Levi mi ngāi Dānbū 2
2
Sahūm Dāli Ruia Dān
1 #
Ant 29:2, 40-41; Atl 15:4; Neh 13:9; Isa 43:23 “Tūkarengin sahūm dāli Zehova kōma a dar ten, a dāli chu vāipōldī ei ni rang a ni. Hava chunga han sariak lei in tia, a chunga berō siak in ti. 2#Atl 5:26; Sām 16:5; Isa 1:13; 53:12Amā'n Aron a nāipasal chāizūng ngāi kōma hong chōi in ti. Chāizūng khat peiin vāipōldī zūm khat le a sariak le a bero ngāi dōra le han lāk in ti. Chāizūngin riattitna ranga māichām chunga han hāl in ti. Hava ha moia dāli Zehova ranga marimhui chu a ni. 3#Ant 30:36Sahūm dāli maniang ngāi chu Aron lē a nāipasal ngāi rang a ni. Hava ha Zehova ranga moia anhāl dāli ngāi bila anthiang khīt a ni.
4 #
Ant 29:2
“Ratappuia sahūm dāli ānrahāi na dar ten, sariak le ānpol cholanchellui vāipōltheppak mo ole sariak ankhuo cholanchellui vāipōl anpēr ni rase. 5#Izk 4:3Tāmbā le ānziei sahūm dāli chu cholanchellui, sariak le anmet vāipōldī anrahāi ni rase. 6Nangin aher ahera khiak tān, a chunga sariak nei lei rang. Hava ha sahūm dāli a ni. 7Bēla ānrahāi sahūm dāli na dar ten, vāipōldī sariak le ansin ei ni rang. 8Hiva neinun ngāi le ansin sahūm dāli chu Zehova kōma nei hong chōi u rang. Hava ha chāizūng kōma anpēk tikle, amā'n hava ha māichāma ei hong chōi rang. 9#Aph 8:21Chāizūngin sahūm dāli pumpui rathūla alaktē a lāk a, māichāma han hāl in ti. Hava ha moia anhāl dāli Zehova ranga marimhui chu a ni. 10#Ezr 2:63Sahūm dāli maniang ngāi chu Aron lē a nāipasal ngāi rang a ni. Hava ha Zehova ranga moia anhāl dāli ngāi bila anthiang khīt a ni.
11 #
Ant 23:18
“Zehova kōma sahūm dāli nei dar dōra chu chol ei ānchel rang ni mak, Zehova ranga moia ānhāl dālina han chol mo khuoining mo ītē nei hāl rang ni mak. 12#Ant 34:22Mararapā dāli ranga chu Zehova kōma nei dar rang, tenchu māichāma marimhui ranga ei ānhāl#2:12 ānhāl: “Chung tiang makhal lui rang” tīna anziak a. rang ni mak. 13#Atl 18:19; 2Kh 13:5; Mk 9:49Na sahūm dāli dar dōra chu machī manpol tānla. Na sahūm dāli chu na Pathian dānkhit machī omluia ei om rang ni mak. Na dāli dar dōrana machī manchel ro.
14 #
Ant 34:22; Atl 15:20; Dān 16:13; Rūt 3:2 “Na mararapā sahūm dāli chu Zehova kōma na dar ten, nangin na sapār āvūi moia ānthūt suo, sahūm ansuk suo chu, sahūm dālina nei dar rang. 15Hatuka a chunga sariak leia, bero siak in na ti. Hiva hi sahūm dāli a ni. 16#Atl 4:16; Zer 14:12Chāizūngin apumpui rathūla tangpēr alaktē, sariak alaktē chu bero ngāi dōra le han ei hāl rang. Hava ha Zehova ranga moia ānhāl dāli chu a ni.
Bible in Ranglong, © Bibles International, the Bible society of Baptist Mid-Missions, 2024.