Thesalonika 2na 2
2
Dān Ākhēlpū
1 #
Mk 13:27; 1Th 4:15-17 Koini na Puma Isuo Khristā ei hong rētna le ama bila munkhata nei ānchunna ruia andon ranga ūnāi ngāi atun nei na mathēm a ni. 2#1Ko 1:8; 2Ti 2:18Khristā nikhuo chu āhong kēng a ni zei, tī hi rathā mo a ni, miring chong mo ole koini na lekhamathuon mo, ītē rengin na malung u sōkmanchā nō rase, manbuoi um nō rase a tī na nei mathēm. 3#Mt 24:10; Mk 13:5; Anl 13:5-6Angkhat pei sika tūtē'n na huong pial u nō rase. Asik chu hava nikhuo ha Pathiana chongtak ātā aselna hong suok mānsa in ti, hava suole han Āsia āthōpū, anpei rang ngala nāi ha a hong āsuok māseng chu hava ha hong tung nō ni. 4#Isa 14:13-14; Izk 28:2; Dnl 11:36; 1Ko 8:5Ama chu Pathian tā nei ti ngāi dōra lē Pathian biakna lampui ngāi dōra dui in tia, hava ngāi dōra chunga ama chu ansānga anbē in ti. Ha rong ha la ni mak, ama chu Pathian biak-ina kēng Pathian anga ansuta Pathian kā ni ei ānti rang a ni. 5#1Th 3:4Nangni ngāi bila kā om lāi han hiva ngāi dōra hi kei na ril u a ni, hava ha na malung una riat u mak che mo? 6Ama a hun taka ei hong ānlangna ranga atun hin ākhār angkhat a lā om ti rui ha na riat u na. 7Asik chu dān ākhēlpū chong anthup rui chu atunlāi tak um sin ei thō chian a lā nī na. Tenchu hava ākhārpū a khāi māseng chu ei la khār chian rang a lā nī na. 8#Isa 11:4; Lk 17:30; Anl 2:16Hava tika han dān ākhēlpū chu hong anlang in ti, hatuka Puma a bāia thīnthī le ama chu hong hāl in ti, anlianna le ei hong a, ama chu hong pei in ti. 9#Mt 4:10; 24:24; Zn 4:48; Anl 13:13Hatuka ama chu a hong tika Setan a ninga ei rātna ngāi ang taka, milak sinsiana ngāi dōra lē boidongkhap sin ngāi dōra hong thō'n ti. 10#Chn 3:17-19; 1Ko 1:18Hanūk chu anpei ranga om ngāi bil ātā dikluina tin rēnga anhuongna le han hong in ti. Asik chu amāni sandamna ranga chongtak anditna ha ei poisak u nōk sika anpei u'n ti. 11#Mt 24:5; Mk 13:5; Rōm 1:25, 28Hasikhan milak ei iam una ranga Pathianin amāni bila anhuongna ranak arāt khat ei hong manhong a ni. 12#Rōm 1:32Hasikhan chongtak iam u mak, tenchu ādik nōk tianga rāi ei mansān u sika alom una āsia anlōna u'n ti.
Pumāna Adettita om
13 #
Rōm 1:8; Efe 1:4; 1Th 5:9; 1Pe 1:2 Pumā'n ei madit ūnāi ngāi, nangni ranga Pathian kōma rāisānchong aril babang hi nei nāng a ni, asik chu Pathianin aphut ātā anā'n thiang thei Rathā lē chongtaka iamna le han sandama nei om thei una ranga anthang kēng nā ni u. 14#Rōm 8:28; 1Th 1:5Hiva sik taka hin koini na Puma Isuo Khristā ei lianna āchang ranga koini na thangahuia amā'n ei na pāi u a ni. 15#1Ko 16:13Hasikhan ūnāi ngāi, angīrtita om u ro, hanūk chu koini na mūra chong le mo koini lekhamathuona anchūna rachī ngāi ha sūrtit u ro.
16 #
Zn 3:16; Fil 4:20 Hatuka chu koini na Puma Isuo Khristā ngēt le koini na Pā Pathian, a nā'n dit le a lungkhamna sika tāituon phūkdāina le ansabeina āsa anā pēkpū a ni. 17#1Th 3:2; 2Th 3:3Amā'n na malung sūng una lungngamna na pēk u rase, hanūk chu sin āsa le chong āsa tin rēnga na mandet tir u rase.
Bible in Ranglong, © Bibles International, the Bible society of Baptist Mid-Missions, 2024.