ROMANUN 16
16
1Kedenenim chemenoo‐doodahwag owh Phebe kedahwamahnaun, bameetung ewh anuhmeähwin ewede Cencreäïng:
2Cheöodahpenag oonje owh Tabaningad, kadoodahdewahpun egewh anuhmeähjig, chenahduhmahwag dush wagoodoogwan wahenuhnookeegwan: kuhya ween oogenahdahmahwaun nebewah, kuhya goo neen ningenahdahmaug.
3Anuhmekahwik Priscilla kuhya Aquila egewh wahdookahwejig emuh Jesus Christing:
4Egewh kahpuggedenuhmoowaud tebenuhwa ooquagunewaun oonje ewh nebemahdezewin: nemahmooyahwahmaug, kahween neen atuh, egewh suh kuhya kuhkenuh anuhmeähjig mayuggezejig.
5Ahnuhmekahwik kuhya egewh anuhmeähjig mahyahwunjeëdejig emuh oowegewaumewaung. Ahnuhmekahwik owh suhyahgeüg Epinetus, owh netum kahdabwayanemaud enewh Christun ewede Achaiaïng.
6Ahnuhmekahwik owh Mary kahkeche‐ahnookeetuh-weyummingid.
7Ahnuhmekahwik Andronicus kuhya Junia, egewh anuhwamugig kuhya kahweejewugig kekebahquahegahzooyaun, egewh kachetwahwandahgoozejig Apostleüg, egewh kuhya kahdebandahgoozejig emuh Christing chepwah neen debandahgoozeyaun.
8Ahnuhmekahwik owh Amplias sahyahgeüg emuh Tabaningang.
9Ahnuhmekahwik owh Urban wahdookoonung emuh Christing, kuhya Stachys suhyahgeüg.
10Ahnuhmekahwik owh Apelles manwanemegood enewh Christun. Ahnuhmekahwik egewh dabandahgoozejig emuh Aristobulus oowegewauming.
11Ahnuhmekahwik owh Herodian nindenuhwamahgun. Anuhmekahwik egewh dabandahgoozejig emuh oowegewauming owh Narcissus, dahyabwayanemahjig enewh Tabaninganejin.
12Ahnuhmekahwik Tryphena kuhya Tryphosa, anookeetahwahjig enewh Tabaninganejin. Anuhmekahwik owh sahyahgeïnd Persis, kache‐ahnookeetuhwaud enewh Tabaninganejin.
13Ahnuhmekahwik Rufus kahwuhwanahbuhmind emuh Tabanemenung, kuhya oogeen, me owh kuhya neen wageemug.
14Anuhmekahwik Asyncritus, Phlegon, Hermas, Patrobas, Hermes, kuhya egewh wejekewaëmaug wahjewahjig.
15Ahnuhmekahwik Philologus, kuhya Julia, Nereus, kuhya oodahwamaun, kuhya Olympas, kuhya kuhkenuh anuhmeähjig wahjewahjig.
16Ahnuhmikoodahdik mamashquaud oojindeyag ewh pahnuk oojindewin. Kuhkenuh wahdookahzoojig emuh oodahmuhmeähwining owh Christ kedahnuhmekahgoowaug.
17Benuh dush kepahgoosanemenim nejekewaëdoog, chekekenoowahjeägwah egewh wazhetoojig pukkaëdewinun kuhya wuhsittahwanindewinun bahnahjetoowaud ewh kuhgequawin kahkuhgekemegooyag: mewishkahwik dush.
18Egewh muh oo‐oo azhewabezejig kahween oobuhmeetahwahsewaun enewh Tabanemenung Jesus Christ, oobuhmeetahnahwah atuh tebenuhwa oomesudahwaun, kuhya menoo‐kekedoowaud oodoonje‐wuhyazhemahwaun enewh kakebahdezenejin emuh oodaëning.
19Kedabwatuhmoowinewah suh ookekandahnahwah kuhkenuh enenewug. Neminwandum dush kenuhwah oonje: kenunduhwanemenim dush chenebwahkahyag emuh menoo‐ezhewabezewining, kuhya chekekanduhsewag mujje‐uhyeewish.
20Owh Kesha‐Muhnedoo mahgewad pezaunewawin wuhyebah oogahbahnahjeäun enewh Satanun emuh ahnahmeëe kesittahwaung. Mahnoo kegahweejewegoonahwah ooshahwanjegawin owh Tabanemenung Jesus Christ. Amen.
21Timotheus owh nahyahdahmahwid, kuhya Lucius, kuhya Jason, kuhya Sosipater, nindenuhwamahgunug, keduhnemekahgoowaug.
22Neen Tertius kahoozhebeähmaun maunduh mahjebeëgun keduhnemekoonenim oonje owh Tabanemenung.
23Owh Gaius paundeguhzhid kuhya paundeguhnaud kuhkenuh anuhmeähnejin, keduhnemekahgoowah. Erastus ganuhwanjegad enewh shooneäun emuh keche‐oodanaung keduhnemekahgoowah, kuhya Quartus pazhik kejekewaënaun.
24Mahnoo kegahweejewegoonahwah kuhkenuh kenuhwah ooshahwanjegawin owh Tabanemenung Jesus Christ. Amen.
25Benuh dush owh kashketood chesoongekahbahweenag debishkoo ekedoomahguk neminwahjemoowin, kuhya ookuhgequawin owh Jesus Christ, kuhya ewh kahmezheshuh‐wahbunjegahdag mamaundahwuk kekanjegawin, kahkahjegahdag emuh kemoodezewining akoo mahje‐uhkeewung.
26Pejeenug dush mezheshuhwejegahda, kuhya emuh oodoozhebeëgawinewaung egewh aunwahjega‐wenenewug, debishkoo kahenahkoonegagoobunan owh kahyahgega‐bemahdezid Kesha‐Muhnedoo, keöonje‐wahbundahindwah kuhkenuh ahnooj azheweenzoojig bamahdezejig cheöonje-nuhittuhmoowaud ewh dabwayanduhmoowin:
27Owh Kesha‐Muhnedoo nasheka‐nebwahkaud tahpeshegandahgooze oonje owh Jesus Christ kahgenik. Amen.
Currently Selected:
ROMANUN 16: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
