'fɩɔa ‑wälɩ 'kä 'ɔnyɩ 'lɩ dɛɛ ‑a 'järä. 35Rasɛɛlë nya ‑gbala 'ɔa tʋ: «Ama 'nyɩ 'mrɛɛ ‑a 'mrɛɛ 'mä 'wʋsɔ nɩ, ‑bakää 'inyɩ 'na 'pläkänyɔɔ 'crɛ 'wʋ kä. ‑Maa ‑gɔlɛ 'cie 'mɩ ‑gba.» 'Ɔ 'bata 'ɔa ‑wäsɩalü bata ‑maa 'ɔnyɩ dɛɛ ‑a 'jä.
36Jakɔɔbë nya ‑tʋ 'crɛ, 'ɔnya ‑gbala Labaan: «Bʋbɔgbi 'plɛɛ 'n nʋ le? ‑Balʋ 'plɛɛ 'n nʋ u kä ‑gʋ ‑nö 'saa ‑mɛɛ 'mɩ ‑gälɩ le? 37‑Tɩtrɛa' 'na diia 'fɩɔa 'mlɩ 'kä, ‑na nyükölia dɛplɛɛ 'järä 'lɩ 'lee? 'Srara 'iin ‑na ‑wlajü nyra 'na ‑wlajü 'klɩ 'ümä ana ‑gä ‑tʋ 'la! 38'N ‑fɛɛrɛ ‑na ‑gba 'jrʋpa ‑sɩ ‑glʋ; ‑na ‑bablëë nyra ‑na mlaa 'nyɩ ‑gu ‑a bʋblɔ! 'N ‑kaapɩɔ ‑na mlaa ‑tɔrʋpɩɔ ‑bablʋa 'bla 'mä 'ään ji. 39'Klʋɛa mlaa 'nyɩ 'mɩ ‑na mrɛɛ 'dee kälɩ ‑a 'blara, 'mɔɔ ma 'jää 'üa ‑sʋɩ! Üma 'jiere 'mɩ 'dee kälɩ ‑srɩwla 'aiɛ ‑gbiara nɩ, ‑ma ‑gbala 'mɩ ‑a 'sa ‑na mrɛɛ blö. 40'Jrʋ 'blaa 'mɩ ‑srɩwla; sɩɔ papa 'mɩ ‑gbiara, 'mʋmʋ sakla 'na 'nyü ‑gälɩ. 41'N bäa' ‑na ‑nyɛɛ 'ia ‑sɩ ‑glʋ 'saarɩ. ‑Na 'ŋlëkayerü 'sɔɔa ‑gʋ 'n ‑fɛɛrɛ ‑na ‑nyɛɛ 'jrʋpa ‑sɩ ‑pʋ ‑sɩ mlɔɔ; 'nya 'nyɛrɛ ‑na mlaa ‑gba ‑sɩ ‑uundoo; nya 'cici 'na 'pɛpɛɛdii 'wʋ ‑pʋ 'wʋ. 42'Na tʋɩɩ; Abraamë, nyra Isaakëa Nyɔsʋalɔ 'ɔ pɩɛa', ma 'nyɩ 'lɩ ‑a bä nɩ, 'na fʋfʋ ‑nëmä ɩ ‑wälɩ 'cɛrɛ! ‑Maa Nyɔsʋa 'jä 'na ‑sʋɩ nyra 'na klʋgbëa 'jrʋpa; 'ɔnya 'pa 'na 'wlilia wii ‑gbiara!»
Labaan nyra Jakɔɔbë 'paa' kuö
43Labaan nya ‑gbala Jakɔɔbë: «'Na 'ŋlëkayörü kʋ ‑pɩ, nyɩbɛjülü kʋa' ‑pɩ, 'na nyɩbɛjü, mlaalë kɔkɔa' ‑pɩ nɩ, 'na mlaa bäsaa. Diili kä 'fɩɔ ‑jääa' 'wʋ nɩ, 'na dii bäsaa. ‑Maa dɛplɛɛ 'nëmä nʋ, 'na 'ŋlëkayörü nyra 'üa 'jülü 'ü ‑gua', 'üa ‑gʋ le? 44'Ii känyrɩ ji 'nyraa ‑mɔ 'mä kuö 'pa. 'Ämä ana 'sɔɔa 'wlinönrökʋa 'sɔrɩkʋ bä.» 45Jakɔɔbë nya dɔrɔ 'täkä 'wʋ 'ɔnya 'sri 'ään 'kä 'ämä plɛpatäkä#31.45 plɛpatäkä: 'Üa 'taɩn 'lɩ nɩ, ‑pɩɔ ma pa nɩ, 'täkä 'ü ma ‑tʋʋä 'lɩ. 'Kä 'ü ‑gbäträ 'ään 'kpɩ 'wʋ 'kä, 'ämä plɛpatäkä bä. 'Aiɛ papatäkä. bä.
46Jakɔɔbë nya ‑gbala 'ɔa ‑wlajü: «'Ba 'bütö 'täkë!» 'Ünya 'bütö 'täkë 'ünya 'pa 'üün kolo 'lɩ. 'Ünya tara 'üa ‑gba. 47Labaan nya 'dara ‑plɩlɩ Jɩka Saduta#31.47 Jɩka Saduta: Arameɛɛnwii bäsaa. 'Ia ‑gbaa bä: Plɛpatäkëa kolo; Galɛɛdë: bä Ebrööwii. 'Ia ‑gbaa bä: ‑tuu.; Jakɔɔbë ‑nya 'dara bɩa ‑plɩɩlɩ Galɛɛdë. 48Labaan ‑nëma: «‑Taa 'täkë kpalä kʋa' ‑pɩ nɩ, 'ää bä ana kuö.» 'A 'ia ‑gʋ ‑plɩɩlɩa 'nyrɩ bä Galɛɛdë. 49'Ü 'dara bɩa ‑plɩɩlɩ Misipa#31.49 Misipa: 'Ia ‑gbaa bä: kuöa ‑pɩɔ., 'be Labaan nɩnɩa 'sɔɔwʋ: «Abɩa Yawe ‑tʋ amɩ 'nyü ‑gba 'taɩn 'lɩ amäa' ‑gbasɔsrɔ ‑bɛ a ‑kä ‑nëmäa' 'jäjrä! 50‑Ama nʋ 'na 'ŋlëkayerü ‑gbigba, 'aiɛ ‑ama dɔrɔ 'ŋlëgë ‑mölöö 'wʋ, ‑mää nyɔɔ ‑nëmä ana ‑tɔrʋpɩɔ bä; ‑maa Nyɔsʋa nëmä ana 'sɔɔa ‑tɔrʋpɩɔa ‑gä ‑tʋ.» 51Labaan ‑nëma 'sɔɔwʋ: «‑Jää 'täkë kpa nyra 'täkälä kʋa' ‑pɩ 'wʋ, 'a 'üü bä ana 'sɔɔa plɛpatäkëlë 'n ‑tʋa' 'lɩ ana 'sɔɔa ‑tɔrʋpɩɔ. 52'Ia 'täkë kpa nyra 'täkälä kʋa' ‑pɩ nɩ, ü bä ‑plɩɩ amä plɛpa. 'Nëmä 'üü ‑gälɩ ‑a 'pɩ 'mä 'mɩ ‑balʋ ‑gba nʋ, ‑na 'mʋgbɛ ‑nëmä 'üün ‑gälɩ ‑a 'pɩ ‑mä 'mɩ ‑balʋ ‑gba nʋ. 53Abɩa ana tʋɩɩ, Abraamë nyra Nakɔɔrëa Nyɔsʋa, nyra 'üa tʋɩɩa Nyɔsʋa, bä ana ‑tɔrʋpɩɔ wii ma bälɩ ‑sraakäpɩ.» Nyɔsʋalɔ 'ɔa tʋ Isaakë pɩɛa' 'ɔa 'nyrɩklɩ Jakɔɔbë 'sɔrɩ.
54Jakɔɔbë nya 'sa ‑gbɔ 'dʋgbë 'lɩ, 'ɔnya we 'ɔa ‑wlajü 'ümä dɛɛji. 'Ünya jidɛɛ, 'ünya 'prere 'dʋgbë 'lɩ.
Currently Selected:
Jenɛɛsë 31: Bakwé
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.
Jenɛɛsë 31
31
Jakɔɔbë nyra 'ɔa ‑gbööö sɔa' Labaan ‑gba
1Jakɔɔbë 'nua' 'wlili Labaan a nyɩbɛjü 'saarɩ 'wli; ibäa' ‑maa: «Jakɔɔbë 'a ana tʋa diia 'fɩɔ fa; ana tʋa käkädii, 'ii bä 'ɔa bɩɔ!» 2Jakɔɔbë 'jäa' Labaan a 'nyüa 'mlɩ nɩ, 'ɔ jre 'saa 'sɩrɩ 'ü ma bäa' ‑mää 'sɩ 'ü ‑kanyɩ bä. 3Yawe nya ‑gbala 'ɔɔn: «'Blöö ‑na 'bre dɛrɩ, ‑na tʋɩɩa ‑nyɛɛ, mi ‑na napio 'klɩ, 'nyaa ‑mɩ dɛrɩ bäa.» 4Jakɔɔbë nya we Rasɛɛlë nya Lea ü jrä 'ɔɔn 'klʋɩ mlaa 'pɛlɩ. 5'Ɔnya ‑gbala 'üün ‑maa: «'Sɩrɩ 'i ma bäa' 'nyraa 'ana tʋ kɔsɔa ‑tɔrʋpɩɔ nɩ, ‑mää 'sɩ 'i ‑kanyɩ bä. ‑Maa 'na tʋa Nyɔsʋa bä 'mɩ dɛrɩ. 6'Ana 'mʋgbɛ jre 'iin 'sɩrɩ 'n nʋa' 'na 'klüa 'fɩɔ ‑bɛ 'n ‑fɛa' 'ana tʋa 'jrʋpa. 7'Ana tʋ nya 'sara 'mɩ ‑gbagblɛ. 'Ɔ 'cici 'wʋ ‑pʋ 'wʋ 'na 'pɛpɛɛkʋ; ‑maa Nyɔsʋa 'nyɩ 'ɔɔn 'nyie ‑a 'nyie 'ɔmä 'mɩ ‑gbigba nʋ. 8Ɔ ma 'daa: ‹Mlaalë käa' 'kpafë ‑gba, 'üü nëmä ‑na 'pɛpɛɛdii bä nɩ›, mlaa 'fɩɔ ma mi ‑gu, 'üa 'jüa ‑gba bä 'kpafë 'kpafë; ‑bɛ 'ɔma 'daa: ‹'Ü 'cɩtrɛa' 'üü bä ‑na 'pɛpɛɛdii nɩ›, mlaa 'fɩɔ ma mi ‑gu 'üa 'jüa 'fɩɔ 'cɩtrɛ. 9'Asɩ Nyɔsʋa nʋ 'ɔnya 'balɩ 'ana tʋa mlaa 'ɔnya ‑nyɩ 'mɩ 'üün. 10'Taɩnlɩ kä mlɩ mlaa 'jajraa' ‑gälɩ nɩ, 'n dɔrɔa' 'nyü 'wʋ nɩ, Nyɔsʋa nya srara 'mɩ wluaɩɩ kä ‑gba bäbäa' ‑teri, 'kpafë 'kpafë, 'ü käa' tie; ‑bɛ 'ü 'jraa 'ŋlëgëa nü ‑gälɩ. 11Nyɔsʋaa 'aanjë nya we sanyülüa 'mlɩ: ‹Jakɔɔbë!› 'Nëma: ‹‑Yaa, ‑jää 'mɔɔ ‑o.› 12'Ɔ ‑nëma: ‹Tɛlɩ! Dɔrɔ ‑na 'nyü 'wʋ. Wluuaɩɩlü kä ‑gba bäbäa' ‑teri, 'kpafë 'kpafë, 'ü käa' tie; 'üü 'jraa 'ŋlëgëa nü ‑gälɩ; 'be 'n 'jä wiili kä 'fɩɔ Labaan nöa' ‑mɩ ‑gba. 13'Mɔɔ bä Bɛtɛlëa Nyɔsʋa#31.13 Bɛtɛlëa Nyɔsʋa: 'Ii bä Nyɔsʋaa Nyɔsʋanyuku., ‑plɩɩlɩ ‑gblɔɔa' plɛpatäkä 'kpɩ 'wʋ kä, ‑bɛ ‑nyɩa' 'mɩ ‑na mlɩa wii. 'Ii känyrɩ, dɔwʋ, 'cie ‑taa 'pläläa 'mlɩ, mi ‑na napio 'klɩ.› »
14Rasɛɛlë nyra Lea ‑nëma: «A ‑ka kälä ‑plɩɩ ana tʋa nyüköli dɛɛ, a ‑ka kälä 'lɩ ‑jaaa? 15'Be nyɔtugbanyüüa 'sa 'ɔ 'kplaa amɩ! 'Ɔ 'pa amɩ 'peru 'ɔnya ji 'ia möliia 'fɩɔ! 16Ana 'wlilia mölii nyra ana 'jüa mölii; Nyɔsʋa nya 'ba 'iin ana tʋ kälɩ. 'Ii känyrɩ, nʋ wiili kä 'fɩɔ Nyɔsʋa ‑gbalaa' ‑mɩ!»
17Jakɔɔbë nya dɔwʋ, 'ɔnya dɔrɔ 'ɔa 'ŋlëgë nyra 'ɔa 'jü 'wʋ 'ɔnya ‑tʋ 'üün samooɩɩ ‑gälɩ. 18'Ɔ fa 'ɔa mlaa nyra käkädiili kä 'fɩɔ 'ɔ 'järäa' Padan Aramëa 'bre; 'ünya mi 'ɔa tʋ Isaakëa ‑nyɛɛ, Kanaan a 'bre. 19Labaanlɔ mia' 'ɔa ‑bablëëa ‑püplii 'kpla nɩ, Rasɛɛlë nya 'jie 'ɔa tʋa ‑wäsɩa.
20Jakɔɔbë nya 'pa Aramënyɔɔ Labaan mlüü 'lɩ; 'ɔnyɩ 'ɔɔn cɛrɛ ‑a cɛrɛ 'ɔnya mi. 21'Ɔ nyra 'ɔa käkädiia 'fɩɔ nya fɔ 'ünya 'pɩ 'nie; 'ɔnya 'jrara Galaadëa 'dëgbëa 'pɛlɩ.
Labaan prɛa' Jakɔɔbë dɛrɩ
22Jrüü tää ‑sia' nɩ, 'ünya ‑gbala Labaan 'sɩrɩ Jakɔɔbë fɔa'. 23Labaan nyra 'ɔa ‑wlajü nya prɛ 'ɔɔn dɛrɩ jrüü ‑uunsɔɔ. 'Ünya jrä 'ɔɔn Galaadëa 'dëgbë 'lɩ. 24‑Maa Nyɔsʋa 'tɔrɔ Aramënyɔɔ Labaan 'klɩ sanyü 'lɩ 'ɔnya ‑gbala 'ɔɔn: «'Maɩ ‑mɩ! ‑Tre wiili kä 'fɩɔ ‑nëmäa' Jakɔɔbëa ‑gʋ 'pa.»
25Labaan nya jrä Jakɔɔbë ‑gälɩ. Jakɔɔbë 'pala 'ɔa ‑tete 'dʋgbë 'lɩ. Labaan nyra 'ɔa ‑wlajüa 'mʋgbɛ nya 'pala bɩa 'üa ‑tetu Galaadëa 'dëgbë 'lɩ. 26Labaan ‑nëma: «Jakɔɔbë, dɛplɛɛ kä ‑gʋ ‑nö 'saa le? Dɛplɛɛ kä ‑gʋ ‑saara 'mɩ yrʋ ‑bɛ fa 'ŋlëkayerü ‑beere tou 'wʋa ‑jienyüü le? 27Dɛplɛɛ kä ‑gʋ ‑saara 'mɩ yrʋ ‑bɛ ‑sisie fɔ le? 'Nyaa ɩ ‑mɩ 'klɩbrerea 'la; 'dʋ, plüü nyra ‑kamuu nya ɩ wii mlɩ 'babla 'la, 'kä 'nya ɩ ‑mɩ ‑wälɩ 'cɛrɛ 'kä nya ɩ mi! 28‑Nyɩ 'nɩmɩ 'mɩ ‑wälɩ ‑a 'cɛrɛ 'mä 'na 'jü nyra 'na 'ŋlëkayerü ‑gbere! I nʋa', ‑nyɩ 'lɩ ‑a ‑gla! 29'N 'mrɛɛ ɩ ‑a nʋ ‑mɩ bʋbɔgbi ‑gba! ‑Maa ‑gbiara ‑na tʋɩɩa Nyɔsʋa ‑gbala 'mɩ, 'ɔ ‑nëma: ‹'Maɩ ‑mɩ! ‑Tre wiili kä 'fɩɔ ‑nëmäa' Jakɔɔbëa ‑gʋ 'pa.› 30'Nyaa 'nu ɔ, ‑na tʋɩɩa 'tʋ 'blaa ‑mɩ, 'ia ‑gʋ ‑nya mi; ‑maa dɛplɛɛ kä ‑gʋ ‑jiie 'na ‑wäsɩa le?»
31'Iibäa' Jakɔɔbë nɩ: «Ŋalɛ 'blaa 'mɩ; 'na plɛklɩ ‑nya 'mɩ ‑na 'ŋlëkayörü kälɩ 'baa. 32‑Maa Nyɔɔlɔ ‑nëmäa' ‑na ‑wäsɩaɩɩ kälɩ 'järä ɔ jä! ‑Na ‑wlajüa 'klɩ, tɩtrɛ 'na diia 'mlɩ 'kä, ‑na käkädɛɛ ma bälɩ 'balɩ 'ɛmɩ!» ‑Maa Jakɔɔbë 'nyɩ 'iin jre ‑a jre 'sɩrɩ Rasɛɛlë 'jierea' 'iin 'ɔa tʋ dɛrɩ.
33Labaan nya pa Jakɔɔbëa ‑tete ‑wälɩ, 'ɔnya pa Lea ‑nyɛɛ, 'ɔnya pa 'jrʋpafɛŋlëgëa ‑nyɛɛ, 'batabata 'ɔnyɩ 'lɩ dɛɛ ‑a 'järä. 'Ɔ 'ciea' Leaa ‑nyɛɛ 'ɔnya 'pa Rasɛɛlëa ‑tete ‑wälɩ. 34Rasɛɛlë 'ɔɔ fa ‑wäsɩalü 'ɔnya pla 'üün samooa ‑gälɩa 'wʋkʋdɛɛ ‑wälɩ, 'ɔnya kʋ 'lɩ ‑gälɩ. Labaan nya tɩtrɛ ‑tetua 'fɩɔa ‑wälɩ 'kä 'ɔnyɩ 'lɩ dɛɛ ‑a 'järä. 35Rasɛɛlë nya ‑gbala 'ɔa tʋ: «Ama 'nyɩ 'mrɛɛ ‑a 'mrɛɛ 'mä 'wʋsɔ nɩ, ‑bakää 'inyɩ 'na 'pläkänyɔɔ 'crɛ 'wʋ kä. ‑Maa ‑gɔlɛ 'cie 'mɩ ‑gba.» 'Ɔ 'bata 'ɔa ‑wäsɩalü bata ‑maa 'ɔnyɩ dɛɛ ‑a 'jä.
36Jakɔɔbë nya ‑tʋ 'crɛ, 'ɔnya ‑gbala Labaan: «Bʋbɔgbi 'plɛɛ 'n nʋ le? ‑Balʋ 'plɛɛ 'n nʋ u kä ‑gʋ ‑nö 'saa ‑mɛɛ 'mɩ ‑gälɩ le? 37‑Tɩtrɛa' 'na diia 'fɩɔa 'mlɩ 'kä, ‑na nyükölia dɛplɛɛ 'järä 'lɩ 'lee? 'Srara 'iin ‑na ‑wlajü nyra 'na ‑wlajü 'klɩ 'ümä ana ‑gä ‑tʋ 'la! 38'N ‑fɛɛrɛ ‑na ‑gba 'jrʋpa ‑sɩ ‑glʋ; ‑na ‑bablëë nyra ‑na mlaa 'nyɩ ‑gu ‑a bʋblɔ! 'N ‑kaapɩɔ ‑na mlaa ‑tɔrʋpɩɔ ‑bablʋa 'bla 'mä 'ään ji. 39'Klʋɛa mlaa 'nyɩ 'mɩ ‑na mrɛɛ 'dee kälɩ ‑a 'blara, 'mɔɔ ma 'jää 'üa ‑sʋɩ! Üma 'jiere 'mɩ 'dee kälɩ ‑srɩwla 'aiɛ ‑gbiara nɩ, ‑ma ‑gbala 'mɩ ‑a 'sa ‑na mrɛɛ blö. 40'Jrʋ 'blaa 'mɩ ‑srɩwla; sɩɔ papa 'mɩ ‑gbiara, 'mʋmʋ sakla 'na 'nyü ‑gälɩ. 41'N bäa' ‑na ‑nyɛɛ 'ia ‑sɩ ‑glʋ 'saarɩ. ‑Na 'ŋlëkayerü 'sɔɔa ‑gʋ 'n ‑fɛɛrɛ ‑na ‑nyɛɛ 'jrʋpa ‑sɩ ‑pʋ ‑sɩ mlɔɔ; 'nya 'nyɛrɛ ‑na mlaa ‑gba ‑sɩ ‑uundoo; nya 'cici 'na 'pɛpɛɛdii 'wʋ ‑pʋ 'wʋ. 42'Na tʋɩɩ; Abraamë, nyra Isaakëa Nyɔsʋalɔ 'ɔ pɩɛa', ma 'nyɩ 'lɩ ‑a bä nɩ, 'na fʋfʋ ‑nëmä ɩ ‑wälɩ 'cɛrɛ! ‑Maa Nyɔsʋa 'jä 'na ‑sʋɩ nyra 'na klʋgbëa 'jrʋpa; 'ɔnya 'pa 'na 'wlilia wii ‑gbiara!»
Labaan nyra Jakɔɔbë 'paa' kuö
43Labaan nya ‑gbala Jakɔɔbë: «'Na 'ŋlëkayörü kʋ ‑pɩ, nyɩbɛjülü kʋa' ‑pɩ, 'na nyɩbɛjü, mlaalë kɔkɔa' ‑pɩ nɩ, 'na mlaa bäsaa. Diili kä 'fɩɔ ‑jääa' 'wʋ nɩ, 'na dii bäsaa. ‑Maa dɛplɛɛ 'nëmä nʋ, 'na 'ŋlëkayörü nyra 'üa 'jülü 'ü ‑gua', 'üa ‑gʋ le? 44'Ii känyrɩ ji 'nyraa ‑mɔ 'mä kuö 'pa. 'Ämä ana 'sɔɔa 'wlinönrökʋa 'sɔrɩkʋ bä.» 45Jakɔɔbë nya dɔrɔ 'täkä 'wʋ 'ɔnya 'sri 'ään 'kä 'ämä plɛpatäkä#31.45 plɛpatäkä: 'Üa 'taɩn 'lɩ nɩ, ‑pɩɔ ma pa nɩ, 'täkä 'ü ma ‑tʋʋä 'lɩ. 'Kä 'ü ‑gbäträ 'ään 'kpɩ 'wʋ 'kä, 'ämä plɛpatäkä bä. 'Aiɛ papatäkä. bä.
46Jakɔɔbë nya ‑gbala 'ɔa ‑wlajü: «'Ba 'bütö 'täkë!» 'Ünya 'bütö 'täkë 'ünya 'pa 'üün kolo 'lɩ. 'Ünya tara 'üa ‑gba. 47Labaan nya 'dara ‑plɩlɩ Jɩka Saduta#31.47 Jɩka Saduta: Arameɛɛnwii bäsaa. 'Ia ‑gbaa bä: Plɛpatäkëa kolo; Galɛɛdë: bä Ebrööwii. 'Ia ‑gbaa bä: ‑tuu.; Jakɔɔbë ‑nya 'dara bɩa ‑plɩɩlɩ Galɛɛdë. 48Labaan ‑nëma: «‑Taa 'täkë kpalä kʋa' ‑pɩ nɩ, 'ää bä ana kuö.» 'A 'ia ‑gʋ ‑plɩɩlɩa 'nyrɩ bä Galɛɛdë. 49'Ü 'dara bɩa ‑plɩɩlɩ Misipa#31.49 Misipa: 'Ia ‑gbaa bä: kuöa ‑pɩɔ., 'be Labaan nɩnɩa 'sɔɔwʋ: «Abɩa Yawe ‑tʋ amɩ 'nyü ‑gba 'taɩn 'lɩ amäa' ‑gbasɔsrɔ ‑bɛ a ‑kä ‑nëmäa' 'jäjrä! 50‑Ama nʋ 'na 'ŋlëkayerü ‑gbigba, 'aiɛ ‑ama dɔrɔ 'ŋlëgë ‑mölöö 'wʋ, ‑mää nyɔɔ ‑nëmä ana ‑tɔrʋpɩɔ bä; ‑maa Nyɔsʋa nëmä ana 'sɔɔa ‑tɔrʋpɩɔa ‑gä ‑tʋ.» 51Labaan ‑nëma 'sɔɔwʋ: «‑Jää 'täkë kpa nyra 'täkälä kʋa' ‑pɩ 'wʋ, 'a 'üü bä ana 'sɔɔa plɛpatäkëlë 'n ‑tʋa' 'lɩ ana 'sɔɔa ‑tɔrʋpɩɔ. 52'Ia 'täkë kpa nyra 'täkälä kʋa' ‑pɩ nɩ, ü bä ‑plɩɩ amä plɛpa. 'Nëmä 'üü ‑gälɩ ‑a 'pɩ 'mä 'mɩ ‑balʋ ‑gba nʋ, ‑na 'mʋgbɛ ‑nëmä 'üün ‑gälɩ ‑a 'pɩ ‑mä 'mɩ ‑balʋ ‑gba nʋ. 53Abɩa ana tʋɩɩ, Abraamë nyra Nakɔɔrëa Nyɔsʋa, nyra 'üa tʋɩɩa Nyɔsʋa, bä ana ‑tɔrʋpɩɔ wii ma bälɩ ‑sraakäpɩ.» Nyɔsʋalɔ 'ɔa tʋ Isaakë pɩɛa' 'ɔa 'nyrɩklɩ Jakɔɔbë 'sɔrɩ.
54Jakɔɔbë nya 'sa ‑gbɔ 'dʋgbë 'lɩ, 'ɔnya we 'ɔa ‑wlajü 'ümä dɛɛji. 'Ünya jidɛɛ, 'ünya 'prere 'dʋgbë 'lɩ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.