St Matthew 3
3
1Emuh oonoo kezhegudoon tuhgweshin owh John Baptizooëwa‐wenene, duhzhe‐kuhgequad emuh buhgwuhduhkummig Judea.
2Akedood, Aunwanindezooyook, zhuhyegwah muh keche‐keezhegoong oonje oogemahwewin pashoo peähyahmahgud.
3Me muh enewh kahduhzhemahjin owh aunwahjega‐wenene Esaias oo‐oo keëkedood, Oodinwawin owh madwa‐pepahgid emuh buhgwuhduhkummig, Wahwazhetuhmook enewh oomeekunun owh Jehovah, quuhyukquahmootahwik enewh oomeekaunsun.
4Wah‐owh suh John oogeähgwin ewh baquahwegun oopewuyün, kuhya dush kekechepezoo ewh paushquaginoo-kechepezoowin, puhkenaün dush oogeäumwaun kuhya puhgwuj ahmoo‐sinsebahquud.
5Me dush kebenaunzekahgood Jerusalem kuhya kuhkenuh emuh Judæaing, kuhya kuhkenuh enewh kahduhnuhkenejin emuh kewetuhyeëe Jordaning.
6Kebaptizoomegoowaud dush emuh Jordaning, kahwahweenduhmoowaud enewh oomujjeëzhewabezewenewaun.
7Uhpe dush wuhyahbuhmaud nebewah enewh Phariseen kuhya enewh Sadduceen benaunzekumenid ewh oobaptizooëwawin, oogeënaun, Oh kenuhwah kenabegoong wandahdezeyag, ahwanan kahahyaungwahmenenag cheöozhinduhmag ewh nishkahdezewin kapetuhgweshenoomahguk?
8Mekoogetooyook enewh aunwanindezoowene‐meenewenun.
9Kagoo dush enandunkagoon cheëdezooyag, Nindooyoosemahnaun suh owh Abraham, kedenenenim suh, kushkeäweze owh Kesha Muhnedoo oonoo ahsineen cheoonjëoonejahnesid owh Abraham.
10Noongoom dush enenegahda ewh wahgahquud emuh oojebekahwaung egewh metigoog; anduhchid dush metig manoo‐menewesig tahkahwahegahzoo, tahahpuggenah dush emuh ishkootang.
11Neen suh kebaptizoomenim nebee ahyooyaun cheäunwanindezoong; owh dush pahnoopenuhzhid ahwahshema mushkahweze neen dush ween, kah suh nindahpetandahgoozese chepemewetoowug enewh oomuhkissinun, mesuh kabaptizooweënag Keche‐oojechaug kuhya emuh ishkootang.
12Oowapasechegun suh ootuhkoonaun, wahweenga dush oogahpenetoon ewh oomechesuhgoom, oogahsuhguhkenaun dush enewh oomezemenansemun emuh meejeme-guhmigoong, oogahchahgahkezaun dush enewh shegoo-nooshkahjegunun emuh ishkootang wekah kaähtasenook.
13Jesus dush Galileeïng peöonjebah Johnun emuh Jordaning chebaptizooweëgood.
14Oogekenahahmahgoon dush Johnun oo‐oo keëgood, Neen suh nindenandahgoozenahbun chebaptizoomeyun, keen nuh dush kepenaunzekow?
15Jesus dush nuhquatung oodenaun, Mahnoo noongoom tahezhewabud, me muh ewh kaëzhewabezeyungoobun chedebishkoosetooyung kuhkenuh menoo‐ezhewabezewinun; oogebahbahmetahwaun dush.
16Jesus dush uhpe kahbaptizooweïnd, kazhetena keoonje‐koope emuh nebeeng: Benuh dush kenesahkoonahmahwah ewh kezhik, oogewahbuhmaun dush enewh Kesha‐Muhnedoo Ookeche‐oojechaugwun penahzhenid debishkoo keche‐oomeemeeng, kepoonenoodahgood dush.
17Benuh dush keche‐kezhegoong keönzetahgwud ewh enwawin oo‐oo akedoomahguk, Mesuh wah‐owh ahyahwid suhyahgeüg ningwis kahmenoonahwaïd.
Currently Selected:
St Matthew 3: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
