St Matthew 15
15
1Medush egewh oozhebeëga‐wenenewug kuhya Phariseeg, Jerusaleming kahoonjebahjig, penaunzekahwahwaud enewh Jesusun, oo‐oo ekedoowaud.
2Ahneshwin egewh kekenooähmahgunug bahnahjetoowaud enewh oodezhetwahwinewah egewh katezejig? kah muh kesebegeneenjesewug uhpe wahsenewahjin.
3Oogenuhquatuhwaun dush oo‐oo keënaud, Ahneshwin kuhya kenuhwah bahnahjetooyag ewh ookuhgequawin owh Kesha Muhnedoo kedezhetwahwinewah oonje?
4Oo‐oo muh keënahkoonega owh Kesha‐Muhnedoo, oo‐oo keëkedoo, Kechetwahwanim koos kuhya keguh; kuhya, Owh kamujje‐guhnoonahgwan enewh oosun gamuh enewh oogeen, mahnoo tahneboo ewh neboowin.
5Kenuhwah dush kedekedoom, Ahwagwan kaënahgwan oosun gamuh oogeen, Ahzhe puhgedenegahda suh ewh kagemeenenaumbaunan;
6Kahween kuhnuhga oogahkechetwahwanemahseen dush enewh oosun gamuh enewh oogeen, Mesuh kahezhebahnahjetooyag ootebahkoonegawin owh Kesha‐Muhnedoo kedezhetwahwinewah oonje.
7Anuhmeäkahzooyag, quuhyuk keäunwahjega owh Ezaias, kenuhwah kahduzhemenag, oo‐oo keëkedood.
8Nepenaunzekahgoog oogoo ahneshenahbag emuh oodoonewaung, kuhya newahwezhanemegoog emuh oogechedoon; Enewh dush ween oodaëwaun ningooje ahyahnewun.
9Kahween dush ningood enahbuhtussenene cheöojecheengwuhnetahwewaud, kekenooahmahgawaud enewh ookuhgequawinewaun egewh enenewug.
10Medush kenundoomaud enewh ahneshenahban, oo‐oo dush oogeënaun, Bezinduhmook, kuhya nesittootuhmook.
11Kahween ewh paundegamahguk emuh oodooning ooweneëgooseen enene; ewh suh atuh oodooning pahoonzekahnig enene ooweeneëgoon.
12Me dush kepenaunzekahgood enewh ookekenooähmahgunun, oo‐oo dush keëgood, Kekekandaun nuh ewh keöosittuhwanduhmoowaud egewh Phariseeg, uhpe kahnoonduhmoowaud ewh kedekedoowin?
13Oogenuhquatuhwaun dush oo‐oo keëkedood, Kuhkenuh suh enewh suhyahgukkeegin, owh Noos keche‐kezhegoong ayaud kahketegahdunsegin, tahbahgwahkoobejegahdawun.
14Pooneïk suh; kakepeengwajig suh sagahbegenahjig enewh kakepeengwanejin ahwewug. Keshpin dush owh kakepeengwad sahgahbegenaud enewh kakepeengwanejin, nuhyazh tahpungeshenoog emuh wahnekauning.
15Peter dush oogenuhquatuhwaun, oo‐oo keënaud, Weenduhmooweshenaum maunduh ahwajegun.
16Jesus dush oo‐oo oogeënaun, Kahyahbe nuh kuhya kenuhwah kepwah‐nesittootaum?
17Kah nuh muhshe kenesittootunsenahwah, kuhkenuh menik paundegamahguk emuh oodooning oomesudaung ezhahmahgud, uhnegejesag dush?
18Oonoo suh atuh oodoonemaung wanjesahguhummoomahgukin oodaëmaung pahoonzekahnegin; me dush enewh wahneëgoojin owh enene.
19Me muh oodaëmaung pahoonzekaug enewh mujje‐enanduhmoowinun, nesedewinun, peshegwahdezewinun, kemoodewinun, kuhkenahweshke‐debahjemoowi‐nun kuhya mujje‐kezhwawinun:
20Mesuh oonoo wahneëgoojin owh enene; ewh dush wesening chepwah kesebegeninjeeng kahween ooweeneëgooseen enene.
21Ewede dush kahoonjemahjaud owh Jesus, keëzhaud ewede anuhkakumig Tyre, kuhya Sidon.
22Benuh dush, Canaan duhzhe equan ewede enuhkayah kepeöonjebahnid oogepepepahgemegoon, oo‐oo keëgood, Shahwanemeshin, Tabaningayun wagwessemik owh David; nindahnis ookeche‐kooduggeëgoon enewh mujje‐muhnedoon.
23Ween dush kah kuhnuhga pazhig ekedoowin oogenuhquatuhwahseen; oogepepahgoosanemegoon ookekenooahmahgunun, oo‐oo ekedoonid, Mahjenahzhow, kemookahwahnegoonaun gooshah.
24Oogenuhquatuhwaun dush oo‐oo oogeënaun, Kahween bakahnezejig nindoonje‐ahnoonegoose, me atuh egewh waneshengig mahneshtahneshug Israëling dabandahgoozejig wanje‐ahnoonegooyaun.
25Oogepeshahgushketahwaun oo‐oo dush keënaud, Tabaningayun, wedookahweshin.
26Oogenuhquatuhwaun, oo‐oo dush oogeënaun, Kahween tahoonesheshinsenoon chemuhkummindwah egewh wanejahneseminjig, oobuhquazhegunemewah, egewh dush uhnemoonshug cheähpuhgenuhmahwindwah.
27Oo‐oo keëkedoo, Aahe, Tabaningayun: anewak egeneen goo egewh uhnemoonshug oomeejenahwah enewh eshquunjegunun wanje‐pungesingin emuh ooduhdoopoowinening enewh tabanemegoowahjin.
28Jesus dush oogenuhquatuhwaun oo‐oo keënaud, Equa, keche‐enandahgwud suh kedabwayanduhmoowin; azhenundahwanduhmun me ewh kadoodahgooyun. Me dush goo uhpe kenoojemooëmind enewh oodahnun.
29Jesus dush emuh keöonjemahjah, keëzhah dush emuh cheguhyeëe Galilee kechegummeeng kuhya keähmujjewad emuh wahjewing, kewuhwanuhbe dush emuh.
30Oogepenaunzekahgoon dush nebewah ahneshenahban, peähyahwahnid mamaunejekoozenejin, kakepeengwanejin, kuhya natahkekedoosenegoon, mamahkezenejin kuhya nebewah bakahnezenejin, keähpuggenahwaud dush emuh oosittaung Jesus, oogenoojemooäun dush.
31Kemahmahkahdanduhmoog dush egewh ahneshenahbag, uhpe kahwahbuhmahwaud enewh natuh‐kekedoosenegoon kekedoonid, enewh mamahkezenejin kuhyundahwezenid, enewh mamaunjekoozenejin pahbahmoosanid, kuhya kakepeengwanejin wahbenid. Me dush kewahwezhanemahwaud enewh ookesha‐Muhnedoomun owh Isräel.
32Uhpe dush owh Jesus kahnundoomaud enewh ookekenooähmahgunun, oo‐oo keëkedoo, Neketemahganemaug egewh ahneshenahbag, ahzhe muh nesoogoon newejewegoog oomah, Kah dush kagoo oodahyaunsenahwah kameejewaud; kahween neminwanduhseen chemahjenahzhahwugwah magwah puhkuddawaud, koonemah suh tahgepwahnuhwetoowug ningooje emuh meekunaung.
33Ookekenooähmahgunun oo‐oo oodegoon, Ahneende dush menik kaöondenuhmaungoobun ewh buhquazhegun oomah puhgwuduhkumegaug chegetabesenewahpun oogoo kache‐mahmahwenoojig?
34Jesus dush oo‐oo oodenaun, Ahneen menik ahyahwagwah buhquazhegunug? oo‐oo dush oogeëgoon, Neezhwahswe kuhya punge gegoozansug.
35Oogeënaun dush enewh ahneshenahban chenuhmuhduhbenid emuh metahkummig.
36Oogeöodahpenaun dush enewh neezhwahswe buhquazhegunun kuhya dush enewh gegoosansun, uhpe dush kahmahmooyahwad, oogepuhquabenaun, oogemeenaun dush enewh ookekenooähmahgunun, kuhya dush kekenooahmahgunug oogemeenahwaun enewh ahneshenahban.
37Kuhkenuh dush kewesenewug kuhya ketabesenewug; oogemahmoonahwaun dush enewh pewunjegunun kaheshkoosagin neezhwahswe ookookoobenahgunun mooshkin.
38Egewh dush enenewug kahwesenejig kenewin‐metauswaukoosewug, kahween keühgemahsewug equawug kuhya ahbenoojeyug.
39Uhpe dush kahpuggedenaud enewh ahneshenahban, kepooze emuh nahbequauning, keëzhah dush emuh Magdala enuhkagaum.
Currently Selected:
St Matthew 15: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
St Matthew 15
15
1Medush egewh oozhebeëga‐wenenewug kuhya Phariseeg, Jerusaleming kahoonjebahjig, penaunzekahwahwaud enewh Jesusun, oo‐oo ekedoowaud.
2Ahneshwin egewh kekenooähmahgunug bahnahjetoowaud enewh oodezhetwahwinewah egewh katezejig? kah muh kesebegeneenjesewug uhpe wahsenewahjin.
3Oogenuhquatuhwaun dush oo‐oo keënaud, Ahneshwin kuhya kenuhwah bahnahjetooyag ewh ookuhgequawin owh Kesha Muhnedoo kedezhetwahwinewah oonje?
4Oo‐oo muh keënahkoonega owh Kesha‐Muhnedoo, oo‐oo keëkedoo, Kechetwahwanim koos kuhya keguh; kuhya, Owh kamujje‐guhnoonahgwan enewh oosun gamuh enewh oogeen, mahnoo tahneboo ewh neboowin.
5Kenuhwah dush kedekedoom, Ahwagwan kaënahgwan oosun gamuh oogeen, Ahzhe puhgedenegahda suh ewh kagemeenenaumbaunan;
6Kahween kuhnuhga oogahkechetwahwanemahseen dush enewh oosun gamuh enewh oogeen, Mesuh kahezhebahnahjetooyag ootebahkoonegawin owh Kesha‐Muhnedoo kedezhetwahwinewah oonje.
7Anuhmeäkahzooyag, quuhyuk keäunwahjega owh Ezaias, kenuhwah kahduzhemenag, oo‐oo keëkedood.
8Nepenaunzekahgoog oogoo ahneshenahbag emuh oodoonewaung, kuhya newahwezhanemegoog emuh oogechedoon; Enewh dush ween oodaëwaun ningooje ahyahnewun.
9Kahween dush ningood enahbuhtussenene cheöojecheengwuhnetahwewaud, kekenooahmahgawaud enewh ookuhgequawinewaun egewh enenewug.
10Medush kenundoomaud enewh ahneshenahban, oo‐oo dush oogeënaun, Bezinduhmook, kuhya nesittootuhmook.
11Kahween ewh paundegamahguk emuh oodooning ooweneëgooseen enene; ewh suh atuh oodooning pahoonzekahnig enene ooweeneëgoon.
12Me dush kepenaunzekahgood enewh ookekenooähmahgunun, oo‐oo dush keëgood, Kekekandaun nuh ewh keöosittuhwanduhmoowaud egewh Phariseeg, uhpe kahnoonduhmoowaud ewh kedekedoowin?
13Oogenuhquatuhwaun dush oo‐oo keëkedood, Kuhkenuh suh enewh suhyahgukkeegin, owh Noos keche‐kezhegoong ayaud kahketegahdunsegin, tahbahgwahkoobejegahdawun.
14Pooneïk suh; kakepeengwajig suh sagahbegenahjig enewh kakepeengwanejin ahwewug. Keshpin dush owh kakepeengwad sahgahbegenaud enewh kakepeengwanejin, nuhyazh tahpungeshenoog emuh wahnekauning.
15Peter dush oogenuhquatuhwaun, oo‐oo keënaud, Weenduhmooweshenaum maunduh ahwajegun.
16Jesus dush oo‐oo oogeënaun, Kahyahbe nuh kuhya kenuhwah kepwah‐nesittootaum?
17Kah nuh muhshe kenesittootunsenahwah, kuhkenuh menik paundegamahguk emuh oodooning oomesudaung ezhahmahgud, uhnegejesag dush?
18Oonoo suh atuh oodoonemaung wanjesahguhummoomahgukin oodaëmaung pahoonzekahnegin; me dush enewh wahneëgoojin owh enene.
19Me muh oodaëmaung pahoonzekaug enewh mujje‐enanduhmoowinun, nesedewinun, peshegwahdezewinun, kemoodewinun, kuhkenahweshke‐debahjemoowi‐nun kuhya mujje‐kezhwawinun:
20Mesuh oonoo wahneëgoojin owh enene; ewh dush wesening chepwah kesebegeninjeeng kahween ooweeneëgooseen enene.
21Ewede dush kahoonjemahjaud owh Jesus, keëzhaud ewede anuhkakumig Tyre, kuhya Sidon.
22Benuh dush, Canaan duhzhe equan ewede enuhkayah kepeöonjebahnid oogepepepahgemegoon, oo‐oo keëgood, Shahwanemeshin, Tabaningayun wagwessemik owh David; nindahnis ookeche‐kooduggeëgoon enewh mujje‐muhnedoon.
23Ween dush kah kuhnuhga pazhig ekedoowin oogenuhquatuhwahseen; oogepepahgoosanemegoon ookekenooahmahgunun, oo‐oo ekedoonid, Mahjenahzhow, kemookahwahnegoonaun gooshah.
24Oogenuhquatuhwaun dush oo‐oo oogeënaun, Kahween bakahnezejig nindoonje‐ahnoonegoose, me atuh egewh waneshengig mahneshtahneshug Israëling dabandahgoozejig wanje‐ahnoonegooyaun.
25Oogepeshahgushketahwaun oo‐oo dush keënaud, Tabaningayun, wedookahweshin.
26Oogenuhquatuhwaun, oo‐oo dush oogeënaun, Kahween tahoonesheshinsenoon chemuhkummindwah egewh wanejahneseminjig, oobuhquazhegunemewah, egewh dush uhnemoonshug cheähpuhgenuhmahwindwah.
27Oo‐oo keëkedoo, Aahe, Tabaningayun: anewak egeneen goo egewh uhnemoonshug oomeejenahwah enewh eshquunjegunun wanje‐pungesingin emuh ooduhdoopoowinening enewh tabanemegoowahjin.
28Jesus dush oogenuhquatuhwaun oo‐oo keënaud, Equa, keche‐enandahgwud suh kedabwayanduhmoowin; azhenundahwanduhmun me ewh kadoodahgooyun. Me dush goo uhpe kenoojemooëmind enewh oodahnun.
29Jesus dush emuh keöonjemahjah, keëzhah dush emuh cheguhyeëe Galilee kechegummeeng kuhya keähmujjewad emuh wahjewing, kewuhwanuhbe dush emuh.
30Oogepenaunzekahgoon dush nebewah ahneshenahban, peähyahwahnid mamaunejekoozenejin, kakepeengwanejin, kuhya natahkekedoosenegoon, mamahkezenejin kuhya nebewah bakahnezenejin, keähpuggenahwaud dush emuh oosittaung Jesus, oogenoojemooäun dush.
31Kemahmahkahdanduhmoog dush egewh ahneshenahbag, uhpe kahwahbuhmahwaud enewh natuh‐kekedoosenegoon kekedoonid, enewh mamahkezenejin kuhyundahwezenid, enewh mamaunjekoozenejin pahbahmoosanid, kuhya kakepeengwanejin wahbenid. Me dush kewahwezhanemahwaud enewh ookesha‐Muhnedoomun owh Isräel.
32Uhpe dush owh Jesus kahnundoomaud enewh ookekenooähmahgunun, oo‐oo keëkedoo, Neketemahganemaug egewh ahneshenahbag, ahzhe muh nesoogoon newejewegoog oomah, Kah dush kagoo oodahyaunsenahwah kameejewaud; kahween neminwanduhseen chemahjenahzhahwugwah magwah puhkuddawaud, koonemah suh tahgepwahnuhwetoowug ningooje emuh meekunaung.
33Ookekenooähmahgunun oo‐oo oodegoon, Ahneende dush menik kaöondenuhmaungoobun ewh buhquazhegun oomah puhgwuduhkumegaug chegetabesenewahpun oogoo kache‐mahmahwenoojig?
34Jesus dush oo‐oo oodenaun, Ahneen menik ahyahwagwah buhquazhegunug? oo‐oo dush oogeëgoon, Neezhwahswe kuhya punge gegoozansug.
35Oogeënaun dush enewh ahneshenahban chenuhmuhduhbenid emuh metahkummig.
36Oogeöodahpenaun dush enewh neezhwahswe buhquazhegunun kuhya dush enewh gegoosansun, uhpe dush kahmahmooyahwad, oogepuhquabenaun, oogemeenaun dush enewh ookekenooähmahgunun, kuhya dush kekenooahmahgunug oogemeenahwaun enewh ahneshenahban.
37Kuhkenuh dush kewesenewug kuhya ketabesenewug; oogemahmoonahwaun dush enewh pewunjegunun kaheshkoosagin neezhwahswe ookookoobenahgunun mooshkin.
38Egewh dush enenewug kahwesenejig kenewin‐metauswaukoosewug, kahween keühgemahsewug equawug kuhya ahbenoojeyug.
39Uhpe dush kahpuggedenaud enewh ahneshenahban, kepooze emuh nahbequauning, keëzhah dush emuh Magdala enuhkagaum.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.