Antelna 32
32
Zordan Suolam changa Nam Āom Ngāi
Dān 3:12-20
1 #
Aph 31:21; Ant 12:38; Zos 13:25; Rui 5:16; 2Sa 24:5 Ruben a nāi ngāi lē Gad a nāi ngāiin ranruol tamtak a dōn u na. Zazer ram le Giliad ram ngāi chu a ranruol ngāi rang mun asa ei ni chu a mū u na. 2#Lev 4:22Gad a nāi ngāi lē Ruben a nāi ngāi a hong u na, Mōsi, chāizūng Eliazar lē mipui ruoipū ngāi chu a hong āchongpui u na, 3#Dān 32:49; Zos 13:17, 26; 1Kh 5:8; Isa 15:2, 4; Zer 48:1, 22amānī'n, “Atarot, Dibon, Zazer, Nimra, Hesbon, Elale, Sebam, Nebo lē Beon, 4#Ant 12:38Zehova'n Israel mipui ngāi mitmūna a lei mandōk ram chu ranruol omna rang mun asa a ni. Na suok ngāiin ranruol a dōn u na,” a ti u na. 5Hasikhan amānī'n, “Na mitmū una ditbingna nei chang a ni ten, hiva ram hi na suok ngāi kōma dōngluo anga anpēk rase. Zordan varāla na ruoi u nō ro,” a ti u na.
6Mōsī'n Gad a nāipasal ngāi lē Ruben a nāipasal ngāi kōma, “Na paruol ngāi rālkāpa a sē u lāi, nangni na lei ānsut mamei u rang mo? 7Atun hin Zehova'n ei pēk rama avā lūt ranga Israel nāi ngāi malung chu hong sik mo ansiat rang? 8#Dān 1:19-25Kades-Barnia nātā hiva rama en ranga ka tīr lāi han, na pā u ngāiin nei thō u ang dēna a lei thō u na. 9#Dān 1:24, 28Eskol phāiruom a vā suoka rama va mū u le chu, Israel mi ngāi malung chu a masiat u na, hasikhan Zehova'n ei pēkna rama va lūt u lāi mak a. 10#Dān 1:34-36Hasikhan hava nikhuona Zehova taksitna chu alum a, khomāk ansama chong a tin a. 11#Aph 50:24; Dān 1:35Amā'n, ‘Taktaka Āigupta ram ātā āhong pasal kum 20 le achunglam mī tūtē, Abraham, Isak lē Zakob ngāi kōma chong kei tin ram chu mu u nō ni, apumpuia ei na zī u nōk sika. 12#Dān 1:36; Zos 14:8-9; Sām 63:8Zefune a nāipasal Kaleb, Keniz mī lē Nun a nāipasal Zosua ngāi rongin apumpuia Zehova a zī u na,’ a tī na. 13#Ant 4:14Hasikhan Zehova taksitna chu Israel ngāi aduia alum a. Amā'n kum 40 mibuirama a manvāk a, Zehova mitmūna āsiat athō ngāi dōra a hek rīt u māseng chu. 14#Dān 1:34; Sām 78:59En u ro! Zehova taksitna Israel ngāi aduia ansōn ranga, nangni mīsiat chi ngāi hi, na pā ngāi rathūla nei hong u kēng hile. 15#Dān 30:17-18; Zos 22:16, 18; 2Kh 7:19-20Ama āzī nātā na kīr u ten, amā'n Israel ngāi chu mibuirama māk rēt in ti. Hatuka hiva mi ngāi dōra chu masiat kiar u na ti,” a tī na.
16 #
Ant 12:38; Dān 3:19 Hatuka amānī'n a hong dēp u na, a kōma, “Koini ranruol ngāi rang bera-in sin in tia, koini na nāipangte ngāi rang khopui sin in ti. 17#Dān 3:20; Zos 4:12-13Koini chu Israel nāi ngāi a mun u na, na mantung māseng chu, rālthuom le anthuoma Israel nāi ngāi matona āsē ranga lei ānsin in ti. Hiva rama a lei om mi ngāi sika, koini na nāipangte ngāi chu rapal anei khopui ngāia han ommun lei khuor u'n ti. 18#Zos 22:1-4Israel nāi ngāiin a ram luo u chip a man u māseng chu na ina kīr nō ma ni. 19#Zos 12:1; 13:8Koini nei luo rang chu hivan tiang rāl Zordan suolam tiang ei ni sika, Zordan son tiang lam chu va luopui lāi nō ma ni,” a ti u na. 20#Dān 3:18; Zos 1:13-14Hatuka Mōsī'n a kōm u na, “Hiva hi na thō u ten, Zehova matona rālkāp ranga na ninga nā'n thuom u na, 21Amā'n Ama maton ātā A rāldui ngāi dōra a razūl zit māseng, rālraliang anthuom na mi ngāi chu Zehova matona Zordan a rakān u na, 22#Lev 14:34; Dān 3:18-20; Zos 1:15; 22:4Zehova matona hiva ram chu a ningneina thuoia na va siak suo u le, hong kīr u na tia, Zehova le Israel ngāi matona demkāiluia nei om u rang. Hiva ram hi Zehova matona na dōngluo u nī'n ti. 23#Aph 4:7; Isa 3:9Hantin han na thō u nōk ten, en u ro, Zehova aduia āsia thō nā ni u na. Asadima riat ro, nei siat u nā'n na la sūr u'n ti. 24Na naite ngāi rang khopui sin tānla, na beraruol ngāi rang rakul sin u ro, na mūra nei ti u chu thō u ro,” a tī na. 25#Zos 1:16, 18Gad a nāi ngāi lē Ruben a nāi ngāiin Mōsi a chongpui u na, amānī'n, “Na suok ngāiin koini na puma chongpēk anga thō in ti. 26#Zos 1:14; 2Sa 2:9; 1Kh 5:9Na naite ngāi, na nungāk ngāi, na beraruol ngāi le ranruol ngāi chu Giliad khopui ngāi han om u'n ti. 27#Zos 4:12Tenchu na suok ngāi rāldui ranga rāl anthuom ngāi dōra chu ka pumā'n ei tī anga, Zehova matona rāldui ranga va rakān in ti,” a tī na.
28 #
Zos 1:13
Mōsī'n amāni ruia chāizūng Eliazar lē Nun a nāipasal Zosua le Israel nāi ngāi nam tin pā ngāi ruoipū ngāi chu chong a pēk a. 29Mōsī'n a kōm u na, “Gad a nāi ngāi lē Ruben a nāi ngāi rālkāp ranga rāl anthuom ngāi dōra chu Zehova matona Zordan ei nā'n kānpui u na, ram chu na maton una a na zuipui u ten, Giliad ram chu a dōngluo u ranga nei pēk rang. 30Tenchu na rālthuom le han a nā'n kānpui u nōk ten, Kanān rama nangni kāra dōngluo ei dōn u rang,” a tī na. 31Hatuka Gad a nāi ngāi lē Ruben a nāi ngāiin a masang u na, amānī'n, “Zehova'n na suok ngāi kōma ei tī anga koinī'n thō in ti. 32#Zos 12:6Rālthuom le anthuoma Zehova matona Zordan ankān in ti, Kanān rama va lūt in ti, nei luo rang dōngluo chu Zordan tidung varāl tiang hin om in ti,” a ti u na.
33 #
Zos 12:2; 13:24-28; 1Sa 13:7; 1Kh 5:8; Zer 48:19 Hantin han Mōsī'n Gad a nāi ngāi lē Ruben a nāi ngāi lē Zosef a nāipasal Menase nam atan chu Amor mi ngāi rēng Sihon a rēngram le Basan rēng Og a rēngram, a ram le a ramrī sūnga khopui dōra lē a ram kōla khopui ngāi chu a pēk a. 34Gad a nāi ngāiin Dibon, Atarot le Aroer, 35#Rui 8:11Atrot Sofan, Zazer le Zogbeha, 36Bet-Nimra lē Bet-Haran, rakul adōn khopui le beraruol rakul ngāi chu a sinpē na. 37#Zos 13:19; 1Kh 6:76; Zer 48:1Ruben a nāi ngāiin Hesbon, Elale, Kiriathaim, 38#Ant 23:13; Isa 15:2; Zer 48:1, 22Nebo lē Baāl-Meon, (a raming anthūl u a ni) lē Sibma; khopui atei ei sin u ngāi chu raming atei a phuo u na. 39#Aph 10:16; 50:23; Dān 2:36Menase a nāipasal Makir a nāi ngāi chu Giliad-a a sē u na, hava ram chu a va lāk u na, hava muna a lei om Amor mi ngāi chu a razūl u na. 40#Aph 50:23; Dān 3:15Hatuka Mōsī'n Giliad chu Menase a nāipasal Makir kōm a pēk a, ama chu hava han ommun a khuor a. 41#Dān 3:14; Rui 10:4; 1Rē 4:13Menase a nāipasal Zair um a sē na, havana om khopui asīnte ngāi chu a va lāk a, hava ngāi chu Havot Zair tīna a phuo na. 42#Rui 8:11; 1Kh 2:23; Sām 49:11Hatuka Noba chu a sē na, Kenat lē a khote ngāi chu a va lāk a, hava mun chu ama raming anputa Noba tīna a phuo na.
Bible in Ranglong, © Bibles International, the Bible society of Baptist Mid-Missions, 2024.