Antelna 22
22
Balak lē Balām
1 #
Dān 32:49; Zos 2:1 Hatuka Israel nāi ngāi chu anphet u na, Zeriko kōla Zordan varāla, Moab phāizōla riabuk a khuor u na. 2#Zos 24:9; Rui 11:25; Anl 2:14Zipor a nāipasal Balak-in Israel nāi ngāiin Amor mi ngāi chunga ei thō u dōra a lei mū kiar a. 3#Ant 15:15Moab-in mipui ngāi ā chi sabak a, ei tam sabak u sika. Israel nāi ngāi sika, Moab chu a rathā a ta sabak a, Israel nāi ngāi sika. 4#Aph 19:37; 25:2; Zos 13:21; Zōb 5:25; Sām 72:16Moab-in Midian pātar ngāi kōma, “Sarāttangin rama sūl ei sāk rīt anga, hiva mipui ngāiin na ravēl chu sāk rīt u'n ti,” a ti u na. Hava hunlāi han, Zipor a nāipasal Balak chu Moab mi ngāi rēng a ni.
5 #
Aph 2:14; Ant 13:3; Mik 6:5; 2Pe 2:15; Zud 1:11 Hatuka amā'n Beor a nāipasal Balām, tidung#22:5 tidung: Eufretis tidung a ni. kōla Pethor khuo na a mi ngāi kāra om chu avā kui ranga palāi a tīr a. Amā'n, “Entā, Āigupta ram ātā nam khat a hong a. Entā, phil pumpuia sip ziak u na, ka kōl lena ommun a khuor u na! 6Hasikhan hong len tānla, hiva mipui ngāi chu khomāk na hong sampē ro. Asik chu amāni chu ka ranga a rāt sabak u na. Amāni chu kei mandōk a, hiva ram ātā ka rahōk ving thei u'nle. Asik chu bōr nei pēk tak bōr atung u na, khomāk nei sam tak khomāk atung u chachak tī hi ka riat a,” a tī na.
7 #
Aph 30:27; 1Sa 9:7-8 Moab pātar ngāi lē Midian pātar ngāi chu dēenna man a kuta achōia anphet u na. Amāni chu Balām a kōma a hong ātung u na, Balak a chong ngāi chu a ril u na. 8Amā'n a kōm u na, “Atun zān chu hiva hin riak u tānla, Zehova'n chong ei na hong pēk anga, na kōm una chong na hong mantung rēt u ka ting,” a tī na. Hankēng Moab milian ngāi chu Balām a bila a om u na.
9 #
Aph 20:3; Zōb 33:15-16 Pathian chu Balām a kōma a hong a, amā'n, “Na bila om mi ngāi hi tū mo?” a tī na. 10Balām-in Pathian kōma, “Zipor a nāipasal Balak, Moab rēngin ka kōma mī a hong tīr a, 11‘Entā, Āigupta ram ātā nam khat a hong a. Amāni chu phil pumpuia a sip ziak u na. Atun hong tānla, amāni chu ka ranga khomāk na hong sampē ro. Amāni chu kei mandōk a, ka rahōk ving thei u'nle,’ a tī na,” a tī na. 12#Aph 12:2; Rōm 11:28Pathianin Balām a kōma, “Amāni bila nei sē rang ni mak. Mi ngāi chu khomāk va sam nō ro, asik chu bōrsāng atung u kēng,” a tī na.
13Balām chu zīnga anthui a, Balak milian ngāi kōma, “Na ram una kīr rēt u ro. Asik chu Zehova'n na bil una āsē ranga na phal mak a,” a tī na. 14Moab milian ngāi chu anthui a, Balak a kōma a sē u na. Amānī'n, “Balām chu koini bila āhong rang zōt mak,” a ti u na.
15Balak-in milian ngāi, māna nēka ātam lē lalchiruoi ngāi chu a tīr rēt a. 16Amāni chu Balām a kōma a hong u na, a kōma, “Zipor a nāipasal Balak-in hintin hin a ti: ‘Ka kōma āhong ranga ītē'n na pol nō rase. 17Alian sabaka lalchī na thō ka ting, ka kōma nei na ti dōra thō ka ting. Hasikhan lungkhama hong tān, hiva mi ngāi hi koi ka ranga khomāk na hong sampē ro,’ tīna,” a ti u na. 18#1Rē 22:14; 2Kh 18:13Balām-in Balak a suok ngāi kōma, “Balak-in a in abit thaka sumrū le rāngkachak ei na pēk rang ni ngal sela, Zehova ka Pathian chong khēla ātōm mo atam mo āthō ranga sē thei mak ung. 19Hasikhan atun, lungkhama, nangni um atun zān hiva hin om u tān, Zehova'n imo ka kōma āril rang ei la dōn kei riattheina rang,” a tī na.
20 #
Aph 20:3; 2Kh 18:13 Pathian chu Balām kōma zāna a hong a, a kōma, “Nang anā kui ranga mī a hong u ten, anthui tān amāni bila sē ro. Tenchu na kōma chong kei na ril rong ha va thō tānla,” a tī na. 21Hatuka Balām chu zīnga anthui a, a sakuorpar āmbārei chunga, Moab milian ngāi bila a sē na.
Balām, Sakuorpar lē Vānpalāi
22 #
Aph 16:7; Ant 4:14; Rui 13:3, 6, 13; 1Kh 21:16 Ei sē sika Pathian taksitna a lum a. Zehova Vānpalāi chu ama rāldui anga lampuia a lei ānding a. Ama chu a sakuorpara a chuong a, a suok anni ngāi chu a bila om sā u na. 23#Zos 5:13; 2Rē 6:17; Kui 22:9Sakuorparin Zehova Vānpalāi chu, a kuta khendāi anleka lampuia a lei ānding chu a mū na. Sakuorpar chu lampui ātā a pēt a, rama a sē na. Hankēng Balām-in lampuia ei hong ruoi rētna ranga sakuorpar chu a razīk a. 24Zehova Vānpalāi chu theirapom rahuon kongkāra, lam anchīpa, hin tiang kāng lē son tiang kānga muol bang ei omna han a lei ānding thap a. 25Sakuorparin Zehova Vānpalāi a mū le chu, lung banga a vā'n bē na, Balām a kē chu lung banga a va rōtpē na. Hasikhan amā'n a razīk rēt a. 26Zehova Vānpalāi chu hava mun khēl dapa a sē na, mun anchīp sabak a, chang tiang mo ole voi tiang mo a lōina ei buina han, a lei vā'n ding a. 27#Zak 1:19Sakuorparin Zehova Vānpalāi a mū le chu, Balām a thuoia anbok a. Balām a taksitna chu a lum a, a sunrol le han sakuorpar chu a razīk a.
28 #
2Pe 2:16
Hankēng Zehova'n sakuorpar mūr chu a malongpē na, amā'n Balām kōma, “Hong mo kei na thō na, voi anthum pial nei na razīk?” a tī na. 29#Chn 12:10; Mt 15:19Balām-in sakuorpar kōma, “Nei na ēlsēl sika. Ka kuta khendāi om rase chu, atun len na that zei ning!” a tī na. 30Sakuorparin Balām kōma, “Na tā kā chang len ātā avian tenpei, nei chuong chachakna hi na sakuorpar ni mak ung mo? Hivan tin hin ka na thō mo chachak ngāi zei?” a tī na. Balām-in, “Hē-e,” a tī na.
31 #
Aph 21:19; 2Rē 6:17; Lk 24:16, 31 Hatuka Zehova'n Balām a mit chu a malongpē na. Amā'n Zehova Vānpalāi, a kuta khendāi anleka, lampuia a lei ānding chu a mū na. Balām chu a māi thuoi atōna anbok lak a. 32Zehova Vānpalāiin Balām a kōma, “Hong sika mo na sakuorpar voi anthum pei nei razīk? Entā, nang aduia ānding ranga kei hong suok a ni, ka matona na lampui rō ei diknōk sika. 33Sakuorparin a na mū na, ka makung ātā voi anthum a pēt a. Ka makung ātā ankhāi nō sela chu, atun hin nang chu na that suo zei ning. Sakuorpar chu dam in ti,” a tī na. 34#Aph 39:9; 1Sa 15:24; 26:21; 2Sa 12:13; Zōb 33:27; 34:31-32; Sām 51:4Balām-in Zehova Vānpalāi kōma, “Āsia ka thō zei. Asik chu koi aduia lampuia na lei ānding ha riat mak ung a. Hasikhan atun, hiva hin nang nei zōt nōk a ni ten, kīr rēt ka ting,” a tī na. 35Zehova Vānpalāiin Balām kōma, “Hiva mi ngāi le hin sē ro. Tenchu na kōma kei na ril ranga chong ngāi rong ha va ril tānla,” a tī na. Hankēng Balām chu Balak a milian ngāi lē a sē na.
36Balak-in Balām ei hong tī a riat le chu, ama antongpui rang Moab khopuia Arnon ramrī tenpei a lei sē na. Hava ha a ramrī hekna a ni. 37Balak-in Balām kōma, “Taksatmara nang anā kui rang mi kei hong tīr ni mak mo? Hong sik mo ka kōma nei hong nōk? Nang lalchi anā'n ruoi ranga tinglui mo kā ni?” a tī na. 38Balām-in Balak kōma, “Entā, na kōma ka hong zei! Atun, angkhat peia chong āril ranga ningneina mo ka dōn? Pathianin ka mūra ei siak chong chu kei ril ngēt rang a ni,” a tī na. 39Hatuka, Balām chu Balak a bila a sē na, Kiriat-Huzot muna a hong ātung u na. 40#Izk 45:23Balak-in sarāttang le bera ngāi chu anbōlna na a dar a. Senkhat chu Balām le ama bila om milian ngāi ranga a manchōi a.
41 #
Dān 12:2
Hanūka nikhuona hintin hin a nī na, Balak-in Balām chu Bamot-Baāl pārlām ngāia a ruoi a. Hava nātā mipui ngāi ei tamdān a mū thei a.
Bible in Ranglong, © Bibles International, the Bible society of Baptist Mid-Missions, 2024.