Akëtë 9

Sɔɔlë 'nyiere nyɔsʋaawii 'klɩ

1‑Bɛ 'ia 'taɩn 'lɩ nɩ, Sɔɔlë 'nyɩ sɩa 'Pläkänyɔɔa 'wʋnyɛrɛnyüü ‑gbigba nʋnʋkʋa ‑gʋ ‑a, ‑bɛ 'ɔ nö 'ɔmä 'üün 'bla. 'Ɔnya mi ‑gbɔsapɛrɩnyɔɔ kpakö 'jäkalɩ, 2'ɔmä ‑pɔɔkɩ ‑jɩjra 'ɔmä 'ɔɔn ‑nyɩ, juifëa 'sraaplanyëka bäa' Damasëbätä 'lee nɩ, 'ɔmä 'lɩ mi. Ɔma 'järä 'lɩ nyɩberü 'aiɛ 'ŋlëgë üma prɛ Jesua 'Nyʋfɔa Nyüü#9.2 'Nyʋfɔa Nyüü: 'A 'nyrɩlɩ 'ü ‑nyɩa' Jesua 'wʋnyɛrɛnyüü. Nyüülü ü bobo ‑maa Jesu bä 'nyʋfɔlʋ 'baaa' 'lɩ nyüü mlɩ nɩ, 'üü 'ü 'dara 'saa. Jaan a ‑pɔɔkʋ 'lɩ, Jesu nɩnɩa 'ɔɔ bä 'nyʋfɔlʋ möa' Tʋa ‑nyɛɛ (Jaan 14.6). 'A 'ia ‑gʋ 'ü 'dara 'cɛcɩnyüü «'Nyʋfɔa Nyüü». dɛrɩ nɩ, 'ɔmä 'üün kpasa ‑bɛ 'ɔmä 'üün Jerusalɛɛmë ja. 3'A 'nyʋfɔ mlɩ 'ɔ bä, 'ɔ 'a Damasëbätä 'tɔtɔkʋ bɩa, 'ɔmä 'wʋŋëŋlɛkalɩ mi nɩ, cɛlɩa 'napɛ ŋʋala ‑plɩɩlɩ 'ɔ bäa'. 4'Ɔnya blö ‑bɛ 'ɔ 'nöö mlɩa wii 'wli ‑bɛ 'i nö: «Sɔɔlë, Sɔɔlë, dɛplɛɛ kä ‑gʋ ‑nö 'mɩ ‑gbigba le?» 5'Iibäa' 'ɔɔn nɩ: «Ɔ bälɩ le, 'Pläkänyɔɔ?» 'Pläkänyɔɔ nya ‑gbala 'ɔɔn: «'Mɔɔ Jesu bäsaa, 'mɔɔ ‑nö ‑gbigba. 'Inya 'lɩklaa ‑mä ‑papatuu#9.5 ‑papatuu: Nyüülü ma 'nyɛrɛa' bruu ‑gba 'üü ma 'klaa 'samaa tuu kälɩ. 'A 'u 'ɔ 'paplaklɩ. Bree ma ‑srörö ‑plɩɩ 'lɩ 'ɛ ‑nëmäa' ‑srörö nɩ, 'uu 'ü 'floo 'ɛmɩ 'ɛa ‑gbanyɛrɛnyɔɔ 'floo 'ɛmɩ 'ɛmä 'nyʋfɔ 'wʋ ji. 'Üa 'taɩn 'lɩ nɩ, ama 'daa Nyɔsʋa ‑sɔɔrɔ 'wli 'klɩ nɩ, 'fʋflɛsa bäsaa, 'asɩ 'ü 'dara 'sama nʋnʋgbi. 'klɩ 'nyüglö#9.5 'Inya 'lɩklaa ‑mä ‑papatuu 'klɩ 'nyüglö: ‑Taa waklüülü 'nyɩ grɛɛkë ‑kätɩpɔɔkɩ ‑mɩdooa 'mlɩ ‑a bä..» 6Ŋalɛ 'blaa 'ɔɔn ‑bɛ 'ɔ tɩtrɛ, 'ɔ ‑nëma: «'Pläkänyɔɔ, dɛplɛɛ ‑baata ‑a nʋ le?» 'Pläkänyɔɔ ‑nëma#9.6 Ŋalɛ 'blaa 'ɔɔn ‑bɛ 'ɔ tɩtrɛ, 'ɔ ‑nëma: «'Pläkänyɔɔ, dɛplɛɛ ‑baata ‑a nʋ le?» 'Pläkänyɔɔ ‑nëma: ‑Taa waklüülü 'nyɩ grɛɛkë ‑kätɩpɔɔkɩ ‑mɩdooa 'mlɩ ‑a bä.: «Sɔwʋ, 'jra bätä. Dɛɛlɛ ‑nëmäa' nʋ nyɔɔ nya ‑mɩ ‑gbalaa.» 7Nyüülü fala ɩa' Sɔɔlë nya 'nyüglö 'üa 'mä ‑bɛ 'üa ‑fʋflʋ. 'Ü 'nöö 'papawii 'wli ‑maa ‑mää nyɔɔ 'ünyɩ 'jä. 8Sɔɔlë nya sɔwʋ, ‑maa 'ɔ ‑jiea' 'nyü nɩ, 'ɔnyɩ 'jä dɛɛ 'wʋ ‑a. 'Ünya 'kpla 'ɔa 'darʋ 'ünya fa 'ɔɔn Damasëbätä. 9'Ɔ ‑si jrüü tää 'ɔnyɩ 'jäkä ‑a, 'ɔnyɩ jidɛɛ ‑a, 'ɔnyɩ 'mlamla ‑a.

10Jesua 'wʋnyɛrɛnyɔɔ 'doo bä kä Damasëbätä, 'ɔa 'nyrɩ bä Ananiasë. 'Pläkänyɔɔ nya 'tɔrɔ 'ɔɔn 'nyü ‑gälɩ 'ɔnya we 'ɔɔn: «Ananiasë!» Ananiasë nya 'nyie: «'N bä ‑plɩɩ 'Pläkänyɔɔ.» 11'Iibäa' 'Pläkänyɔɔ nɩ: «Mi 'nyʋfɔlʋ 'ü 'daraa' ‹'Klɩgä 'nyʋfɔ› 'ua mlɩ nɩ, 'betre Judasëa nyuku ‑wälɩ nyɔɔlɔ 'ü 'daraa' Sɔɔlë 'ɔa ‑gʋ; Tarësë 'ɔ sɔ. Nyɔsʋa 'ɔ bibie 'lee, 12'ɔnya 'järä 'ɔa 'nyü ‑gälɩ nyɔɔ 'doo 'ü 'daraa' Ananiasë. 'Ɔnya pa 'ɔɔn dɛrɩ 'ɔmä 'ɔɔn klʋgba ‑gälɩ 'pie, ‑bɛ 'ɔmä 'sɔɔwʋ 'käjä.» 13'Iibäa' Ananiasë nɩ: «'Pläkänyɔɔ, 'n 'nrörö nyɔɔlɔ kʋa' ‑pɩa 'nyrɩ nyüü 'kɔkɔmlɛa mlɩ 'sɩrɩ 'ɔ nʋa' bʋbɔgbi 'kɔkɔmlɛ ‑na nyüülü berea' 'klɩ ‑gba Jerusalɛɛmë; 14'sɩrɩ ‑gbɔsapɛrɩnyüü kpakü ‑nyɩa' 'ɔɔn ‑pɔɔkʋ 'ɔmä nyüülü kä 'fɩɔ bäa' ‑tɛklɩ, ü bibriea' ‑na 'nyrɩklɩ, 'kpla.» 15‑Maa 'Pläkänyɔɔ nya ‑gbala 'ɔɔn: «Mi! 'A nyɔɔlɔ 'n 'baa' 'lɩ 'ɔmä 'na 'nyrɩ 'plä 'klɩsrara: nyüülü 'nyɩa' juifë bäa 'klɩ, 'üa 'kɩɩɩa 'klɩ, nyra Israɛɛlëa 'klɩ. 16‑Sʋɛlɛ kä 'fɩɔ 'ɔmäa' 'jä 'na 'nyrɩklɩa ‑gʋ nɩ, 'nyaa 'ɔmɩ 'ɛɛn sraraa.» 17Ananiasë nya mi. 'Ɔnya pa nyüköli, 'ɔnya 'pie 'ɔa 'dari Sɔɔlë ‑gälɩ, 'ɔnya ‑gbala 'ɔɔn: «‑Wlajʋ Sɔɔlë, 'Pläkänyɔɔ Jesulɔ 'tɔrɔa' ‑mɩ 'klɩ 'nyʋfɔ mlɩ nɩ, 'ɔɔ blɔ 'mɩ ‑mä 'käjä, ‑bɛ 'Nyüna ‑Susu 'mä ‑mɩ 'lɩ 'si.» 18'A ‑plɩɩ 'ü kʋ dotro, dii 'doo ‑beerea' ‑srüa frɩ nya ‑gö 'ɔa 'nyüa 'mlɩ 'ünya böblö, 'ɔnya 'jäkä. 'Ɔnya sɔwʋ, 'ɔnya 'pala 'nɩwli. 19'Ɔ jia' dɛɛ nɩ, 'klü nya 'jra 'ɔɔn ‑gba.

'Ɔ ‑si jrüü jie 'wʋnyɛrɛnyüülü bäa' Damasë 'üa ‑nyɛɛ.

Sɔɔlë 'pala nyɔsʋaawii Damasëbätä

20'A ‑plɩɩ 'ɔ kʋ dotro 'ɔnya 'pala juifëa 'sraaplanyëka ‑wälɩ Jesua#9.20 Jesu: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: «'Kriisë». ‑gä, 'sɩrɩ 'ɔ bä käa' Nyɔsʋaa 'Jʋ. 21Nyüülü kä 'fɩɔ poa' 'ɔɔn 'nyakli, 'üa plɛklɩkala, ‑bɛ 'ü nö: «‑Mää nyɔɔlɔ ma nöa' nyüülü ma bibiea' Nyɔsʋa Jerusalɛɛmë ‑gbigba, 'nyrɩ 'lɩ kʋa' ‑pɩa ‑gʋ ‑a? 'Ɔnya ji ‑tɛ 'ia nyüü ‑mölöö kpasa 'ɔmä 'üün ‑gbɔsapɛrɩnyüü kpakü fa.» 22‑Maa 'wʋ a 'doo Sɔɔlë ‑sɔɔrɔ ‑bɛ 'ɔ srara juifënyüülü kʋa' Damasë 'sɩrɩ Jesu bäa' 'Kriisë#9.22 'Kriisë: 'Aiɛ Mesii. «'Kriisë» nyra «Mesii» bä dɛɛ 'dee. Grɛɛkëwii 'lɩ 'ü nö «'Kriisë», Ebrööwii nyra Arameenyüüa wii 'lɩ 'ü nö «Mesii». 'Ia ‑gbaa bä: Nyɔɔlɔ Nyɔsʋa 'baa' 'lɩ 'ɔmäa' 'ɔa 'jrʋpa 'klɩtɛ, ‑bɛ 'ümäa' 'kpɩ 'wʋ 'kägblɔɔ., 'sɩrɩ 'ü ‑ka 'mä nʋ 'ümä 'ɔɔn ‑gälɩsa 'ünyɩ 'iin jre ‑a jre. 23'Imä jrüü ‑sikalɩ mi nɩ, juifënyüü nya 'nönröwli 'ümä 'ɔɔn 'bla, 24‑maa nyɔɔ nya ‑gbala 'iin Sɔɔlë. Nyüü ‑gäälä bätäa 'cerefë 'nyiöli ‑srɩ ‑bɛ ‑gbia 'ümä 'ɔɔn 'bla.

Sɔɔlë bä Jerusalɛɛmë

25‑Gbiara nɩ, 'wʋnyɛrɛnyüü nya 'pa 'ɔɔn ‑kaka 'lɩ, 'ünya kpasra 'ään 'bübli ‑gba 'ünya 'cere 'ɔɔn bätäa ‑glɔ dɛrɩ#9.25 2 Korɛɛntënyüü 11.32-33.. 26Sɔɔlë 'tɔa' Jerusalɛɛmë nɩ, 'ɔ 'bata 'ɔmä 'wʋnyɛrɛnyüülü bäa' 'lɩ 'üa ‑tɔrʋpɩɔ pala, ‑maa 'üa 'fɩɔ kä 'ɔa ŋalɛ. 'Ünyɩ 'dara 'iin wii ‑a 'kä 'ɔmä 'kasa 'wʋnyɛrɛnyɔɔ bä. 27Banabasë nya ji 'ɔɔn ‑gba, 'ɔnya fa 'ɔɔn apotrëa ‑nyɛɛ. 'Ɔnya ‑gbala 'üün 'sɩrɩ Sɔɔlë jäa' 'Pläkänyɔɔ 'nyʋfɔ mlɩ ‑bɛ 'sɩrɩ 'Pläkänyɔɔ 'palaa' 'ɔɔn wii ‑gba. 'Ɔnya ‑gbala 'üün bɩa 'sɩrɩ Sɔɔlë 'palaa' nyɔsʋaawii Jesua 'nyrɩklɩ Damasëbätä ‑bɛ ŋalɛ 'nyɩa' 'ɔɔn 'bla. 28'Bala ‑plɩɩ Sɔɔlë nya pa 'üa ‑tɔrʋpɩɔ, 'ɔ nyra 'üün mö Jerusalɛɛmë 'kä 'ü jö, ‑bɛ 'ɔ 'paa nyɔsʋaawii 'Pläkänyɔɔa#9.28 'Pläkänyɔɔa 'nyrɩklɩ: ‑Grɛɛkë kätɩpɔɔkɩ ‑mɩdooa 'mlɩ 'i ‑jɩjra: «'Pläkänyɔɔ Jesua 'nyrɩklɩ». 'nyrɩklɩ; ŋalɛ 'nyɩ 'bla 'ɔɔn 'bla ‑a. 29'Ɔɔ ‑bɛ juifënyüülü 'paaa' grɛɛkëwii ma ‑topo Nyɔsʋaawiia ‑gʋ; ‑maa 'üülü nɩ, 'ü 'bata 'ümä 'ɔɔn 'bla. 30‑Wlajülü 'nua' 'iin 'wli nɩ, 'ünya fa 'ɔɔn bätälä 'ü 'daraa' Sesaree, 'ii 'ü ‑srörö 'ünya fa 'ɔɔn Tarësëbätä.

31 'Cɛcʋlʋ bäa' Judeeabre, Galileeabre, nyra Samariiabre nɩ, 'ua plɛ ‑gälɩ flɛrɛ. 'U ma 'papla 'klülɩ ‑bɛ 'u ma ‑träärälɩ 'Pläkänyɔɔ. 'Nyüna ‑Susua ‑gʋ 'u 'paplagälɩa 'doo.

NYƆSƲAAWII 'NYƖ JUIFËA 'KPƆA WII ‑A BÄ

9.32–12.24

Piɛɛrë 'pʋɔ Enee Jesua 'nyrɩklɩ

32Piɛɛrë traraa' 'ia 'blɩlɩ 'klɩ ‑bɛ 'ɔ möa' nɩ, 'ɔnya 'cere bɩa 'cɛcɩnyüülü kʋa' bätälä 'ü 'daraa' Lidaa 'üa ‑nyɛɛ. 33'Ɔ jrä 'lɩ nyɔɔ 'doo, 'ɔa 'nyrɩ bä Enee, 'ɔa ‑gbitɛɛ 'wʋa ‑sɩ ‑uuntää, 'be 'ɔa ‑gbaa dii jä. 34Piɛɛrë nya ‑gbala 'ɔɔn: «Enee, Jesu 'Kriisë 'pʋɔ ‑mɩ; sɔwʋ, 'kä ‑nyɩgla ‑na ‑gbitɛɛ 'kä!» 'Köklesaplɩɩ 'wʋ 'ɔ sɔ. 35Nyüülü kä 'fɩɔ kʋa' Lidaa nyra Sarɔɔnbätä 'jä 'ɔmɩ, 'ünya toro 'Pläkänyɔɔ plɛ.

Piɛɛrë tɛrɛ Dɔrëkaasëa jäjäa nɔ 'kä

36'Ŋlʋʋ 'doo bä kä 'wʋnyɛrɛnyüüa ‑tɔrʋpɩɔ bätälä 'ü 'daraa' Jopee 'äa 'mlɩ, 'ɔa 'nyrɩ bä Tabita. 'Iibä Dɔrëkaasë#9.36 Dɔrëkaasë: 'Ia ‑gbaa bä «‑klʋgbɛ». grɛɛkëwii 'lɩ. 'Ɔ ma nö nyüü 'mʋfagbi ‑gba, ‑bɛ 'ɔ ma jö 'pʋablanyüü ‑gba. 37'Ɔɔ ‑wusu 'bla jrüü jiea 'mlɩ, 'ɔnya jä. 'Ü bɩaa' 'ɔɔn ‑futokʋ nɩ, 'ünya 'jrara 'ɔɔn nyëkaklöö bäa' cɛlɩa 'mlɩ. 38‑Bɛ Jopee 'nyɩa' 'lɩ Lidaa dɛrɩtʋŋlɔ nɩ, 'wʋnyɛrɛnyüü 'nua' ‑maa Piɛɛrë bälɩ 'lee nɩ, 'ünya blɔ nyüü 'sɔɔ ü bibie 'ɔɔn ɔ 'tɔ 'üa ‑nyɛɛ sɔsɔ. 39Piɛɛrë nya sɔwʋ, 'ɔ nyra 'üün nya mi. 'Ɔ 'tɔa' nɩ, 'ünya fa 'ɔɔn nyëkaklöölä bäa' cɛlɩa 'mlɩ. 'Kusroŋlëgëlüa 'fɩɔ nya jijrö 'ɔɔn ‑gba ‑bɛ 'ü 'wuö. 'Ünya srara 'ɔɔn 'koti nyra ‑gälɩpakotili Dɔrëkaasë ma 'kplaaa' 'taɩn 'lɩ 'ɔ ‑ka bä käa' 'lɩ. 40Piɛɛrë nya 'cie nyüüa 'fɩɔ, 'ɔnya 'pakotifli, 'ɔnya bibie Nyɔsʋa. 'Ɔnya ‑sie jäjäŋlʋʋa 'pɛlɩ 'klɩ 'ɔ ‑nëma: «Tabita, sɔwʋ!» 'Ŋlʋʋlɔ nya ‑jie 'nyü, 'ɔ 'jäa' Piɛɛrë nɩ, 'ɔnya sɔwʋ 'ɔnya kʋwälɩ. 41Piɛɛrë nya 'kpla 'ɔa 'darʋ 'ɔnya ‑gä 'ɔɔn 'klɩ. 'Ɔnya we 'ŋlëgëlü nyra 'cɛcɩnyüü ‑mülü, 'ɔnya srara 'üün 'ɔa 'lɩbäa nɔ 'klɩ. 42Jopeea 'fɩɔ 'nu 'iin 'wli. 'Kɔkɔmlɛ nya toro 'Pläkänyɔɔ plɛ. 43Piɛɛrë nya ‑si Jopee jrüü 'kɔkɔmlɛ. Nyɔɔ 'doo ü 'daraa' Simɔɔ 'ɔa ‑nyɛɛ 'ɔ kʋ, mlafia 'jrʋpa nyɔɔlɔ ma ‑fɛ.

Currently Selected:

Akëtë 9: Bakwé

Highlight

Copy