Akëtë 10

Piɛɛrë nyra Kɔrënɛɛyë

1Nyɔɔ 'doo ma bä kä Sesareebätä 'ɔɔ 'ü 'dara Kɔrënɛɛyë. 'Ɔ ma 'kama 'sʋgɩanyüü ‑glügbölä 'ü 'daraa' «Italiia 'sʋgɩa». 2'Ɔ ma ‑gäklɩ, 'ɔɔ nyra 'ɔa ‑gböööa 'fɩɔ pɩɛ Nyɔsʋa. 'Ɔ ma jö juifëa 'pʋablanyüü ‑gba ‑gböösa ‑bɛ 'ɔ ma bibie Nyɔsʋa 'plɔʋplɔʋ. 3Jrüü 'doo 'lɩ ‑bɛ 'jrʋ möa' ‑gbiajrʋ ‑wälɩ#10.3 'jrʋ möa' ‑gbiajrʋ ‑wälɩ: Grɛɛkëwii nö: «‑suwlaa ‑gliiibei ‑uumlɔɔ». Ana ‑nyɛɛ, ‑gbiajrʋa ‑gliiibei ‑pʋ ‑bɛ mlɔɔ nyra ‑pʋ ‑bɛ ‑gböööa ‑tɔrʋpɩɔ. nɩ, Nyɔsʋa nya jaa 'ɔɔn sanyü 'nyü ‑gälɩ. 'Ɔnya 'jä Nyɔsʋaa 'aanjë; 'aanjëlɔ nya pa 'ɔa ‑nyɛɛ, 'ɔnya we 'ɔɔn: «Kɔrënɛɛyë!» 4'Ɔnya ‑pʋpɔ 'ɔɔn tee ŋalɛ nya 'bla 'ɔɔn, 'ɔ ‑nëma: «Dɛplɛɛ le, 'Pläkänyɔɔ?» 'Iibäa' 'aanjë nɩ: «‑Na nyɔsʋabibiekʋ nyra 'sɩrɩ nöa' 'pʋablanyüü nɩ, 'i 'tɔ Nyɔsʋaa ‑gba, 'ɔnyɩ ‑na ‑gä ‑a ‑trɔ. 5'I känyrɩ blɔ ‑plɩɩ nyüü Jopeebätä, 'ümä Simɔɔa 'klɛɛ mi, ɔ 'ü 'daraa' bɩa Piɛɛrë. 6Simɔɔ ‑moloo bälɩ 'lee, mlafia 'jrʋpa 'ɔ kä, 'ɔa ‑nyɛɛ 'ɔ kʋ. 'Ɔa ‑gbööö bä 'tanie ‑gba#10.6 Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra bɩa: wiili ‑nëmä 'ɔnya ‑mɩ 'iin ‑gbalaa..» 7'Aanjëlɔ 'palaa' Kɔrënɛɛyë wii ‑gba mia' nɩ, Kɔrënɛɛyë nya we 'ɔa 'jrʋpafɛnyüü 'sɔɔ nyra 'ɔa 'sʋgɩanyüüa ‑tɔrʋpɩɔa 'doolɔ ‑trääräa' 'lɩ Nyɔsʋa. 8'Ɔnya ‑gbala 'üün wiili kä 'fɩɔ ‑sia, 'ɔnya blɔ 'üün Jopeebätä.

Nyɔsʋa ja Piɛɛrë sanyü 'nyü ‑gälɩ

9'Ia ‑srɩ paa' nɩ, 'ünya mi. ‑Srɩ ‑nëmä 'lɩmɩmrɛ#10.9 Grɛɛkëwii nö: «‑Gliiibei ‑uundoo». 'A 'taɩn 'lɩ kä 'mlɩ juifë kaa' 'sɔɔ 'ü bibiea' Nyɔsʋa., Piɛɛrë nya 'jra nyuku ‑gälɩ 'ɔmä Nyɔsʋa bibie#10.9 'Ia 'taɩn 'lɩ Israɛɛlëa 'papanyëka ma ‑beere 'saarɩa ‑gälɩkɔklɔnyëka. 'Üa nyëka ‑gälɩ plakä. Nyüü 'jraa 'lɩ 'kä 'ü mö ‑fʋflʋpakalɩ 'aiɛ 'ü 'prere 'lɩ., nyüülü nya 'tɔ bätäläa ‑gba. 10‑Gbëka nya 'bla 'ɔɔn, 'ɔmä dɛɛji. 'Ü ‑ka pie ɩ 'ɔa jijrɛ, ‑bɛ Nyɔsʋa ja 'ɔɔn sanyü 'nyü ‑gälɩ. 11'Ɔnya 'jä cɛ 'ɛnya ‑jiero 'klɩ, dɛɛ 'dee nya 'cere 'ɔa 'pɛlɩ ‑beere dɔʋ kpaku. 'Ua kotü mlɔɔ kpasra ‑bɛ 'u 'cere ‑tʋtʋ ‑gälɩ. 12'Ua 'mlɩ bä ‑tʋtʋ ‑gälɩa mlalë kä 'fɩɔ 'nyɛrɛa' bei mlɔɔ#10.12 Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra bɩa: 'klʋɛɛa mlaa., nyra ‑pɛrɛdii ‑bɛ nyisie. 13'Ɔnya 'nu 'papawii 'wli, ‑bɛ 'i ‑nö: «Piɛɛrë sɔwʋ! 'Bla ‑a jidɛɛ!» 14‑Maa Piɛɛrë ‑nëma: «'Büa! 'Pläkänyɔɔ, 'n ‑kaapɩɔ dɛɛlɛ ‑siiea' nyra dɛɛlɛ paa' ‑fre#10.14 Juifënyɔɔ ma ‑fɛ mlaalü 'jääa' ‑beere ‑frepamlaa, 'ia ‑tɔrʋpɩɔa mrɛɛ ‑gba nɩ, 'ia nyɔɔlɔa 'a ‑fre 'lɩbä (Levitiikë 11). 'Ia nyɔɔlɔ 'nyɩ 'cakla nyüü, 'ɔnyɩ mi 'cɛcɩ 'lɩ ‑a, 'ɔɔ ‑bɛ nyüü ‑pɩ 'lɩ 'cakla. ‑Gbɔ 'ɔ nëmä ‑kätɩ 'sa 'fɩɔwʋ ‑bɛ 'ɔmä ‑gbafuto. ji.» 15'Papawiili nya ‑gbala 'ɔɔn 'sɔɔwʋ: «Dɛɛlɛ Nyɔsʋa nyaa' kpëtä ‑nyɩ 'daa 'ɛ pa ‑fre!» 16I nrörö 'wʋ tää 'wʋ, 'i 'wlaraa' dotro dɛɛlɛ nya 'jra cɛa 'mlɩ.

Piɛɛrë mi Kɔrënɛɛyëa ‑nyɛɛ

17Piɛɛrëa plɛ 'caklalɩ ‑bɛ 'ɔ bobo 'ɔ 'bata wiili 'ɔ 'jäa' 'ia ‑gbaa, ‑bɛ nyüülü Kɔrënɛɛyë blɔa' 'tɔ dotro nyukua 'mäklɩ 'ünya 'bete ima bä Simɔɔa ‑gbööö. 18'Ü 'bete: «'A ‑pɩ Simɔɔlɔ 'ü 'daraa' Piɛɛrë kʋ?» 19Piɛɛrë ‑ka bobo wiili 'ɔ 'jäa', 'ia ‑gbaa 'lɩ dotro, Nyɔsʋa ‑Susu nya ‑gbala 'ɔɔn: «Nyüü tää bä ‑fälɩ, ‑mɔ 'ü 'bata. 20'Ii känyrɩ sɔwʋ, 'cie nyra 'üün 'mä mi. ‑Na plɛ 'nyɩ ‑taaralɩ, 'be 'mɔɔ blɔ 'üün.»

21Piɛɛrë nya 'cie 'ɔnya mi nyüülüa#10.21 Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: «nyüülü Kɔrënɛɛyë blɔa'». 'pɛlɩ, 'ɔnya ‑gbala 'üün: «'Mɔɔ 'a 'bataa' 'ba ‑jää 'mɔɔ. Dɛplɛɛ kä ‑gʋ 'a 'bata 'mɩ le?» 22'Ünya ‑gbala 'ɔɔn ‑maa: «'Sʋgɩanyüüa 'kamanyɔɔ Kɔrënɛɛyë blɔ amɩ. 'Ɔ ‑gäklɩ ‑bɛ 'ɔ pɩɛ Nyɔsʋa. 'Ɔa 'cɩcanyrɩ bä juifënyüüa 'fɩɔa mlɩ. Nyɔsʋaa 'nyüna 'aanjë ‑gbala 'ɔɔn ɔ were ‑mɩ 'ɔa ‑nyɛɛ, wiili ‑nëmäa' 'lɩsa 'ɔmä 'iin 'nyaklipo.» 23Piɛɛrë nya 'kʋɛɛlɩ 'üün, 'ɔnya ‑nyɩ 'üün 'pifa.

'Ia ‑srɩ paa' nɩ, 'ɔ nyra 'üün nya mi. Jopeebätäa 'cɛcɩnyüü ‑mölöö nya fala 'üün. 24'Ia ‑srɩmɩadɛrɩ 'ü#10.24 'ü: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: 'ɔ. 'tɔ Sesareebätä. Kɔrënɛɛyë nyra 'ɔa tʋɩɩ, nyra 'ɔa ‑mülü 'maa 'ɔɔn ‑gbakä ‑gböösa, ü 'ɔ wea' ‑glaaa ɩ 'üün. 25Piɛɛrë nëmäa' bätä 'jra nɩ, Kɔrënɛɛyë nya 'jrara 'ɔɔn 'klɩ 'ɔnya 'pala 'ɔa 'klɩ kotifli 'lɩträäräsa. 26‑Maa Piɛɛrë nya ‑gä 'ɔɔn 'klɩ, 'ɔ ‑nëmä: «Sɔwʋ! 'Na 'mʋgbɛ nyɔɔ 'n bä!» 27‑Bɛ 'ɔɔ ‑bɛ Kɔrënɛɛyë dɛtrɛ ɩ 'wʋ 'ɔnya pa nyukua ‑wälɩ. 'Ɔ paa' nɩ, 'ɔ jrä 'lɩ nyüü 'kɔkɔmlɛ. 28Piɛɛrë nya ‑gbala 'üün: «'A jre 'imɩ 'sɩrɩ 'i ‑siiea' 'kä juifënyɔɔ nyra nyɔɔlɔ 'nyɩa' juifë bä 'mä 'wʋnyɛrɛ, 'aiɛ 'ɔmä 'ɔa ‑nyɛɛ pa. ‑Maa Nyɔsʋa nya srara 'mɩ 'sɩrɩ 'nyɩa' kä 'mäa' nyɔɔ ‑gbala ‑maa ‑fre 'lɩ 'ɔ bä anyɩ jijrö 'ɔɔn ‑gba. 29'A 'ia ‑gʋ, ‑wea' ‑bɛ 'nyɩ mɛ cɛ ‑bɛ 'n ji. ‑Gbala 'mɩ wiili kä ‑gʋ ‑wea' 'mɩ.» 30'Iibäa' Kɔrënɛɛyë nɩ: «'Ia jrüü mlɔɔ 'saarɩ, 'a 'sama 'taɩn 'lɩ, su 'n pa ɩ ‑bɛ#10.30 su 'n pa ɩ ‑bɛ: ‑Taa ‑waklüülü 'nyɩ grɛɛkë kätɩpɔɔkɩ ‑mɩdooa 'mlɩ ‑a bä. 'n bibie ɩ Nyɔsʋa nyüköli. 'I bä ‑gbiajrʋa ‑gliiibei tää 'lɩ#10.30 ‑gbiajrʋa ‑gliiibei tää 'lɩ: Grɛɛkëwii 'lɩ nɩ, 'iibä: «‑uunmlɔɔa në ‑gliii».. 'Mä 'saa nʋkalɩ mi nɩ, nyɔɔ 'doo 'nyüglö 'mɩ 'klɩ; 'ɔa 'koti plö. 31'Ɔnya ‑gbala 'mɩ: ‹Kɔrënɛɛyë, Nyɔsʋa 'nu ‑na bibiekʋ 'wli, 'ɔnyɩ ‑trɔ ‑a ‑trɔ 'sɩrɩ ‑jöa' 'pʋablanyüü ‑gba. 32'Ii känyrɩ blɔ nyüü Jopee ü mi ü we Simɔɔ, ɔ ü 'daraa' Piɛɛrë. Nyɔɔ 'doo bälɩ 'lee 'ɔɔ 'ü 'dara Simɔɔ, mlafia 'jrʋpa 'ɔ kä, 'ɔa ‑nyɛɛ 'ɔ kʋ. 'Ɔa nyuku kʋ 'tanie ‑gba; ɔma ji nɩ, 'ɔnya ‑mɩ ‑gbalaa#10.32 ɔma ji nɩ, 'ɔnya ‑mɩ ‑gbalaa: ‑Taa waklüülü 'nyɩ grɛɛkë kätɩpɔɔkɩ ‑mɩdooa 'mlɩ ‑a bä..› 33'A ‑plɩɩ 'n kʋ dotro 'nyaa blɔ nyüü ‑na ‑nyɛɛ. ‑Bɛ ‑jia' nɩ, 'i 'na. 'Ii känyrɩ, ana 'fɩɔ bä ‑pɩ Nyɔsʋaa 'klʋɩ amä ‑mɩ 'nyaklipo; wiili kä 'fɩɔ 'Pläkänyɔɔ#10.33 'Pläkänyɔɔ: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: Nyɔsʋa. ‑gbalaa' ‑mɩ ‑mä amɩ 'iin ‑gbala.»

Piɛɛrë 'sara Kɔrënɛɛyëa ‑nyɛɛ 'Mʋfagogo

34'Iibäa' Piɛɛrë nɩ: «'Cɩcasa 'amɔ ‑ka jre ɩa' 'iin dɛɛlɛ kä ‑gʋ Nyɔsʋa 'nyɩ ‑gbasaa' nyüü 'lɩ#10.34 Deteronɔɔmë 10.17.. 35Nyüüa 'fɩɔa ‑nyɛɛ nɩ, nyɔɔ o nyɔɔ pɩɛa' Nyɔsʋa ‑bɛ 'ɔ kʋäa' 'cɩcasa 'lɩ nɩ, 'ɔɔ 'na Nyɔsʋaa 'klɔɔtrʋ. 36'Ɔ ja Israɛɛlëa 'jü 'ɔa 'papawii; 'ɔnya 'saralɩ 'üün 'Mʋfagogolä bäa' plɛgälɩflɛrɛkʋlʋ sɔa' Jesu 'Kriisë kälɩ; 'ɔɔlɔ bäa' 'Pläkänyɔɔlɔ 'kamaa' nyüüa 'fɩɔ. 37Jaan bɩaa' nyüüa 'kpɩkpɩakʋ nyra 'üa 'nɩwlipapakʋ nɩ, 'a jre wiili ‑sröröa' ‑kätɩ Galilee, 'fɩɔwʋ Judeea ‑tʋtʋa 'fɩɔ ‑gälɩ. 38'A jre 'iin 'sɩrɩ Nyɔsʋa ‑tʋa' 'Nyüna ‑Susu nyra 'klü Nasarɛɛtënyɔɔ Jesu ‑gälɩ, ‑bɛ 'ɔ ‑nyɩa' 'ɔɔn 'klü, 'sɩrɩ 'ɔ ‑sröröa' ‑tʋtʋa 'fɩɔ ‑gälɩ, 'ɔ nöa' 'mʋfagbi ‑bɛ 'ɔ ‑futoa' nyüülü kä 'fɩɔ ma bäa' Sataan a ‑goou; 'be Nyɔsʋa bä kä 'ɔɔn dɛrɩ. 39Anya 'jä wiili kä 'fɩɔ 'ɔ nʋa' juifëa ‑tʋtʋ ‑gälɩ, 'palɩ Jerusalɛɛmë nyra bätë ‑mölööa 'mlɩ. 'Ünya 'blara 'ɔɔn krʋa ‑gälɩ. 40Nyɔsʋa nya 'ba 'ɔɔn 'kuaabre jrüü tääa ‑srɩ 'lɩ, 'ɔnya srara 'ɔa nyufa nyüü 'klɩ; 41‑mää nyüüa 'fɩɔ 'ɔnyɩ 'klɩtɔrɔ ‑maa nyüülü Nyɔsʋa 'baa' 'lɩ ‑kätɩ 'ümäa' 'lɩ wiili 'ü 'jäa' 'sa nɩ, 'üü 'ɔ 'tɔrɔklɩ. 'Abɩa amɔ, amɔ nyra 'ɔɔn taraa' 'wʋ ‑bɛ a 'mlaraa' 'wʋ, amɔ 'ɔ 'tɔrɔklɩ 'ɔ sɔa' 'kuaabre. 42'Ɔnya ‑gbala amɩ a 'pala 'ɔa mlɩa wii nyüü ‑gba, 'kä a ‑gbala 'üün 'ɔɔ Nyɔsʋa 'balɩ 'ɔmä 'lɩbänyüü nyra jäjänyüüa ‑gä ‑tʋ. 43'A 'ɔa ‑gä nyɔsʋaamlɩpalanyüüa 'fɩɔ 'pa; 'ü nɩnɩa nyɔɔ o nyɔɔ toroa' 'ɔɔn plɛ nɩ, 'ɔa 'nyrɩklɩa ‑gʋ, nyɔɔlɔa ‑balʋ nya 'ɔɔn cerea#10.43 Esaii 53.5-6; Jeremii 31.34..»

'Nyüna ‑Susu 'cere nyüülü 'nyɩa' juifë bä ‑gälɩ

44Piɛɛrë ‑ka 'paa ɩ wii ‑bɛ 'Nyüna ‑Susu 'cere nyüülü kä 'fɩɔ poa' 'ɔɔn 'nyakli ‑gälɩ. 45Juifënyüülü toroa' Jesu plɛ#10.45 juifënyüülü toroa' Jesu plɛ: Grɛɛkëwii 'lɩ, 'ü nö: «Nyɔsʋaplɛtoronyüülü 'bölöa'». Nyüülü 'nyɩa' juifë bä nɩ, 'üü 'ü were ‑srɩ ‑mɩdoo 'lɩ juifënyüülü toroa' Jesu plɛ (Akëtë 11.3). Tɛ bɩa Akëtë 7.8 ‑plɩɩlɩ 'ü 'daaa' 'böbökʋ bä kuölä Nyɔsʋa nya Abraamë 'paa', 'äa tie. ‑bɛ ü falaa' Piɛɛrë nɩ, 'üa plɛklɩkala ‑gböösa dɛɛlɛ kä ‑gʋ Nyɔsʋa 'cerea' 'Nyüna ‑Susu nyüülü 'nyɩa' juifë bä ‑gälɩ. 46'Ü po 'üün 'nyakli ‑bɛ 'ü 'paa nyüü ‑mölööa mlɩa wii ‑bɛ 'ü 'bʋala bɩa Nyɔsʋa. Piɛɛrë ‑nëma: 47«'Nyüna ‑Susu 'a nyüülü kʋa' ‑pɩ ‑gälɩ 'cere bɩa ‑beere amɔ, nyɔɔ 'plɛɛ 'mä 'daa 'ünyɩ 'pala 'nɩwli le?» 48'Ɔnya ‑gbala 'üün ü 'pa 'üün 'nɩwli 'Pläkänyɔɔa#10.48 'Pläkänyɔɔ: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: Jesu 'Kriisë. 'nyrɩklɩ. 'Ünya ka 'ɔɔn 'klɩ ɔ ‑si 'üün jrüü jie ‑gba.

Currently Selected:

Akëtë 10: Bakwé

Highlight

Copy