Anthokna 22

Dōngluo Ruia Dān

1 # Lev 6:1-7; 2Sa 12:6; Chn 6:30-31; Lk 19:8 “Mī'n sarāttang khat mo ole bera khat mo a maruk a, ei that mo ole ei zuor mo a ni ten, sarāttang khat rathūla sarāttang rangā lē bera khat rathūla bera manlī le ei thuon rang. 2#Atl 35:27; Zōb 24:16; Zer 2:34; Hos 7:1; Mt 6:19-20; 24:23; 1Pe 4:15Anrū chu anru lāi andēna, ama chu anzēm sika a thi ten, a thisen ei suok sika siatanlōna om nō ni. 3#Mt 18:25A chunga anī a suok suona a ni ten, a thisen suok sika siatanlōna om in ti. Akip achanga ei thuon rang nāng in ti. Amā'n ītē a dōn nōk ten, ei ānru sika ama chu ei ānzuor rang nāng in ti. 4#Aph 43:12; Ant 22:7; 1Sa 12:5Ei maruk ngāi, sarāttang mo ole bera mo anru kuta adama anmū ten, amā'n thep anni le ei thuon rang a ni.

5“Mī'n a ranvāi a mazōk a, mī luia mo ole theirapom rahuona mo a mansāk ten, ole a ranvāi chu ei mazōk a, mī luia a mansāk ten, amā'n a lui asa khīt ātā lē a theirapom rahuon asa khīt ātā ei thuon rang a ni.

6 # Rui 15:5 “Moi anzōt a, raling bila a va kāi a, hankēng samūt mo, bukung ānding mo ole phāi pumpui mo kāng sela, āhālpū'n ei thuon ngēt rang a nāng.

7 # Aph 43:12; Lev 6:1-7 “Mī khatin a inkōlmī kōma sum mo ole neinun mo āsiak ranga a pēk a, hava mī a in ātā anruka om a, hatuka hava anrū ha andē ten, amā'n thep annīna ei thuon rang. 8#Ant 22:8-9, 28; Dān 17:8-9; 19:17; 25:1Hava anrū ha andē nōk ten, a inkōlmī neinun chunga a kut ei ānchel lē ei ānchel nōk ei āndangna rang, in puma chu ruirilpū ngāi kōma ei hong ānruoi rang.

9 # Dān 25:1 “Neinun anchū anpōn angkhat pei ruia, sarāttang, sakuorpar, bera, puon mo ole mī khatin ka tā ei ti neinun anpei angkhat pei ruia, ruirilpū ngāi matona aninīn u ei hong u rang. Ruirilpū ngāiin āsia ei manlō u tak pū hān a inkōlmī kōma thep annīna ei thuon rang.

10“Tū khatin mo a inkōlmī kōma sakuorpar mo, sarāttang mo, bera mo ole ran angkhat pei mo a ni, āen ranga a pēk a, āthī mo ole bē pēl mo ole ānzūl viak mo a ni, tūtē'n hava ha a lei mū nōk ten, 11#Lev 6:3; 2Kh 6:22; Heb 6:16a inkōlmī neinun chunga kut ei ron nōk tī ei ānthiangna ranga, Zehova matona khomāk ansamna chu aninīn u kongkāra om rase. Hava ha ran pumā'n pom rase, amā'n thuon lāi nō ni. 12Tenchu ataktaka, a kōm ātā a lei ānruk a ni ten, a puma chu ei thuon rang nāng in ti. 13#Aph 31:9Hava ha ramsā'n lei āpot chit sela, andangna rang hava ha hong chōi rase, anpot chit sika amā'n thuon lāi nō ni.

14“Mī'n a inkōlmī kōm ātā angkhat pei a pūk anten, a puma a bui kāra apop aliam a, a thi ten, amā'n ei thuon ngēt rang. 15#Lev 19:13; Zōb 17:5Tenchu a puma a bila aoma ānlō ranga āhong a ni ten, ānlō ranga ei hong ei ni sika a thuon nang nō ni.

Nunchang lē Pāntā Dān Ngāi

16 # Aph 34:12; Dān 22:28-29 “Pasalin nungāk anthiang lā'n huol lui chu thēmōla a zālpui ten, a thāinū ranga nupang man chu ei pēk ngēt rang. 17#Aph 34:12; 1Sa 18:25Nupang a pā'n a nāinupang āpēk rang a phal thak nōk ten, nungāk anthiang aman tuk pēk rase.

18 # Lev 19:26, 31; 20:6, 27; Dān 18:10-11; 1Sa 28:3; 2Kh 33:6; Isa 57:3; Zer 27:9-10 “Nupang dōithei chu ādam ranga phal nō ro.

19 # Lev 18:23; 20:15-16; Dān 27:21 “Ran a zālpui tak chu ei ānthat ngēt rang.

20 # Ant 32:8; 34:15; Lev 17:7; Atl 25:2; Dān 17:2-3, 5; 1Rē 18:40; 2Rē 10:25 “Zehova kōma rong nōka pathian atei kōma ānbōl tak chu, ama chu ānsiat biang ranga ei andar rang.

21 # Ant 23:9; Lev 19:33-34; 25:35; Atl 15:14; Dān 1:16; 10:19; 27:19; Izk 22:29; Zek 7:10 “Mēlriatnōk chunga pēngsōm thō nō ro, sinsak um nō ro, asik chu nangnī'm Āigupta rama khuola mī kēng na lei ni u. 22#Dān 10:18; 24:17-18; Chn 23:10-11; Zer 7:6-7; Zek 7:9-10; Mal 3:5; Zak 1:27Arōng mo ole pābui nāi mo, a dūk manna u nō ro. 23#Dān 10:18; 15:9; Zōb 34:28; 35:9; Sām 10:14, 17-18; 18:6; 68:5; Lk 18:7; Zak 5:4Amāni chu a dūk na manna ving u na, ka kōm a hong āchap u ten, ei chap una chu lei rangāipē u ka ting. 24#Sām 109:2, 9; Cha 5:3Ka taksitna chu hong lum in tia, khendāi le na that u ka ting. Na thāinū u ngāi chu arōng chang u'n ti, na nāi u ngāi chu pā buia om u'n ti.

25 # Lev 25:35-37; Dān 15:7-11; 23:19-20; Neh 5:7, 10; Sām 15:5; Izk 18:8 “Nangin ka mi ngāi na bil una āom ānriang ngāi sum na manpūk u ten, sumpūk ānpungpū anga ni u nō ro. Sumzīk a kōm ātā lāk nō ro. 26#Dān 24:6, 10-13; Zōb 24:3; Chn 20:16; Izk 33:15; Am 2:8Na inkōlmī puon thūlkhāp anga na lāk ving ten, hava ha a ni lūt mān nei makhīr rang. 27#Ant 22:23; 34:6; 2Kh 30:9; Neh 9:17Asik chu hava rong ha ansil ruo ei dōn, avun ei āthuom na chu a ni. Honga mo ei zāl rang? Ama chu ka kōma a hong āchap ving ten, lei rangāi ka ting, asik chu lungkhampū kā ni.

28 # Lev 24:15-16; Sām 102:8; Chp 10:20; Kui 23:5 “Pathian chu nei āngō rang ni mak. Na mi ngāi ruirilpū'm khomāk sam nō ro.

29 # Ant 13:2, 12; 23:16, 19; Atl 18:13; Dān 18:4; 26:2-11; 1Sa 6:3; Chn 3:9 “Na anna marā āmin mānsa lē a ningti ngāi ādar ranga nei uk rang ni mak. Na nāipasal rapa ngāi chu nei na pēk rang. 30#Aph 17:12; Lev 12:3; 22:27; Dān 15:19Havan tin dēn han, na sarāttang ngāi lē na bera ngāi chunga nei thō rang. Havan tin han a nū bila ni sari om in tia, nī ariatna han koi nei na pēk rang.

31 # Ant 19:6; Lev 7:24; 11:44; 17:15; 19:2; Izk 4:14 “Nangni chu ka ranga mī ānthiang ni u ro: khonōma ramsā'n ei set mē chu sāk u nō ro. Hava chu ui ngāi kōma nei pei u rang a ni.

Currently Selected:

Anthokna 22: RNL

Highlight

Copy