2 Korɛɛntënyüü 13

'Pɔɔlëa ‑gälɩblörötɔ nyra 'trɔrʋ

1'A tääfawʋ 'nëmä 'ana ‑nyɛɛ ji. «Wiia 'fɩɔ ma nëmä 'bölö nɩ, 'i kä 'imä nyüü 'sɔɔ 'aiɛ nyüü tääa mlɩ ja#13.1 Deteronɔɔmë 19.15..» 2Ü nʋ käa' ‑balʋ nyra ‑mülüa 'fɩɔ, 'nya kä 'amɩ ‑gbala, ‑bɛ 'n ‑kanyɩa' 'ana ‑nyɛɛ bä nɩ, 'ia ‑gʋ 'n ‑jɩjra ‑bɛ 'n ‑gbala 'amɩ 'iin; 'sɩrɩ 'n ‑gba käa' 'taɩnlɩ 'n ji käa' 'sɔɔfa 'wʋ 'ana ‑nyɛɛ. Nɩnɩa nɩ: ama 'blöö ama ji nɩ, 'nëmä 'amɩ ‑gba ‑a 'brere. 3'Be a 'bata 'amä 'suru 'sɩrɩ 'Kriisë 'paa 'na mlɩ wii ‑bɛ 'n 'paaa' 'iin. 'Ɔnyɩ 'fʋma ‑a 'fʋma 'ana nʋnʋgbia 'klɩ, ‑maa 'ɔa 'klü 'ɔ srara 'amɩ. 4‑Yɛɛ, 'ɔa 'fʋmakʋa ‑gʋ 'ɔ järä krʋa 'klɩ, ‑maa 'ɔ bälɩ Nyɔsʋaa 'klüa 'nyrɩklɩ. Ana 'mʋgbɛ a nyra 'ɔɔn bäa' 'doo nɩ, a 'fʋma bɩa, ‑maa Nyɔsʋa 'klüa 'nyrɩklɩ nɩ, a nyra 'ɔɔn nya 'lɩbäa ana nʋnʋgbia 'mlɩ 'ana 'pɛlɩ.

5'Ba 'bete 'ana nyüfë ima 'daa nyɔsʋaplɛtoronyüü 'a bä! ‑Beeredɛ 'a jre 'iin 'sɩrɩ Jesu 'Kriisë bäa' 'amɩ 'lɩ, ‑mää 'sɩ 'inyɩ bä? 'Ama 'nyɩ 'ɔɔn plɛ ‑a toro 'iibä ‑söö. 6'N jresaa, 'anya 'iin jrea 'sɩrɩ amɔlɔ anyɩa' ana apotrëa 'jrʋpa wala. 7‑Maa 'n#13.7 'n: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: a. bibie Nyɔsʋa 'a ‑kapɩ dɛɛlɛ bʋbɔa' nʋ. ‑Mää 'kä amä 'amɩ srara 'sɩrɩ a käa' ‑gä, ‑mää 'imɩ ‑a. Wiili kä 'fɩɔ a 'bataa' nɩ, 'iibä 'ba nʋ 'cɩcagbi, ‑bakää ama bobo ‑maa a wala. 8'Be anyɩ 'lɩ ‑a bɩa amä Nyɔsʋaa 'cɩcasa 'klɩ ka; dɛɛlɛ a käa' amäa' nʋ nɩ, a ‑fɛ 'jrʋpa 'cɩcasa 'mä 'klɔɔtrʋ mi. 9Amɔlɔ nɩ, 'i kä amɩ dɔrʋ 'wʋ ama 'fʋma, 'amɔ 'ba ‑sɔɔrɔwʋ. 'A wiili kä Nyɔsʋa a bibiea': 'ba ‑jrɛ! 10'A 'ia ‑gʋ 'n ‑ka tʋŋlɔlɩdɛrɩ ‑bɛ 'n ‑jɩjra 'amɩ 'wʋ, 'nyɩ ‑pɩ 'amɩ ‑gba 'tɔ ‑bɛ 'nyɩ ‑pɩ 'wʋsɔɔrɔ. ‑Mää 'ana bʋblɔkʋa ‑gʋ 'Pläkänyɔɔ 'nyɩ 'mɩ 'kamakʋ 'nyɩ, 'ɔ ‑nyɩ 'mɩ 'uun 'mä 'amɩ 'wʋsɔɔrɔ ‑gböösa.

‑Gälɩblörö 'trɔrʋ

11 'Na ‑wlajü 'amɩ 'a blö 'n blö ɔ. 'Ba bä dɔrʋ 'lɩ. 'Ba ‑nyɩgla 'ana 'klä 'kä. 'Ba 'paplaklü 'lɩ. 'Ba 'nönröwli. Abɩa fugbalɩflɛrɛkʋ bä 'ana ‑tɔrʋpɩɔ. 'Ia 'taɩn 'lɩ Nyɔsʋalɔ bäa' ‑wawakʋ, 'ɔ bäa' fugbalɩflɛrɛkʋ nɩ, 'ɔnya 'amɩ dɛrɩ bäa. 12'Ba ‑gbegbre ‑wlajüsa. Nyɔsʋaa 'nyünanyüüa 'fɩɔ 'trɛɛ 'amɩ#13.12 Nyɔsʋaa 'nyünanyüüa 'fɩɔ 'trɛɛ 'amɩ: Grɛɛkë kätɩpɔɔkɩ ‑mɩdooa 'mlɩ ‑taa waklüülü (12) ‑jɩjra waklüü (13) ‑wälɩ..

13Abɩa 'Pläkänyɔɔ Jesu 'Kriisëa ‑gbinanakʋ, Nyɔsʋaa ‑wawakʋ nyra 'Nyüna ‑Susulu ‑maaa' amɩ bä 'amɩ dɛrɩ. 'Asɩ i bä#13.13 'Asɩ i bä: ‑Taa waklüülü 'nyɩ grɛɛkë ‑kätɩpɔɔkɩ ‑mɩdooa 'mlɩ ‑a bä, ‑bɛ ‑taa waklüü (13) bä waklüü (14) ‑gälɩ.!

Currently Selected:

2 Korɛɛntënyüü 13: Bakwé

Highlight

Copy