ST. MARK 14
14
1Kahneezhoogoonahguk dush kedebishkoosa ewh kuhbekoosa‐wekoondewin, kuhya uhpe meejing ewh wambejishkahwuggesingin buhquazhegunun: kuhya dush egewh keche‐sahsahgewejega‐wenenewug kuhya oozhebeëga‐wenenewug oogenundahkekandahnahwah kadezhechegawaud ewh keemooj chetuhkoonahwaud, kuhya chenesahwaud.
2Keëkedoowug dush, Kahween ewh magwah wekoonding, mahgeshah tahneeshkahdanduhmoog egewh ahnishenahbag
3Magwah dush owh Jesus keähyaud emuh Bethanyïng emuh oowegewauming Simon owh kahoomegeed, magwah dush namuhduhbid ewh wesenid, oogepenaunzekahgoon equan ayahmenid ewh alabaster muhkuhkoons atanig kachetwahwandahgwuhdenig noomenegun manoomahgwuddenig; oogepegoosetoon dush ewh muhkuhkoons, kuhya keseegenuhmahwaud emuh ooshtequaunening.
4Ahnind dush peenjenah kewuhsittuhwanduhmoog, oo‐oo dush keëkedoowaud, Ahneeshwin oo‐oo kahezhebahnahjechegahdag ewh noomenegun?
5Neswauk‐duswahbik shooneyaunsun ahwahshema tahgetaënuhginda atahwangebun, chegemeenindwahpun egewh katemahgezejig. Oogenuhnahpahgaunsoomahwaun enewh equawun.
6Jesus dush oo‐oo keëkedoo, Poonemik! ahneeshwin megooshkahjeäg? ningemenoo‐doodaug oo‐oo kahdoodahwid.
7Kahgenig kedahwahwahwaug egewh katemahgezejig, uhpe dush ananduhmagoon kedahmenoo‐doodahwahwaug: neen dush ween kahween kahgenig kegahweejeweseem.
8Keähnooëzhechega suh wah‐owh equa ewh menik azhekushketood: kezhah suh oogepeähtoon noomenegun emuh neyowing cheningwahegahzooyaun.
9Kagate kedenenim, Tebe kawahweenjegahdagwan maunduh minwahjemoowin emuh anegookookuhmegaug uhkee, oo‐oo dush wah‐owh kahezhechegad tahduhzhinjegahdane cheoonje‐mequanemind.
10Owh dush Judas Iscariot, pazhik owh egewh metahswe‐ahshe‐neezh, oogeëzhahnun keche‐sahsahguhwejega‐wenenewun, wepuggedenuhmahwaud enewh Jesusun.
11Uhpe dush nwaunduhmoowaud, kemoojegezewug, keëkedoowug dush chemeenahwaud enewh Judasun shooneyaun. Oogenahnahguhdahwandaun dush ewh kaëzhechegad, ewh wanepuzh wepuggedenaud.
12Ewh dush netum kezheguk wanjemahjahmahguk cheoombeshinsig buhquazhegun, uhpe kahnesahwaud kuhbekoosa‐mahnishtahnisheensun, ookekenooähmahgunun oo‐oo oogeëgoon, Ahneende dush ananduhmun cheähwewuh-wazhetooyaung chemeejeyun kuhbekoosa‐wekoondewin?
13Oomahjenahzhahwaun dush neezh ookekenooähmahgunun, oo‐oo dush oodenaun, Ezhahyook emuh keche‐oodanaung, kegahnuhquashkahgoowah pazhik enene kapemetuhkoonung wahbegune‐neembahgun nebee atanig: noopenuhnik suh.
14Tebe dush kaühnepeendegagwan, enik owh wawegewaumid, Owh suh kakenooähmahgad oo‐oo ekedoo, Ahneende goo ewh wesene‐weguhmig kaduhzhe‐meejeyaun ewh kuhbekoosa‐weekoondewin kuhya nekekenooähmahgunug?
15Kegahwahbunduhegoowah dush ewh kache‐munguhtag ishpemissuhgoong ahbenahsoowin, kahwahwazhechegahdag: me dush emuh kaduhzhe‐wahwazhetuhmahweyung.
16Kemahjahwun dush ookekenooähmahgunun, kuhya dush kepeëzhahwaud emuh oodanaung, me dush goo keëzhemekahmoowaud ewh kahegoowaud enewh Jesusun; kuhya dush oogewahwazhetoonahwah ewh kuhbekoosa‐wekoondewin.
17Kahoonahgooshenig, dush kepetuhgweshin, kuhya egewh metahswe‐ahshe‐neezh ookekenooähmahgunun.
18Magwah dush kahnuhmuhduhbewaud kuhya wesenewaud, Jesus oo‐oo keëkedoo, Kagate kedenenim, Pazhig suh kenuhwah wahdoopuhmeyag ningahbahtahik.
19Kemahje‐keche‐megooshkahdanduhmoog, kuhya keënahwaud papazhik, Neen enuh? Menuhwah dush bakahnezid keëkedoo, Neen enuh?
20Oogenuhquatuhwaun, oo‐oo dush keënaud, Pazhik suh kenuhwah metahswe‐ahshe‐neezheyag, owh kaweejeäh-punjegamid emuh oonahguning.
21Kagate ezhemahjah owh Enene oogwissun debishkoo anahjemind emuh kechetwah‐oozhebeëguning: tahkeche‐kuhgwahnesugge‐ketemahgeze owh enene, enewh kabahtahegoojin owh Enene oowissun! nahwuj suh tahgeoonesheshene wekah negesegoopun.
22Magwah dush kahwesenewaud, Jesus oogeöodahpenaun pahquazhegun, kuhya kemahmooyahwa, kuhya dush kepukwabenaud, kemuhmeenaud ookekenooähmahgunun, oo‐oo dush keëkedoo, Oodahpenuhmook, kuhya meejeyook: mesuh oo‐oo neyow.
23Oogetuhkoonaun dush ewh menequahjegun, kahmahmooyahwad oogeënenuhmahwaun ookekenooähmahgunun: kuhkenuh dush oogemenequanahwah:
24Oo‐oo dush oogeënaun, Mesuh oo‐oo ooshke‐kekindewine nemesqueem, ewh sahgwabenegahdag nebewah bamahdezejig oonje;
25Kagate kedenenim, Kahween menuhwah ningahmenequase ewh shooweminahboo, bahnemah atuh kezheguk nayaub kamenequayaun emuh oodoogemahwewining owh Kesha‐Muhnedoo.
26Uhpe dush kahnuhguhmoowaud ewh ahnuhmeähwine‐nuhguhmoowin, kesahkuhmoog keëzhahwaud emuh wahjewing Olives wahjew aduhming.
27Jesus dush oo‐oo oodenaun, Kuhkenuh kenuhwah kegahoosittahwanenim noongoom tebekuk; oo‐oo muh ezhebeëgahda, Ningahpukketawah mahnishtahnishe‐wenene, tahsuhswawashkahwug dush ween mahnishtahnishug.
28Uhpe dush ween keähbejebahyaun ningahuhnenegaunee emuh Galileenaung, kenuhwah kaëzhahyag.
29Peter dush oogeënaun, Mesuhwah kuhkenuh wuhsittahwanemikwah, kah dush ween neen.
30Jesus dush oo‐oo oodenaun, Kagate kedenin, noongoom kezheguk noongoom suh tebekuk, chepwah neezhing mesittahgoozid nahba‐pahkahahqua, nesing kegahahgoonwayanim.
31Nahwuj dush ween keche‐anegook keëkedoo, Pooch weejeneboomenaun, kah bahpish ningood kegahezheähgoowayanemesenoon. Me suh nahsaub kahekedoowaud kuhkenuh.
32Ketuhgwishenoog dush emuh ketegauning Gethsemane kahezhenekahdag; oo‐oo dush oodenaun enewh ookenooähmahgunun, Kenuhwah nuhmuhduhbik oomuh, magwah ahweähnuhmeähyaun.
33Oogeühneweejewaun dush enewh Peterun, kuhya Jamesun, kuhya Johnun, kuhya dush kemahje‐mahmahkahdandum, kuhya kekeche‐nuhneenuhwandum;
34Oo‐oo dush oodenaun, Ninjechaug suh keche‐nuhneenuhwandum kagah goo wenebooyaun; duhnezeyook suh oomuh, ahkahwahbeyook dush.
35Menuhwah dush punge keühnemahjah, keähpuggedung weyow emuh metushkuhkmumig, keëzheähnuhmeäud, Kishpin anandahgwukebun chekuhbekahgood maunduh tebahegun.
36Oo‐oo dush keëkedoo, Abba, Noosa, keen kekushketoonun ahnooj gagoo; oodahpenuhmahweshin oo‐oo menequahjegun; ninduhwauj kahween neen ananduhmaun tahezhewabussenoon, keen suh goo ananduhmun.
37Peëzhah dush kuhya oomekahwaun nebahnid, oo‐oo dush enaud enewh Peterun, Simon kenebah nuh? kah nuh ween kegekushketooseen ningoo‐tebahegun cheähkahwahbeyag?
38Ahkahwahbeyook kuhya ahnuhmeäug, koonemah kedahpungeshenim emuh kuhgwatebaningawining; kezhetah suh oojechaugoomah pajewemahgud suh weyausemah.
39Menuhwah dush geühnemahjah, kuhya keähnuhmeäh; nahsaub edush egoo keëkedoo.
40Menuhwah dush kahezhaud, oogemekahwaun menuhwah nebahnid, (kekoosigwunenewun muh ween ooshkinzhegoowaun) kah suh dush oogekekanduhsenahwah ewh wahezhenuhquatuhwahwaud.
41Menuhwah dush nesing peëzhah, oo‐oo dush enaud, Mahnoo nebaug noongoom, kuhya aunwabeyook; me menikzhuhyegwah, puhgummeähyahmahgud ewh tebahegun; benuh Enene oogwissun puggedenegahzoo emuh ooneenjewaung majeëzhewabezejig.
42Umba oonishkaug, mahjahdah dush; benuh, pashoo peähyah owh bahyahtahid.
43Kazhetena, magwah kekedood, peëzhah Judas, pazhig kahahwid egewh metahswe‐ahshe‐neezh kekenooahmahgunug; oogepewejewegoon keche‐nebewah ahnishenahban, kahpahbahtuhkoonumenejin enewh ahzhahwashkoon kuhya puhguhmahgunun, kepeähnoonegoowaud enewh keche‐sahsahgewejega‐wenenewun kuhya oozhebeëga‐wenewun kuhya katezenejin.
44Owh suh kahbabtahaud enewh Jesusun, oogemeenaun ewh kekenoowahjechegun, oo‐oo keëkedood, Ahwagwan kaoojeemahwugan, mesuh owh; tuhkoonik, kuhya ahyaungwahmezik chemahjewenag.
45Uhpe dush kahtuhgwishing, kazhetena oonaunzekahwaun, oo‐oo dush oodenaun, Rabbi! Rabbi! kuhya dush keoojemaud.
46Oogepuhgedenuhmahwahwaun ooneenjewaun emuh weyowening, kuhya dush oogetuhkoonahwaun.
47Pazhik dush pashoo kahnebahwid oogekejepetoon ewh ahzhahwashk, kuhya dush oogepuhketawaun keche‐sahsahgahwejega‐wenene oobuhmeetahgunene, oogekeeshke-tuhwugaguhnahmaun dush.
48Jesus dush oogenuhquatuhwaun, oo‐oo dush keënaud, Kemoodishke‐wenening nuh kegeëzhenahzekahwim, ahyooyag enewh puhguhmahgunun kuhya ahzhahwashkoon chepetuhkooneyag?
49Anduhsoo‐kezhik ningeähyah emuh keche‐ahnuhmeä‐weguhmigoong kahahyahyag kenuhwah, keduhzhekuhgequayaun, kah dush kegetuhkooneseem; enandahgwud suh chetebishkoosag enewh kechetwah‐oozhebeëgunun.
50Kuhkenuh dush oogenuhguhnahwaun, keöozhemoowug edush.
51Oogeühnenoopenuhnegoon pazhik ooshkenuhwan, ewh wahbishkegin atuh kepemeähgwid wah‐owh; oogetuhkoonegoon dush enewh enenewun.
52Oogenugguhduhmahwaun ewh wahbishkegin, kepingwahshahgidid keöozhemoo.
53Oogemahjewenahwaun dush enewh Jesusun, oogeezhewenahwaun emuh andahnid keche‐sahsahgahwejega‐wenenewun, kuhya dush pemahwunjeëdewug kuhkenuh keche‐sahsahgahwejega‐wenenewug, kuhya egewh katezejig, kuhya egewh oozhebeëga‐wenenewug.
54Peter dush wahsuh oogeëzhenoopenuhnaun enewh Jesusun, nahnauzh keche‐sahsahgahwejega‐wenene andaud oogeweduhbemaun enewh buhmeetahgunun, keähwuhzood dush emuh chegishkoota.
55Egewh dush keche‐sahsahguhwewejega‐wenenewug kuhya kuhkenuh egewh kahmahwunje‐enahkoonegajig oogenundahwandahnahwah cheähnahmuhmemind Jesusun cheoonje‐nesahwaud; kah dush oogemekunsenahwah.
56Nebewah suh oogekuhkenuhwishke‐ahnahmahmegoon, kah suh tatebishkoo keënahjemoosewun.
57Kepeëzhahwug ahnind, kuhya kepekuhkenuhwishke-bahtahmahwaud, oo‐oo keëkedoowaud.
58Ningenoondahwahnaun ekedood Ningahbahnahjetoon maunduh ahnuhmeä‐weguhmig ooneenjemaung kahoonje‐oozhechegahdag, uhnenesoogoonuhguk ningahkezhetoon bakahnuk ooneenjemaung kaoonje‐oozhechegahdasenook.
59Kah suh dush oomuh kepazhikwunsenene oodebahjemoowinewah.
60Kepuhsegwe dush emuh nahwuhyeëe owh keche‐sahsahgewejega‐wenene, oogekuhgwajemaun dush enewh Jesusun, oo‐oo keëkedood, Kah nuh ningood kedekedoose? wagoonan anahjemikwah oogoo?
61Kepezaun‐ahyah dush ween, kah kuhya ningood Kenuhquatunse. Menuhwah owh keche‐sahsahgahwejega‐wenene oogekuhgwajemaun, oo‐oo keënaud, Keen nuh kedow owh Christ, oogwissun owh Mahyahmahwe shahwandahgoozid?
62Jesus dush keëkedoo, Nindow; kegahwahbuhmahwah dush Enene oogwissun nuhmuhduhbid emuh ookechenikaung owh Kache‐mushkahwezid, kuhya peëzhaud emuh kezhegoong duhzhe‐ahnuhquudoong.
63Me dush uhpe owh keche‐sahsahgahwejega‐wenene kepegoobedood oodahgwewinun, oo‐oo dush keëkedoo, Ahneen kayahbekaoonje‐nunduhwanemungwah dabahjemoojig.
64Kegenoondahnahwah ewh mujje‐kezhwawin; ahneen ananduhmag? Keënahkoonegawug dush kuhkenuh, cheënandahgoozenid cheneboonid.
65Ahnind oogemahje‐sikwahnahwaun, kuhya keähgwengwabenahwaud, kuhya oogepuhquahkooneenjetahwahwaun, kuhya oo‐oo keënahwaud, Aunwahjegan: egewh dush buhmeetahgunug oogenuhpuhgauseneenjetahwahwaun puhkedawahwaud dush.
66Peter dush ween ahyahgoobunan ahnahmeëe emuh keche‐wahkaheguning; oogepenaunzekahgoon pazhik owh keche‐sahsahgewejega‐wenene oobuhmeetahgun‐equamun.
67Uhpe dush wahyahbuhmaud enewh Peterun ahwuhzoonid, oogenuhnahguhdahwahbuhmaun, kuhya oo‐oo oogeenaun, Kuhya keen kegeweejewah Jesus Nazareth duhzhe‐wenene.
68Ween dush keähgoonwatum, oo‐oo dush keëkedood, Kahween nekekanduhse, kah kuhya nenesittootunse ewh akedooyun. Tasekauning dush keëzhesahguhum; kemesittahgooze dush owh nahba‐pahkahahkwa.
69Menuhwah dush owh buhmeetahgun‐equa oogewahbuhmaun, kuhya dush kemahjeënaud nahbahwenejin emuh, Mesuh mahbah pazhik.
70Menuhwah dush keähgoonwatum. Nahguj edush, egewh nahbahwejig emuh menuhwah oo‐oo oogeënahwaun enewh Peterun, Kagate suh keen kedow pazhik: ke‐Galilee‐duhzhe‐wenenewh, kedinwawin dush nahsaub debahjemoomahgud.
71Kemahje‐mujje‐kekedoo kuhya oogetuhgoo‐weenaun Kesha‐Muhnedoon, oo‐oo keëkedood, Kahween gooshah nekekanemahse wah‐owh enene anduhzhemag.
72Medush menuhwah kemesittahgoozid owh nahba‐pahkahahqua: Peter dush oogemequandaun ewh ekedoowin, kahegoogoobunan enewh Jesusun, Chepwah neezhing masettahgoozid nahba‐pahkahahqua, nesing kegahahgoowatow. Uhpe dush kahnahnahgahdahwandung, kemahwe.
Currently Selected:
ST. MARK 14: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
