Aphutna 47

1 # Aph 45:10; Heb 2:11 Hatuka Zosef-in Faro a va ril a, amā'n, “Ka pā lē ka paruol ngāi, a beraruol u ngāi, a sarātruol u ngāi lē ei nei u ngāi dōra le han, Kanān ram ātā a hong u na. Amāni chu Gosen rama, āom u a ni,” a tī na. 2#Kui 7:13A paruol ngāi bila mī rangā a ruoi a, Faro kōma a vā'n langpui a. 3Faro'n a paruol ngāi kōma, “Hong mo na sinthō u?” a tī na.

Amānī'n Faro kōma, “Na suok ngāi hi berapū a ni u, koini lē na pā ngāi um,” a ti u na. 4#Rūt 1:1; 1Rē 18:5; Zer 14:5-6; Zol 1:18Amānī'n Faro kōma, “Hiva rama āom ranga āhong kēng nā ni, asik chu na suok ngāi beraruol ngāi rang sūl om lāi mak a, māitām hi Kanān rama ei ānrik sabak sika. Hasikhan atun chu, lungkhama na suok ngāi hi Gosen rama man-om ro,” a ti u na.

5Faro'n Zosef a chongpui a, “Na pā lē na paruol ngāi na kōma a hong u zei. 6#Dān 1:13, 15; 2Kh 19:5Āigupta ram hi na makunga a om a. Na pā lē na paruol ngāi chu ram āsa khīta ommun mankhuor ro. Gosen rama ommun khuor u rase. Amāni kāra mī sin anchangrap na riat ten, ka ranruol ngāi ārungpū ruoipūna ama chu sin ro,” a tī na.

7 # 2Sa 14:22; 1Rē 8:66 Zosef-in a pā Zakob chu a hong ruoi a, Faro makunga a manding a. Zakob-in Faro bōr a pēk a. 8Faro'n Zakob a kōma, “Kum ituk mo nā ni zei?” a tī na. 9#Zōb 8:9; Sām 39:4, 12Zakob-in Faro kōma, “Ka khuol anzinna kum chu kum 130 a ni. Ka damsūng kum hi ātōm lē āsiat a ni, amāni khuol anzin u lāia ka pā ngāi ei damsūng nī tuk ngal hong pha u lāi mak a,” a tī na. 10#Aph 14:19; Rūt 2:4Zakob-in Faro bōr a pēk a, Faro makung ātā a suok a. 11#Ant 1:11; Atl 33:3, 5Zosef-in a pā lē a paruol ngāi a man-om a, Āigupta rama dōngluo a pēk a, ram āsa khīt, Rameses ram a pēk a, Faro a chongpēk anga. 12#Aph 50:21Hatuka Zosef-in a pā, a paruol ngāi lē a pā insūngkuo ngāi dōra, a insūngkuo ei tam u ang chipa nēksāk a zon a.

Zosef lē Māitām

13Hava ram pumpuia nēksāk om lāi mak a, asik chu māitām a chul a na sabak a. Hasikhan māitām sika Āiguptā lē Kanān ram pumpui chu a hong āchuoi a. 14#Ant 7:23; Zer 43:9Zosef-in Āiguptā lē Kanān rama sahūm ei hong rachōk una man, sum dōra chu a mankhōm kiar a. Zosef-in sum chu Faro ina a hong chōi a. 15#Ant 16:3Āigupta rama lē Kanān rama sum ahek suole han, Āigupta mī dōra chu Zosef a kōma a hong u na, amānī'n, “Nēksāk na pēk ro, irang mo na makunga nei thi rang? Sum ngāi a hek zei,” a ti u na. 16Zosef-in, “Na sum a lei hek suo u a ni ten, na ran u ngāi na pēk u ro, na ran u ngāi rathūla nēksāk na pēk u ka ting,” a tī na. 17#Ant 14:9Hatuka a ranruol u ngāi Zosef kōma a hong chōi u na. Zosef-in sakor ngāi, beraruol ngāi, sarātruol ngāi lē sakuorpar ngāi rathūla nēksāk a pēk a. Hantin han hava kuma chu a ran u ngāi dōra rathūla nēksāk le han a vāi a. 18#Zer 38:9Hava kum a hong āhek le chu, hanūka kuma Zosef a kōma a hong u na, a kōma, “Koini na sum ei hek suo hi ka puma kōm ātā thup nō ma ni. Na ranruol ngāi um ka pumā'n a dōn zit zei. Na taksā lē na ram rong nōk anten, ka puma mitmūna ītē ānniang om lāi mak. 19Na mit makunga hong sika mo koini lē na ram ei thi rang? Koini lē na ram ngāi chu nēksāk rang sika na rachōk ta ro. Koini lē na ram ngāi chu Faro suok chang in ti. Adama nei om a, nei thi nōkna rang lē ram hi peianchanga ei om nōkna rang, chimurū na pēk ro,” a ti u na.

20Zosef-in Āigupta ram dōra Faro rang a rachōk a. Asik chu Āigupta ram mi ngāi dōrā'n a phāi u a zuor u na, a chung una māitām ei chul ei na sabak sika. Ram chu Faro tā a chang a. 21#Aph 41:48Āiguptā ramrī angkhat tianga ei dongna nātā atei tianga ramrī ei dongna tenpeia, Zosef-in mipui ngāi chu khopui ngāia a hong thot a. 22Chāizūng ngāi ram rong rachōk mak a. Asik chu chāizūng ngāiin Faro kōm ātā chang-āi a man u na, Faro'n nēksāk chang-āi ei pēk a nēk u chachak a, hasikhan a ram zuor u mak a.

23 # Neh 5:3; Isa 55:10 Zosef-in mipui ngāi kōma, “Entā, avian hin nangni lē na ram u ngāi hi Faro ranga kei rachōk a ni. Entā, hivā hin nangni ranga chimuru a om a, phila hin tū u ta ro. 24Sāngāt huna thep rangā na thep khat senga Faro pēk u tānla. Thep rangāna thep manlī chu na tā u rang nī'n tia, phāia chimuru rang, na nēksāk u rang, na insūngkuo u ngāi rang lē na naite ngāi u rang nī'n ti,” a tī na. 25#Aph 33:15Amānī'n, “Nangin koini nei damna na na mazōkpē zei a. Ka pumā'n lungkham na mu sela, Faro suok chang kiar in ti,” a ti u na. 26Zosef-in hava ha Āigupta ram ranga dānphunna a sin a: avian tenpei Faro'n thep rangā nātā thep khat a man a. Chāizūng ngāi ram rong ha Faro tā chang mak a.

Zosef-in Zakob kōma a Chongtinna

27Hankēng Israel chu Āigupta rama, Gosen rama ommun a khuor a. Hava han dōngluo a va dōn u na, marā a dōn a, achālaka a vā pung u na. 28#Sām 105:23Zakob chu Āiguptā-na kum sōmleisari a om a. Zakob a damsūng nī chu kum 147 a ni. 29#Rui 1:24; 2Sa 2:6Israel ei thi rang hun a hong ānāi le chu, a nāipasal Zosef a pāi a, a kōma, “Na mitmūna lungkham kā tung ten, lungkhama, na kut chu ka ketor thuoia ron ro, hatuka adik taka lungkham na mū tānla. Lungkhama Āiguptā-na na phūm nō ro. 30#Ant 13:19; Zos 24:32; Kui 7:15-16Ka pā ngāi bila kā zāl tikle chu, Āigupta ram ātā na ruoi tānla, amāni ei ānphūmna muna na va phūm ro,” a tī na. Amā'n, “Nei tī anga thō ka ting,” a tī na. 31#Zos 2:20; Rui 15:12; 1Sa 24:21; 1Rē 1:47; Heb 11:21Zakob-in, “Ka kōma khomāk ansam ro,” a tī na. Ama chu khomāk ansam a. Hankēng Israel chu zāmun luthun tiang anbok a.

Currently Selected:

Aphutna 47: RNL

Highlight

Copy