ENEWH TITUSUN 2
2
1Keen dush kekedoon enewh uhyeëen dabandahgwukkin emuh quuhyuk kuhgequawining.
2Egewh uhkewanzeyug chenesahdezewaud, chenebwahkahwandahgoozewaud, agauj cheweekoojetoowaud oomah uhkeeng duhzhe uhyeëen, chequuhyuk‐wandahgoozewaud emuh dabwayanduhmoowining, emuh sahgeëdewining, emuh shuhsheebanduhmoowining.
3Kuhya egewh mindemooyaüg kegahenaug cheëzhewabezewaud kaëzhewabezewahpun pahnezejig equawug, kahween tahkuhkenuhwishke‐bahtaungasewug, kahween oogahmenequasenahwah nebewah shoowemin‐ahboo, tahkekenooähmahgawug wanisheshingin kekenooähmahdewinun;
4Chekekenooähmahwahwaud enewh ooshkenegequan chenebwahkahnid, chesahgeähnid enewh oonahbamene, chesahgeähnid enewh oonejahnesene.
5Chenebwahkahnid, chepeenezenid, chepezaun‐ahyahnid emuh andahnid, chemenoo‐ezhewabezenid, chenuhittahwahnid tebenuhwa oonahbamene, chemujje‐duhzhinjegahdasenoonig oodekedoowin owh Kesha‐Muhnedoo.
6Kuhya goo kegahenaug egewh ooshkenuhwag, chenebwahkahwaud.
7Ahnooj edush enewh uhyeëen wahbunduhewan tebenuhwa keyow chekekenoowahbuhmegooyun ewh ahnookeetuhmun wanisheshingin ahnookeewinun emuh kekuhgequawining bahnahjetoosewun ewh dabwawin, chenebwahkahwandahgoozeyun, chenetuh‐dabwayun.
8Cheminwandahgwuk kedekedoowin, kamujje‐duhzhinchegahdasenook; owh dush ween wahdookahzood emuh puhkaun ezhetwahwining cheähgujjed, kagoo ahyaunsig kamujje‐duhzheminagoobun.
9Ahyaungwahmim egewh bameetahgajig chenuhittahwahwaud enewh tebenuhwa oodoogemahmewaun, kuhya cheminwanduhmeähwaud kuhkenuh enewh uhyeëen menik egoowaud enewh, cheähzhittamahsigwah;
10Kahween tahkeemoodeesewug, oogahwahbundahewanahwaun kuhkenuh ahyaungwahmezewin; chepeshegandahgootoowaud ewh ookuhgequawin Kesha‐Muhnedoo Bamahjeënung oonje kuhkenuh oodezhechegawinewah.
11Ewh mahween ooshahwanjegawin owh Kesha‐Muhnedoo wanje‐bemahjeïndwah kuhkenuh enenewug, ahzhuh kepenahgwud,
12Oo‐oo ezhekekenooähmahgooyung cheähgoonwayanduhmung mujje‐ezhewabezewin, kuhya oomah uhkeeng duhzhe mujje‐nunduhwanduhmoowinun, chenebwahkah‐bemahdezeyung, kuhya quuhyuk chebemahdezeyung, kuhya chebuhmeetuhwung Kesha‐Muhnedoo oomah uhkeeng;
13Nunduhwanduhmung ewh shawandahgwuk ahpanemoowin, kuhya ewh pashegandahgwudenig oopenahgoozewin owh Kache‐Kesha‐Muhnedoowid kuhya Bamahjeënung Jesus Christ,
14Owh kahpuggedenedezood kenuhwind oonje, chewabenuhmoonung kuhkenuh mujje‐ezhewabezewinun, chepeeneäud enewh ween katebanemahjin oodahnishenahbamun, chekeche‐minwawezenid emuh menoo‐ahnookeewining.
15Kuhgequan oonoo uhyeëen, kuhya ezhekuhgaundwan, kuhya nuhneebikim egewh maje‐ezhewabezejig emuh kuhkenuh kushkeäwezewining. Kahween ahweyah kegahneshebahpenoodahgoose.
Currently Selected:
ENEWH TITUSUN 2: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
