St Matthew 1
1
1Mesuh oo‐oo muzzeneëgun tabahjemoomahguk ewh kahoondahdezid owh Jesus Christ, oogwissun owh David Abraham oogwissun.
2Abraham oogeöogwissenun Isaacun; Isaac dush oogeöogwissenun Jacobun; Jacob dush oogeöogwissenun Judasun kuhya weejekewaëne.
3Judas dush oogeöogwissenun Pharezun kuhya Zaraün Thamarun oonje; kuhya dush owh Pharez oogeöogwissenun Ezromun; kuhya dush owh Ezrom oogeöogwissenun Aramun.
4Kuhya dush owh Aram oogeöogwissenun Aminadabun; kuhya dush owh Aminadab oogeöogwissenun Naasonum kuhya dush Naason oogeöogwissenun Salmonun.
5Kuhya dush owh Salmon oogeöogwissenun Boozun Rachabun oonje; Kuhya dush owh Booz oogeöogwissenun Obedun Ruthun oonje: kuhya dush owh Obed oogeöogwissenun Jesseün.
6Kuhya dush owh Jesse oogeöogwissenun Davidun keche‐oogemaun; kuhya David keche‐oogemah oogeöogwissenun Solomonun oonje owh Uriah kahwedegamahpuneen.
7Kuhya dush owh Solomon oogeöogwissenun Roboamun; kuhya owh Roboam oogeöogwissenun Abiaün; kuhya dush owh Abia oogeöogwissenun Asaün.
8Kuhya dush owh Asa oogeöogwissenun Joshaphatun; kuhya dush owh Josaphat oogeöogwissenun Joramun; kuhya dush owh Joram oogeöogwissenun Oziäzun.
9Kuhya dush owh Ozias oogeöogwissenun Joathamun; kuhya dush owh Joatham oogeöogwissenun Achazun; kuhya dush owh Achaz oogeöogwissenun Ezekiasun.
10Kuhya Ezekias oogeöogwissenun Manassesun; kuhya dush owh Manasses oogeöogwissenun Amonun; kuhya Amon oogeöogwissenun Josiasun.
11Kuhya dush owh Josias oogeöowissenun Jechoniasun kuhya weejekewaëne ewh uhpe keëzhewenindwah emuh Babyloning.
12Uhpe dush kahpenindwah emuh Babyloning, owh Jechonias oogeöogwissenun Salathielun; kuhya dush owh Salathiel oogeöogwissenun Zorobabelun.
13Kuhya dush owh Zorobabel oogeöogwissenun Abiudun; kuhya dush owh Abiud oogeöogwissenun Eliakimun; kuhya dush owh Eliakim oogeöogwissenun Azorun.
14Kuhya dush owh Azor oogeöogwissenun Zadocun; kuhya dush owh Zadoc oogeöogwissenun Achimun; kuhya dush owh Achim oogeöogwissenun Eliudun.
15Kuhya dush owh Eliud oogeöogwissenun Eliazarun; kuhya dush owh Eliazar oogeöogwissenun Matthanun kuhya dush owh Matthan oogeöogwissenun Jacobun.
16Kuhya dush owh Jacob oogeöogwissenun Josephun oonahbamun owh Mary, mesuh enewh kahnegeëgood Jesus, Christ anind.
17Mesuh kuhkenuh ahneka‐bemahdezewinun Abraham oonje nahnauzh egoo David metahswe‐ahshe‐newinoon ahneka‐bemahdezewinun; kuhya David oonje nahnauzh egoo keëzheweneding emuh Babyloning metahswe‐ahshe‐newinoon ahneka‐bemahdezewinun; kuhya kahahkoo-ezheweneding emuh Babyloning nahnauzh egoo Christ metahswe ahshe‐newinoon ahneka‐bemahdezewinun.
18Oo‐oo suh keëzhenege owh Jesus Christ: Uhpe enewh oogeen Maryun kahkekekwabahnegoonid Josephun, chepwah wedegandewaud, kekekandahgooze keähyahwaud ahbenoojeyun oonje enewh Keche‐oojechaugwun.
19Oonahbamun dush Joseph, menoobemahdezenegoobun, kah dush oogeënanemahseen mezheshuh chekekanememind, keënandum edush ewh keemooj chewabenaud.
20Magwah oonoo uhyeëen nahnahgahdahwandung, benuh oogepenaunzekahgoon oodangenemun owh Tabanengad emuh enahbunduhmoowining, akedoonid, Joseph wagwesemik owh David, kago ween shahgwanemookan cheöodahpenuhmahzooyun owh Mary kewedegamahgun, ewh muh kakishkingin Keche oojechaugoong oonje mahkunene.
21Oogahnegeäun dush enewh oogwissisemaun, Jesus dush kegahezheweenah, oogahbemahjeäun muh oodahneshenahbamun oonje oomujje‐ezhewabezeweneneeng.
22Kuhkenuh dush oo‐oo keëzhewabud chedebishkoosag kahekedoopun owh Tabanengad, oonje aunwahjega‐wenenewun.
23Benuh owh kegaungooqua oogahahyahwaun ahbenoojeün, oogahnegeäun dush enewh oogwissisun, Emmanuel dush oogahedahnahwah oodoonoozoowin, me suh ahneekuhnootuhming, Kesha‐Muhnedoo waujeweemenung.
24Kahooneshkaud dush owh Joseph ewh kenebaud, keëzhechega ewh kahegood enewh Kesha Muhnedoo oodangenemun, keöodahpenaud dush enewh wewun.
25Kah dush oogekekanemahseen nahnauzh egoo kahnegeähnid enewh oonetumoozhahnun oogwissun, Jesus dush oogeëzheweendaun oodoonoozoowin.
Currently Selected:
St Matthew 1: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
