Antelna 35
35
Levi Mi ngāi Ranga Khopui ngāi
1 Zehova'n Mōsi chu Zordan tidung kōla, Zeriko radīna Moab phāizōla han a chongpui a, 2#Lev 25:32; Zos 14:3-4; 21:1-42; Izk 45:1; 48:10-20a kōma, “Israel nāi ngāi chu chongpēk tānla, a ram luo una a dōngluo u ngāi ātā Levi mi ngāi ommun ei khuor una rang khopui ngāi pēk u rase. Khopui ravēla ram atong um Levi mi ngāi rang pēk tānla. 3#Dān 18:6; Zos 14:4Ommun ei khuor una rang khopui ngāi chu ei chang u rang. Ram atong ngāi chu a sarātruol, a ranruol lē a ran u ngāi rang nī'n ti. 4Khopuia ram atong Levi mi ngāi nei pēk rang chu khopui lungbang apang tiang anhīl vinga muk 1,000 asei nī'n ti. 5#Lev 25:34; Zos 3:4; 2Kh 11:14Nei māi rang dān chu khopui apang tiang ātā suolam tiang muk 2,000, sim tiang muk 2,000, tāklam tiang muk 2,000 lē mār tiang muk 2,000 ni rase. Khopui chu amalāia om in ti. Hiva ram chu amāni rang khopui ram atong chang in ti.
Zōkhieina Khopui ngāi
Dān 4:41-43; 19:1-14; Zos 20:1-9
6 #
Dān 4:41; Zos 21:13 “Levi mi ngāi nei pēk rang khopui ngāi ātā, zōkhieina khopui aruk mī that ngāi ei rot una rang a thang tānla. Hava panga khopui 42 sap sā tānla. 7Hantin han Levi mi ngāi kōma nei pēk rang khopui chu 48 nī'n tia; hiva ngāi chu ram atong ngāi le nei pēk rang. 8Nei pēk rang khopui ngāi chu Israel nāi ngāi dōngluo nātā nī'n ti. Nam atam ngāi ātā atam pēk na ti, ātōm ngāi ātā ātōm pēk na ti. Mi tinin a dōngluo ei tam ang chipa a khopui senkhat chu Levi mi ngāi rang ei pēk u rang a ni,” a tī na.
9Hatuka Zehova'n Mōsi a chongpui a, 10#Dān 9:1; Zos 1:2, 11“Israel nāi ngāi ril tān, a kōm una hintin hin ril ro: Zordan nei ānkān u na, Kanān ram na vā suok u tikle, 11#Ant 21:13na rang una zōkhieina khopui ngāi a thang u tānla, mīthatpū, machāia mī that ten hava han a rot thei. 12#Dān 19:6; Zos 20:3, 5-6; 2Sa 14:11Hiva ngāi chu phubālākpū nātā nangni ranga zōkhieina khopui chang in ti. Mīthatpū chu mipui ruirilna matona anding māna, ei thi nōkna rang a ni. 13Nei pēk u ngāi khopui aruk ngāi chu nangni na rang zōkhieina khopui chang in ti. 14Zordan tidung tāklam rāl khopui anthum a thang na tia, Kanān rama anthum a thang na ti. Hava ngāi chu zōkhieina khopui chang in ti. 15Hiva khopui aruk ngāi chu Israel nāi ngāi rang, namtei ngāi rang le na kār una khuol āom ngāi ranga zōkhieina mun nī'n ti, machāia mī that tak ei rotna rang.
16 #
Ant 21:12; Dān 19:11-12 “Tenchu mī'n thīr le mī a razīk a, a thi ving ten, ama chu mīthatpū a ni. Mīthatpū chu ei ānthat ngēt rang. 17Mī'n a kuta lung le mī ei dēng a, a lei thi ving ten, mīthatpū a ni. Mīthatpū chu ei ānthat ngēt rang. 18Mī ei thina rang khopa thing kuttuk amanga ei razīk a, a thi ving ten, ama chu mīthatpū a ni. Mīthatpū chu ei ānthat ngēt rang. 19#Dān 19:6, 12Thisen phubālākpū'n mīthatpū chu ei that rang. Ama chu āntongpui tik pei ei that rang a ni. 20#Aph 4:8; Ant 21:14; Dān 19:11-12; 2Sa 3:27Mī'n ei mūmāk a, ei tuor mo ole lamruong a lei thō na, a thi ten, 21ole mī'n rālduina sika a kut le mī a suk a, a thi ten, āsukpū chu ei ānthat ngēt rang. Ama chu mīthatpū a ni. Thisen phubālākpū'n āntongpui tik pei ei that rang a ni.
22 #
Ant 21:13
“Tenchu rāldui niluia amā'n anlaiseka atuora mo ole lamruong thō luia ei dēng a ni ten, 23ole mī ei thina rang khop lung amanga, mu luia ama chu adēnga a thi ten, tenchu ama chu a rāldui um ni lui, ānsiat rang um ei val a ni nōk ten, 24#Zos 20:6mipui ngāiin ruirilna dān anga han, mīthatpū lē thisen phubālākpū kongkāra rui chu ril u'n ti. 25#Ant 28:41; 29:7; Lev 4:3; 21:10Hankēng mipui ngāiin mīthatpū chu thisen phubālākpū nātā mazōk u'n tia, ei rotna zōkhieina khopuia ama chu mathuon rēt u'n ti. Sariak anthiang le han lāisā ākhērpū chāizūng ulian khīt a thi māseng ama chu hava han lei om in ti. 26Tenchu mīthatpū chu ei rotna muna zōkhieina khopui ramrī pang tiang a suok tik pei, 27thisen phubālākpū'n zōkhieina khopui ramrī panga a mū na, thisen phubālākpū'n mīthatpū chu a lei that ving ten, thisen chunga āsia anlō nō ni. 28Mīthatpū chu chāizūng ulian khīt a thi māseng hava khopuia a lei om rang sika. Tenchu chāizūng ulian a thi suona, a ram luona muna a kīr rēt thei a.
29 #
Ant 12:20
“Hiva ngāi hi nangni na rang ommun nei khuor una dōrana, na khūk u ngāi dōra ranga dānphun lē dāndet chu a ni.
30 #
Dān 17:6; Mt 18:16; Zn 7:51 “Tūkareng mī āthat tak chu, mīthatpū chu āriatpuipū riatpuina le han anthat in ti. Tenchu mī khat dak riatpuina le chu mithatna rang khop hun mak. 31Thīna khopa āsia anlō mīthatpū ratanman chu tūtē'n ābān u nō ro, ten ama chu ei ānthat ngēt rang. 32Zōkhieina khopuia ārotpū, ama rang ratanman tūtē'n lāk u nō ta ni. Chāizūng a thi mān ama chu a rama ei kīr rēta ommun ei khuor theina rang. 33#Aph 4:10; Sām 106:38; Zer 3:1-2, 9Nei om una ram chu mannim u nō ro. Thisenin ram chu a mannim a, hasikhan thisen ānsuokpū thisen dēn nōk anten chu, ram chunga thisen a suok sika anthiarna ansin thei mak a. 34#Ant 29:45; Lev 18:24-25; Dān 21:23Hasikhan nei om una ram, na kār una kei omna ram chu mannim u nō ro. Koi Zehova hi Israel nāi ngāi kāra ommun ākhuor kei ni sika,” a tī na.
Bible in Ranglong, © Bibles International, the Bible society of Baptist Mid-Missions, 2024.