ST. MARK 9
9
1Oo‐oo dush oogeënaun, Kagate kedenenim, Ahnind oomuh nahbahwejig kahween tahneboosewug, chepwah wahbunduhmoowaud oodoogemahwewin owh Kesha Muhnedoo emuh mushkahwezewining chetuhgwishinoomahguk.
2Bahnemah dush kahningoodwahsoogoonahguk owh Jesus oogeweejewaun enewh Peterun, kuhya Jamesun, kuhya Johnun, oodezheweenaun dush emuh ashpudenahnig wahjewh wenuhwah atuh: kequakenahgoozeäh emuh enahsuhmenid.
3Kuhya oodahgwewinun kewahsayahne, kekeche‐wahbishkahne debishkoo goo kooning; kahween ahweyah mahyahnetoowaginekad oomuh uhkeeng oodahkushketooseen ewh menik chezhewahbishketood.
4Oogewahbuhmahwaun dush enewh Eliasun, kuhya Mosesun guhnoonahnid enewh Jesusun.
5Peter dush oogenuhquatuhwaun enewh Jesusun, oo‐oo keënaud, Rabbi, keche oonesheshin oomuh cheduhnezeyung: tuhguh ningahoozhetoonahnin neswe wegewaumun, keen pazhik chedahyun, kuhya dush ween Moses pazhik, kuhya Elias pazhik.
6Kah muh oogekekanduhseen wahekedood; kekeche‐sagezewug muh.
7Oogeähgwunishkahgoonahwah dush ewh ahnuhquudoong keöonjeähyahmahgud ewh enwawin, oo‐oo ekedoong, Mesuh wah‐owh ningwis suhyahgeüg; mesuh wah‐owh kabezindahwag.
8Kahwuhnuhpe dush, uhpe kewetahyuhee kahenahbewaud, kahween ahweyah oowahbuhmahsewaun, me atuh Jesusun wahjewegoowahjin.
9Magwah dush penesahkewawaud oonje wahjewing, oogeäungwahmemaun cheweenduhmoowahsigwah ahweyah enenewun ewh kahwahbunduhmoowaud, bahmah atuh keähbejebaud owh Enene oogwissun.
10Oogeguhnahwandahnahwah dush ewh ekedoowin, keguhnoonindewug dush azhenesittootahgwudoogwan ewh ahbejebahwin.
11Oogeguhgwajemahwaun dush, oo‐oo keënahwaud, Ahneeshwin ekedoowaud egewh oozhebeëga‐wenenewug, netum chewepeëzhaud owh Elias?
12Oogenuhquatuhwaun dush, oo‐oo keënaud, Kagate netum peëzhah owh Elias, kuhya oodaunjetoonun kuhkenuh uhyeëen; kuhya oozhebeëgahdag, owh enene oogwissun nebewah chewekooduggandung, kuhya cheneshebahpenoodahwind.
13Kedenenim suh dush, Ahzhe kepetuhgwishin owh Elias, kahuhyenanemahwaud dush oogedoodahwahwahwaun, debishkoo azhebeëgahdag ween duhzhemind.
14Uhpe dush kahoodissaud enewh kekenooähmahgunun, oogewahbuhmaun nebewah ahnishenahban emuh cheähyahnid, kuhya enewh oozhebeëga‐wenenewun chekuhgwajemegoowaud.
15Kazhetena dush egewh mahyahmahwenoojig, uhpe wahyahbuhmahwaud, kekeche‐mahmahkahdanduhmoog, kuhya dush kahahpuhtoowaud emuh ahyahnid, oogeähnemekahwahwaun dush.
16Oogeguhgwajemaun dush enewh oozhebeëga‐wenewun, Ahneesh azhekuhgwajemagwah oogoo?
17Pazhik dush ahnishenahba kenuhquatum, oo‐oo keëkedood, Kakenooähmahgayun, kegepetuhmoon owh ningwis, ookekishkahwaun suh goo enewh natuh‐kekedoosenegoon muhnedoon;
18Tebe dush goo oodahpenegoogwan, ootahtoobenegoon kuhya petawahnuhgedoona, kuhya muhmuhtwayah-betasa, kuhya ashkum ooshkuneze: ningeënaug dush egewh kekenooähmahgunug chesahgeje‐wabenahwaud; kah dush kekushkeöosewug.
19Ween dush oogenuhquatuhwaun, oo‐oo keëkedood, Oh tuhyabwayanduhsewag bamahdezeyag, ahneen menik kaweejewenuhgoog? ahneen menik mahnoo kaënaneme-nuhgoog? petahweshig.
20Oogepetahwahwaun dush: uhpe wuhyahbuhmaud, kazhetena oogepegoobenegoon enewh mujje‐muhnedoon: metushkuhkummig dush keëzhepungeshin, kuhya ketuhtebeshemoonood kuhya kepetawetoona.
21Oogeguhgwajemaun enewh wagwissenejin, Ahneen menik oo‐oo azheähyaud? Oo‐oo dush oogeëgoon, Kahahkoo‐ahbenoojeëwid.
22Nuhningim dush oodahpuggenegoon emuh ishkootang, nuhningim dush emuh nebeeng, cheöonjebahnahjeäud: keen kishpin gagoo kushketooyun, shahwanemeshenaum, kuhya wedookahweshenaum.
23Jesus dush oo‐oo oogeënaun, Kishpin suh kushketooyun chedabwayanduhmun, ahnooj gagoo ookushketoon owh duhyabwayandung.
24Bahbega dush owh wanejahnesid oo‐oo keënuhdamoo, Tabaningayun, nindabwayandum; wedookahweshin neen natuh‐dabwayanduhsewaun.
25Uhpe dush owh Jesus wuhyahbuhmaud enewh ahnishenahban mahmahwe pejeputtoonid, oogenuhnebekemaun enewh wahnezenejin muhnedoon, oo‐oo dush keënaud, Natuh‐kekedoosewun kuhya kakebeshayun muhnedoo, kekuhgaunzoomin, chepesahgezekahwud, kuhya kagoo menuhwah peendegashkahwahkan,
26Owh dush muhnedoo keähyahshequa, kuhya kahkeche‐pegoobenaud, oogesahgezekahwaun: debishkoo nabood keëzheähyah; nebewah dush keëkedoowun, Keneboo,
27Jesus dush oogesuggeneejenaun, kuhya oogeöombenaun; keöonishkahwun dush,
28Uhpe dush kahpeendegad emuh wegemauming, keemooj enewh kekenooähmahgunun oogeguhgwajemegoon, Ahneeshwin kahkushketoosewaung nenuhwind chesahgeje‐wabenungid?
29Oo‐oo dush oodenaun, Kah suh oo‐oo denoowah gagoo oonjesahgahunse, me atuh ahnuhmeätahgoozewin kuhya keëkwishemoong oonje.
30Ewede dush kahoonjemahjahwaud, oogeshahbooshkahnahwah ewh Galilee; kah dush ween keënanduhse ahweyah chekekanduhmenid.
31Oogekekenooähmahwaun muh enewh ookekenooähmuhgunun, oo‐oo dush keënaud, Owh Enene oogwissun puggedenegahzoo emuh ooneenjening enewh enenewun; me suh enewh kanesegoojin; uhpe dush kenesind, nesoogoonuhguk tahahbejebah.
32Kah dush oogenesittootunsenahwah oo‐oo ekedoowin, keähgwushkewug dush wekuhgwajemahwaud.
33Kepetuhgwishin emuh Capernauming; peendig dush wegewauming keähyaud, oogekuhgwajemaun, Wagoonash ewh emuh meekunaung kahkuhgwajindeyag?
34Kah dush gagoo keëkedoosewun; emuh meekunaung kekuhgwajindewug, ahwanan kache‐ahpetandahgoozid.
35Kenuhmuhduhbe dush, kuhya dush oogenundoomaun enewh metahswe‐ahshe‐neezh ookekenooähmahgunun, oo‐oo dush keënaud, Kishpin ahweyah nunduhwandung chenegaunezid, mahnoo wah‐owh tahahpeche‐dahbussandahgooze, kuhya oogahbuhmeetahwaun kuhkenuh.
36Oogeoodahpenaun dush enewh ahbenoojeün, oogeahsaun dush emuh nahwuhyeëe ahyahnid ookekenooähmahgunun: uhpe dush kahoodahpenaud emuh oonikaung, oo‐oo oogeënaun enewh ookekenooähmahgunun,
37Ahwagwan kaöodahpenahgwan pazhik oonoo doowun ahbenoojeün emuh nindezhenekahzoowining, neen nindoodahpenik; ahwagwan dush wadahpenegwan, kahween neen nindoodahpenegoose, enewh suh ween anoozhemenejin oodoodahpenaun.
38John dush oogenuhquatuhwaun, oo‐oo keëkedood, Kakenooahmahgayun, ningewahbuhmahnaun pazhik enene sahgeje‐wabenaud enewh mujje‐muhnedoon emuh kedezhenekahzoowining, kahween dush ningebahbahweejewe-goosenaun; ningeöonjeähnaun dush, oonje ewh kenoopenunesenoonung.
39Jesus dush keëkedoo, Kagoo oonjeähkagoon; kah muh ahweyah kamahmaundahwejegad emuh nindezhenekahzoowining, tahkushketoose wanepuzh chemujje‐duhzhemid,
40Owh mahgahnesenoonung kewedookahgoonaun.
41Ahwagwan suh kamenenoowagwan pazhik menequahjegauns nebe, emuh nindezhenekahzoowining, oonje debandahgoozeyag emuh Christing, kagate kedenenim, kahween oogahwuhnetooseen ootebahahmahgoowin.
42Ahwagwan dush kamujje‐doodahwahgwan pazhik oonoo agahsheënejin tuhyabwayanemejin, ahwahshema tahoonesheshenene, cheahgoonemind ewh pootahgun‐ahbekoon emuh ooquagunaung, emuh dush kechegummeeng cheähpuggenindebun.
43Kuhya kishpin keneenj oonje mujje‐ezhechegayun, kishkezhun; tahoonesheshin mahkezeyun chepeendegayun emuh bemahdezewining, ewh dush ween ahnoo neezhoo-neenjeyun cheähpuggenegooyunbun emuh mujje‐ishkootang, wekah kaähtaëgahdasenook ishkoota.
44Emuh suh oomuhnetoonsemewah neboosenid, kuhya ishkoota wekah kaähtaëgahdasenook.
45Kishpin dush kesit oonjemujje‐ezhechegayun, kishkezhun: oonesheshin muh ahnoo mahkezeyun chepeendegayun emuh bemahdezewining, dush ween neezhoo-sittayun cheähpuggenegooyunbun emuh mujje‐ishkootang, wekah kaähtaëgahdasenook ewh ishkoota:
46Emuh suh oomuhnetoonsemewah neboosenid, kuhya ewh ishkoota wekah ahtaëgahdasenook.
47Kishpin dush kishkinzhik oonjemujje‐ezhechegayun, kejebetoon; oonisheshin ewh pazhikooshkinzhegwayun chepeendegayun emuh oodoogemahwewining owh Kesha‐Muhnedoo, ewh dush ween ahnoo neezhooshkinzhegwayun cheähpuggenegooyunbun emuh mujje‐ishkootang:
48Emuh suh oomuhnetoonsemewah neboosenid, kuhya ewh ishkooda wekah kaähtaëgahdasenook.
49Kuhkenuh tahezheshewetahgunegahzoowug ewh ishkooda; kuhya kuhkenuh enewh sahsahgewejegunun tahshewetahgunegahdawun ewh shewetahgun oonje.
50Oonishishin suh goo ewh shewetahgun: kishpin dush keëshquah‐shewung ewh shewetahgun, wagoonan kaähyooyag cheöonjeshewungebun? Ahyahmook suh ewh shewetahgun emuh peenjenah keyowewaung, kuhya puhpezaun-anindeyook mamashquaud.
Currently Selected:
ST. MARK 9: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
