Anthokna 24

Thisen Dānkhitna

1 # Ant 6:23; 19:24; 28:1; Lev 10:1-2; Atl 11:16 Hatuka amā'n Mōsi a kōma, “Nang lē Aron, Nadab lē Abihu lē Israel-a pātar 70 ngāi chu Zehova kōma hong kal u tān, ālāpā nātā hong biak u ro. 2#Atl 12:6-8Mōsi rong atheia Zehova kōla hong rase, tenchu amāni chu hong nāi u nō rase, mipui ngāi um a bila va kal u nō rase,” a tī na.

3 # Ant 19:8; 24:7; Dān 5:27; Zos 24:24; Gal 3:19 Hankēng Mōsi chu a hong a, Zehova chongkam ngāi dōra lē a dāndet ngāi dōra chu mipui ngāi kōm a hong ril a. Mipui ngāiin chongbāi khata, “Zehova'n ei ti ngāi dōra, koinī'n thō kiar in ti,” tīna a masang u na. 4#Aph 8:20; 28:18; Ant 17:14-15; 34:27; Dān 31:9Mōsī'n Zehova chongkam ngāi dōra a maziak kiar a. Ārkhuona anthui a, muolpui kōla māichām a va sin a, Israel nam sōmleianni ang chipa lung sōmleianni a phun a. 5#Aph 31:54; Ant 18:12; Lev 1:3Amā'n Israel nāi ruothar ngāi chu a tīr a. Amānī'n hālbiang dāli lē anngoina dāli chu anbōlna ranga sarāttang ngāi chu Zehova kōma a dar u na. 6#Lev 1:11; Sām 99:6; Mt 26:28; Heb 9:18Mōsī'n a thisen ānbāk chu a lāk a, bāngtoka a rē na, ānbāk chu māichām chunga ā thek a. 7#Ant 24:3-4; 2Rē 23:2, 21; Zer 40:3; Heb 9:19Hatuka Dānkhit Lekhabū chu a lāk a, mipui ngāi riata a siar a. Amānī'n, “Zehova'n ei ti ngāi dōra thō kiar in ti, tel kiar in ti,” a ti u na. 8#Lev 26:3; Dān 5:2-3; Zer 11:4, 8; Zek 9:11; Mt 26:28; Mk 14:24; Lk 22:20; 1Ko 11:25; Heb 9:19-20; 13:20Mōsī'n thisen a lāk a, mipui ngāi chunga ā thek a, amā'n, “Entā, hiva hi dānkhit thisen, Zehova'n hiva chongkam ngāi anga dānkhit ei na sinpui u chu a ni,” a tī na.

Muolpui Chunga Pathian le

9 # Ant 24:1 Mōsi chu Aron, Nadab, Abihu lē Israel-a pātar 70 ngāi le a kal u na. 10#Aph 16:13; Ant 24:11; Atl 12:8; Zōb 28:16; Isa 6:5; 54:11; Izk 1:26; 10:1; Zn 1:18; 6:46; Anl 4:3Israel ngāi Pathian chu a mū u na. A kē thuoia han lungluvārdum ānsin suo ang a om a, ei ānthiangzia chu anvān ang a ni. 11#Aph 16:13; 32:30; Ant 24:10; Izk 44:3; Mt 26:29Tenchu Israel nāi milian ngāi chunga amā'n a kut alāng mak a. Hankēng Pathian chu a mū u na, amānī'n anēka a buong u na.

12 # Ant 31:18; 32:15; Dān 4:13; 5:22; 2Ko 3:3 Hatuka Zehova'n Mōsi a kōma, “Muolpuia ka kōm hong kal tān, hava han lei om ro. Lungpēk ngāi, dān lē chongpēk kei maziak suo ngāi chu amāni nei manchūna rang, na pēk ka ting,” a tī na. 13#Ant 3:1; 17:9-14; 33:11Hankēng Mōsi chu āsanpū Zosua le anthui u na, Mōsi chu Pathian muolpuia, a kal a. 14#Aph 22:5; Ant 17:10, 12Amā'n pātar ngāi kōma, “Na kōm u na, na hong ākīr rēt māseng, hiva hin na lei ngāk u ro. Entā, Aron lē Hur chu na bil una a om a. Tūkarengin anpōnna a dōn ten, amāni kōm sē rase,” a tī na.

15 # Ant 19:9; Mt 17:5 Hatuka Mōsi chu muolpuia a kal a, ansūmin muolpui chu a dār khap a. 16#Ant 16:10; Lev 9:23; Atl 14:10; Sām 99:7; Izk 8:4Zehova ei ānlianna chu Sinai Muolpui chunga a om a, ansūmin hava ha nī ruk a dār a. Ni sari changna nikhuona amā'n Mōsi chu ansūm kār ātā a kui a. 17#Ant 3:2; Dān 4:24; 9:3; Izk 1:28; Heb 12:18, 29Israel ngāi mitmūna Zehova ei ānlianna chu muolpui sīpa moiin ei liei ākāng anga anlang a. 18#Aph 7:4; Ant 34:28; Dān 9:9; 10:10; 1Rē 19:8; Mt 4:2Hankēng Mōsi chu ansūm lāia a vā lūt a, muolpuia, a vā kal a. Mōsi chu sūn 40 lē zān 40 muolpuia a vā om a.

Currently Selected:

Anthokna 24: RNL

Highlight

Copy