PSALMS 83
83
1Kagoo pezaunubekan O Kesha‐Muhnedoo: kagoo ishquahwakan O Kesha‐Muhnedoo.
2Noondahgoozewug gooshah egewh mahgahnikig: kuhya oombequanewug ewewh shaunganemikig.
3Kuhkuhyanezewug mah egewh kahkeekedoojig chemegahnahwaud kedahnishenahbamun: kuhya kuhnoonindewug chemujje‐doodahwahwaud enewh kuhyahnudenejin.
4Oo‐oo keëkedoowug, umba bahnahjeähdwahnig cheähnishenahbawesigwah: kah dush menuhwah wekah tamequanjegahdane oodezhenekahzoowin owh Israel.
5Anegook keguhnoonindewug: weedookahdahdewug chemegahnikwah.
6Oowegewaumewaun egewh Edomiteüg kuhya egewh Ishmaelitüg: Moab kuhya egewh Hagareneüg.
7Gebal kuhya Ammon kuhya Amalek: Philistia kuhya egewh wahdatoojig emuh Tyreïng.
8Oogeweedookahgoonahwah dush Assyria: oogenahdahmahwahwaun enewh oonejahnesun owh Lot.
9Doodow debishkoo kahdoodahwud owh Midian: kuhya kahdoodahwudwah Sisera kuhya Jabin: emuh akoo‐pahsuddenaug azhetequayaug Kishon seebeens.
10Kebahnahjeähwug ewede Endoring: moong keënandahgoozewug emuh uhkeeng.
11Doodow enewh oodoogemahmewaun debishkoo kahdoodahwindwah Oreb kuhya Zeeb: kuhya tahdoodahwahwun kuhkenuh oodoogemahmewaun debishkoo kahdoodahwindwah Zebah kuhya Zalmunna.
12Egewh oo‐oo kahekedoojig, Mahnoo oodahpenundah: oowegewahmun owh Kesha‐Muhnedoo chedebanduhmung.
13O neKesha‐Muhnedoom mahnoo tahezhewabezewug debishkoo azhewabuk shegooshkahjegun: wuhyabahsing oonje keche‐nooding.
14Debishkoo suhkittag metigwuhkeeng uhchegahdag ishkoota: kuhya debishkoo pishkunag ishkoota emuh wahjewing.
15Me suh kaëzhenoosoonaüdwah ewh kache‐nooding: chesagemudwah oonjepuggumahnemuk.
16Mahnoo tahkeche‐ahgujjeähwug emuh ooshkinzhegoowaung: mesuh enenewug kaöonjenunduh-wanduhmoowaud kedezhenekahzoowin O Jehovah.
17Mahnoo tahahgujjeähwug kuhya tahsagemahwug kahgenig: tahmisquingwasawug kuhya tahbahnahdezewug.
18Cheöonjekekanemikwah enenewug keen Jehovah azhenekahzooyun: kemahmahwe‐ishpandahgooz emuh anegookookummegaug uhkee.
Currently Selected:
PSALMS 83: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
