St Matthew 9
9
1Kepooze dush emuh nahbequauning, keähzhahwahood, kemezhuhgaud dush emuh oodanaung ween kahoodatood.
2Benuh dush, oogepeetahmahwahwaun pazhig enenewun naboowahpenanejin, nebahguning shingeshenenid; Jesus dush wuhyahbuhmaud azhedabwayanduhmenid, oo‐oo oogeënaun enewh naboowahpenanejin, Nengwis mushkahwandun; kewabenuhmahgoo kemujjeëzhewabezewinun.
3Benuh dush, ahnind egewh oozhebeëga‐wenenewug emuh oodaëwaung keëkedoowug, Mujje‐kezhwa suh wahowh enene.
4Jesus dush kekanemaud ewh ananduhmenid, oo‐oo keëkedoo, Wagoonan suh wanjemujje‐enanduhmag emuh kedaëwaung?
5Wagoonan nahwuj wuhyanepunuk oo‐oo cheëkedoong, Kewabenahmahgoo kemujje‐ezhewabezewinun; gamuh oo‐oo cheëkedoong, Puhsegwen, bemoosan dush?
6Cheöonjekekanemag owh Enene oogwissun kushkeawezid oomah uhkeeng chewabenahmahgad enewh mujje‐ezhewahezewinun, (oogeënaun dush enewh naboowahpenanejin), Oneshkaun, oombenun kenebahgun, ezhaun dush ewede andahyun.
7Keöoneshkah dush, andaud dush keëzhemahjah.
8Uhpe dush egewh ahneshenahbag wuhyahbunduhmoowaud, kemahmahkahdanduhmoog, kuhya dush oogewahwezhanemahwaun Kesha‐Muhnedoon kemeenahnid oo‐oo denoo kushkeäwezewin enewh enenewun.
9Ewede dush kahoonjemahjaud owh Jesus, uhnebemoosad dush, oogewahbuhmaun pazhik enenewun Matthew azhenekahzoonejin, nuhmuhduhbenid emuh anduhzhe‐mahwunjechegahdag ewh oogemah‐shooneyah: oo‐oo dush oodenaun, Noopenuhzheshin. Kepuhsegwewun dush, kenoopenuhnegood.
10Kepuhgummeähyah dush, magwah Jesus keduhzhe-wesenid emuh wegewaumening, Benuh, nebewah kepeëzhahwun mahwunjechega‐wenenewun kuhya majeëzhewabezenejin kewedoopuhmegood dush kuhya ookekenooähmahgunun.
11Uhpe dush egewh Phariseeg wuhyahbunduhmoowaud, oo‐oo oogeënahwaun ookekenooahmahgunene, Ahneshwin owh kakenooahmoonag wedoopuhmaud enewh mahwunjechega‐wenenewun kuhya majeëzhewabezenejin?
12Uhpe dush owh Jesus nwaundung oo‐oo, oogeënaun, Egewh kayundahwezejig kahween oonundahwanemahsewahwaun enewh mushkeke‐wenenewun, egewh suh atuh ayahkoosejig.
13Ahwenunduhkekanduhmook suh oo‐oo azhenesettootahgwuk, Nenunduhwandaun ewh shahwanendewin, kah dush ween ewh sahsahgewejegawin; kah suh ween ninpeöonjeëzhahse chenundoomugwah egewh manoo‐ezhewabezejig cheäunwanindezoowaud majeëzhewabezejig atuh.
14Medush kepenaunzekahgood ookekenooahmahgunun owh John, keëgood, Ahneshwin nenuhwend kuhya egewh Phariseeg nuhnengim pahkuddaëdezooyaung, kekekenooahmahgunug atuh kahween puhkuddaëdezoosewug?
15Jesus dush oo‐oo oogeënaun, Tahkushkanduhmoog nuh egewh dabandahgoozejig emuh nahaunge‐weguhmegoong, magwah weejewahwaud enewh nahaungeshun? Tahtuhgweshenoomahgudoon enewh kezhegudoon, uhpe chekemuhkummindwah enewh nahaungeshun, me dush uhpe kapuhkuddaëdezoowaud.
16Kahween ahweyah oopuhgwahegaseen ewh ooshke‐mahnetoowagin emuh kata‐ahgwewining, ewh muh uhyeëe kahahjegahdag ashkum tahoonje‐pegooshkah ewh ahgwewin.
17Kah kuhya oosegenunsenahwah ewh ooshke‐shoowemenahboo emuh kata‐puhshquagenoo‐moodying; keshpin keëzhechegawahpun tahgepegooshkahwun enewh oomoodyun, kuhya dush tahgesekesa ewh shoowemenahboo, kuhya bahnahdudoon enewh oomoodyun: oosegenahnahwah dush ween ewh ooshke‐shoowemenahboo emuh ooshke-puhshquagenoo‐oomoodying, medush nuhyazh chemenoo-guhnuhwanduhmoowaud.
18Magwah oo‐oo uhyenaud, benuh, kepeëzhahwun pazhik oogemaun, keshahgushketahgood, keëgood, Ahzhe keneboo nindahnis; peëzhahkun dush kuhya taungin, medush kaëzhebemahdezid.
19Jesus dush kepuhsegwe, kenoopenuhnaud, kuhya dush ookekenooähmahgunun nahsaub keëzhecheganid.
20Benuh dush, pazhik equa kahmesquewahpenad metahswe‐ahzhe‐neezhoo pepoon, oopequunaung kepeëzhahwun, ketaungenuhmahgood dush emuh tuhtebegwahdanig ewh oopesekoowahgun.
21Oo‐oo mahween peenjenah keëkedoo, Keshpin goo kuhnuhga taungenuhmahwug oopesekoowahgun, me suh goo kaëzhekuhyunduhwezeyaun.
22Jesus dush kequakekahbahwe, uhpe dush wuhyahbuhmaud oo‐oo keëkedoo, Nindahnis menoodaän; kedabwayanduhmoowin kenoojemooëgoon. Medush goo uhpe enoojemooïnd owh equa.
23Uhpe dush Jesus kahpeendegad emuh oowegewauming owh oogemah kewahbuhmaud dush enewh pwahtahjeganejin kuhya ahneshenahban oombegezenid.
24Oo‐oo‐oogeënaun, Ekoogahbahwik, kah suh neboose owh ooshkenegequa, nebah suh atuh; oogekaunj‐bahpeëgoon dush.
25Uhpe dush kahsahgejenahzhahoondwah egewh ahneshenahbag, kepeendega kuhya oogesuggeninjenaun e newh ooshkenegequan, medush keöoneshkahnid.
26Oo‐oo suh kedebahjemah mezeewa emuh uhkeeng.
27Uhnemahjaud dush Jesus, oogenoopenuhnegoon neezh enewh kakepeengwanejin enenewun, kepepahgemegood, oo‐oo keëgood, Shahwanemeeshenaum, keen wagwisemik owh David.
28Kahpeendegad dush emuh wegewauming, oogepenaunzekahgoon enewh kakepeengwanejin. Jesus dush oo‐oo oogeënaun, Kedabwayandaum nuh chekushkeäwezeyaun oo‐oo cheëzhechegayaun? oo‐oo dush oogeëgoon, Aahe Tabanengayun!
29Medush ketaungenahmahwaud ooshkinzhegoone, oo‐oo keëkedood, Azhedabwayanduhmag mahnoo kegahdoodahgoom.
30Medush kepahkahkahbewaud; Jesus dush oogekecheäungwahmemaun, oo‐oo ekedood; Aungwahmezeyook ahweyah chekekanduhsig.
31Uhpe dush kahsahguhumoowaud, oogesuhswayah-jemahwaun mezeewa emuh uhkeeng.
32Uhnesahgahumoowaud, benuh, oogepetahmahwaun enewh natah‐kekedoosenegoon enenewun kakeshkahwahnejin mujje‐muhnedoon.
33Uhpe dush kahsahgeje‐wabenemind enewh Mujje‐Muhnedoon, kekekedoo owh natah‐kekedoosig: Egewh dush ahneshenahbag kemahkahdanduhmoog, oo‐oo keëkedoowaud, Kahween wekah kewahbunjegahdasenoon emuh Israëling oo‐oo cheëzhewabuk.
34Egewh dush Phariseeg keëkedoowug, Me enewh oodoogemahmewaun egewh mujje‐muhnedoog wanjesahgeje-wabenaud enewh mujje muhnedoon.
35Jesus dush oogepahpahezhahnun kuhkenuh enewh oodanahwun kuhya oodanaunsun, pahpahkekenooahmahgad emuh oodahnuhmeä‐weguhmegoowaung, kuhya kepahpahtebahdoodung ewh oogemahwine‐menwahjemoowin, kuhya kepahpahnoojemootood kuhkenuh ahkoosewinun uhya kuhkenuh nuhnepenezewinun.
36Uhpe dush wuhyahbuhmaud enewh ahneshenahban, oogeketemahganemaun, ewh kemegooshkahjeähyahnid kuhya suhswaskahnid, debishkoo mahneshtahneshug wamahneshtahneshe‐wenenemesegoog.
37Medush oo‐oo keënaud enewh ookekenooahmahgunun, Kagate bahteënud ewh keshkezhegawin, pungeshawuggezewug dush ween egewh keshkezhega‐wenenewug;
38Nundoodahmahwik owh Tabandung ewh keshkezhegawin, chepeëzhenahzhahwaud anooketahganejin emuh ooketegauning.
Currently Selected:
St Matthew 9: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
