PSALMS 149
149
1Hallelujah. Nuhguhmootahwik Jehovah ooshke‐nuhguhmoowin: wahwezhanemik emuh auduhzhe mahoonjeëdewaud anuhmeähjig.
2Israel oogahmoojegezetahwaun enewh Wazheegoojin: Zion oonejahnesun tahoonahnegwanduhmoon oonje ookeche‐oogemahmewaun.
3Mahnoo oogahwahwezhandahnahwah oodezhenekahzoowin emuh nemeëdewining: mahnoo oogahnuhguhmootahwahwaun enewh muhtwawajegunun ahyoowaud.
4Jehovah mah oominwanemaun enewh oodahnishenahbamun: oopeshegandahgooäun enewh agahsanemoonejin ewh bamahjeëwawin.
5Mahnoo egewh anuhmeähjig tahwahwezhanduhmoog oonje ookechetwahwezewinewaun: tahkechenuhguhmoowug magwah shingeshinoowaud emuh oonebahgunewaung.
6Oodoonewaung tahoonjeemahgudenewun Kesha‐Muhnedoo ookeche‐wahwezhanemegoowin: kuhya oogahtuhkoonahnahwaun uhyeduhwuhyeëe‐kahnaug ahzhahwashk.
7Cheöojeähzhittah‐doodahwahwaud mayug‐ahnishenahban: chepuhzhunzhawahwaud enewh ahnishenahban.
8Chetuhkoobenahwaud enewh ookeche‐oogemahmewaun pewahbikoo‐tuhkoobejegunun: kuhya enewh oodoogemahmewaun pewahbikoo‐mahmaunjegwahpechegunun.
9Chedoodahwahwaud ewh azhebeëgahdanig oonahneboomegoowinewaun: mesuh apeetandahgoozenid kuhkenuh enewh anuhmeätahgoojin. Hallelujah.
Currently Selected:
PSALMS 149: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
