PSALMS 99
99
1Jehovah keche‐oogemahwe, tahnuhningishkahwug egewh ahnishenahbag: nuhmuhduhbe nahwuhyeëe ayahwaud egewh cherubim, tahnuhningishkahmahgud uhkee.
2Jehovah kechetwahwandahgooze emuh Zioning: ahwahshema keche‐ahpetandahgooze dush ween kuhkenuh ahnooj azheweenzoojig ahnishenahbag.
3Oogahwahwezhandahnahwah kache‐ahpeetandahgwuk kuhya kwatahmegwuk kedezhenekahzoowin: kechetwahwandahgwud mah.
4Owh mashkahwezid keche‐oogemah oosahgetoon quuhyuk — tebahkoonegawin; kegeühyeenjesittoon quuhyukwahdezewin: quuhyuk kegetebahkoonega kuhya kegemenoochega emuh Jacobing.
5O kechetwahwanemik Jehovah ne‐Kesha‐Muhnedoomenaun: shahgushketuhwik emuh oodahpissedabewining; keche‐peeneze mah.
6Moses kuhya Aaron oosahsahgewejega‐wenenemun, kuhya Samuel owh nanaundoomaud enewh: oogoo oogenuhnaundoomahwaun Jehovahun oogenuhquatahgoowaun edush enewh.
7Oonje ahnuhquudoong oogekuhnoonaun enewh: oogeguhnuhwandahnahwah oodebahjemoowinun kuhya ewh tebahkoonegawin kahmeenaud enewh.
8Kegenuhquatuhwaug, O Jehovah nekesha‐Muhnedoomenaun: kepoonanemaug ahnahween goo kepuhzhunzhaüdwah ooje oomujje‐ezhewabezewinewaun.
9Kechetwahwanemik Jehovah ne‐Kesha‐Muhnedoomenaun, kuhya shahgushketuhmook ewede kachetwahwandahgwudenig oowahjewun: Keche‐peeneze mah Jehovah ne‐Kesha‐Muhnedoomenaun.
Currently Selected:
PSALMS 99: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
