PSALMS 135
135
1Hallelujah. Wahwezhanduhmook oodezhenekahzoowin owh Jehovah: wahwezhanduhmook kenuhwah bameetahwag Jehovah.
2Kenuhwah nahbahweyag emuh oowegewauming Jehovah: emuh ookechetwah‐weguhmigoong Kekesha‐Muhnedoomenaan.
3Wahwezhanemik Jehovah, shahwanjega mah Jehovah: muhtwawachegayook oonje oodezhenekahzoowin, minwandahgwud mah.
4Jehovah mah oogewahwanahbuhmaun Jacobun ween tebenuhwa chedebanemaud enewh: kuhya Israelun ahpechetebanemaud enewh.
5Nekekandaun mah chekeche‐ahpetandahgoozid Jehovah: kuhya Kekesha‐Muhnedoomenaun ahwahshema keche‐ahpetandahgooze dush ween kuhkenuh muhnedoog.
6Kuhkenuh menik anandung Jehovah ezhechega: ewede kezhigoong kuhya oomah uhkeeng kuhya kechegummeeng kuhya akoo‐demeeg.
7Mesuh owh wanjeöombahbuhtag anegookwaug uhkee, kuhya wanjeähnemekeekaug mahmahwe kemewung: oodahtahsoo‐weguhmigoong oodoondenaun noodin.
8Mesuh owh kahpukkedaäud enewh natumoozhaunun emuh Egypting: enenewun kuhya ahwahkaunun.
9Oogepuggedenaunun kekenoowahjechegunun kuhya mahmaundahwechegunun emuh nahwuhyeeeng keen, O Egypt: emuh ooweyowewaung Pharoah, kuhya kuhkenuh oobuhmeetahgunun.
10Oogepukkedawaun nebewah pukkaun azheweenzoonejin ahnishenahban: kuhya oogenesaun mashkahwezenejin keche‐oogemaun.
11Sihonun enewh oodoogemahmewaun egewh Amoritug, kuhya Og Bashaning duhzhe oogemaun: kuhya kuhkenuh Canaaning duhzhe oogemahwewinun.
12Kuhya oogemeegewan ooduhkeemewaun: oodahnishenahbamun Israel cheähpeche‐debanduhmenid.
13Jehovah kedezhenekahzoowin kahgenig duhgoomahgud: kuhya kemequanemegoowin kahgenig uhpena kahgenig tahahyahmahgud.
14Jehovah mah oogahtebahkoonaun enewh oodahnishenahbamun: kuhya tahaunuhwanindezoo oonje enewh oobuhmeetahgunun.
15Oomuzzenejegunewaun egewh anuhmeähsegoog ahnishenahbag shooneyahwewun kuhya Oozahwah‐shooneyahwewun: oogeöozheëgoowaun enewh enenewun.
16Oodoonewug kah dush kekedoosewug: oozhkinzhegoomewug kah dush wahbesewug.
17Oootahwugahwug kah dush noonduhsewug: kah kuhya nasasewug oonje oodoonewaung.
18Mesuh nahsaub azhewabezewaud egewh wazheähjig enewh: kuhya kuhkenuh egewh apanemahjig.
19Mahmooyahwahmik Jehovah, O kenuhwah wanejahnesemenag Israel: mahmooyahwahmik kenuhwah wanejaunesemenag Aaron.
20Mahmooyahwahmik Jehovah kenuhwah wanejahnesemenag Levi; kenuhwah quasag Jehovah mahmooyahwahmik Jehovah.
21Tahmahmooyahwahmah Jehovah oonje Zioning: owh wahdatood ewede Jerusaleming. Hallelujah.
Currently Selected:
PSALMS 135: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
