Oroome 10
10
1Ta ishuntho, ta kunthi wozinar ta amottizaynnee Xoossa woossizay Isreelitay attod garkke. 2Unttii Xoossis micinttizazin, tuma eretith dhabor micinttoozana ta markkattiza. 3Unttii Xooss xillotith oge eraam ixxii, fa aadda xillotith kaalleezapp attin Xooss xillotith koyekkaya. 4As ubbay ammanor xillod garkk Kiristtoosa higges folo maaqqeeza.
Atotithii ubbitayisii
5Muse asii higge naagii ekkiz xillotithibaz, «Higge naagiz oonkka ye higga naageezay garkk de7o yezoda»#Lewii. 18:5 yeegeeza. 6Zin ammanor ekkiz xillotith bagga giinttintteezay yhaya: «Ne wozinar, ‹Oonii salo kezode?» yeegippe; yey Kiristtoosa wothodayis.#Nam7i. 30:12-14 7Woy, «Sulle sa7a oommo wodhdhoday oonoo?» giippe; yey Kiristtoosa duufopp kessodayis. 8Zin yeegii xaafintteez: «Qaalay ne kale yeza; ne doona ganccennee ne wozina gancce yeza» Nuunii yinttis odiz ammano qaalay yhaya.
9«Yesuusa Goda» gi ne doonar markkatikonnee Xoossay eza yhayiqopp dentheezana ne wozinar ammaniko, ne attoda. 10Asii fa wozinar ammanii xilliza; fa doonar markkattii attiza. 11Maxaafay, «Eza ammaniza oonkka yeellattenna»#Isa. 28:16 yeegeeza. 12Pettii Xoossay ubbitay Goda maaqqeez gishos Ayihuditay ganccennee Ayihude baa as gancce dummatithii baaya. E fana xeegiz ubbayis gaame keeha. 13Goda sunth xeegiz oonkka attoda.
14Yeezin, unttii ammanekka yezttar wayizii eza xeegodayis danda7ee? U ebaz si7ekka yezttar wayizii eza ammanodayis danda7inee? Ma unttis qaala odiz as baazin, wayizii si7odayis danda7inee? 15Kiitintteez asii baazin qaalay wayizii odinttodayis danda7ee? Maxaafayid, «Ufayss wonggile odiz asis tokitay waafa lo77ineshsha»#Isa. 52:7 yeegii xaafintteeza.
16Zin Isiyaasa, «Godayyo, nu markkatith oonii ammaneenee?»#Isa. 53:1 yeegeezay garkk, ubbitay wonggile ammanekkaya. 17Yey gishos, ammanay sisapp yi7iza; sissi Kiristtoosa qaalapp yi7iza.
18Maaqqozin, u Qaala si7ibe7ekka guussonnee? Wa77a si7eeza. Maxsaafayid,
«U oday biitta ubbayil sintteeza,
u qaalay sa7a gaxa helleeza»#Maz. 19:4 yeegintteeza. 19Zin Isreele asay erekkaya guussonnee? Muse tiina,
«Taanii yinttan leqqintteez asay gancce qiirisoda;
ma akaakowa asay gancce yinttan yilosoda»#Nam7i. 32:21
yeegeeza.
20Ma Isiyaasa,
«Tana koyekka asayis ta bentteeza;
tana oyccekka asayis ta tana beezeeza»#Isa. 65:1
yeegii yashittekkazar odeeza.
21Zin Isayaasa Isreelitay bagga odittar,
«Gallas muda kiitinttoowa asaayssinnee
tana ixxiza asayis ta kushe miicceeza»#Isa. 65:2
yeegeeza.
Currently Selected:
Oroome 10: MeloNTL
Highlight
Copy
Compare
Share
Want to have your highlights saved across all your devices? Sign up or sign in
The Word for the World Ethiopia
