Hosea 2
2
1 #
1Pe 2:10
“Na paruol u ngāi kōma, ‘Ammi (ka mi ngāi)’ ti u ro, na sarnū u ngāi kōma, ‘Ruhama (lungkhamna āman)’ ti u ro.
Pathiana Iamruobui Miring
2 #
Isa 1:21; 50:1; Zer 3:1; Hos 1:2; 2:5 “Na nū hi dui u ro, dui u ro.
Asik chu ama chu ka thāinū ni mak, a tangsā um ni mak ung!
A nōtizuorna chu a mitmū nātā lē
A uirēna chu a ranū ngāi kongkār ātā pei rase.
3 #
Isa 32:13-14; Izk 16:4-22, 35-39; Hos 13:15; Am 8:11-13 Hanōkten chu līka sāikoronga rē ka ting,
Ei anzirna nikhuo anga phui ka ting,
Mibuiram anga sin ka ting,
Ram chār anga sin ka ting,
Hatuka tī anrāla that ka ting.
4 #
Zer 13:14; Izk 8:18; Hos 1:6 A nāi ngāi chunga lungkham mū nō ning,
Asik chu amāni chu nōtizuor sanāi u kēng.
5 #
Zer 3:6; 44:17-18; Hos 2:8 Asik chu a nū u chu nōtī na a lei ānzuor a ni.
Amāni chu muolphui ansak sabaka a lei vong a.
Asik chu amā'n, ‘Ka lungdi nūk chu razūl ka ting,
Amā'n, ka nēksāk lē ka tī,
Ka beramul lē ka linen puon,
Ka sariak lē ka tī nēk ngāi a na pēk,’ a ti.
6 #
Zōb 3:23; 19:8; Cha 3:7, 9 Hasikhan, entā, na lampui chu raling le han khār ka ting,
Lungbang sūnga mankul ka ting,
Hantin han a lampui chu man nō ni.
7 #
Isa 54:5; Zer 3:1; Izk 16:8; Hos 5:13-15; Lk 15:17-18 A lungdi ngāi chu razūl in ti,
Tenchu amāni chu huom nō ni.
A ni, amā'n amāni chu arok in ti,
Tenchu amā'n va mū nō ni.
Hatuka amā'n, ‘Sē ka tinga, ka tangsā mānsapū kōma kīr rēt ka ting,
Asik chu koi ka ranga hava lāi ha atuna nēka a sa uol,’ tī'n ti.
8 #
Atl 18:12; Dān 8:18; Isa 1:3; Hos 2:13 Asik chu amā'n sahūm, theirapomningtī thar le sariak,
Kei pēk ha riat mak a.
Hatuka sumrū le rāngkachak ngāi
Baāl a ranga ei mansūk u chachak chu
Ama ranga kei maphungpē ti riat mak a.
9 #
Hos 8:7; 9:2 Hasikhan hong kīr ka tinga
Ka sahūm chu avāng huna la pēk ka ting,
Hatuka ka theirapomningtī thar chu avāng hunlāi la pēk ka ting,
A sāikorong ei mahīpna ka beramul lē
Ka linen puon chu lākpē rēt ka ting.
10 #
Zer 13:26; Izk 16:37; 23:9-10; Hos 2:3 Atun chu a lungdi ngāi mitmūna
Anzak ei buina chu manlang ka ting.
Ama chu ka kut chung ātā tūtē'n mazōk thei nō ni.
11 #
Isa 1:13-14; 24:8-11; Zer 7:34; 16:9; Am 5:21; 8:10 A rāisānna ngāi dōra, a pāntā nikhuo ngāi,
A thā thar nikhuo ngāi, a sabat nikhuo ngāi lē
A pāntā ānruot ngāi dōra chu manhekpē ka ting.
12 #
Isa 5:6; 7:23; Zer 5:17; 8:13; Hos 13:8 A theirapomrāng ngāi lē a theichang kung ngāi,
‘Hiva ngāi hi ka lungdi ngāiin ka lōna ei na pēk u chu a ni,’
A lei ti chachak chu masiat ka ting.
Hava ngāi chu ramngōna sin ka tinga,
Hava ngāi chu phāia ramsa ngāiin sāk u'n ti.
13 #
Isa 65:6-7; Zer 44:15-17; Izk 16:17-18; Hos 4:13 Marimhui ei hāl chachakna Baāl nikhuo ngāi sika,
Ama chu sinsak ka ting.
Kuorkāi lē anliangna ngāi le anliang a,
A lungdi nūk chu a razūl a,
Tenchu koi chu a na mangil a, koi, Zehova'n ka ti.
Israel Chunga Pathian Lungkhamna
14 #
Isa 40:2; Izk 19:13 “Hasikhan, entā, ama chu ningōlna manmū ka tinga,
Hatuka mibuirama hong ruoi ka tinga,
Lungngam chong ril ka ting.
15 #
Ant 15:1-18; Zos 7:24-26; Isa 65:10; Zer 2:2; Izk 28:26 Hava muna han a theirapom rahuon ngāi lē
Akor#2:15 Akor: Akan lung le ei āndēngna mun (Zos 7:24-26). phāiruom chu sabeina suokkhār anga pēk ka ting,
Ama chu a nungāk chang lāia anga lē
Āigupta ram ātā a hong suok nikhuo anga hava han lā thō in ti.
16 #
Isa 54:5; Hos 2:7 “Hava nikhuona han hintin hin hong nī'n tia, koi, Zehova'n ka ti, ‘Ka ruothar,’ tīna, na kui na ti, ‘Ka puma’ tīna, na kui lāi nō ta ni. 17#Ant 23:13; Zos 23:7; Zek 13:2Asik chu a mūr ātā Baāl raming ngāi chu rasuo ka ting, amāni chu a raming u ngāi achina anriattit u lāi nō ni. 18#Lev 26:5; Isa 2:4; Zer 23:6; Izk 34:25; Zek 9:10Hava nikhuona han amāni ranga rama ramsa ngāi lē chunga zuong va ngāi lē phila lōn nukanei ngāi le han dānkhitna sin ka ting. Ram ātā thal sāilī, khendāi lē anduina chu pei biang ka ting, amāni chu azōkhieia manzāl u ka ting. 19#Isa 1:27; 54:8; 62:4Tāituona ka kōma nā huol ka ting. A ni, diknāna, ruirilnadika, lungkhamanditna lē lungkhamna le han ka kōma nā huol rap ka ting. 20#Zer 31:34; Hos 6:6; 13:4A iamruonāna, ka kōma na huol rap ka ting, hatuka nangin Zehova chu riat na ti.
21 #
Zek 8:12; Mal 3:10 “Hava nikhuona han hintin hin hong nī'n ti,
Masang ka ting, koi, Zehova'n ka ti.
Anvān ngāi chu masang ka ting,
Amānī'n phil chu masang u'n ti.
22 #
Hos 1:4-5; 14:7; Zol 2:19 Philin sahūm, zū thar lē sariak chu masang in ti;
Amānī'n Zezreēl#2:22 Zezreēl: “Pathianin chī manmū in ti” tīna a ni. chu masang u'n ti.
23 #
Zer 29:12; 31:27; Hos 1:6, 9-10; Rōm 9:25; 1Pe 2:10 Ama chu ka ninga ranga phila tū ka tia,
Lo-Ruhama (Lungkhamna man lui) chu lungkham mū ka ting.
Lo-Ami (Ka mī ni lui) kōma,
‘Nangni hi ka mī nā ni u!’ ti ka ting.
Amānī'n, ‘Ka Pathian nā ni!’ ti u'n ti.”
Bible in Ranglong, © Bibles International, the Bible society of Baptist Mid-Missions, 2024.