Mathāi 1
1
Isuo Khristā Khūkrachī
Lk 3:23-38
1 #
Isa 9:6-7; Zer 23:5-6; Lk 1:32, 69; Gal 3:16; Anl 22:16 Abraham a nāipasal David, David a nāipasal Isuo Khristā khūkrachī anziakna:
2 #
Aph 21:3, 12; 25:26; 29:35 Abraham-in Isak a nei a,
Isak-in Zakob a nei a,
Zakob-in Zuda lē a paruol ngāi a nei a,
3 #
Aph 38:27-30
Zuda'n Tamar ātā Perez lē Zera chu a nei a,
Perez-in Hezron a nei a,
Hezron-in Ram a nei a,
4Ramin Aminadab a nei a,
Aminadab-in Naāson a nei a,
Naāson-in Salmon a nei a,
5 #
Heb 11:31
Salmon-in Rahab ātā Boaz a nei a,
Boaz-in Rūt ātā Obed a nei a,
Obed-in Zesāi a nei a,
6 #
1Sa 16:1; 2Sa 12:24 Zesāi-in rēng David a nei a.
Rēng David-in Uria a thāinū nātā Solomon a nei a,
7Solomon-in Rehoboam a nei a,
Rehoboam-in Abiza a nei a.
Abiza'n Asa a nei a.
8Asa'n Zehosafat a nei a,
Zehosafat-in Zoram a nei a,
Zoram-in Uzia a nei a,
9Uzia'n Zotham a nei a,
Zotham-in Ahaz a nei a,
Ahaz-in Hezekia a nei a,
10 #
2Rē 20:21
Hezekia'n Menase a nei a,
Menase'n Amon a nei a,
Amon-in Zosia a nei a,
11 #
2Rē 24:14-16; Zer 27:20; Dnl 1:1 Babulon rama selkeia anruoi u lāia han, Zosia'n Zekonia lē a paruol ngāi chu a nei a.
12 #
Ezr 3:2
Babulon selkei ātā a hong ākīr suo u na, Zekonia'n Sealtiel a nei a,
Sealtiel-in Zerubabel a nei a,
13Zerubabel-in Abiud a nei a,
Abiud-in Eliakim a nei a,
Eliakim-in Azor a nei a,
14Azor-in Zadok a nei a,
Zadok-in Akim a nei a,
Akim-in Eliud a nei a,
15Eliud-in Eliazar a nei a,
Eliazar-in Mathan a nei a,
Mathan-in Zakob a nei a,
16 #
Mt 27:17; Lk 1:27 Zakob-in Zosef, Mari a tangsā chu a nei a,
Hiva Mari nātā Isuo, Khristā ei ti u chu anzir a.
17Hantin han Abraham ātā David tena, aloma khūk sōmleimanli a ni na, David ātā Babulon rama selkeia ānruoi tena, khūk sōmleimanli a ni na, Babulon selkei ātā Khristā tena, khūk sōmleimanli a ni.
Isuo Khristā Anzirna
Lk 1:26-38; 2:1-7; Zn 1:14
18 #
Lk 1:35
Isuo Khristā ei ānzirna chu hintin hin a ni: a nū Mari chu Zosef le han innei ranga chong ansūk suo u na, tenchu zāmun tāngkhat a khang u māna, ama chu Rathā Ānthianga nāi a vong tīna anriat a. 19#Dān 24:1A tangsā Zosef chu midik ei ni sika, ama chu vāntāng mitmūna māimōk asak rang zōt mak a. Hasikhan maruka āmāk ranga a mandon a. 20#Mt 27:19; Kui 5:19Tenchu, hava rui chu a mandon lāitak han, entā, Puma vānpalāi khat chu a ramanga a hong anlang a, a kōma, “David nāipasal Zosef, na thāinū ranga Mari ālāk hi āchi nō ro. Asik chu a von sūnga nāi ei vong hi Rathā Ānthiang ātā kēng. 21#Sām 130:8; Lk 1:31; 2:11; Zn 3:17; Kui 5:31; Rōm 11:14; Tit 2:14Amā'n nāipasal mazir in tia, a raming chu Isuo phuo na ti. Asik chu amā'n a mi ngāi chu ei siat u nātā mazōk in ti,” a tī na. 22#Mt 2:15; Lk 4:21; Zn 13:18Deari amanga Puma a chongril chu ei hong kip theina ranga, hiva ngāi dōra hi ei hong om a ni. 23#Isa 8:10Asik chu dearī'n hintin hin a lei tī na:
“Entā, nungāk anthiangin nāi vong in tia, amā'n nāipasal mazir in ti.
A raming chu Imanuel phuo u'n ti,” (Isa 7:14)
A omzia chu, “Pathian koini bila om,” tīna a ni. 24#Kui 5:19Hatuka Zosef chu ei in ātā anthui a. Puma vānpalāiin a kōma chong ei ril anga a thō na, Mari chu a thāinū ranga a lāk a. 25#Lk 1:31Tenchu a nāipasal vong atontīr a mazir māseng chu, zāmun tāngkhat khangpui mak a. Hatuka nāitē raming chu Isuo a phuo na.
Bible in Ranglong, © Bibles International, the Bible society of Baptist Mid-Missions, 2024.