Ibraawe 2

Damma atotith

1Yeyi gishos, nuunii si7eez tumaypp hara baz nuna ekkaamay garkk ye nu si7eezana miinthii naagodayis beeziza. 2Yikkee, kiitanchchitay baggar odintteez qaalay tuma maaqqiko, eza leqqonnee kiitinttaam ixxay pirdda ki7izabaz maaqqiko, 3yeezin, nuunii yhay garkk gita atotitha ixxiko, wayizii buuttii attodee? Tiina Goday fa ommas ye atotitha odeeza; ma eepp si7eezitay nuus geeshshii markkatteeza. 4Ma Xooss mallitayir, oorothibazitayir, duma duma mala bazitayidannee fa shene garkk inggeez Geeshsha Ayyana imotithitayir markkatitha miintheeza.

Yesuusa as atotithis kustte

5Xoossii yha nuunii odiza tiinapp ye7od alama, kiitanchchitayis moodisekkaya. 6Geeshsha Maxaafay pettii aqo yhay garkk yeegiza:

«Neenii asis qoppodayis asii na7a aba bazo?

woy neenii eza naagodayis as na7a aba bazo?#Maz. 8:4-6

7Ne eza kiitanchchitaypp xiqqar laapitheeza;

E ommayil bonchchonnee galata zawude gaddeeza.

8Ma ubba baz e toke oommo gaddeeza»

yeegiza. Xoossii ubba baz ees moodiseez wode ees moodintteekka abikka baaya. Zini yhatti ubba baz ees haarinttodar nuunii haga be7ekkaya. 9Zini nuunii kiitanchchitaypp xiqqar laafeeza Yesuusa Xooss aadho keehatithaypp denddeezayid Yesuusa as ubbayis yhayqqeeza. E waaye yhayiqo yhayqqeez gishos bonchchonnee galata zawude e ommayil gaddin be7ada. 10Ubba baz eeppennee eesi medhintteezay, gaame na7ita faar bonchchoko ko7odayis unttis atotith kusttennee waayer folo maaqqaday garkk oothodayis ees beeziza.

11Yesuusannee yha E geeshsheez asay ubbay pettii aday na7ita. Yesuusa unttan, «Ta ishuntho» gi xeegodayis yeellatekkazay yeyisii. 12Yesuusa,

«Taanii ne suntha ta ishitayis awajjoda;

woya gancce nena yethar galatoda»

yeegiza.#Maz. 22:22 13Ma E, «Taanii ezal afa ammanttoda» yeegiza. Maakka, «Taannee Xoossii taas inggeez na7itayir ta yhaydda yeza» yeegiza.#Isa. 8:17-18

14Yikkee na7itay ashonnee suuthii yezita maaqqeez gishos Yesuusakka u garkk as maaqqeeza. E yeya udeezay, yhayiqol afa wolqqa yez Xalahe fa yhayiqayir shaarodayisii. 15Ma fa yeza layth ubbayid yhayiqos yashshar ayllitii yezita aylletithapp wozodayisii.

16Yesuusa ye7eezay Afraame zerethi maaddodayisapp attin kiitanchchita maaddodayis baaya.#Isa. 41:8-9 17As nagaras yarshshinttodayis Xooss tiina maarizannee ammanintteez qeese halaqa maaqqeeza. Yeyi gishos, E ubba bazar fa ishita aazodayis beeziza. 18E fa ommas paacintti waaye ekkeez gishos paacinttizita maaddodayis danda7iza.

Currently Selected:

Ibraawe 2: MeloNTL

Highlight

Copy

Compare