Anthokna 8

Ansinsakna Annina: Uichok

1 Zehova'n Mōsi a chongpui a, “Faro kōma sē tān, a kōma hintin hin va ti ro, ‘Zehova'n, “Ka mi ngāi na mansēpē ro, ka dorbō ei ādom una rang. 2#Sām 78:45; Anl 16:13Tenchu amāni ei sē rang na phal nōk ten, entā, na ram pumpui uichok le razīk ka ting. 3Hankēng Nail tidung chu atam sabaka uichok hong bit in ti, hava ngāi ha anthuia na insūnga, nei zālna pingdana, na zāmuna, na suok ngāi insūnga, na mi ngāi chunga, na lungthūna lē anmetna bāngtok ngāi chunga hong lūt u'n ti. 4Na chunga, na mi ngāi chunga lē na suok ngāi chunga uichok hong kal u'n ti,” a tī na.’ ” 5Hatuka Zehova'n Mōsi a kōma, “Aron rang ti ro, ‘Na sunrol ha na kut le han titeva ngāi chunga, tidung ngāi chunga lē tili ngāi dōra chunga na kut phar tānla, Āigupta rama uichok hong manhong ro,’ ” a tī na. 6#Sām 78:45Hankēng Aron-in Āiguptā-na ti ngāi chunga a kut a hong phar a, uichok a hong āsuok a, Āigupta ram pumpuia a sip ziak u na. 7#Mt 24:24Dōikungpū ngāiin um a dōichong u le han havan tin dēn han a thō u na, Āigupta rama han uichok chu a hong masuok u na.

8 # Atl 21:7; 1Sa 12:19; 1Rē 13:6; Zer 42:2; Kui 8:24 Hankēng Faro'n Mōsi lē Aron rang a pāi a, a kōma, “Zehova kōma zongandarna na dōnpē u ro, hankēng ka kōm ātā le ka mi ngāi kōm ātā uichok ei na lākpē rang, mi ngāi chu mansē ka ti, Zehova kōma anbōlna ei va dar una rang,” a tī na. 9Mōsī'n Faro a kōma, “Nang na rang, na suok ngāi rang lē na mi ngāi ranga uichok ngāi dōra chu na kōm ātā lē na in u ngāi ātā ei ānkhāi a, tidunga rong ei om una rang, hova huna mo zongandarna kei thō rang,” a tī na. 10#Dān 3:24; 2Sa 7:22; 1Rē 8:23; 2Kh 6:14; Sām 71:19; Isa 40:18; Zer 10:6; Mik 7:18Hankēng amā'n, “Nangtūk,” a tī na. Mōsī'n, “Na chong anga ni rase, Zehova, koini Pathian anga tūtē om lāi mak tī nei riatna ranga. 11Uichok ngāi chu nang ātā na in ngāi ātā, na suok ngāi ātā lē na mi ngāi ātā ankhāi u'n ti. Tidunga rong om u'n ti,” a tī na 12Hankēng Mōsi lē Aron chu Faro a kōm ātā a suok u na. Faro chunga Zehova'n uichok ei hong manhong ruia Mōsi chu zār a zong a. 13#Zak 5:16-18Zehova'n Mōsi a chong anga a thō na. In ngāi ātā, kholāi ngāi ātā lē phāi ngāi ātā uichok ngāi chu a thi u na. 14A rasuong una munkata a manbung u na, a ram chu a thū na. 15#Chp 8:11Tenchu Faro'n ei hong zāng bet a hong mū na, Zehova'n ei tī anga, a malung mankhir a, amāni chu lei tel mak a.

Ansinsakna Anthumna: Rik

16Hankēng Zehova'n Mōsi a kōma, “Aron kōma ti ro, ‘Na sunrol chu phar tān, phila philvut chu razīk ro, Āigupta ram pumpui rik ei hong changna rang,’ ” a tī na. 17#Sām 105:31Amānī'n hantin han a thō u na. Asik chu Aron-in a sunrol le a kut aphara phila philvut chu a razīk a, hatuka miring chunga lē ran chunga rik a hong āchang a. Āigupta ram pumpuia phila philvut dōra rik a hong āchang a. 18#Dnl 5:8Dōikungpū ngāiin um a dōichong u ngāi le rik ansuok ranga a thō u na, tenchu thō thei u mak a. Hasikhan, miring lē ran ngāi chunga rik a om a. 19#1Sa 6:9; Neh 9:6; Sām 8:3; Lk 11:20Hatuka dōikungpū ngāiin Faro a kōma, “Hiva hi Pathian kutmaria kēng,” a ti u na. Tenchu Zehova'n a lei tī anga, Faro malung ankhir riam a, Faro'n amāni rang lei tel mak a.

Ansinsakna Manlina: Mathui

20 Zehova'n Mōsi a kōma, “Zīnga anthui tānla, Faro chu ti kōla a hong le, a makunga vā'n ding ro. Hatuka a kōma, ‘Hintin hin Zehova'n hintin a ti, “Ka dorbō ei ādom una rang, ka mi ngāi mansē ro. 21Hanōkten chu, ka mi ngāi na mansē ving nōk ten, entā, na chunga le na suok ngāi chunga, na mi ngāi chunga le na in ngāia, mathui ruol tamtak hong tīr ka ting. Āiguptā mi ngāi in ngāi dōrana lē ei ānding una phil dōrāna um mathui bit in ti. 22#Dān 4:20; 1Rē 8:36; Zōb 36:11; Sām 33:12; Mal 3:17Ha nikhuona ka mi ngāi ei om una Gosen ram chu khāibing ka tia, hava han mathui ruol ngal ei om nōkna rang, phil chunga hin koi kēng Zehova kā ni tī na lei riattheina rang. 23Na mi ngāi lē ka mi ngāi kongkāra anteina sin ka ting. Nangtūk hiva sinsiana chu nī'n ti,” ’ va ti ro,” a tī na. 24#Sām 78:45Hantin han Zehova'n a thō na. Faro ina lē a suok ngāi ina lē Āigupta ram pumpuia mathui ruol atampā chu a hong ālūt a. Mathui ruol sika ram chu a siat sabak a.

25Hatuka Faro han Mōsi lē Aron a pāi a, a kōm u a, “Sē u tān, hiva ram sūnga hin na Pathian kōma anbōlna va dar u ro,” a tī na. 26#Aph 43:32Mōsī'n, “Hantina āthō ha ādik ni mak, asik chu Zehova koini na Pathian kōma anbōlna nei dar rang hi, Āiguptā mi ngāi ranga antīr aruoi kēng. Āiguptā mi ngāi mit makunga antīrruo anbōlna na dar ten, amānī'n lung le na dēng u nō ni mo? 27#Aph 30:36Mibuirama ni anthum kal chōināna sē in tia, amā'n chong ei na pēk anga, na Zehova na Pathian kōm anbōlna va dar in ti,” a tī na. 28#Zer 37:3; Kui 8:24Hankēng Faro'n, “Na mansē u ka ting, mibuirama na Zehova na Pathian kōma anbōlna nei va dar una rang, ala sabaka rong sē u nō ro. Ka ranga na zongpē u ro,” a tī na. 29#Isa 26:10Hatuka Mōsī'n, “Entā, na kōm u nātā suoka sē ka ting, Zehova kōm na zongpē ka ti, nangtūka Faro a kōm ātā a suok ngāi kōm ātā lē a mi ngāi kōm ātā mathui ruol ei ānkhāi theina rang. Tenchu Faro'n mi ngāi Zehova kōma anbōlna dar rang ānsē nōk ranga chu huong viak lāi nō rase,” a tī na. 30Hankēng Mōsi chu Faro kōm ātā a sē na, Zehova kōma a va zong a. 31Zehova'n Mōsi a chong ang taka a thō na. Amā'n Faro kōm ātā a suok ngāi kōm ātā lē a mi ngāi kōm ātā mathui ruol ngāi a khāipē na. Angkhat ngal anniang mak a. 32Tenchu Faro'n hiva hunā'm a malung a mankhir riam a. Mi ngāi um amā'n mansē mak a.

Currently Selected:

Anthokna 8: RNL

Highlight

Copy