St Matthew 14
14
1Medush ewh uhpe owh Herod Tetrarch kenoondung ewh anahjememind Jesusun.
2Oo‐oo dush oogeënaun oobuhmeetahgunun, Mesuh wah‐owh John Baptizewa‐wenene keähbejebaud; mesuh wanjeähnookemahguk keche‐kushkeäwezewinun emuh ooweyowing.
3Owh muh Herod ketuhkoonahgoobun Johnun, keminjemahpenaud dush, kuhya keähsaud emuh kebahquahoodeweguhmigoong, Herodiasun oonje oowewene wejekewayun Philip.
4John muh oo‐oo oogeënaun, Kahween ooneshinsenoon cheähyahwud owh equa.
5Uhpe dush enandungebun wenesaud, oogekoosaun enewh ahneshenahban, aunwahjega‐wenene muh oogeühyenanemahwaun.
6Uhpe dush kewekoonding ketebishkoosanig Herod oonegewe‐kezhegoom, kenemewun owh Herodias oodahnun emuh nahwuhyaheeng ahyahwaud, kemenwandum dush Herod.
7Me dush kemushkahwe‐wahweendahmahgad chemeenaud wagoodoogwan egoo nanduhwanduhmenegwan.
8Owh dush ooshkenegequa, kezhah kahezheähnoonegood enewh oogeen, oo‐oo keëkedoo, Meezheshin suh oomah keche‐oonahguning ooshtequaun owh John Baptizooëwa‐wenene.
9Keminjenahwaze dush owh keche‐oogemah; ewh kemushkahwe‐wahweendahmahgad, kuhya dush kekekanemegood enewh wuhdoopuhmegoojin, keoonjeënahkoonegad chemeenemind.
10Keähnooke dush, chekishkequaöomind Johnun emuh kebahquahoode‐weguhmigoong.
11Ewh dush ooshtequaun kepechegahdane emuh kecheoonahguning, kemeenind dush owh ooshkenegequa; oogemahjetahwaun dush enewh oogeen.
12Kepeëzhahwun dush ookekenooähmahgunun, keöodahpenuhmoowaud ewh weyow, kuhya keningwahuhmoowaud, oogeähwe‐weenduhmoowahwaun dush Jesusun.
13Uhpe dush kahnoondung owh Jesus, ewede këoonje-mahjah nahbequaun ahyood, keëzhaud emuh buhgwuhduhkumegaug chenezhekawezid: uhpe dush kahnoonduhmoowaud egewh ahneshenahbag, emuh uhyoodanahwunenig oogeoonjenoopenuhnahwaun, keühnebemoosawaud emuh uhkeeng.
14Keühnekuhbaud Jesus, oogewahbuhmaun nebewah ahneshenahban, oogeketemahganemaun dush, kuhya dush oogenoojemootuhmahwaun enewh ahyahkoozenejin.
15Uhpe dush kahoonahgooshig, oogepenaunzekahgoon enewh ookekenooahmahgunun, oo‐oo dush keëkedoonid, Puhgwuhduhkumegah suh oomah, zhuhyegwah kuhya weoonahgooshe, puggedin egewh ahneshenahbag cheëzhahwaud emuh oodanaunsing, chekeshpenuhtahmahdezoowaud ewh mejim.
16Jesus dush oo‐oo oogeënaun, Kahween tahmahjahsewug; kenuhwah ahshumik.
17Oo‐oo dush oogeënahwaun, Kahween gagoo oomah nindahyaunsemin, me atuh nahnun buhquazhegunun, kuhya neezh gegooyug.
18Oo‐oo keëkedoo, Petuhmahweshig suh.
19Uhpe dush kahekedood, enewh ahneshenahban chenuhmuhduhbenid emuh mezhushkookaung, keöodahpenaud dush enewh nahnun buhquazhegunun kuhya neezh gegooyun, kezhegoong dush keënahbe, kemahmooyuhwad, kuhya kebuhquabenaud, oogeënenuhmahwaun kekenooahmahgunun enewh buhquazhegunun, kuhya egewh kekenooahmahgunug oogeënenuhmahwahwaun enewh ahneshenahban.
20Kuhkenuh dush kewesenewug, ketabesenewaud; oogeöodahpenahnahwaun dush enewh pewunjegunun kaheshkoosagin, metahswe‐ahshe‐neezh ookookoobenahgunun mooshkin.
21Egewh dush enenewug kahwesenejig kenahnun‐metauswaukoosedooganug, kahween keüggemahsewug egewh equawug kuhya egewh ahbenoojeyug.
22Bahbega dush Jesus oogeguhgaunzoomaun enewh ookekenooähmahgunun ketwa chepoosenid emuh nahbequauning, kuhya cheühnenegahnenid ewede ahgahming, nahnauzh ween mahjenahzhahwaud enewh aneshenahban.
23Uhpe dush kahmahjenahzhahwaud enewh ahneshenahban, keähmujjewa emuh wahjewing, nezheka cheähnuhmeäud: uhpe dush kahuhneöonahgooshenig kenezhekaweze emuh.
24Ewh dush nahbequaun ahzhe emuh nahwuhgaum ahgwindagoobun, bahbahmewabuhung oonjeshkuhwahne-mudenegoobun muh.
25Nahwoo‐tebahegunadenig dush magwah tebekudenig Jesus oogenaunzekahwaun, bemoosad emuh oogetebeeg.
26Egewh dush kekenooahmahgunug uhpe wuhyahbuhmahwaud bemoosanid emuh oogedebeeg, kesagezewug, oo‐oo keëkedoowaud, Cheby suh goo; keähyahshequawug, dush apeech kesagezewaud.
27Bahbega dush Jesus oogeguhnoonaun, keëkedood Soongedaäyook, neen suh ween, kagoo sagezekagoon.
28Peter dush oogenuhquatuhwaun, oo‐oo dush oogeënaun, Tabaningayun, keshpin keen ahyahweyun, ezheshin chenaunzekoonaun emuh oogetebeeg.
29Oo‐oo dush oogeëgoon, Pemahjaun: Peter dush kahpenesaunduhwad emuh nahbequauning, kebemoosa emuh oogetebeeg chepenaunzekahwaud enewh Jesusun.
30Uhpe dush wuhyahbundung keche‐nootenenig, kesageze; anemahje‐koonzahbid keähyahshequa, oo‐oo dush keëkedood, Tabaningayun, bemahjeëshin.
31Kazhetena dush Jesus kezhebenekane, kenuhwuhdenaud, oo‐oo dush keënaud, Ahgahwah duhyabwayanduhmun, ahneshwin kahahnuhwanemooyun?
32Uhpe dush kahpoozewaud emuh nahbequauning, kepoonahnemud.
33Egewh dush peendonug kahahyahjig oogepeshahgushketahwahwaun, oo‐oo keëkedoowaud, Kagate suh goo kedow oogwissun owh Kesha‐Muhnedoo.
34Uhpe dush kahahzhahwahoowaud, keëzhahwug emuh Genesereth duhzhe uhkeeng.
35Uhpe dush egewh enenewug emuh anduhnuhkejig kakanemahwaud, oogeëzhenahzhahwahwaun emuh kuhkenuh kewetuhkummig, enewh kapetahwahnejin Jesusun kuhkenuh enewh ahyahkoozenejin.
36Ogenundoodahmahwahwaun dush kuhnuhga chetaungenuhmoowaud emuh tuhtebegwahdanig ewh oopesekoowahgun; Kuhkenuh dush menik kahtaungenahmoowaud keähpeche‐noojemooähwug.
Currently Selected:
St Matthew 14: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
St Matthew 14
14
1Medush ewh uhpe owh Herod Tetrarch kenoondung ewh anahjememind Jesusun.
2Oo‐oo dush oogeënaun oobuhmeetahgunun, Mesuh wah‐owh John Baptizewa‐wenene keähbejebaud; mesuh wanjeähnookemahguk keche‐kushkeäwezewinun emuh ooweyowing.
3Owh muh Herod ketuhkoonahgoobun Johnun, keminjemahpenaud dush, kuhya keähsaud emuh kebahquahoodeweguhmigoong, Herodiasun oonje oowewene wejekewayun Philip.
4John muh oo‐oo oogeënaun, Kahween ooneshinsenoon cheähyahwud owh equa.
5Uhpe dush enandungebun wenesaud, oogekoosaun enewh ahneshenahban, aunwahjega‐wenene muh oogeühyenanemahwaun.
6Uhpe dush kewekoonding ketebishkoosanig Herod oonegewe‐kezhegoom, kenemewun owh Herodias oodahnun emuh nahwuhyaheeng ahyahwaud, kemenwandum dush Herod.
7Me dush kemushkahwe‐wahweendahmahgad chemeenaud wagoodoogwan egoo nanduhwanduhmenegwan.
8Owh dush ooshkenegequa, kezhah kahezheähnoonegood enewh oogeen, oo‐oo keëkedoo, Meezheshin suh oomah keche‐oonahguning ooshtequaun owh John Baptizooëwa‐wenene.
9Keminjenahwaze dush owh keche‐oogemah; ewh kemushkahwe‐wahweendahmahgad, kuhya dush kekekanemegood enewh wuhdoopuhmegoojin, keoonjeënahkoonegad chemeenemind.
10Keähnooke dush, chekishkequaöomind Johnun emuh kebahquahoode‐weguhmigoong.
11Ewh dush ooshtequaun kepechegahdane emuh kecheoonahguning, kemeenind dush owh ooshkenegequa; oogemahjetahwaun dush enewh oogeen.
12Kepeëzhahwun dush ookekenooähmahgunun, keöodahpenuhmoowaud ewh weyow, kuhya keningwahuhmoowaud, oogeähwe‐weenduhmoowahwaun dush Jesusun.
13Uhpe dush kahnoondung owh Jesus, ewede këoonje-mahjah nahbequaun ahyood, keëzhaud emuh buhgwuhduhkumegaug chenezhekawezid: uhpe dush kahnoonduhmoowaud egewh ahneshenahbag, emuh uhyoodanahwunenig oogeoonjenoopenuhnahwaun, keühnebemoosawaud emuh uhkeeng.
14Keühnekuhbaud Jesus, oogewahbuhmaun nebewah ahneshenahban, oogeketemahganemaun dush, kuhya dush oogenoojemootuhmahwaun enewh ahyahkoozenejin.
15Uhpe dush kahoonahgooshig, oogepenaunzekahgoon enewh ookekenooahmahgunun, oo‐oo dush keëkedoonid, Puhgwuhduhkumegah suh oomah, zhuhyegwah kuhya weoonahgooshe, puggedin egewh ahneshenahbag cheëzhahwaud emuh oodanaunsing, chekeshpenuhtahmahdezoowaud ewh mejim.
16Jesus dush oo‐oo oogeënaun, Kahween tahmahjahsewug; kenuhwah ahshumik.
17Oo‐oo dush oogeënahwaun, Kahween gagoo oomah nindahyaunsemin, me atuh nahnun buhquazhegunun, kuhya neezh gegooyug.
18Oo‐oo keëkedoo, Petuhmahweshig suh.
19Uhpe dush kahekedood, enewh ahneshenahban chenuhmuhduhbenid emuh mezhushkookaung, keöodahpenaud dush enewh nahnun buhquazhegunun kuhya neezh gegooyun, kezhegoong dush keënahbe, kemahmooyuhwad, kuhya kebuhquabenaud, oogeënenuhmahwaun kekenooahmahgunun enewh buhquazhegunun, kuhya egewh kekenooahmahgunug oogeënenuhmahwahwaun enewh ahneshenahban.
20Kuhkenuh dush kewesenewug, ketabesenewaud; oogeöodahpenahnahwaun dush enewh pewunjegunun kaheshkoosagin, metahswe‐ahshe‐neezh ookookoobenahgunun mooshkin.
21Egewh dush enenewug kahwesenejig kenahnun‐metauswaukoosedooganug, kahween keüggemahsewug egewh equawug kuhya egewh ahbenoojeyug.
22Bahbega dush Jesus oogeguhgaunzoomaun enewh ookekenooähmahgunun ketwa chepoosenid emuh nahbequauning, kuhya cheühnenegahnenid ewede ahgahming, nahnauzh ween mahjenahzhahwaud enewh aneshenahban.
23Uhpe dush kahmahjenahzhahwaud enewh ahneshenahban, keähmujjewa emuh wahjewing, nezheka cheähnuhmeäud: uhpe dush kahuhneöonahgooshenig kenezhekaweze emuh.
24Ewh dush nahbequaun ahzhe emuh nahwuhgaum ahgwindagoobun, bahbahmewabuhung oonjeshkuhwahne-mudenegoobun muh.
25Nahwoo‐tebahegunadenig dush magwah tebekudenig Jesus oogenaunzekahwaun, bemoosad emuh oogetebeeg.
26Egewh dush kekenooahmahgunug uhpe wuhyahbuhmahwaud bemoosanid emuh oogedebeeg, kesagezewug, oo‐oo keëkedoowaud, Cheby suh goo; keähyahshequawug, dush apeech kesagezewaud.
27Bahbega dush Jesus oogeguhnoonaun, keëkedood Soongedaäyook, neen suh ween, kagoo sagezekagoon.
28Peter dush oogenuhquatuhwaun, oo‐oo dush oogeënaun, Tabaningayun, keshpin keen ahyahweyun, ezheshin chenaunzekoonaun emuh oogetebeeg.
29Oo‐oo dush oogeëgoon, Pemahjaun: Peter dush kahpenesaunduhwad emuh nahbequauning, kebemoosa emuh oogetebeeg chepenaunzekahwaud enewh Jesusun.
30Uhpe dush wuhyahbundung keche‐nootenenig, kesageze; anemahje‐koonzahbid keähyahshequa, oo‐oo dush keëkedood, Tabaningayun, bemahjeëshin.
31Kazhetena dush Jesus kezhebenekane, kenuhwuhdenaud, oo‐oo dush keënaud, Ahgahwah duhyabwayanduhmun, ahneshwin kahahnuhwanemooyun?
32Uhpe dush kahpoozewaud emuh nahbequauning, kepoonahnemud.
33Egewh dush peendonug kahahyahjig oogepeshahgushketahwahwaun, oo‐oo keëkedoowaud, Kagate suh goo kedow oogwissun owh Kesha‐Muhnedoo.
34Uhpe dush kahahzhahwahoowaud, keëzhahwug emuh Genesereth duhzhe uhkeeng.
35Uhpe dush egewh enenewug emuh anduhnuhkejig kakanemahwaud, oogeëzhenahzhahwahwaun emuh kuhkenuh kewetuhkummig, enewh kapetahwahnejin Jesusun kuhkenuh enewh ahyahkoozenejin.
36Ogenundoodahmahwahwaun dush kuhnuhga chetaungenuhmoowaud emuh tuhtebegwahdanig ewh oopesekoowahgun; Kuhkenuh dush menik kahtaungenahmoowaud keähpeche‐noojemooähwug.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.