Samuel 2na 2
2
Zuda Chunga Rēng Ranga David Lāisānkhērna
1 #
Aph 13:18; 1Sa 23:2, 11-12 Hava suona han hintin hin a nī na, David-in Zehova kōma, “Zuda khopui ngāi kāra angkhat peia hin kei va kal rang mo?” tīna, a rakel a. Zehova'n a kōma, “Va kal ro,” a tī na. David-in, “Hovan mo kei va kal rang?” a tī na. Amā'n, “Hebron-a,” a tī na. 2#1Sa 25:42-43Hankēng David chu hava han a vā kal a, a thāinū anni ngāi, Zezreēl mī Ahinoam le Kārmel mī Nabal a thāinū Abigail ngāi um a vā kal u na. 3#Aph 13:18; 1Sa 27:2; 30:31; 1Kh 12:22David-in ama bila om mi ngāi um, mitin a insūngkuo ngāi le han a ruoi a. Hankēng amāni chu Hebron khopuia ommun a khuor u na. 4#Rui 21:8; 1Sa 31:11-13; 1Kh 12:23-40Hava muna han Zehudi mi ngāi chu a hong u na, hava han David chu Zuda insūngkuo chunga rēng ranga lāisā a khēr u na.
Amānī'n David a kōma, “Zabes Giliad mi ngāi ha Saul āphūm ngāi chu a ni u,” a ti u na. 5#Rūt 2:20; 1Sa 23:21; 2Ti 1:16Hantin han David-in Zabes Giliad mi ngāi kōma palāi a tīr a, a kōm u na, “Zehova'n bōr na pēk u rase. Asik chu nangnī'n na pū Saul a chunga hiva lungkhamsāltī hi na lei manlang u na, na lei phūm u na. 6#Ant 34:6Hantin han Zehova'n na chung una a lungkhamsāltī le atak chu manlang rase. Hiva neinun na lei thō u sika koiin um na chung una lungkhamsāltī manlang ka ting. 7#Zos 1:6Hasikhan atun hin, na kut u ngāi chu ranakaneia om rase, hatuka arānga om u ro. Na pū Saul chu a thi zei a, Zuda insūngkuo'n a chung una rēnga lāisā a na khēr u zei a,” a tī na.
Isboset Israel Rēng ei Hong Changna
8 #
Aph 32:2; 1Sa 14:50; 1Kh 8:33 Tenchu Ner a nāipasal Abner, Saul a sipai ruoipū'n Saul a nāipasal Isboset chu Mahanaim-a a hong ruoi a. 9#Atl 32:25-26; Zos 19:24-31; 1Kh 12:29Amā'n Isboset chu Giliad chunga, Asur mi ngāi chunga, Zezreēl chunga, Efraim chunga, Benzamin chunga lē Israel dōra chunga rēnga a phun a. 10Saul a nāipasal Isboset chu Israel chunga āvong a phut lāi han kum 40 a ni. Ama chu kum anni a vong a. Zuda insūng rongin David a zī u na. 11David-in Hebron-a Zuda insūng chunga ei vong hunsūng chu kum sari lē thā ruk a ni.
Israel lē Zuda Rālkāpna
12 #
Zos 9:3
Ner a nāipasal Abner lē Saul a nāipasal Isboset a suok ngāi chu Mahanaim ātā Gibeon-a a sē u na. 13#1Rē 1:7; 1Kh 2:16Zeruia a nāipasal Zoab lē David a suok ngāi chu a suok u na, Gibeon tīndīl kōla a hong āntongpui u na. Amāni chu ansut u na, angkhat chu tīndīl hin tiang kāng ansuta lē angkhat chu tīndīl son tiang kānga ansut a. 14Abner-in Zoab a kōma, “Ruothar ngāi chu anthui u sela, koini matona an-ēng u rase,” a tī na. Zoab-in a kōma, “Amāni chu anthui u rase,” a tī na. 15Amāni chu anthui u na, antel rapa a sē u na. Saul a nāipasal Isboset a zī ngāi Benzamin ātā mī sōmleianni, David a suok ngāi ātā mī sōmleianni chu anthui u na. 16#Rui 3:21Mi tinin ei ānēngpui ngāi chip chu a lū una a sūr rap u na, ei ānēngpui u ngāi chip chu a vit u na. Hantin han amāni chu munkhata anlet u na. Hasikhan hava mun chu Helkat Hazurim#2:16 Helkat Hazurim: “Khendāi āngei phāi” tīna a ni. tīna anpāi a. Hava ha Gibeon a ni. 17Hantin han hava nikhuona han anduina lian sabak a om a. David a suok ngāi matona Abner le Israel mi ngāi chu andōka om u na.
18 #
1Sa 26:6; 1Rē 1:7; 1Kh 2:16; 12:8; Chn 6:5; Sol 2:9 Zeruia a nāipasal anthum, Zoab, Abisai lē Asahel ngāi chu a om u na. Asahel chu rama azuk anga ānchar a ni. 19Asahel-in Abner a razūl a, voi tiang mo ole chang tiang mo en luia Abner a nūk chu a razūl a. 20Abner chu nūk tiang anhoia a en a, “Asahel mo nā ni?” a tī na. Amā'n, “Kā ni,” tīna, a masang a. 21Abner-in a kōma, “Na chang tiang mo ole na voi tiang mo anhoi tānla, ruothar ngāi angkhat pei sūr tān, na ninga rang rālraliang chu lāk ro,” a tī na. Tenchu Asahel-in ama ei razūl ātā pēt zōt mak a. 22Abner-in Asahel a kōma, “A nā'n zūl ātā pēt ta ro. Hong sik mo phila kei na razīk ving rang? Hontin mo na paruol Zoab a mēl kei mū rang?” a tī na. 23Hanum ni sela, āpēt rang zōt mak a. Hasikhan Abner-in ama chu a seipēr amol le han a vona a vit a, a seipēr chu anūk tiang a hong āsuok ving a. Ama chu hava han anlet a, a thī na. Hantin han, Asahel ei ānlet a, ei thina muna āhong dōra chu a lā'n ding u na.
24Zoab le Abisai-in um Abner a razūl u na. Amāni chu Gibeon mibuiram panna lampui kōla, Gia matona Amma muola, a hong ātung u han, anī ālūt rang a ni zei a. 25Benzamin a nāi ngāi chu Abner a nūka munkhata anbūm u na, phom khat a chang u na. Amāni chu tāngsīp khata a lei ānrīn u na. 26#Dān 32:42; Zer 46:10, 14; Nah 2:13Abner-in Zoab a pāi a, “Tāituona khendāiin ei nā vol rang mo? Nūka hiva hi a hek tika chu ei la kha rang kēng tī hi riat mak che mo? Hotuk asōt mo na mi ngāi chu a paruol ngāi ānzūl lāi nōk ranga, ākīr ranga nei ril rang?” a tī na. 27Zoab-in, “Hiva hi lei ti nō tānla chu, Pathian ei damna le hin kei sāl a ni zei, nangtūk zīng tena chu mi ngāiin a paruol ngāi ānzūl chu mong u zei ni ba,” a tī na. 28#Rui 3:27Hankēng Zoab-in tōtorōt a tum a, mi ngāi dōra chu anding chūt u na, Israel ngāi chu razūl u lāi mak a, ādui um dui u lāi mak a.
29 #
Aph 32:2
Hatuka Abner le a mi ngāi chu zānsōt phāizōla kal a chōi u na, Zordan chu a rakān u na, Bitron pumpui a pal u na, amāni chu Mahanaim-a a hong u na. 30Hantin han Zoab-in Abner ānzūl ātā a hong ākīr a. Amā'n mi ngāi dōra chu munkhata a hong būm le chu, David a suok sōmleiakuo le Asahel chu ansam u na. 31Tenchu David a suok ngāiin Benzamin lē Abner a mi ngāi chu 360 a that u na. 32#Aph 49:29Hatuka amānī'n Asahel chu a chōi u na, Betlehem-a a pā thāna a phūm u na. Zoab le a mi ngāi chu zānsōt kal a chōi u na, khuovār le Hebron a hong ātung u na.
Bible in Ranglong, © Bibles International, the Bible society of Baptist Mid-Missions, 2024.