Chongahian 26
26
1 #
1Sa 12:17; Chn 19:10 Sūrlāi huna sūmtang lē sāngāt huna roti anga,
Tonna chu okanang ranga ting mak.
2 #
Dān 23:5
Asarā cheianlēng anga lē pēlōi azuong ang dēna,
Asik abuia khomāksamna chu tung ngāi mak.
3 #
Sām 32:9; Chn 10:13 Sakor ranga nganuramoi, sakuorpar ranga lākam,
Okanang ruong ranga sunrol.
4 #
Isa 36:21
Okanang chu ei mona anga masang nō ro,
Hanōkten chu nang um ama anga ni na ti.
5 #
Chn 8:7
Okanang chu ei mona anga masang ro,
Hanōkten chu a mitmūna ahiana anbē in ti.
6 #
Chn 10:26
Okanang kuta ruitāng anthuonpū chu,
A ninga kē tan lē anpōnna ānhōp a ni.
7Okanang ngāi mūra chongahian chu,
Ākhor ngāi kē anlāng ang a ni.
8Okanang lalchi āpēk chu,
Sāilīna lung athung ang kēng.
9Okanang ngāi mūra chongahian chu,
Zūnrī ngāi kuta raling achul ang kēng.
10Okanang ngāi lē ānvāk mamei ngāi lōmruoi chu,
Thalkāppū'n mī tūkareng ei manliam ang a ni.
11 #
Sām 85:8; 2Pe 2:22 Ui chu a maluok dēna ei kīr anga,
Okanang chu ei monāna a kīr rēt chachak.
12 #
Chn 3:7; 29:20 Miring a mitmūna ahian anbē mo na mū?
Ama nēka okanang ranga sabeina a om bet.
13 #
Chn 6:6-11; 22:13; 24:30-34 Mi andōkin, “Lampuia akoibaknei a om!
Khodungzōla akoibaknei a om!” a ti chachak.
14 #
Chn 6:9
Kopzāna suokkhār ei ānher anga,
Āndōk chu a zāmuna anher chachak.
15 #
Chn 19:24
Āndōkin khēnga a kut a rē na,
A mūr tena ei hong chōi rēt rang ngal a helā.
16Mī sari, asadima mī ānsang thei nēka,
Āndōk chu a ninga mitmūna ahiana anbē na.
17Anchel nāng luluia ei sē balama mī'n suolnāna a vā kop mī chu,
Ui tānkara kuor asūrpū ang kēng.
18Mīchāngin moiser ngāi,
Thal ngāi lē thīna ei dēng anga han,
19“Bizalā kēng kei thō!” tīna,
A inkōlmī āhuongpū chu hantin dēn han a ni.
20 #
Chn 22:10
Thing ei ānsamnāna moi chu a thi chachak,
Nūksiatrilpū ei om nōknāna, ansuolna among chachak.
21 #
Chn 14:17
Moirohol chu moiraēk ranga lē thing chu moi ranga ei ni anga,
Bāimakhal arāt mī chu ansuolna ānchuongpū a ni.
22 #
Chn 18:8
Nūksiatrilpū chongkam chu nēksāk atī ang kēng,
Hava ngāi chu taksa sūngrīla a lūt chachak.
23Ner ahuia malung salui chu,
Philbēl sumrū ānpelē tiei ang kēng.
24 #
Sām 31:18; 41:6 Ānmūmākpū'n a ner le a ip chachak,
A malunga huongna a thup chachak.
25 #
Sām 28:3; Zer 9:4 Lungkhamsāltīna a chongā'm, iam nō ro,
Asik chu a malunga antīrruo sari a om.
26Ei mūmākna chu huongna le a mahīp ngalā'm,
Ei sanōkna chu vāntāng matona lā'n lang in ti.
27 #
Est 2:23; 6:13; Sām 7:15; 35:8; Chn 28:10; Isa 50:11 Tūkareng khur achuipū chu, hava han la chul in ti,
Tūkareng lung anluoipū chu, a chunga hong ānluoi rēt in ti.
28 #
Sām 12:3; Chn 29:5 Milak maleiin ei manliam ngāi chu a mūmāk,
Ramasia anpāk mūrin a masiat biang chachak.
Bible in Ranglong, © Bibles International, the Bible society of Baptist Mid-Missions, 2024.