Antelna 28
28
Anikhuo'n Tina Dāli
Ant 29:38-41
1 Zehova'n Mōsi a chongpui a, 2#Lev 1:9; 3:11; 21:6, 8; 23:1-44“Israel nāi ngāi chu chongpēk tānla, a kōm u na, ‘Ka dāli, ka ranga marimhui moia anhāl nēksāk dāli chu, ahun anruot taka nei dar u rang nāng in ti,’ ti ro. 3#Ant 12:5; 29:38-42; Am 4:4Amāni kōma hintin hin ril ro: Hiva hi moia anhāl dāli Zehova kōma nei dar u rang chu a ni: kum khat beratē tang anni bāiankhamlui chu, anikhuo'n tina hālbiang dāli anga dar tānla. 4Beratē khat chu zīng tiang dar tānla, atei beratē chu khului tiang dar na ti. 5#Ant 16:36; Lev 2:1; 6:20Hatuka sahūm dāli ranga vāipōldī efa sōma khat lē sariak an-ep hin mun manlīna mun khat#28:5 hin mun manlīna mun khat: Ole, “litār khat tāng.” le ānpol a ni. 6#Ant 19:3; 29:42; Lev 1:3, 9Hiva hi Sinai muolpuia anthang suo, marimhui ranga hālbiang dāli āndar ranga Zehova kōma moia anhāl dāli chu a ni. 7#Lev 3:7; 10:9Beratē khat chipa darna ranga ābuong dāli chu hin mun manlīna mun khat#28:7 hin mun manlīna mun khat: Ole, “litār khat tāng.” nī'n ti. Zehova ranga ābuong dāli chu mun anthianga han zū chu lei tānla. 8#Ant 29:39; Lev 1:9; 3:7Atei beratē khat chu khuluia dar tānla. Zīng tianga sahūm dāli le ābuong dāli anga, Zehova ranga marimhui moia anhāl dāli chu dar tānla.
Sabat Dāli
9 #
Ant 20:10; Lev 23:13 “Sabat nikhuona han kum khat beratē tang anni demkāilui lē sahūm dāli ranga efa sōma anni vāipōldī asa sariak le ānpol lē ābuong dāli chu dar tānla. 10#Lev 23:38; Izk 46:4-5Hiva hi hālbiang dāli le ābuong dāli pāngāi sabat nikhuo kipa āndar panga hālbiang dāli chu a ni.
Tha Tina Dāli
11 #
Lev 1:3; 5:15; 1Kh 23:31; Isa 1:13-14; Kol 2:16 “Tha phutna tiang kipa Zehova ranga hālbiang dāli sarāttang anni, beratang khat lē kum khat beratē tang sari demkāilui chu dar tānla. 12Sahūm dāli, sarāttang khat chipa rang efa sōma anthum vāipōldī asa sariak le ānpol, beratang khat rang, sahūm dāli sariak le ānpol vāipōldī asa efa sōma anni le han. 13#Lev 1:9; 6:14Beratē khat chipa rang sahūm dāli efa sōma angkhat vāipōldī asa, sariak le ānpol chu, Zehova ranga hālbiang dāli marimhui moia anhāl dāli chu dar tānla. 14#2Kh 2:4; Ezr 3:5Amāni ābuong dāli rang chu sarāttang khat senga zū hin atan, beratang khat senga rang hin mun anthuma mun khat, beratē khat senga rang hin mun manlīna mun khat a ni. Hiva hi kum khat sūnga a tha tina hālbiang dāli āndar rang chu a ni. 15#Lev 4:3Hava hālbiang dāli le ābuong dāli pāngāi panga, kēlte tang khat āsia sāina dāli ranga Zehova kōm nei dar rang a ni.
Kallēn Pāntā
Ant 12:1-28; Lev 23:4-8; Dān 16:1-8
16 #
Ant 12:11; 2Kh 30:13 “Tha mānsāna, ni sōmleimanli nikhuo chu Zehova Kallēn Pāntā a ni. 17#Ant 12:15, 19; Lev 23:6Hava thāna ni sōmleirangā nikhuo chu pāntā a ni. Ni sari sūng cholanchellui vāipōltāp chu ei ānsāk rang a ni. 18#Ant 12:16Nikhat nikhuona khōmpui anthiang nei dōn u rang. Sin pāngāi nei thō u rang ni mak. 19#Lev 1:9; Dān 15:21Zehova matona moia anhāl hālbiang dāli chu dar u tānla: sarāttang anni, beratang khat lē kum khat beratē tang sari demkāilui ei ni ngēt rang. 20#Lev 14:10Amāni sahūm dāli chu vāipōldī asa, sariak le ānpol, sarāttang khat senga rang efa sōma anthum le beratang khat senga rang efa sōma anni nei dar rang a ni. 21Hava beratē sari ngāi rang efa sōma angkhat senga dar tānla. 22#Lev 4:3; Rōm 8:3Nang nei ānthiarna rang, kēltang khat āsia sāina dāli ranga dar tānla. 23Zīnga hālbiang dāli, hiva hi hālbiang dāli pāngāi panga han, hiva ngāi hi nei dar rang a ni. 24#Lev 1:9Hiva dān anga hin Zehova ranga marimhui moia anhāl nēksāk dāli chu anikhuo'n tina ni sari nei dar u rang a ni. Hiva hi hālbiang dāli le ābuong dāli pāngāi panga andar rase. 25Ni sari changna nikhuona khōmpui anthiang nei u tānla. Sin pāngāi ītē thō u nō ta ni.
Hapta Pāntā
Lev 23:15-22; Dān 16:9-12
26 #
Ant 23:16; 34:22; Lev 23:10, 15 “Mararapa ngāi nikhuona chu, Hapta pānta ngāia na sahūm dāli athar u Zehova kōma na hong dar u tik chu khōmpui anthiang nei u tānla. Sin pāngāi ītē thō u nō ta ni. 27Tenchu Zehova kōma marimhui anga hālbiang dāli hong dar u ro:
sarāttang tuoi anni, beratang khat lē kum khat beratē tang sari,
28hatuka a sahūm dāli u, vāipōldī sariak le anpol le han, sarāttang khat senga rang efa sōma anthum, beratang khat ranga sōma anni, 29beratē sari ngāi ranga sōma angkhat senga,
30hanūk chu kēl ngāi bila kēlte tang khat;
hiva ngāi hi nang nei ānthiarna ranga dar tānla. 31Hiva ngāi chu demkāilui ni ngēt rase. Hālbiang dāli le sahūm dāli pāngāi panga, ābuong dāli ngāi chu dar tānla.
Bible in Ranglong, © Bibles International, the Bible society of Baptist Mid-Missions, 2024.