PSALMS 137
137
1Chegeseebe ewede Babyloning ningenuhmuhduhbemin kuhya ningemuhwemin: oonjekemequanemegooyun keen Zion.
2Emuh oosissegoobemeeshing ewede: ningeähgoodoonaunin nemuhtwawajegunenaunin.
3Ewede mah ningeëgoonahnig egewh kahmahjenahzhahooyummingejig chenuhguhmooyaung: kuhya egewh kahmahmauzheyummingejig ningeëgoonahnig chemoojegezeyaung oo‐oo keëzheyummingidwah nuhguhmootahmahweshenaum pazhig Zioning duhzhe nuhguhmoowin.
4Ahneen kaëzhenuhguhmooyaung, Jehovah oonuhguhmoowin emuh mahyug‐uhkeeng.
5Kishpin wuhnanemenaun, O Jerusalem: mahnoo‐nekechenik oogahwuhnandaun oonebwahkahwin.
6Mahnoo nindanuhnewh tahgookamahgud emuh nenahgushkoong kishpin mequanemesenoowaun: kishpin ahwahshema sahgetoosewaun Jerusalem dush ween ewh kache‐moojegezetuhmaun.
7O Jehovah mequanim Edom oonejahnesun kahezhewabezenid ewh kezheguk kebahnahjechegahdag Jerusalem, oo‐oo keëkedoowaud: bahnahjetooyook, ahpeche bahnahjetooyook.
8O keen wadahnesemik Babylon kabahnahdezeyun: tahshahwandahgooze owh kadoodook nahsaub kahdoodahweyaung.
9Shahwandahgooze owh kaöodahpenaud kedahbenoojeëmun: kaähpuggenaud edush emuh ahsineeng.
Currently Selected:
PSALMS 137: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
