1 Korɛɛntënyüü 1

'TRƆRƲ

1.1-9

'Pɔɔlë nyra Sosëtɛnë 'trɛɛ 'cɛcɩnyüü

1'Mɔɔ 'Pɔɔlë, ɔ bäa' Jesu 'Kriisëa apotrëlɔ Nyɔsʋa wea' 'sɩrɩ 'ɔ ‑waa', 'a 'mɔɔ ‑bɛ ‑wlajʋlɔ 'ü 'daraa' Sosëtɛnë#1.1 Sosëtɛnë: Tɛ Akëtë 18.17.. 2Amɔ ‑jɩjra 'amɩ 'wʋ, 'amɔ Nyɔsʋaa 'cɛcɩlɛ bäa' Korɛɛntëbätä, ɛ Nyɔsʋa berea' 'klɩ 'Kriisë Jesu 'lɩ, 'amɔlɔ werea' 'kä 'ana 'kläa 'nyü käa' 'ämäa' 'na, nyra ü bäa' ‑pɩɔa 'fɩɔ ü wea' ana 'Pläkänyɔɔ Jesu 'Kriisëa 'nyrɩ, ɔ bäa' 'üa 'Pläkänyɔɔ nyra ana 'Pläkänyɔɔ.

3Abɩa Nyɔsʋalɔ bäa' ana Tʋ nyra 'Pläkänyɔɔ Jesu 'Kriisëa ‑gbinanakʋ, nyra plɛgälɩflɛrɛkʋ bä 'amɩ ‑gälɩ.

'Pɔɔlë 'trɛɛ Nyɔsʋa

4'N 'trɛɛ 'na Nyɔsʋa 'plɔʋplɔʋ 'ana ‑gʋ, 'n 'trɛɛ 'ɔɔn 'sɩrɩ 'ɔ ‑sröröa' 'Kriisë Jesu kälɩ ‑bɛ 'ɔ ‑nyɩ 'amɩ 'ɔa ‑gbinanakʋ. 5'Be, 'a nyra 'ɔɔn 'a 'doo bä. 'Asɩ Nyɔsʋa ‑nyɩa' 'amɩ 'bɩɔ diia 'fɩɔa 'mlɩ, wiipapakʋ nyra wiijejrekʋ nya 'si 'amɩ 'klɩ. 6'Kpɩkpɩakʋlʋ käläa' 'Kriisë ‑gba, u 'a 'kplaa' 'mʋfasa nɩ, 7'ia ‑gʋ Nyɔsʋaa 'srɛa dɩjɔ 'doo 'nyɩ 'makɩ 'amɩ ‑a, 'amɔlɔ ‑glaaa' 'taɩnlɩ kä 'mlɩ ana 'Pläkänyɔɔ Jesu 'Kriisë 'mäa' 'ɔa nyufa srara. 8'Ɔɔ nëmä 'amɩ 'klü ‑nyɩ ‑bɛ 'amä 'pläa blöröfa 'wʋ 'tɔ, nyɔɔ ‑pɩ 'amɩ wii ‑gälɩ ‑tʋ ‑srɩlɩ kä 'mlɩ ana 'Pläkänyɔɔ Jesu 'Kriisë 'mäa' ji#1.8 Jrüülü kä 'mlɩ Jesu 'mäa' 'pläa ‑gä ‑tʋ, 'ii 'ü 'daa.. 9Nyɔsʋa ‑träärälɩ 'ɔa 'papawii#1.9 Deteronɔɔmë 7.9., 'ɔɔ we 'amɩ, 'a nyra 'ɔa 'Jʋ, ana 'Pläkänyɔɔ Jesu 'Kriisë, 'mä 'doo bä.

'CƐCƖNYÜÜ 'NYƖ Ɩ KÄ ‑A KÄ 'ÜMÄ Ɩ 'BLARA 'Ü ‑NËMÄ Ɩ ‑TƖA ‑A 'BÖLÖ

1.10–4.21

'Cɛcɩa 'wliklɩa nyüü 'bölötɩa

10 'Na ‑wlajü 'amɩ 'n bibie 'amɩ, 'Pläkänyɔɔ Jesu 'Kriisëa 'nyrɩklɩa ‑gʋ 'ba 'pa watu 'doo! 'Anyɩ 'bölötɩa, ‑maa 'ba ‑ma 'mʋfasa 'ana bobowlia 'mlɩ, abɩa 'ana polu bä dɛɛ 'dee. 11'Na ‑wlajü 'amɩ, Kloea ‑gböölia nyüü ‑gbala 'mɩ 'sɩrɩ ‑topokʋ bäa' 'ana ‑tɔrʋpɩɔ. 12‑Jäsɩ 'i bäa' nɩ: ‑moloo ma bälɩ 'ɔ nɩnɩa: «'Mɔɔ bä 'Pɔɔlëa nɔ», 'aiɛ: «'Mɔɔ bä Apolɔsëa nɔ», 'aiɛ: «'Mɔɔ bä Sefasëa nɔ», 'aiɛ: «'Mɔɔ bä 'Kriisë nɔ!» 13'Nɩnɩa nɩ, 'Kriisë sɔrɔwʋ 'sɔɔ 'wʋ? ‑Ale 'Pɔɔlë järä krʋa ‑gälɩ 'ana ‑gʋ? ‑Ale 'Pɔɔlëa 'nyrɩklɩ 'ü 'pala 'amɩ 'nɩwli? 14'Nyɩa' 'ana ‑tɔrʋpɩɔa nyɔɔ 'nɩwlipa, 'n 'trɛɛ Nyɔsʋa 'ia ‑gʋ, 'ima 'nyɩ Krisëpusë nyra Gaiusë#1.14 Krisëpusë: Akëtë 18.8; Gaiusë: Akëtë 19.29. ü kä 'doo 'n 'paa' 'nɩwli ‑a bä. 15Nyɔɔ 'nyɩ 'lɩ ‑a bɩa 'ɔmä 'daa 'na 'nyrɩklɩ 'n 'pala nyüü 'nɩwli. 16'N 'pa bɩa Sëtefanasëa ‑gbööö 'nɩwli, ‑maa 'bala 'üa ‑pɩɔ 'nyɩ nyɔɔ ‑moloo 'nɩwli ‑a 'pa. 17'Kriisë 'nyɩ 'mɩ ‑a blɔ 'nɩwlipapakʋa ‑gʋ. ‑Maa 'ɔ blɔ 'mɩ 'mä 'Mʋfagogo 'sa; ‑bɛ ama 'sa 'ämɩ nɩ, 'nyɩ 'palɩ nyɔɔa bobowli 'mlɩ, 'nyɩ ‑pɩ jäjäkʋlɔ 'ɔ järäa' krʋa ‑gälɩa 'jrʋ 'bla.

Nyɔsʋaa 'lɩgaglakʋ nyra 'ɔa 'klü

18Nyüülü faa' 'mɔlɔnyʋfɔ ma 'jä 'Kriisëa krʋagälɩjäräwii nɩ, saklawii 'ü 'dara 'iin. ‑Maa amɔlɔ 'wʋa' 'lɩmlɩ nɩ, a jre 'iin 'sɩrɩ 'i bäa' Nyɔsʋaa 'klü. 19'Be 'i ‑jɩjra nyɔsʋapɔɔkʋ 'lɩ ‑maa:

'Nyaa 'lɩglanyüüa 'lɩgaglakʋ bʋblɔa,

'kä 'nyaa wiijrenyüüa wiijejrekʋ ‑gblooo # 1.19 Esaii 29.14 ..

20‑A 'jää 'lɩglanyɔɔ le? ‑A 'jää ‑dɔkpɩanyɔɔ le? ‑Bɛ 'plälä kʋa' ‑pɩa dɛtɛnyɔɔ le? Nyɔsʋa 'cicri 'pläa 'lɩgaglakʋ mlüü 'lɩ. 21'Be Nyɔsʋaa 'lɩgaglakʋ 'lɩ nɩ, 'ɔ nʋ 'iin 'plä ‑pɩ 'lɩgaglakʋ nʋ 'ä ‑pɩ 'ɔɔn jre. 'A 'ia ‑gʋ Nyɔsʋa 'daa 'papawiili a 'paaa' nɩ, 'ii 'ü 'daraa' mlüü, 'inya kä Nyɔsʋa 'tʋ 'ɔmä 'iin kälɩ ‑srörö ‑bɛ 'ɔmä 'lɩmlɩ nyüülü toroa' 'ɔɔn plɛ 'ba. 22Juifënyüü 'bata 'ümä ‑saragbia tie 'jä, ‑bɛ grɛɛkënyüü 'bata 'lɩgaglakʋ. 23‑Maa amɔlɔ nɩ, 'Kriisëlɔ koloa' krʋa ‑gälɩ 'ɔa ‑gä a ‑gbala nyüü; 'inya ‑siie juifënyüüa ‑nyɛɛ#1.23 ‑Dɔ nɩnɩa (Deteronɔɔmë 21.23), nyɔɔlɔ 'ü koloa' tuu ‑gälɩ nɩ, 'ɔ busu. 'A 'ia ‑gʋ, 'üa ‑nyɛɛ nɩ, Nyɔsʋaa srörökʋ bäsaa 'kä 'ümä nyüü ‑gbala ‑maa Jesu bä Mesii (Galaatënyüü 3.13)., ‑bɛ grɛɛkënyüü#1.23 grɛɛkënyüü: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: «nyüülü 'nyɩa' juifë bä». nö mlüü bäsaa. 24‑Maa ‑mülü Nyɔsʋa wea' ü bäa' juifënyüü nyra grɛɛkënyüü nɩ, 'ü jre 'iin 'sɩrɩ 'Kriisë bäa' Nyɔsʋaa 'klü nyra 'ɔa 'lɩgaglakʋ; 25'be Nyɔsʋaa «mlüülü» ‑si nyɔɔa 'lɩgaglakʋ 'wʋ, Nyɔsʋaa 'fʋmakʋ nya ‑sɔɔrɔwʋ 'unya ‑si nyüüa 'klü 'wʋ.

26'Na ‑wlajü 'amɩ, 'ba 'jä 'sɩrɩ 'a ma bäa' 'taɩn 'lɩ Nyɔsʋa wea' 'amɩ: nyüüa bobowlia 'mlɩ nɩ, 'lɩglanyüü 'nyɩ 'ana ‑tɔrʋpɩɔ ‑a ‑sümlö, 'klükänyüü 'kɔkɔmlɛ nyra nyüü kpakü 'nyɩ 'ana ‑tɔrʋpɩɔ ‑a ‑sümlö. 27‑Maa diili nyüü 'daaa' inyɩa' ‑gbaa kä nɩ, 'ii Nyɔsʋa 'balɩ 'ɔnya 'blara nyɔɔa 'lɩgaglakʋ 'nyüsü; i nyüü 'daraa' 'fʋmadii nɩ, 'a 'ii Nyɔsʋa dɔrɔwʋ 'ɔnya 'blara 'wʋsɔɔrɔa ni 'nyüsü. 28Diili nyüü 'bööa' 'klɩ, i 'ünyɩ 'daraa' dii, diili 'nyɩa' dɛɛ bä, 'ii Nyɔsʋa 'balɩ 'ɔnya 'ba ‑plɩɩ ‑mɩlɩ nyüü 'daraa' dii. 29'I bäa' 'saa nɩ, nyɔɔ 'doo nyɔɔ 'doo ‑nëmä 'ɔɔn ‑tɔklʋ 'klɩ ‑a bɔtrɔ. 30'Amɔlɔ nɩ, Nyɔsʋa nrörö 'amɩ 'doo 'lɩ 'amɔ ‑bɛ 'Kriisë Jesu 'sɔ; Nyɔsʋa nya nrörö 'ɔɔn 'lɩgaglakʋ 'lɩ ana ‑gʋ, 'ɔɔ Nyɔsʋa ‑srörö kälɩ 'kä 'ɔ ‑gäää amɩ 'klɩ, 'ɔnya bere amɩ 'klɩ amä 'ɔa nyüü bä, 'kä 'ɔ 'baa amɩ ‑balʋ 'lɩ. 31'A 'ia ‑gʋ 'i ‑jɩjra nyɔsʋapɔɔkʋ 'lɩ ‑maa: «Nyɔɔ ma nëmä ‑tɔklʋ bɔtɔ nɩ, 'ɔ bɔtɔ 'uun diili 'Pläkänyɔɔ nʋa', 'ia ‑gʋ#1.31 Jeremii 9.23..»

Currently Selected:

1 Korɛɛntënyüü 1: Bakwé

Highlight

Copy