ST. MARK 12
12
1Emuh dush ahwajeguning oogeëzhemahje‐guhnoonaun. Pazhik enene oogeöozhetoon pazhik shoowemine‐ketegaun, oogeähtoon dush ewh mejekun emuh kewetuhyeëe, oogewahnekahdaun dush ewh shooweminahbookaun, kuhya oogeöozhetoon ewh ahkahwahbewine‐wegewaum, oogeähweäun dush enewh ketega‐wenenewun, wahsuhwakummig dush keëzhemahjah.
2Uhpe tahbishkoosamahgudenig oogeëzhenahzhahwaun enewh oobuhmeetahgun, cheëzhahnid enewh ketega‐wenenewun cheöodahpenung enewh kahnetuhwegingin emuh shoowemine‐ketegauning.
3Oogetuhkoonahwaun dush, kuhya oogepuhzhunzhawahwaun, kuhya pezheshig oogemahjenahzhahwahwaun.
4Menuhwah dush oogeëzhenahzhahwaun pakahnezenejin buhmeetahgun; enewh dush ween oogepemoosenuhahwaun kuhya oogewahkuhgunahmahwaun emuh ooshtequahnening, kahbahpenoodahwahwaud dush oogemahjenahzhahwahwaun.
5Menuhwah dush pazhik oogeëzhenahzhahwaun; enewh dush ween oogenesahwaun, kuhya nebewah ahnind keëzhenahzhahwahwug; ahnind dush enewh oogepuhzhunzhawahwaun; ahnind dush oogenesahwaun.
6Kayahbe dush keähyahwun puhyazhegoonejin oogwissun, enewh suhyahgeähjin, me enewh ishquauj kahezhenahzhahwahjin, oo‐oo keëkedood, Oogahkechetwahwanemahwaun enewh ningwissun.
7Egewh dush ketega‐wenenewug oo‐oo keëzheguhnoonindewug, Me mahbuh dabandahsood; umba nesahdah, ewh dush tebandahsoowin kegahdebandahmin.
8Me dush ketuhkoonahwaud, kenesahwaud dush, kuhya keöonjesahgeje‐wabenahwaud emuh shoowemine‐ketegauning.
9Ahneesh owh tabandung ewh shoowemine‐ketegaun kadoodahwaud enewh? tahpeëzhah suh chepebuhnahjeäud enewh ketega‐wenenewun, oogahmeenaun dush ewh shoowemine‐ketegaun enewh bakahnezenejin.
10Kah nuh ween kegeähginduhsenahwah oo‐oo ekedoowin wazhebeëgahdag, Ewh ahsin kahahnuhwanduh-moowaud egewh washegajig me suh ewh mahyahmahwe ahpetandahgwuk ahsin anegookwaug ewh wahkahegun:
11Mesuh owh Tabaningad kahenahkoonegad, keche‐mahmaundahwud emuh kishkeenzhegoonaung?
12Kenundahwanduhmoog dush chetuhkoonahwaud, oogekoosahwaun dush enewh ahnishenahban: oogekekandahnahwah muh ewh wenuhwah kahoonje‐ahwajeganid: oogenuhguhnahwaun, kemahjahwaud dush.
13Oogeëzhenahzhahwahwaun ahnind Phariseen kuhya ahnind Herodianun, chenuhgwahnahnid emuh oodekedoowining.
14Uhpe dush kahpeëzhahwaud, oo‐oo oodenahwaun, Kakenooähmahgayun, kekanemegoo netuh‐dabwayun, kuhya bahbahmanemahsewud ahweyah enene: kah muh kebahbahmanduhseen enene oodenandahgoozewin, emuh suh dabwawining kedezhekekenooähmahgan oodezhewabezewin owh Kesha‐Muhnedoo: Ezhesin enuh chemeenind ewh oogemah‐shooneyah owh Cæsar, gamuh kuhya goo kah?
15Ningahmeegewamin nuh, gamuh nuh kahween kegahmeegewasemin? Ween dush kekandung ookuhkuhyanezewinewah, oo‐oo keënaud, Ahneeshwin kuhgwatebanemeyag? peetahmahweshig ewh shooneäuns chewahbundahmaun.
16Oogepeetoonahwah dush: oo‐oo dush oodenaun, Ahwanan oodezhenahgoozewin oo‐oo kuhya oodoozhebeëgawin? Oo‐oo dush oogeënahwaun, Cæsar suh.
17Jesus dush oogenuhquatuhwaun, oo‐oo keënaud, Meenik suh owh Cæsar enewh waduhyeemejin owh Cæsar, kuhya meenik owh Kesha‐Muhnedoo enewh waduhyeemejin owh Kesha‐Muhnedoo. Oogemahmahkahdanemahwaun dush.
18Oogepenaunzekahgoon dush enewh Sadduceen, kahween tahahbejebahseem, akedoonejin; oogekuhgwajemegoon dush, oo‐oo keëgood.
19Kakenooähmahgayun, Moses ningekuhgaunzemegoonaun, oo‐oo keëzhebeëgad, Kishpin neboonid ahweyah wejekewaün, nuhguhnaud dush wewun, kishpin oonejahnesesig, wejekewaün oogahoodahpenaun enewh equawun cheöozhetuhmahwaud ewh menekaun enewh wejekewaëbuneen.
20Keneezhwahjewug dush egewh kahwejekewaïndjig; pazhik netum oogewedegamaun enewh equawun; kuhya dush keneboo keoonejahnesesig.
21Menuhwah dush pazhig oogewedegamaun, keneboo dush kuhya ween keöonejahnesesig: kuhya dush menuhwah pazhig nahsaub keëzheähyah.
22Kuhkenuh egewh neezhwahswe oogewedegamahwaun enewh equawun, kah dush keöonejahnesesewug: ishquauj dush keneboo owh equa.
23Emuh ahbejebahwining, uhpe oonishkahwaud, ahwananun enewh kaöonahbamejin owh equa? kuhkenuh muh egewh neezhwahswe oogeähyahwahwaun.
24Jesus dush oogenuhquatuhwaun, oo‐oo keënaud, Kah nuh ween kewuhnesheseem, oonje‐kekanduhsewag enewh kechetwah‐oozhebeëgawinun, kuhya oomushkahwezewin owh Kesha‐Muhnedoo?
25Uhpe muh keähbejebaung, kahween tahwewesewug, kah kuhya tahwewemahsewug; debishkoo azhewabezewaud egewh keche‐kezhegoong duhzhe angenug, tahezhewabezewug.
26Benuh dush kahneboojig cheähbejebahwaud: kah nuh ween kegeähginduhsenahwah emuh oomuzzeneëguning owh Moses, ahnebeshekaung kahezhekuhnoonegood enewh Kesha‐Muhnedoon oo‐oo keëgood, Neen nindow Ookesha‐Muhnetoomun owh Abraham, kuhya Ookesha Muhnedoomun owh Isaac, kuhya Ookesha‐Muhnedoomun owh Jacob?
27Kahween enewh naboonejin Oodookesha‐Muhnedoomegooseen, enewh atuh bamahdezenejin: mesuh kagate keche‐puhkatahyag.
28Kepeëzhah dush pazhig oozhebeëga‐wenene, uhpe nwaundahwaud kuhgwajindenid, kekanemaud dush quuhyuk kenuhquatuhmenid, oogeguhgwajemaun, Wagoonan nahgaunandahgwuk kuhgequawin?
29Jesus dush oo‐oo oogenuhquatuhwaun, Me maunduh nahgaunandahgwuk kuhgequawin, Bezindun, Oh Israel; Jehovah Kekesha‐Muhnedoomenaun pazhegoo Tabaningad.
30Kuhya kegahsahgeäh owh Jehovah Kekesha‐Muhnedoom anegookoo‐daäyun, kuhya anegookoojechaugooweyun, kuhya anegookwaug kedenanduhmoowin, kuhya apeecheweyun: mesuh oo‐oo nahgaunandahgwuk kuhgequawin.
31Kuhya dush menuhwah pazhik nahsaub ekedoomahgud, Kegahezhesahgeäh keweejeduhnuhkewamahgun debishkoo azhesahgeëdezooyun. Kah gagoo kuhgequawin ahwahshema ahpetandahgussenoon dush ween oonoo.
32Owh oozhebeëga‐wenene oo‐oo oogeënaun, Wawane, kakenooähmahgayun, kegedabwa ewh kahekedooyun: pazhikoo suh owh Kesha‐Muhnedoo; kah dush ahweyah bakahnezid ahyahse ween atuh:
33Ewh suh dush ween anegookoo‐daäng cheëzhesahgeïnd, kuhya anegook oonesittootuming, kuhya anegookoojechaugoong, kuhya apeechewing, kuhya owh enene chesahgeäud enewh weejeduhnuhkewamahgunun debishkoo azhesahgeëdezood, ahwahshema oo‐oo enandahgwud, anandahgwuk dush ween kuhkenuh chuhyahgezegahdagin sahsahgewejegunun kuhya tebundoowinun.
34Jesus dush wuhyahbuhmaud kenebwahkah‐nuhquatuhmenid, oo‐oo oogeënaun, Kahween wahsuh kedenandahgoozese chepeendegayunbun emuh oodoogemahwewining owh Kesha‐Muhnedoo. Kah dush menuhwah ahweyah keënanduhse, kuhnuhga gagoo chekuhgwajemaud.
35Jesus dush kenuhquatum, oo‐oo këekedood, magwah kekenooähmahgad emuh keche‐ahnuhmeä‐weguhmigoong, Ahneeshwin ekedoowaud egewh oozhebeëga‐wenenewug, ween Christ cheöogwissemegood enewh Davidun?
36Ween dush David keëkedood kekenooahmahgood enewh Keche‐oojechaugwun, Owh Tabaningad oo‐oo oogeënaun enewh Tabanemejin, Nuhmuhduhbin emuh nekeche‐nikaung nahnauzh cheëzheügwah egewh shaunganemikig cheootuhbesittabeweneyun
37Ween egoo David Tabanemeyun oodenaun; ahneen dush azheöogwissid? Enewh dush ahnishenahban oogemenootahgoon.
38Magwah dush kekenooähmahgad oo‐oo oogeënaun, Ahkahwahbuhmik egewh oozhebeëga‐wenenewug, minwanduhmoog suh chekuhgaunwabegekoonuhyawaud, kuhya cheähnemikahwindwah emuh anduhzhe‐ahtaunding.
39Kuhya chenegaun‐uhbewaud emuh ahnuhmeä‐weguhmigoong, kuhya chenegaun‐uhbewaud emuh anduhzhe‐wekoonding:
40Ookedahnahwah dush enewh shegahwun oowegewaumene, kuhya dush ahneshah kenooäzh ahnuhmeätahgoozewug, cheoonjewuhyazhemahwaud: ahwahshema suh tahkeche‐kuhgwahnesugge‐nahneboomahwug oogoo.
41Kenuhmuhduhbe dush owh Jesus emuh debishkoo apuggejegahzood shooneyah, oogewahbuhmaun enewh ahnishenahban cheähpuhgeduhmenid shooneyah emuh shooneyah‐ahtahsoo‐weguhmigoong: nebewah dush wuhyahnuhdezejig oogeähpuhgedahnahwaun nebewah shooneyah.
42Pazhig dush katemahgezid shegah, oogeähpuggedaunun neezh shoomahnekansun, mesuh pazhig shoomahnekang apeetandahgwuk.
43Uhpe dush kahnundoomaud enewh ookekenooähmahgunun, oo‐oo oodenaun, Kagate kedenenim, Mahbuh katemahgezid shegah oogeähpuggenaun nahwuj nebewah dush ween kuhkenuh kahahpuhgejegajig emuh shooneyah‐ahtahsoo‐weguhmigoong:
44Wenuhwah muh kuhkenuh apeech bahteënuhdenig ooduhyeemewaun keähpuggejegawug; mahbuh dush oogeähpuggedaun kuhkenuh ootebenuhwawezewin, ewh suh goo kaöonjebemahdezegoobunan.
Currently Selected:
ST. MARK 12: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
