PSALMS 85
85
1O Jehovah kegeshahwandaun keduhkeem: kegenaunzekahwah owh Israel kabahquahegahzood.
2Kegeëkoonuhmahwaug kedahnishenahbamug oomujje‐ezhewabezewinewaun: kegekahdoonun kuhkenuh oomujje‐ezhechegawinewaun.
3Kegepoonekedaus nashkanemudwahpun: kege wabenaun kache‐kezhetag kenishkahdezewin.
4Quakeëshenaum O Kesha‐Muhnedoo bamahjeëyaung: poonetoon kenishkadezewin azhenishkanemeyaung.
5Kahgenig enuh kegahnishkanemim: kahgenig nuh uhpena kahgenig kegahguhnuhwaudaun kenishkahdezewin azhanishkanemeyaung?
6Kahnahween menuhwah gegahpiskahbese chebemahjeëyaung: cheöonje‐moojegezetuhwikwah kedahnishenahbamug.
7Wahbundaheshenaum keshahwanjegawin Tabaninegayun: kuhya meezheshenaum kebemahjeëwawin.
8Ningahnoondaun ewh kaëkedood owh Jehovah Kasha‐Muhnedoowid: oogahdebahjemootuhwaun enewh oodahnishenahbamun kuhya anuhmeätahgoojin pezaunezewin: kahween menuhwah tahezhahsewug emuh kuhkebahdezewining.
9Pashoo duhgoomahgudene oobemahjeëgoowinewaun egewh quasahjig Kesha‐Muhnedoon: chekechetwahwandahgwuk keduhkeemenaun.
10Shahwanjegawin kuhya dabwawin kenuhquashkahdahdemahgudoon: quuhyukwahdezewin kuhya pezaunaninpewin kköojindemahgudoon.
11Uhkeeng oonjegin dabwawin: kuhya quuhyukwahdezewin ishpeming tahoonzahbemahgud.
12Jehovah oogahmeegewan ewh wanesheshing: kuhya tahkechenetahwugin keduhkemenaun.
13Oogahnegaunetahgoon quuhyukwahdezewin: kuhya ningahahsigoonaun emuh oomeekunaung anduhzhe‐tuhkookeed.
Currently Selected:
PSALMS 85: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
